India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 9, 2024
இன்றைய பொன்மொழிகள்
➤ இந்த உலகில் தலைவிதி என்று எதுவும் கிடையாது, எல்லாம் நீயாக தேடி கொண்டது தான்.
➤ இந்த உலகத்தை கெடுப்பது கெட்டவர்கள் அல்ல, கைகட்டி வேடிக்கை பார்க்கும் நல்லவர்கள் தான்.
➤ எல்லாம் தெரியும் என்று குழப்பத்தோடு இருக்காதே, எதுவும் தெரியாது என்று தெளிவோடு இரு.
➤ஒவ்வொருவரும் கட்டளையிடவே விரும்புகின்றனர், யாரும் கீழ்படிவதற்கு தயாராகயில்லை.
News June 9, 2024
குளிர்ச்சியான உணவுகளால் பற்களுக்கு ஏற்படும் பாதிப்பு
குளிர்ச்சியான உணவுகள் பற்களுக்கு பலவிதமான பிரச்சனைகளை ஏற்படுத்தலாம். அவற்றில் சிலவற்றை தற்போது பார்ப்போம். குளிர்ச்சியான உணவுகள் பற்களின் மேற்பரப்பில் உள்ள பற்சிதைவு பாக்டீரியாக்களின் வளர்ச்சியை ஊக்குவிக்கலாம். இது பற்களில் துளைகளை ஏற்படுத்தி, பற்சிதைவுக்கு வழிவகுக்கும். குளிர்ச்சியான உணவுகள் ஈறுகளை எரிச்சலூட்டும் மற்றும் ஈறு நோய்க்கு வழிவகுக்கும்.
News June 9, 2024
கோலி ஆக்ரோஷத்தை குறைக்க வேண்டும்: முகமது கைஃப்
விராட் கோலி தனது ஆக்ரோஷமான ஆட்டத்தை குறைத்து கொள்ள வேண்டும் என முன்னாள் வீரர் முகமது கைஃப் தெரிவித்துள்ளார். உலகின் அனைத்து அணிகளுக்கு எதிராகவும் கோலி ஆபத்தான வீரராகவே இருப்பதாக தெரிவித்த அவர், கோலியால் அனைத்து விதமான ஷாட்டுக்களையும் விளையாட முடியும் என்றார். கோலி தனது ஸ்டிரைக் ரேட்டை ஆட்டத்திற்கு ஏற்ப சிறிதளவு குறைத்துக்கொண்டு விளையாடுவது நல்லது என்றும் தெரிவித்துள்ளார்.
News June 9, 2024
ஜூன் 09: வரலாற்றில் இன்று
➤ 1885 – சீன-பிரெஞ்சுப் போரை முடிவுக்குக் கொண்டுவர தியென்ட்சின் உடன்பாடு எட்டப்பட்டது.
➤1935 – வடமேற்கு சீனாவில் ஜப்பானியர்களின் ஆக்கிரமிப்பை சீனக் குடியரசு அங்கீகரித்தது.
➤1946 – பூமிபால் அதுல்யாதெச்சு தாய்லாந்தின் மன்னராக முடி சூடினார்.
➤1979 – சிட்னியில் பேருந்து தீப்பற்றியதில் ஏழு பேர் உயிரிழந்தனர்.
➤ 2010 – காந்தகாரில் திருமண வீட்டில் நடத்தப்பட்ட தற்கொலைத் படை தாக்குதலில் 40 பேர் பலி
News June 9, 2024
எம்எல்ஏ பதவியை ராஜினாமா செய்யும் அகிலேஷ் யாதவ்
மக்களவைத் தேர்தலில் வென்ற சமாஜ்வாதி கட்சி தலைவர் அகிலேஷ் யாதவ் தனது எம்எல்ஏ பதவியை ராஜினாமா செய்ய உள்ளதாக தகவல் வெளியாகியுள்ளது. அகிலேஷ் தற்போது கர்ஹால் தொகுதி சட்டப்பேரவை உறுப்பினராக உள்ள நிலையில், மக்களவைத் தேர்தலில் கண்ணூஜ் தொகுதியில் இருந்து வெற்றி பெற்றார். 14 நாள்களில் அவர் ஒரு பதவியை ராஜினாமா செய்ய வேண்டி உள்ளதால், தனது எம்எல்ஏ பதவியை ராஜினாமா செய்ய உள்ளார்.
