India's largestHyperlocal short
news App
Get daily news updates that are tailored for you based on your preferred language & location.

ஜிம்பாப்வே அணிக்கு எதிரான முதல் டி20 போட்டியில் இந்திய அணி முதலில் பந்துவீச உள்ளது. கில் தலைமையிலான இந்திய அணியில்,
துருவ் ஜூரல், கெய்க்வாட், அபிஷேக் ஷர்மா, ரியான் பராக், சிங்கு சிங் உள்ளிட்ட இளம் வீரர்கள் களமிறங்க உள்ளனர். சீனியர் வீரர்கள் யாருமின்றி களமிறங்கும் இந்திய இளம் அணியினர், ஜிம்பாப்வே அணியை வீழ்த்துவார்களா? என்ற எதிர்பார்ப்பு ரசிகர்களிடையே எழுந்துள்ளது.

இந்தியை திணிப்பதற்காகவே, பாஜக அரசு 3 குற்றவியல் சட்டங்களுக்கு பெயர் மாற்றம் செய்துள்ளதாக, திமுக பொதுச்செயலாளர் துரைமுருகன் விமர்சித்துள்ளார். உச்சநீதிமன்ற தலைமை நீதிபதி தொடக்கத்திலேயே மத்திய அரசின் போக்கை தடுத்து நிறுத்த வேண்டும் என வலியுறுத்திய அவர், வாயில் நுழையாத இந்த சட்டத்தின் பெயரை நாட்டு மக்களிடம் மத்திய அரசு திணிப்பதாகவும் குறை கூறினார்.

தெற்கு காஷ்மீரின் குல்காம் மாவட்டத்தில் முடர்காம் பகுதியில் தீவிரவாதிகள் பதுங்கியிருப்பதாக கிடைத்த ரகசிய தகவலின் பேரில், குறிப்பிட்ட இடத்தை இந்திய ராணுவம் சுற்றி வளைத்து தாக்குதல் நடத்தியது. அப்போது, ராணுவ வீரர்கள் மீது தீவிரவாதிகள் நடத்திய தாக்குதலில், ராணுவ வீரர் ஒருவர் படுகாயமடைந்தார். இதனையடுத்து, மருத்துவமனைக்கு கொண்டு செல்லப்பட்ட அவர், சிகிச்சை பலனின்றி உயிரிழந்தார்.

ஜிம்பாப்வே-க்கு எதிரான டி20 போட்டியில் கில் – அபிஷேக் சர்மா ஜோடி ஓப்பனிங் இறங்குகிறார்கள். இதனால், கெய்க்வாட் 3ஆம் இடத்துக்கு தள்ளப்பட்டுள்ளார். ஆனால், இது அவரின் எதிர்காலத்திற்கு நல்லது எனக் கூறப்படுகிறது. அணியில் ஜெய்ஸ்வால் இணையும் பட்சத்தில், கெய்க்வாட்டின் ஓப்பனிங் இடம் கேள்விக்குறியாகும். தற்போது, கோலியின் 3ஆவது இடத்தில் அவர் சிறப்பாக ஆடினால், அணியில் நிரந்தர இடம்பிடிக்க வாய்ப்புள்ளது.

2024-2025ஆம் ஆண்டுக்கான நாடாளுமன்ற பட்ஜெட் கூட்டத்தொடர் ஜூலை 22ஆம் தேதி தொடங்கி, ஆகஸ்ட் 12ஆம் தேதி வரை நடைபெறும் என, நாடாளுமன்ற விவகாரங்கள் துறை அமைச்சர் கிரண் ரிஜிஜூ அறிவித்துள்ளார். அதன்படி, ஜூலை 22ஆம் தேதி பொருளாதார ஆய்வறிக்கையும், ஜூலை 23ஆம் தேதி பொது பட்ஜெட்டும் தாக்கல் செய்யப்படவுள்ளது. புதிய நாடாளுமன்றத்தில் முழு பட்ஜெட் தாக்கல் செய்யப்படுவது இதுவே முதல்முறையாகும்.

