India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 5, 2024
டிராவிட்டை சமாதானப்படுத்த முயற்சித்த ரோஹித் ஷர்மா
ராகுல் டிராவிட் தலைமைப் பயிற்சியாளராக நீடிக்க சமாதானப்படுத்த தான் முயற்சித்ததாக இந்திய அணியின் கேப்டன் ரோஹித் ஷர்மா கூறியுள்ளார். தனது கோரிக்கையை ஏற்பதற்கு டிராவிட் தயாராக இல்லை எனக் கூறிய அவர், தலைமைப் பயிற்சியாளர் பதவியில் இருந்து டிராவிட் விலகுவது தனக்கு மிகவும் வேதனை அளிக்கிறது என்றார். ராகுல் டிராவிட்டின் பதவி காலம் டி20 உலகக் கோப்பை தொடருடன் நிறைவடைய உள்ளது.
News June 5, 2024
டெல்லியில் இன்று அமைச்சரவைக் கூட்டம்
தேர்தல் முடிவுகள் பாஜக ஆட்சியமைப்பதற்கு சாதகமாக உள்ள நிலையில் அமைச்சரவையை கூட்டியிருக்கிறார் பிரதமர் மோடி. இன்று காலை 11 மணிக்கு டெல்லியில் மத்திய அமைச்சரவை கூடுகிறது. மூன்றாவது முறையாக ஆட்சியமைக்கவிருக்கும் பாஜகவின் நகர்வுகள் உற்று நோக்கப்படுகின்றன. இன்றைய அமைச்சரவை கூட்டத்தில் என்ன முடிவுகள் எடுக்கப்படும் என்று நீங்கள் நினைக்கிறீர்கள்?
News June 5, 2024
Result: பிஹாரில் பாஜக கூட்டணி 29 தொகுதிகளில் வெற்றி
பிஹார் மாநிலத்தில் 40 தொகுதிகளில் ஜேடியு, பாஜக, லோக் ஜனசக்தி, ஹிந்துஸ்தானி அவாம் மோர்ச்சா கூட்டணி அமைத்து போட்டியிட்டன. மறுமுனையில் காங்கிரஸ், ஆர்ஜேடி கூட்டணி அமைத்து போட்டியிட்டன. இதில் ஜேடியு, பாஜக தலா 12 தொகுதிகளிலும், லோக் ஜனசக்தி 5 தொகுதிகளிலும், ஹிந்துஸ்தானி அவாம் மோர்ச்சா 4 தொகுதியிலும் வென்றுள்ளன. ஆர்ஜேடி 4, காங்கிரஸ் 3, மார்க்சிஸ்ட் 2, சுயேச்சை 1 தொகுதிகளில் வென்றுள்ளன.
News June 5, 2024
தமிழகத்தில் பாஜக வளர்ந்துவிட்டதா?
தமிழகத்தில் பாஜக 11.2% வாக்குகள் பெற்றிருந்தாலும் சராசரி வாக்கு சதவீதம் சரிந்திருக்கிறது. 2019 தேர்தலில் 5 தொகுதிகளில் போட்டியிட்ட பாஜக, 3.66% வாக்குகள் பெற்றது. அதாவது, சராசரியாக தொகுதிக்கு 0.7.%. ஆனால், 2024 தேர்தலில் 19 தொகுதிகளில் போட்டியிட்டு 11.2% வாக்குகள் பெற்றிருக்கும் பாஜக, சராசரியாக தொகுதிக்கு 0.58% வாக்குகள் மட்டுமே பெற்றிருக்கிறது. இதனை வளர்ச்சியாக கணக்கில் கொள்ளலாமா?