News June 9, 2024
இங்கிலாந்துக்கு எதிரான போட்டியில் ஆஸி., வெற்றி
இங்கிலாந்துக்கு எதிரான டி20 போட்டியில் ஆஸ்திரேலிய அணி 36 ரன்கள் வித்தியாசத்தில் வெற்றி பெற்றது. முதலில் ஆடிய ஆஸ்திரேலியா, தொடக்கம் முதலே அதிரடி ஆட்டத்தில் ஈடுபட்டது. வார்னர் 39, மிட்சல் மார்ஷ் 35, ஹட் 34 ரன்கள் எடுக்க, அந்த அணி 201 ரன்களை குவித்தது. இதனை அடுத்து களமிறங்கிய இங்கிலாந்து அணி 165 ரன்கள் மட்டுமே எடுத்து தோல்வி அடைந்தது. அந்த அணியின் பட்லர் அதிகபட்சமாக 42 ரன்கள் எடுத்தார்.
News June 9, 2024
தினம் ஒரு திருக்குறள்
◾பால்: பொருட்பால்
◾அதிகாரம்: கேள்வி
◾குறள்: 416
எனைத்தானும் நல்லவை கேட்க அனைத்தானும்
ஆன்ற பெருமை தரும்.
விளக்கம்: நல்லவற்றை எந்த அளவுக்குக் கேட்கிறோமோ அந்த அளவுக்குப் பெருமை கிடைக்கும் என்ற நம்பிக்கையுடன் இருக்க வேண்டும்.
News June 9, 2024
கோலியை ஓப்பனிங் இறங்க கூடாது: கம்ரான் அக்மல்
கோலி ஓப்பனிங் பேட்ஸ்மேனாக விளையாட கூடாது என பாக்., அணியின் முன்னாள் வீரர் கம்ரான் அக்மல் தெரிவித்துள்ளார். கோலி மூன்றாவது பேட்ஸ்மேனாக ஆடினால் ஆட்டத்தின் அழுத்தத்தை சமாளிப்பார் என்று கூறிய அவர், கோலியை ஓப்பனிங் இறங்க வைத்து இந்திய அணி தவறு செய்வதாக தெரிவித்தார். டி20 உலகக் கோப்பை தொடரில் இந்திய அணி இன்று இரவு 8 மணிக்கு பாகிஸ்தானை எதிர்த்து விளையாட உள்ளது குறிப்பிடத்தக்கது.
News June 9, 2024
தனிப்பட்ட சந்திப்புக்கள் வேண்டாம்: ஜி.ஆர்.சுவாமிநாதன்
நீதிமன்ற அறையில் தன்னை வழக்கறிஞர்கள் சந்திக்க வர வேண்டாம் என நீதிபதி ஜி.ஆர்.சுவாமிநாதன் தெரிவித்துள்ளார். வழக்கறிஞர்கள் தன்னிடம் சொல்ல வேண்டியதை நீதிமன்றத்திலேயே கூறலாம் என்று தெரிவித்த அவர், தனிப்பட்ட சந்திப்புக்களை வழக்கறிஞர்கள் தவிர்க்க வேண்டும் என கேட்டுக்கொண்டுள்ளார். முன்னதாக, சவுக்கு சங்கர் வழக்கில் தனக்கு அதிகாரத்தில் இருப்பவர்கள் அழுத்தம் கொடுத்ததாக தெரிவித்து இருந்தார்.
News June 9, 2024
பிறந்தநாள் வாழ்த்து போட்டோ அனுப்புங்க
இன்று (ஜூன் 09) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 10 மணிக்குள் வாழ்த்துகளை அனுப்பவும். பிறந்தநாள் கொண்டாடுபவர்களின் தெளிவான புகைப்படங்களை அனுப்பி, உங்கள் அன்புக்குரியவர்களை வாழ்த்துங்கள்.
Featured News
Sorry, no posts matched your criteria.