அகமதாபாத்தில் உள்ள காங்கிரஸ் கட்சி
அலுவலகத்திற்கு வெளியே, கடந்த 2-ஆம் தேதி காங்கிரஸ், பிஜேபி தொண்டர்களுக்கு இடையே மோதல் ஏற்பட்டது. இதில் 5 காங்கிரஸ் தொண்டர்கள் கைதான நிலையில், அங்கு சென்ற காங்கிரஸ் எம்.பி ராகுல் காந்தி, கட்சித்தொண்டர்கள் மத்தியில் உரையாற்றினார். அயோத்தியை போல் குஜராத்தில் மோடியையும், பாஜகவையும் தோற்கடிப்போம் என, அப்போது அவர் சூளுரைத்தார்.

பொதுத்துறை நிறுவனமான BSNL எப்போது 4ஜி சேவையை தொடங்கும் என்ற எதிர்பார்ப்பு வாடிக்கையாளர்களிடையே நிலவியது. இந்நிலையில், தமிழகத்தில் திருவள்ளூர் மாவட்டத்தில் 4ஜி சேவையை இன்று BSNL தொடங்கியுள்ளது. திருவள்ளூர் மாவட்டத்தின் பல பகுதிகளிலும் 4ஜி கிடைக்கப் பெறுகிறது. மேலும், சென்னை, காஞ்சிபுரம், செங்கல்பட்டு மாவட்டங்களில் விரைவில் 4ஜி சேவை தொடங்கப்படுமென BSNL அறிவித்துள்ளது.

அரசுப்பணிகளுக்கான தேர்வுகளில் முறைகேட்டில் ஈடுபடுவோருக்கு 10 ஆண்டுகள் வரை சிறையும், ரூ.1 கோடி வரை அபராதமும் விதிக்க, மகாராஷ்டிர அரசு முடிவெடுத்துள்ளது. இதற்கான சட்டமுன்வடிவு, அம்மாநில சட்டமன்றத்தில் நேற்று கொண்டு வரப்பட்டுள்ளது. அதன்படி, வினாத்தாளை கசிய விடுவது, தேர்வில் முறைகேட்டில் ஈடுபடுவது போன்றவை, திட்டமிடப்பட்ட குற்றமாக கருதப்பட்டு, ஜாமினில் வெளிவரமுடியாத பிரிவுகளில் வழக்குப் பதியப்படும்.

வீடுகள், தொழிற்சாலைகளின் மேற்கூரையில் சோலார் பேனல்களை அமைக்க SBI கடனுதவி வழங்குகிறது. PM சூர்யா கர் திட்டத்தில், 10 KW திறன் வரை கடன் வழங்கப்படுகிறது. 3 KW வரை சோலார் பேனல் அமைக்க ₹2 லட்சம், 3 KW – 10 KW வரை சோலார் பேனல் அமைக்க ₹6 லட்சம் வரை கடன் வழங்கப்படுகிறது. MNRE/REC இணையதளத்தில் விண்ணப்பதாரர் பதிவு செய்வது முதல் கடன் வழங்குவது வரை, SBI அதிகாரப்பூர்வ இணையதளத்தில் அறியலாம்.

தமிழ்நாட்டில் கடந்த 3 ஆண்டுகளில் 7,347 குழந்தை திருமணங்கள் தடுத்து நிறுத்தப்பட்டுள்ளதாக, தகவல் அறியும் உரிமைச் சட்டத்தின் மூலம் தெரியவந்துள்ளது. அவற்றில் 2,500க்கும் மேற்பட்ட குழந்தைத் திருமணங்களில் வழக்குப்பதிவு செய்யப்பட்டுள்ளது. இதில், திண்டுக்கல், சேலம், மதுரை, கிருஷ்ணகிரி ஆகிய மாவட்டங்களில் ஒவ்வொரு ஆண்டும் நூற்றுக்கும் மேற்பட்ட திருமணங்கள் தடுத்து நிறுத்தப்பட்டிருப்பது தெரியவந்துள்ளது.
Sorry, no posts matched your criteria.