India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 14, 2024
வரலாற்றில் நிலைக்கப் போகும் புகைப்படம்
அமெரிக்க முன்னாள் அதிபர் டொனால்ட் ட்ரம்ப் பிரசாரக் கூட்டத்தில் சுடப்பட்டார். நூலிழையில் தவறிய குண்டு அவருடைய வலது காதினை உரசிச் சென்றது. சட்டென பதுங்கிய அவர், பின்னர் எழுந்து நின்று வலது கையை உயர்த்தி கோஷம் எழுப்பியபடி சென்றார். முகத்தில் ரத்தம் வழிய, பாதுகாப்புப் படையினர் அவரை அழைத்துச் சென்றனர். பின்னணியில் அமெரிக்க கொடியுடன் போட்டோவில் பதிவான இந்தக் காட்சி வரலாற்று தடமாக மாறியிருக்கிறது.
News July 14, 2024
அடுத்த 3 மணி நேரத்துக்கு மழை
தமிழகத்தில் மாலை 4 மணி வரை மழை பெய்யக்கூடும் மாவட்டங்களின் பட்டியலை சென்னை வானிலை ஆய்வு மையம் வெளியிட்டுள்ளது. அதன்படி, நீலகிரி மற்றும் கோவை மாவட்டங்களில் இடி, மின்னலுடன் கூடிய மிதமான மழைக்கு வாய்ப்புண்டு. கிருஷ்ணகிரி, தர்மபுரி, திருப்பத்தூர், திருவண்ணாமலை, வேலூர், ராணிப்பேட்டை, காஞ்சிபுரம், திருவள்ளூர், சென்னை, செங்கல்பட்டு, விழுப்புரம் ஆகிய மாவட்டங்களில் லேசான மழை பெய்யக்கூடும்.
News July 14, 2024
போலி இ-மெயிலால் பணம் பறிபோக வாய்ப்பு
சைபர் கிரைம் துறை சார்பில் மக்களுக்கு பத்திரிகை விளம்பரம் மூலம் எச்சரிக்கை விடுக்கப்பட்டுள்ளது. அதில், “அரசு அலுவலகத்தில் இருந்து E-Notice” என்ற பெயரில் போலி இ-மெயில் மக்களுக்கு அனுப்பப்பட்டு வருவதாகவும், அந்த மின்னஞ்சலை கிளிக் செய்தாலோ அல்லது பதில் அளித்தாலோ சைபர் மோசடிக்கு ஆளாக நேரிடும் எனக் கூறப்பட்டுள்ளது. இதுகுறித்து 1930, <
News July 14, 2024
ஆடு ஜீவிதம் OTT ரிலீஸ் தேதி
பெரிதும் எதிர்பார்க்கப்பட்ட ‘ஆடு ஜீவிதம்’ படத்தின் OTT ரிலீஸ் தேதி தெரிவிக்கப்பட்டுள்ளது. பிளெஸ்ஸி இயக்கத்தில் பிருத்விராஜ், அமலா பால் நடிப்பில் மார்ச் 28 ஆம் தேதி வெளியாகி மாபெரும் வெற்றிபெற்ற படம் ‘ஆடு ஜீவிதம்’. இது 2008ல் மலையாளத்தில் வெளியான ‘ஆடு ஜீவிதம்’ என்ற நாவலை மையமாகக் கொண்டு உருவானது. இந்நிலையில், இப்படம் ஜூலை 19 ஆம் தேதி நெட்ஃப்ளிக்ஸ் OTT தளத்தில் வெளியாகும் என தெரிவிக்கப்பட்டுள்ளது.
News July 14, 2024
உடல் எடையை குறைக்குமா தண்ணீர் விரதம்?
உணவுக்கு பதில் தண்ணீர் மட்டுமே அருந்தி கொண்டு இருப்பது “தண்ணீர் விரதம்” எனப்படுகிறது. இதுபோல 21 நாள்கள் தண்ணீர் மட்டுமே அருந்திக் கொண்டு, கோஸ்டா ரிகாவைச் சேர்ந்த அடிஸ் மில்லர், உடல் எடையில் 13 கிலோ குறைத்ததாக கூறப்படுகிறது. இந்த விரதத்தால் உடலில் இருக்கும் நச்சுகள் வெளியேறுவது, செரிமானம் மேம்படுவது போன்ற நற்பயன் இருந்தாலும், மருத்துவர் மேற்பார்வையின்றி செய்ய கூடாதென வலியுறுத்தப்படுகிறது.
