India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 25, 2025
பயங்கர நிலநடுக்கம்
நியூசிலாந்தில் சக்தி வாய்ந்த நிலநடுக்கம் ஏற்பட்டுள்ளது. தென்மேற்கு பகுதியில் கடலுக்கு அடியில் ஏற்பட்ட இந்த நிலநடுக்கம் ரிக்டர் அளவு கோலில் 7ஆக பதிவாகியுள்ளது. இதனால், பல்வேறு நகரங்கள் குலுங்கியதால், மக்கள் வீடுகளை விட்டு வெளியேறி, சாலையில் தஞ்சம் புகுந்தனர். இதன் பாதிப்பு குறித்து உடனடியாக எந்த தகவலும் வெளியாகவில்லை. அதேபோல், சுனாமி எச்சரிக்கையும் விடுக்கப்படவில்லை.
News March 25, 2025
கோடையை சமாளிக்க சென்னையில் ஏசி ரயில்!
வரும் ஏப்ரல் முதல் வாரத்தில் இருந்து சென்னையில் ஏசி மின்சார ரயில் இயக்கப்படும் என தெற்கு ரயில்வே அறிவித்துள்ளது. கோடை வெயில் சுட்டெரிக்கத் தொடங்கி இருக்கும் நிலையில், ஆபீஸ் செல்பவர்கள் வசதிக்காக சென்னையில் மின்சார ரயில் இயக்க திட்டமிடப்பட்டுள்ளது. அதன்படி கடற்கரை – செங்கல்பட்டு இடையே 2 சேவைகளும், தாம்பரம் – கடற்கரை இடையே ஒரு சேவையும் இயக்கப்படவுள்ளது.
News March 25, 2025
மறந்துக்கூட வீட்டில் இங்க லட்சுமி படத்தை வெச்சுராதீங்க!
வாஸ்து சாஸ்திரத்தின் படி, வீட்டில் லட்சுமிதேவியின் படம் அல்லது விக்கிரகத்தை வடக்கு அல்லது வடக்கிழக்கு திசையில் வைக்க வேண்டுமாம். அதுவே, மங்களகரமானதாம். இதுதவிர, தாமரை மலரில் அமர்ந்து செல்வத்தை பொழியும் லட்சுமி தேவியின் படத்தை இந்த திசையில் வைத்தால் வீட்டில் பணத்திற்கு தட்டுப்பாடு வராது என்ற நம்பிக்கை உள்ளது. தவறுதலாக கூட தெற்கு, தென்மேற்கு திசையில் வைக்க வேண்டாம் எனவும் குறிப்பிடப்படுகிறது.
News March 25, 2025
ஷிண்டேவிடம் மன்னிப்பு கேட்கமாட்டேன்: குணால்
மஹாராஷ்டிரா Dy CM ஏக்நாத் ஷிண்டேவை காமெடி ஷோவில் கலாய்த்ததற்காக மன்னிப்பு கோர போவதில்லை என குணால் கம்ரா திட்டவட்டமாக தெரிவித்துள்ளார். சிறிய ஜோக்கை கூட ஏற்க மனமில்லாத அதிகாரம் படைத்தவர்களுக்காக உரிமையை விட்டுக் கொடுக்க முடியாது. சட்டத்திற்கு விரோதமாக நிகழ்ச்சியில் எதையும் பேசவில்லை. என் மீது சட்டரீதியான நடவடிக்கை எடுத்தாலும் சந்திக்க தயார் எனவும் அறிக்கை வெளியிட்டுள்ளார்.
News March 25, 2025
Tollgate கட்டணம் ₹5 முதல் ₹25 வரை உயர்வு
தமிழகத்தில் செயல்பாட்டில் உள்ள 78 சுங்கச்சாவடிகளில் 40இல் ஏப்ரல் 1 முதல் வாகனங்களுக்கான <<15874351>>கட்டணம் <<>>உயர்த்தப்படுகிறது. அதன்படி, ₹5 முதல் ₹25 வரை கட்டணம் அதிகரிக்கிறது. எஞ்சி உள்ள 38 சுங்கச்சாவடிகளில் 2ம் கட்டமாக செப்டம்பர் 1 முதல் கட்டணம் உயர்த்தப்படும் எனத் தகவல் வெளியாகியுள்ளது. கடந்த 2 ஆண்டுகளில் மட்டும் 12 சுங்கச்சாவடிகள் புதிதாக திறக்கப்பட்டன என்பது குறிப்பிடத்தக்கது.
