India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 25, 2024
பொய்களை கூறுவது தான் மோடியின் உத்தரவாதமா?
வாக்குறுதிகளை நிறைவேற்ற மாட்டேன் என்பதே மோடியின் கேரண்டி என காங்கிரஸ் தலைவர் கார்கே விமர்சித்துள்ளார். ரூ.15 லட்சம் தருவதாக கூறிய பிரதமர் இதுவரை ஏன் தரவில்லை? வெளிநாட்டில் காங்கிரஸ் பதுக்கி வைத்துள்ள கருப்பு பணத்தை மீட்பதாகக் கூறிய அவர், இதுவரை எவ்வளவு பணத்தை மீட்டுள்ளார் என்று கேள்வி எழுப்பினார். மேலும், பொய்களை திரும்பச் சொல்லி அதை மோடியின் உத்தரவாதம் என பாஜக கூறுவதாகவும் அவர் தெரிவித்தார்.
News April 25, 2024
காதலனை கைப்பிடித்தார் நடிகை அபர்ணா தாஸ்
நடிகை அபர்ணா தாஸ், தனது நீண்ட நாள் காதலனை கரம் பிடித்தார். டாடா, பீஸ்ட் படங்கள் மூலம் ரசிகர்களின் மனதைக் கவர்ந்த இவர், ‘மஞ்சுமெல் பாய்ஸ்’ படத்தில் நடித்த தீபக் பரம்பொல் என்பரை காதலித்து வந்தார். திருமணம் அறிவிப்பை வெளியிட்ட அவருக்கு பலரும் பாராட்டு தெரிவித்து வந்த நிலையில், இன்று இருவீட்டார் முன்னிலையில் திருமணம் செய்து கொண்டார். இதுதொடர்பான புகைப்படங்கள் இணையத்தில் வைரலாகி வருகிறது.
News April 25, 2024
மோடிக்கு இஸ்லாமியர்கள் மீது வெறுப்பு
பிரதமர் என்ற உயர்ந்த இடத்திற்கு வந்த பிறகும் தனது முஸ்லிம் வெறுப்பை மோடி கக்கியிருக்கிறார் என மதிமுக பொதுச் செயலாளர் வைகோ காட்டமாக விமர்சித்துள்ளார். முஸ்லிம்களுக்கு எதிரான விஷம் தோய்ந்த கருத்துகளை வெளியிட்ட மோடியை இந்திய தலைமைத் தேர்தல் ஆணையம் கண்டுகொள்ளாமல் இருக்கலாம்; ஆனால் மக்கள் அப்படி இருக்க மாட்டார்கள்; சரியான பாடம் புகட்டுவார்கள் என எச்சரித்துள்ளார்.
News April 25, 2024
திமுக மீது சந்தேகம் எழுப்பும் தமிழிசை
வாக்காளர் பட்டியலில் ஏற்பட்ட குளறுபடிக்கு திமுக காரணமாக இருக்குமோ என்று சந்தேகிப்பதாக தமிழிசை தெரிவித்துள்ளார். தேர்தல் ஆணையம் இதை சீரியசாக விசாரிக்க வேண்டும். INDIA கூட்டணியோ அல்லது முதல்வரோ இது தொடர்பாக எவ்வித கருத்தும் இதுவரை கூறாதது ஏன்? என்று கேள்வி எழுப்பிய அவர், முதல்வரின் கனத்த மௌனம் இந்த விவகாரத்தில் திமுகவுக்கு பங்கு இருக்குமோ என்ற சந்தேகத்தை ஏற்படுத்துவதாகவும் தெரிவித்தார்.
News April 25, 2024
ஆபரணத் தங்கத்தின் விலை உயர்ந்தது
ஆபரணத் தங்கத்தின் விலை நேற்று சவரனுக்கு ₹1,160 குறைந்த நிலையில், இன்று ரூ.240 உயர்ந்துள்ளது. 22 கேரட் ஆபரணத் தங்கத்தின் விலை சவரனுக்கு ரூ.240 உயர்ந்து ரூ.53,840க்கும், கிராமுக்கு ரூ.30 உயர்ந்து ரூ.6,730க்கும் விற்பனையாகிறது. அதே நேரம் வெள்ளியின் விலையில் மாற்றமின்றி ஒரு கிராம் ரூ.86.50க்கு விற்பனையாகிறது.
