India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 28, 2024
ராகுல் குறித்து சர்ச்சைக் கருத்து, எம்எல்ஏ மீது வழக்குப்பதிவு
ராகுல் தொடர்பாக சர்ச்சைக் கருத்து தெரிவித்த கேரள சிபிஎம் எம்எல்ஏ அன்வர் மீது வழக்குப் பதியப்பட்டுள்ளது. காந்தியின் பெயரை ராகுல் பயன்படுத்தக்கூடாது என்ற அன்வர், ராகுலின் டிஎன்ஏவை பரிசோதிக்க வேண்டும் என்றும் கூறியிருந்தார். இது தொடர்பாக அவர் மீது புகாரளிக்கப்பட்ட நிலையில், போலீசார் 2 பிரிவுகளின் கீழ் வழக்குப் பதிவு செய்துள்ளனர். ராகுல் காந்தி வயநாடு தொகுதியில் போட்டியிடுவது குறிப்பிடத்தக்கது.
News April 28, 2024
இந்தியாவுக்கு No! சீனாவுக்கு Yes..!
டெஸ்லா நிறுவனத்தின் தலைமைச் செயல் அதிகாரி எலான் மஸ்க், மின்சார வாகனங்களின் 2ஆவது பெரிய சந்தையாக விளங்கும் சீனாவுக்குத் திடீர் பயணம் மேற்கொண்டுள்ளார். நடப்பு ஆண்டில் அவர் 2ஆவது முறையாக சீனா சென்றுள்ளார். பன்னாட்டு வணிகத்துக்கான சீன கவுன்சிலின் அழைப்பின் பேரில் அவர் சென்றுள்ளதாக தகவல்கள் தெரிவிக்கின்றன. முன்னதாக, கடும் பணிச் சுமையால் அவர் இந்திய பயணத்தை ரத்து செய்தது குறிப்பிடத்தக்கது.
News April 28, 2024
கேன்சரைத் தொடக்கத்திலேயே கண்டறியலாம்
உலகளவில் புற்றுநோயால் பாதிக்கப்படுவோரின் எண்ணிக்கை வேகமாக அதிகரித்து வருகிறது. இந்நிலையில், புற்றுநோயைத் தொடக்கத்திலேயே கண்டுகொண்டால் அதிலிருந்து எளிதாக விடுபடலாம் என்கிறார்கள் மருத்துவ நிபுணர்கள். பசியின்மை, திடீரென உடல் எடை குறைதல் அல்லது அதிகரித்தல், ரத்தத்தில் ஹீமோகுளோபின் மிகவும் குறைதல், சாப்பிட தொடங்கியதுமே வயிறு நிரம்பிய உணர்வு ஆகியவை புற்றுநோயின் பரவலான அறிகுறிகளாகும்.
News April 28, 2024
தீவிரவாதிகள் இறந்தால் கண்ணீர் வடிக்கும் காங்கிரஸ்
காங்கிரஸ் ஆட்சி அமைத்த பிறகே, பெங்களூருவில் குண்டு வெடித்ததாகப் பிரதமர் மோடி குற்றம்சாட்டியுள்ளார். கர்நாடகாவில் பிரசாரம் செய்த அவர், குண்டு வெடித்ததை சிலிண்டர் வெடித்ததாக காங்கிரஸ் அரசு கூறியதாகத் தெரிவித்தார். தீவிரவாதிகள் கொல்லப்படுவதற்காகக் கண்ணீர் வடிப்பதுதான் காங்கிரசின் சாதனை என விமர்சித்த அவர், டெல்லியில் இப்படியொரு சம்பவம் நடந்தபோதும் காங்கிரஸ் கண்ணீர் வடித்ததாகக் கூறினார்.
News April 28, 2024
சஞ்சு சாம்சனைதான் முதலில் தேர்வு செய்வேன்
இந்திய அணியின் தேர்வாளராக நான் இருந்தால் சஞ்சு சாம்சனை முதலில் தேர்வு செய்வேன் என இங்கிலாந்து முன்னாள் வீரர் கெவின் பீட்டர்சன் தெரிவித்துள்ளார். சில வாரங்களில் டி20 உலக்கோப்பையில் விளையாடச் செல்லும் இந்திய அணியின் விமானத்தில் சஞ்சு சாம்சன் கட்டாயம் இருக்க வேண்டும் என்று அவர் விருப்பம் தெரிவித்துள்ளார். லக்னோ அணிக்கு எதிரான நேற்றைய போட்டியில் சஞ்சு சாம்சன் 33 பந்துகளில் 71 ரன்கள் குவித்தார்.