News July 14, 2024
ரேஷன் அரிசி பதுக்கலா? இதில் புகார் அளிக்கலாம்
ரேஷனில் பொதுமக்களுக்கு வழங்கப்படும் அரிசி, பருப்பு, சர்க்கரை, எண்ணெய் ஆகியவை சில நேரம் பதுக்கப்படுவதும், கடத்தப்படுவதும் நடப்பது உண்டு. இதுகுறித்து புகார் அளிக்க தமிழக அரசின் பொதுவிநியோகத் துறை பிரத்யேக தொலைபேசி எண்ணை செயல்படுத்தி வருகிறது. 1800-599-5950 என்பதே அந்த எண் ஆகும். அதில் தொடர்பு கொண்டு அதுகுறித்து புகார் அளிக்கலாம். அதன்மீது ஆய்வு செய்து நடவடிக்கை எடுக்கப்படும்.
News July 14, 2024
நொடிக்கு எத்தனை கோழிகள் கொல்லப்படுகின்றன?
உலகம் முழுவதும் ஒரு நொடிக்கு 2,384 கோழிகள் உணவுக்காக கொல்லப்படுவதாக Faunalytics புள்ளி விவரங்கள் தெரிவிக்கின்றன. அந்த வரிசையில், 97 வாத்துகள், 47 பன்றிகள், 12 மாடுகள், 18 ஆடுகள் உணவுக்காக கொல்லப்படுகின்றன. 2022ஆம் ஆண்டு எடுத்த கணக்கீட்டின்படி இந்த புள்ளி விவரங்கள் வெளியிடப்பட்டுள்ளன. எடையின் அளவில் மாட்டிறைச்சியும் பன்றிறைச்சியுமே அதிகம் நுகரப்படும் உணவாக இருக்கிறது.
News July 14, 2024
போட்டோவில் பதிவான புல்லட்
அமெரிக்க முன்னாள் அதிபர் ட்ரம்ப்பை நோக்கி பாய்ந்துவந்த புல்லட், போட்டோ ஒன்றில் தெளிவாக பதிவாகியிருக்கிறது. நூலிழையில் தவறிய அத்தோட்டா, ட்ரம்பின் காதுகளை பதம் பார்த்தது. இன்னும் இரண்டு இஞ்ச் விலகியிருந்தால் கூட தோட்டா ட்ரம்ப்பின் தலையில் பாய்ந்திருக்கும். இச்சம்பவத்திற்கு காரணமானவர்கள் யார் என்று அந்நாட்டு FBI அதிகாரிகள் தீவிர விசாரணை நடத்தி வருகின்றனர்.
News July 14, 2024
இலவச ஆன்மிக பயணத்திற்கு விண்ணப்பிப்பது எப்படி?
ஆடி மாதத்தில் மூத்த குடிமக்கள் இலவசமாக அம்மன் கோயில்களுக்கு சுற்றுலா செல்ல அறநிலையத்துறை ஏற்பாடு செய்துள்ளது. இதற்கு எப்படி விண்ணப்பிப்பது? என பார்க்கலாம். 60 வயதான இந்துமதத்தினர் விண்ணப்பிக்கலாம். அறநிலையத்துறை உதவியாளர், கோயில் ஆய்வாளர் அலுவலகத்தில் விண்ணப்பம் கிடைக்கும். hrce.tn.gov.in இணையதளத்திலும் பதிவிறக்கலாம். இதை உரிய சான்றுடன் 17ம் தேதிக்குள் விண்ணப்பிக்க வேண்டும்.
News July 14, 2024
ஆண்ட்ராய்டு மொபைல் பயனர்களுக்கு எச்சரிக்கை
ஆண்ட்ராய்டு பயனர்கள் தங்கள் மொபைலில் பாதுகாப்பு இணைப்புகளை உடனடியாக புதுப்பிக்குமாறு இந்திய கணினி அவசரகால பதில் குழு எச்சரித்துள்ளது. Android 12, 12L, 13, 14க்கு முந்தைய பதிப்புகளில் இயங்கும் மொபைலில் பாதுகாப்பு அச்சுறுத்தல் இருப்பதாகத் கூறியுள்ளது. இதனால், போன்கள் ஹேக் ஆகும் அபாயம் உள்ளதால், போன் செட்டிங்ஸில் சிஸ்டம் அப்டேட் ஆப்ஷனை தேர்வு செய்து அப்டேட் செய்து கொள்ள அறிவுறுத்தப்பட்டுள்ளது.
Featured News
Sorry, no posts matched your criteria.