News June 5, 2024
ருண ரோக விமோசன பிரதோஷம்
செவ்வாய் கிழமைகளில் வரும் பிரதோஷத்தை ருண ரோக விமோசன பிரதோஷம் என்று சைவக்குரவர்கள் அழைக்கின்றனர். சிறப்பு வாய்ந்த அந்த பிரதோஷ நாளன்று ஈசனுக்கு விரதமிருந்து, கோயிலுக்குச் சென்று நந்தித் தேவருக்கு சிறப்பு வழிபாடு செய்து, அவரின் கொம்புகளின் வழியாகவே சிவனை தரிசித்து, வில்வ இலை மாலை சாற்றி, திருவாசகம் பாடி, நெய் விளக்கேற்றி வணங்கினால் கடன் & நோய்கள் ஆகியவை தீரும் என்பது ஐதீகம்
News June 5, 2024
7 தொகுதிகளில் டெபாசிட் இழந்த அதிமுக
தமிழகத்தில் நடந்த மக்களவைத் தேர்தலில், அதிமுக 7 தொகுதிகளில் டெபாசிட் இழந்துள்ளது. தென் சென்னை, கன்னியாகுமரி, புதுச்சேரி, தேனி, தூத்துக்குடி, நெல்லை, வேலூர் ஆகிய 7 தொகுதிகளில் அதிமுக சார்பில் போட்டியிட்ட வேட்பாளர்கள் டெபாசிட் இழந்துள்ளனர். மேலும், 9 தொகுதிகளில் 3ஆம் இடத்தையும், 3 தொகுதிகளில் 4ஆம் இடத்தையும் அதிமுக பிடித்துள்ளது. 20.47% வாக்குகள் பெற்ற அதிமுக ஒரு தொகுதியில் கூட வெற்றி பெறவில்லை.
News June 5, 2024
கட்சிகள் வாரியாக பெற்ற வெற்றி விவரம்
பாஜக – 240
காங்கிரஸ் – 99
சமாஜ்வாதி – 37
திரிணாமுல் – 29
திமுக – 22
தெலுங்கு தேசம் – 16
ஐக்கிய ஜனதா தளம் – 12
சிவசேனா (உத்தவ்) – 9
News June 5, 2024
2.18 லட்சம் வாக்குகள் பெற்று நோட்டா புதிய சாதனை
ம.பி. மாநிலம் இந்தூர் தொகுதியில்,2,18,674 வாக்குகள் பெற்று நோட்டா புதிய சாதனை படைத்துள்ளது. காங்., வேட்பாளர் அக்ஷய் கண்டி கடைசி நேரத்தில் பாஜகவில் இணைந்ததால், நோட்டாவுக்கு வாக்களிக்குமாறு காங்., பிரசாரம் மேற்கொண்டது. இதனால், பாஜகவின் சங்கர் லால்வானி 12,26,751 வாக்குகள் பெற்று வெற்றி பெற்றார். இதற்கு முன்னதாக, 2019இல் நடந்த எம்.பி. தேர்தலில் பீகாரில் 51,660 வாக்குகள் பதிவானதே அதிகபட்சமாக இருந்தது.
News June 5, 2024
பாஜக கூட்டணியில் நீடிப்போம்
I.N.D.I.A கூட்டணியை ஆதரிக்கும் பேச்சுக்கே இடமில்லை என்று தெலுங்கு தேசம் கட்சி மூத்த தலைவர் கனகமேடலா ரவீந்திர குமார் கூறியுள்ளார். ஆந்திராவில் பாஜக, ஜனசேனா கட்சிகளுடனான தங்கள் கூட்டணி, அரசியல் கணக்கு மட்டுமின்றி நம்பகத்தன்மை சம்பந்தப்பட்டது என்றும், எனவே, பாஜக கூட்டணியிலேயே நீடிப்போம் என்றும் தெரிவித்தார். மேலும், இந்த கூட்டணி, ஆந்திராவின் வளர்ச்சிக்கான பாதை ஆகும் எனக் குறிப்பிட்டார்.
News June 5, 2024
வெற்றியுடன் தொடங்குமா இந்திய அணி?
இந்தியா – அயர்லாந்து இடையேயான டி20 உலகக் கோப்பை போட்டி, இன்றிரவு 8 மணிக்கு நியூயார்க்கில் நடைபெற உள்ளது. இப்போட்டிக்காக, இந்திய அணியினர் தீவிர பயிற்சி மேற்கொண்டு வருகின்றனர். இது இந்திய அணியின் முதல் லீக் போட்டி என்பதால், டி20 உலகக்கோப்பையை வெற்றியுடன் தொடங்குமா என ரசிகர்கள் ஆவலுடன் உள்ளனர். இந்தியாவுக்கு எதிரான டி20 போட்டியில், அயர்லாந்து ஒருமுறை கூட வென்றதில்லை என்பது குறிப்பிடத்தக்கது.
Featured News
Sorry, no posts matched your criteria.