News April 25, 2024
மேலும் ஒரு மாவட்டத்திற்கு வெப்ப அலை அலர்ட்
தமிழ்நாட்டில் மேலும் ஒரு மாவட்டத்திற்கு வெப்ப அலை எச்சரிக்கை விடுக்கப்பட்டுள்ளது. வேலூர், சேலம், நாமக்கல் ஆகிய மாவட்டங்களை தொடர்ந்து கரூர் மாவட்டத்திலும் வெப்ப அலை வீசும் என்பதால் நண்பகல் 12 மணி முதல் 3 மணி வரை பொதுமக்கள் வெளியே வர வேண்டாம் என அம்மாவட்ட ஆட்சியர் உத்தரவிட்டுள்ளார். மேலும், வெயிலின் தாக்கத்தால் உடல்நலக்குறைவு ஏற்பட்டால் உடனடியாக மருத்துவரை அணுக வேண்டும் என அவர் அறிவுறுத்தியுள்ளார்.
News April 25, 2024
3 மாவட்ட மக்கள் வெளியே வர வேண்டாம்
வெப்ப அலை காரணமாக நண்பகல் 12 மணி முதல் 3 மணி வரை பொதுமக்கள் வெளியே வருவதைத் தவிர்க்க வேண்டும் என்று வேலூர், சேலம், நாமக்கல் ஆகிய 3 மாவட்ட ஆட்சியர்கள் பொதுமக்களுக்கு எச்சரிக்கை விடுத்துள்ளனர். மேலும், பொதுமக்கள் அடிக்கடி தண்ணீர் அருந்த வேண்டும் என்றும் வெயிலின் தாக்கத்தால் உடல்நலக்குறைவு ஏற்பட்டால் உடனடியாக மருத்துவரை அணுக வேண்டும் எனவும் அறிவுறுத்தியுள்ளனர்.
News April 25, 2024
3 நாள்களுக்கு பிறகு ராகுல் இன்று பரப்புரை
3 நாள்களுக்கு பிறகு ராகுல் காந்தி இன்று மீண்டும் பரப்புரையில் ஈடுபட உள்ளார். உடல்நலக்குறைவு காரணமாக கடந்த 3 நாள்களாக ராகுல் காந்தி தேர்தல் பரப்புரைகளில் கலந்துகொள்ளாமல் இருந்தார். இந்நிலையில், மகாராஷ்டிராவில் இன்று பரப்புரையைத் தொடங்க உள்ளார். அமராவதி தொகுதியில் நடைபெறும் பொதுக்கூட்டத்தில் பிற்பகல் 12.30 மணிக்கும், சோலாப்பூரில் நடைபெறும் கூட்டத்தில் பிற்பகல் 3.30 மணிக்கும் அவர் உரையாற்ற உள்ளார்.
News April 25, 2024
மீண்டும் பொதுமன்னிப்பு கோரினார் பாபா ராம்தேவ்
பதஞ்சலி விளம்பர சர்ச்சையில் சிக்கிய பாபா ராம்தேவ் மீண்டும் பொதுமன்னிப்பு கோரினார். இந்திய மருத்துவ கவுன்சில் தொடர்ந்த வழக்கில், விளம்பரங்கள் வெளியிடப்பட்ட அதே பக்கத்தில் அதே அளவுக்கு மன்னிப்பு பிரசுரிக்கப்பட்டதா என உச்சநீதிமன்றம் நேற்று கேள்வி எழுப்பியது. அதனைத்தொடர்ந்து பதஞ்சலி விளம்பரத்திற்கு இணையாக பத்திரிகைகளில் பெரிய அளவில் (size) விளம்பரம் கொடுத்து பொதுமன்னிப்பு கோரியுள்ளார்.
News April 25, 2024
பனிப்பொழிவு தான் தோல்விக்கு முக்கிய காரணம்
பனிப்பொழிவு அதிகமாக இருந்ததால், எங்கள் பவுலர்களால் திட்டமிட்டபடி பந்துவீச முடியவில்லை என CSK அணியின் கேப்டன் ருதுராஜ் கூறியுள்ளார். தோல்விக்கான காரணம் குறித்து பேசிய அவர், 13-14 ஓவர்கள் வரை போட்டி எங்கள் கையில் தான் இருந்தது. ஆனால், லக்னோ அணி வீரர்கள் சிறப்பாக விளையாடினார்கள் எனத் தெரிவித்தார். மேலும், கடைசி ஓவர்களில் CSK அணியின் மோசமான ஃபீல்டிங்கும் முக்கிய காரணம் என ரசிகர்கள் கூறி வருகின்றனர்.
Featured News
Sorry, no posts matched your criteria.