India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 13, 2024
திரைப்படமாகும் கிரண் பேடி வாழ்க்கை கதை
இந்தியாவின் முதல் பெண் ஐபிஎஸ் அதிகாரியான கிரண் பேடி, காங்கிரஸ் ஆட்சிக்காலத்தில் டெல்லியில் நடைபெற்ற போராட்டத்தில் பங்கேற்றதால் பிரபலமானார். பின்னர் புதுச்சேரி துணை நிலை ஆளுநராக அவர் சில காலம் பதவி வகித்தார். இந்நிலையில் அவர் வாழ்க்கை கதையை மையமாக வைத்து “பேடி” என்ற பெயரில் படம் எடுக்கப்படுகிறது. ட்ரீம் ஸ்லேட் பிக்சர்ஸ் தயாரிக்கும் இந்தப் படத்தை குஷால் சாவ்லா இயக்குகிறார்.
News June 13, 2024
இந்தியாவில் தங்கம் விலையை தீர்மானிப்பது யார்? (2/2)
சராசரி விலையானது அந்தப் பகுதிகளில் உள்ள வரிகளுக்கு ஏற்ப மாறக்கூடியதாகும். இதையடுத்து சர்வதேச விலை நிலவரம், டாலருக்கு நிகரான ரூபாய் மதிப்பு, இறக்குமதி வரி உள்ளிட்டவற்றை சேர்த்து, அதை சந்தையில் எந்த விலைக்கு விற்க வேண்டும், வாங்க வேண்டும் என்று டீலர்கள் முடிவு செய்வார்கள். அதன்படி நகைக்கடைகளில் தங்கம் விற்கப்படும். அப்போது அந்த விலையுடன் மத்திய, மாநில வாட் வரிகளும் தனித்தனியே சேர்க்கப்படும்.
News June 13, 2024
இந்தியாவில் தங்கம் விலையை தீர்மானிப்பது யார்? (1/2)
வெளிநாடுகளில் இருந்து இந்தியாவுக்கு தங்கத்தை இறக்குமதி செய்யும் வங்கிகள், அதை உள்நாட்டில் புழக்கத்தில் விட தங்க நகை வியாபாரிகள் கூட்டமைப்பிடம் விற்கின்றன. அப்போது இறக்குமதி விலையை விட கூடுதல் விலைக்கு தங்கம் விற்கப்படுகிறது. இந்த விலை அடிப்படையிலும், நாடு முழுவதும் உள்ள டீலர்கள் அளிக்கும் ஆலோசனை அடிப்படையிலும், நாள்தோறும் சராசரி விலையை இந்திய தங்க நகை வியாபாரிகள் கூட்டமைப்பு நிர்ணயிக்கிறது.
News June 13, 2024
3ஆம் பாலினத்தவர்களுக்கு உரிய வாய்ப்பு: உயர் நீதிமன்றம்
கல்வி, வேலைவாய்ப்பில் 3ஆம் பாலினத்தவர்களை சிறப்பு பிரிவினராகக் கருத வேண்டும் என தமிழக அரசுக்கு சென்னை உயர் நீதிமன்றம் உத்தரவிட்டுள்ளது. இதுதொடர்பான வழக்கு விசாரணையில், கல்வித் தகுதி பெற்ற 3ஆம் பாலினத்தவர்களுக்கு உரிய வாய்ப்பை வழங்க வேண்டியது அரசின் கடமை என்றும், அவர்களுக்கான வாய்ப்புகளை மறுத்தால் தற்போதுள்ள அசாதாரணமான வாழ்க்கைக்கே தள்ளப்படுவார் எனவும் நீதிமன்றம் எச்சரித்துள்ளது.
News June 13, 2024
முதல் ஐபிஎஸ் அதிகாரி யார்? எந்த ஊர் தெரியுமா?
காவல்துறை உயரதிகாரியாக ஐபிஎஸ் தேர்வெழுதி வெற்றி பெறுவது அவசியம். அதுபோல முதன்முதலில் ஐபிஎஸ் அதிகாரியானது அப்போதைய மெட்ராசை சேர்ந்த சக்ரவர்த்தி விஜயராகவ நரசிம்மன் ஆவார். 1948 ஐபிஎஸ் தேர்வில் முதலாவதாக தேர்வாகி அதிகாரியான அவர், ஐநா உள்ளிட்டவற்றில் பதவிகளை வகித்துள்ளார். அவரின் சேவையை பாராட்டி பத்ம விபூஷண் விருது வழங்கப்பட்டுள்ளது. அவர் 2003இல் காலமானார்.