News April 28, 2024
பரப்புரைப் பாடலை மாற்ற ஆம் ஆத்மிக்கு உத்தரவு
ஆம் ஆத்மி கட்சியின் தேர்தல் பரப்புரைப் பாடலை மாற்றுமாறு தேர்தல் ஆணையம் உத்தரவிட்டுள்ளது. கெஜ்ரிவால் சிறையில் அடைக்கப்பட்டிருப்பது குறித்து பாடல் எழுதியிருப்பது நீதித்துறையை அவமதிப்பது போல இருப்பதாகத் தேர்தல் ஆணையம் தெரிவித்துள்ளது. உத்தவ் தாக்கரேவிடமும் தேர்தல் ஆணையம் இதே போன்று பாடலை மாற்ற உத்தரவிட்ட நிலையில், அதனை அவர் நிராகரித்தார்.
News April 28, 2024
“ரேஷன் கடைகள் மூலம் வழங்குக”
தமிழகத்தில் வெப்பம் அதிகரித்து வரும் நிலையில், உடலின் நீர் சமநிலையை மேம்படுத்த பொதுமக்களுக்கு மாவட்டம் தோறும் ஓஆர்எஸ் கரைசல் பாக்கெட்டுகள் வழங்க பொது சுகாதாரத்துறை உத்தரவிட்டுள்ளது. ORS பாக்கெட் வழங்கப்படும் இடங்கள் குறித்து தெளிவாக குறிப்பிடவில்லை. இதனால், தேவையில்லாத அலைச்சலை குறைக்கும் வகையில், ரேஷன் கடைகள் மூலமாக ORS பாக்கெட்டுகளை வழங்க வேண்டும் என கோரிக்கை எழுந்துள்ளது.
News April 28, 2024
IPL: குஜராத் அணி பேட்டிங்
அகமதாபாத்தில் நடைபெறும் குஜராத் அணிக்கு எதிரான போட்டியில் டாஸ் வென்ற பெங்களூரு அணி கேப்டன் டு ப்ளஸி பவுலிங் தேர்வுசெய்துள்ளார். இதையடுத்து GT இன்னும் சற்றுநேரத்தில் பேட்டிங் செய்ய உள்ளது. புள்ளிப் பட்டியலில் GT 7ஆவது இடத்திலும், RCB கடைசி இடத்திலும் உள்ளது. RCB வெற்றிபெற வேண்டிய கட்டாயத்தில் இருப்பதால், இன்றைய போட்டி விறுவிறுப்பாக இருக்கும் என எதிர்பார்க்கப்படுகிறது. இன்று எந்த அணி வெற்றிபெறும்?
News April 28, 2024
விசிக போட்டியிடும் போது காங்கிரசுக்கு ஆதரவு ஏன்?
கர்நாடகத்தில் காங்கிரஸ் கட்சிக்கு ஆதரவாக பரப்புரை செய்தது ஏன் என திருமாவளவன் விளக்கமளித்துள்ளார். தற்போது உள்ள சூழ்நிலையில், காங்கிரஸின் வெற்றியை பாதிக்கும் செயல்களில் ஈடுபடக் கூடாது என்பதற்காக விசிக வேட்பாளர்களுக்கு ஆதரவு திரட்டாமல் காங்கிரஸ் கட்சிக்கு ஆதரவாக பரப்புரை செய்ததாக அவர் தெரிவித்துள்ளார். பெங்களூரு ஊரகம், மத்திய பெங்களூரு மற்றும் கோலார் தொகுதிகளில் விசிக போட்டியிடுகிறது.
News April 28, 2024
மாணவர் விசா பெற கட்டுப்பாடு
வெளிநாட்டினர் இந்திய திறந்தநிலை மற்றும் தொலைதூர கல்விப் படிப்புகளில் சேருவதற்குப் பல்கலைக்கழக மானியக் குழு (UGC) தடை விதித்துள்ளது. அதனைத் தொடர்ந்து, சர்வதேச மாணவர்களுக்கான விசாக்களில் உள்துறை அமைச்சகம் கட்டுப்பாடுகளை விதித்துள்ளது. இதனால், தொலைதூர திட்டத்தின் கீழ் உரிமம் பெற்ற கல்வி நிறுவனங்கள் மற்றும் திறந்தநிலை பல்கலைக்கழகங்களில் வெளிநாட்டு மாணவர்கள் சேர முடியாது.
Featured News
Sorry, no posts matched your criteria.