News March 25, 2025
IPL: இன்று பஞ்சாப் VS குஜராத் மோதல்
IPL தொடரில் இன்று GT – PBKS அணிகள் மோதுகின்றன. அகமதாபாத் மைதானத்தில் இரவு 7.30 மணிக்கு போட்டி தொடங்குகிறது. IPL வரலாற்றில் இவ்விரு அணிகளும் இதுவரை 5 முறை நேருக்கு நேர் மோதியுள்ளன. அதில், GT 3 முறையும், PBKS 2 முறையும் வெற்றி பெற்றுள்ளன. கடந்த சீசனில் KKR அணிக்காக கோப்பை வென்ற ஷ்ரேயாஸ் ஐயர், இந்த சீசனில் PBKS அணியின் கேப்டனாக உள்ளார். கில் GTயின் கேப்டனாக உள்ளார்.
News March 25, 2025
உங்களை வெற்றியாளராக மாற்றும் ‘6’ பழக்கங்கள்..!
ஒருவரிடம் இருக்கும் சில பழக்க வழக்கங்கள் தான் அவரை வெற்றியாளராக மாற்றுகிறது *என்ன செய்ய வேண்டும் என்பதில் தெளிவான சிந்தனை கொண்டி இருப்பார்கள் *குறை சொல்பவர்களை கண்டு கொள்ள மாட்டார்கள் *வாழ்வில் அவ்வப்போது ரிஸ்க் எடுப்பார்கள் *எடுத்த காரியத்தில் பின்வாங்க மாட்டார்கள் *ஒரு விஷயத்தை தள்ளிப்போடும் பழக்கம் இருக்காது *உடல் ஆரோக்கியத்தில் கவனம் செலுத்துவார்கள். நீங்களும் ஃபாலோ பண்ணுங்க!!
News March 25, 2025
நாளை முதல் கோடை விடுமுறை ஆரம்பம்
மார்ச் 3ஆம் தேதி தொடங்கிய +2 பொதுத் தேர்வு இன்றுடன் நிறைவடைகிறது. இதனால், 12ஆம் வகுப்பு மாணவர்களுக்கு நாளை முதலே கோடை விடுமுறை தொடங்குகிறது. அதேபோல், நாளை மறுநாளுடன் 11ஆம் வகுப்பு மாணவர்களுக்கான பொதுத்தேர்வு முடிவடைவதால், அவர்களுக்கு வெள்ளிக்கிழமை முதல் கோடை விடுமுறை தொடங்குகிறது. விடுமுறையை மகிழ்ச்சியாக கொண்டாட, இப்போதே வெளியூர் பயணத் திட்டம் குறித்து ஆலோசனை செய்யுங்கள்..
News March 25, 2025
விஜய், பவன் கல்யாணின் குரு ஹுசைனி!
கராத்தே, வில் பயிற்சியாளரான ஹுசைனி பன்முக திறன் கொண்டவர். கே.பாலச்சந்தர் இயக்கத்தில் புன்னகை மன்னன் படம் மூலம் திரைத்துறைக்கு அறிமுகமானவர். தமிழ், தெலுங்கு என இரு மொழிகளில் வெளியான பத்ரி திரைப்படத்தில் நடிகர் விஜய், பவன் கல்யாணுடன் பணியாற்றி, இருவருக்கும் தற்காப்புக் கலைக்கு குருவாக ஆனார். சாகும் தருவாயிலும் அந்த கலை மீது மிகுந்த பற்று வைத்திருந்தார். உடல் உறுப்புகளையும் தானம் செய்திருந்தார்.
News March 25, 2025
ஷிஹான் ஹுசைனி காலமானார்
பிரபல நடிகர் ஷிஹான் ஹுசைனி (60) உடல்நலக்குறைவால் இன்று காலமானார். ரத்த புற்று நோயால் ஹாஸ்பிடலில் சிகிச்சை பெற்று வந்த நிலையில், சிகிச்சை பலனின்றி அவரது உயிர் பிரிந்தது. சென்னை பெசன்ட் நகரில் உள்ள இல்லத்தில் அவரது உடல் இன்று மாலை வரை அஞ்சலிக்கு வைக்கப்படுகிறது. அவரது மறைவிற்கு ரசிகர்கள், திரைத்துறையினர் இரங்கல் தெரிவித்து வருகின்றனர்.
Featured News
Sorry, no posts matched your criteria.