News June 13, 2024
THE GOAT: விஜயகாந்த் எவ்வளவு நேரம் வருவார்?
‘தி கோட்’ படத்தில் சமீபத்தில் மறைந்த கேப்டன் விஜயகாந்த், ஏஐ தொழில்நுட்பத்தின் மூலம் சிறப்பு கதாபாத்திரத்தில் தோன்றுகிறார். இந்த நிலையில், விஜய்காந்த் நடிக்கும் காட்சிகள் படத்தில் ஒரு நிமிடம் இடம் பெறுவதாக, அவரது மகன் விஜய பிரபாகரன் சமீபத்திய பேட்டி ஒன்றில் தெரிவித்துள்ளார். கதைக்கு திருப்பமான கதாபாத்திரமாக விஜயகாந்தின் கதாபாத்திரம் இருக்கும் எனவும் சொல்லப்படுகிறது.
News June 13, 2024
நாளை முதல் தடை அமலுக்கு வருகிறது
வெளி மாநில பதிவெண் கொண்ட ஆம்னி பேருந்துகளுக்கான தடை நாளை முதல் தமிழகத்தில் அமலுக்கு வருகிறது. ஏற்கெனவே, இதற்காக ஆம்னி பேருந்து உரிமையாளர்களுக்கு 6 மாத கால அவகாசம் வழங்கப்பட்டது. அதற்குள், வெளி மாநில பதிவெண்ணை தமிழக எண்ணாக மாற்ற உத்தரவிடப்பட்டிருந்தது. இந்நிலையில், மேலும் கால அவகாசம் கேட்டு போக்குவரத்து துறை ஆணையருடன் ஆம்னி பேருந்து உரிமையாளர்கள் இன்று பேச்சுவார்த்தை நடத்த உள்ளனர்.
News June 13, 2024
மாஞ்சோலை தேயிலைத் தோட்டத் தொழிலாளர்களுக்கு காசோலை
நெல்லை மாவட்டம் மாஞ்சோலையில் உள்ள தேயிலைத் தோட்டத் தொழிலாளர்களுக்கு காசோலை வழங்கும் பணி தொடங்கியுள்ளது. விருப்ப ஓய்வுக்கு விண்ணப்பித்த 530 பேருக்கு சம்பளத்துடன் கூடிய விடுமுறை அளிக்கப்பட்டு முதல்கட்ட காசோலை வழங்கப்படுகிறது. முதலில் 25% பணப் பலன்களை கொடுத்து, பிறகு தொழிலாளர்கள் தற்போது வசிக்கும் குடியிருப்பை காலி செய்து வெளியேறிய பிறகு மீதியை கொடுக்க முடிவு செய்யப்பட்டுள்ளது.
News June 13, 2024
அக்னிபாத் திட்டத்தில் வருகிறது மாற்றம்?
அக்னிபாத் திட்டத்தில் மாற்றம் செய்வது குறித்து ஜூன் 17, 18இல் பிரதமர் அலுவலக அதிகாரிகளுடன் ஆலோசனை நடக்க உள்ளது. இந்த ஆலோசனைக்கு பிறகு இது குறித்த இறுதி முடிவு எடுக்கப்பட உள்ளது. வட மாநிலங்களில் இத்திட்டம் கடும் தோல்வி அடைந்ததால் அதனை மறு ஆய்வு செய்ய முடிவு செய்யப்பட்டுள்ளது. அதன்படி, இத்திட்டத்தில் சேரும் 70% வீரர்களை தக்க வைத்துக்கொள்ளும் வகையில் மாற்றம் கொண்டுவரப்பட உள்ளதாகக் கூறப்படுகிறது.
News June 13, 2024
ஜூலை 6 முதல் மருத்துவக் கலந்தாய்வு
2024-25 கல்வியாண்டிற்கான நீட் தேர்வு கடந்த மே 5ஆம் தேதி நடந்தது. நாடு முழுவதும் 24 லட்சம் மாணவர்கள் தேர்வு எழுதினர். இதற்கான முடிவுகள் ஜூன் 14ஆம் தேதி வெளியாகும் என அறிவிக்கப்பட்டிருந்த நிலையில், முன்கூட்டியே கடந்த 4ஆம் தேதி வெளியானது. தொடர்ந்து, கலந்தாய்வு எப்போது என்பது குறித்த கேள்வி எழுந்தது. இந்நிலையில், ஜூலை 6 முதல் மருத்துவக் கலந்தாய்வை தொடங்க முடிவு செய்துள்ளதாக மத்திய அரசு கூறியுள்ளது.
Featured News
Sorry, no posts matched your criteria.