India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 20, 2024
T20 WC: இங்கிலாந்துக்கு 181 ரன்கள் இலக்கு
இங்கிலாந்துக்கு எதிரான சூப்பர் 8 போட்டியில் வெஸ்ட் இண்டீஸ் அணி 180/4 ரன்களை குவித்துள்ளது. முதலில் களமிறங்கிய வெஸ்ட் இண்டீஸ், ஆரம்பம் முதலே அதிரடியாக விளையாடியது. அந்த அணியின் ஜான்சன் சார்லஸ் 38, நிக்கோலஸ் பூரன் 36, ரோவ்மேன் பவல் 36, ஷெர்ஃபேன் ரூதர்ஃபோர்ட் 28 ரன்களை எடுத்தனர். இங்கிலாந்து அணியின் ஜோஃப்ரா ஆர்ச்சர், மொயின் அலி, அடில் ரஷித், லியாம் லிவிங்ஸ்டோன் தலா ஒரு விக்கெட்டை வீழ்த்தினர்.
News June 20, 2024
காஷ்மீரில் 2 பயங்கரவாதிகள் சுட்டுக்கொலை
காஷ்மீரின் ஹடிபோரா பகுதியில் தீவிரவாதிகளின் நடமாட்டம் இருப்பதாக உளவுத்துறைக்கு ரகசிய தகவல் கிடைத்தது. அதன் பேரில் அங்கு விரைந்து சென்ற பாதுகாப்பு படையினர், தீவிர தேடுதல் வேட்டையில் ஈடுபட்டனர். அப்போது அங்கு பதுங்கி இருந்த பயங்கரவாதிகள் நோக்கி துப்பாக்கியால் சுட்டனர். அதனை தொடர்ந்து பாதுகாப்பு படையினர் தங்களது துப்பாக்கிகளால் கொடுத்த பதிலடியில், இரண்டு தீவிரவாதிகள் சுட்டுக்கொல்லப்பட்டனர்.
News June 20, 2024
மும்பை கல்லூரியில் ஹிஜாப் அணிய தடை: 26இல் தீர்ப்பு
கல்லூரி வளாகத்தில் ஹிஜாப் அணிய தடைவிதிக்கப்பட்டது முஸ்லிம்களுக்கு எதிரானது அல்ல, ஆடை கட்டுப்பாட்டின் ஒரு அங்கமே என செம்பூர் கல்லூரி மும்பை உயர்நீதிமன்றத்தில் தெரிவித்துள்ளது. கல்லூரியின் உத்தரவை எதிர்த்து 9 மாணவர்கள் வழக்கு தொடர்ந்தனர். தங்களின் மத உரிமை மறுக்கப்படுவதாக அவர்கள் நீதிமன்றத்தில் முறையிட்டனர். இந்த வழக்கை விசாரித்த நீதிபதிகள், வழக்கின் தீர்ப்பை வரும் 26ஆம் தேதி ஒத்திவைத்தனர்.
News June 20, 2024
4 மாவட்டங்களில் மழை கொட்டும்
தமிழகத்தில் காலை 10 மணி வரை 4 மாவட்டங்களில் மழை பெய்ய வாய்ப்புள்ளதாக வானிலை மையம் தெரிவித்துள்ளது. குமரி, நெல்லை, தென்காசி, விருதுநகர் ஆகிய மாவட்டங்களில் இடி, மின்னலுடன் கூடிய மழை பெய்ய வாய்ப்புள்ளதாக கூறப்பட்டுள்ளது. இதனால், பள்ளி, அலுவலகம் செல்வோர் முன்னெச்சரிக்கையாக குடை, ரெயின் கோட் எடுத்துச் செல்லுங்கள். மழை காரணமாக கோவை வால்பறை தாலுகாவில் பள்ளிகளுக்கு மட்டும் விடுமுறை அறிவிக்கப்பட்டுள்ளது.
News June 20, 2024
கள்ளக்குறிச்சி விரையும் இபிஎஸ்
கள்ளச்சாராயம் குடித்து மருத்துவமனையில் சிகிச்சை பெற்று வருபவர்களை சந்தித்து இபிஎஸ் ஆறுதல் கூற உள்ளார். கள்ளக்குறிச்சி மாவட்டத்தில் கள்ளச்சாராயம் குடித்து 30 பேர் பலியான நிலையில், 70க்கும் மேற்பட்டவர்கள் மருத்துவமனையில் சிகிச்சை பெற்று வருகிறார்கள். இந்த சம்பவத்தில் போலீசார் பலர் சஸ்பெண்ட் செய்யப்பட்ட நிலையில், பாதிக்கப்பட்டவர்களை அரசியல் கட்சி தலைவர்கள் சந்தித்து ஆறுதல் கூறி வருகிறார்கள்.
News June 20, 2024
நூற்றாண்டின் சிறந்த 25 படத்தில் ஒன்றாக காலா தேர்வு
பிரிட்டனைச் சேர்ந்த பிரபல சினிமா இதழான Sight and Sound இந்த நூற்றாண்டின் சிறந்த 25 படங்களின் பட்டியலை வெளியிட்டுள்ளது. அதில் கடந்த 2018ஆம் ஆண்டில் இயக்குநர் பா. ரஞ்சித் இயக்கி ரஜினிகாந்த் நடிப்பில் வெளியான காலா திரைப்படமும் இடம்பெற்றுள்ளது. இந்தியப் படங்களில் காலா படம் மட்டுமே அந்தப் பட்டியலில் இடம்பெற்றுள்ளது. வேறு எந்த இந்திய மொழி படங்களும் அதில் இடம்பெறவில்லை என்பது குறிப்பிடத்தக்கது.
News June 20, 2024
BP, சுகர் மாத்திரைகளின் விலை உயர்வு
BP, சர்க்கரை நோய் உள்ளிட்ட 54 வகையான மருந்துகளின் விலையை மத்திய அரசு உயர்த்தியுள்ளது. சர்க்கரை நோயாளிகள் அதிகம் பயன்படுத்தும் மெட்ஃபோர்மின், லினாக்ளிப்டின் மாத்திரைகள் விலை ₹15ல் இருந்து ₹20 ஆக உயர்த்தப்பட்டுள்ளது. BP மாத்திரைகளான டெல்மிசார்டன், சில்னி டிபைன் போன்றவற்றின் விலை ₹7.14 ஆக உயர்ந்துள்ளது. பாக்டீரியா எதிர்ப்பு ஊசி, கால்சியம் மற்றும் வைட்டமின் டி 3 மாத்திரைகள் விலை குறைந்துள்ளது.
News June 20, 2024
ஓபிஎஸ் அணியினர் இன்று ஆலோசனை
ஓபிஎஸ் அணியின் மாவட்டச் செயலாளர்கள் கூட்டம் இன்று நடைபெற உள்ளது. அந்த அணியின் அரசியல் ஆலோசகர் பண்ருட்டி ராமசந்திரன் தலைமையில் நடைபெறும் இந்த ஆலோசனையில், ஓபிஎஸ் ஆதரவு அதிமுக எம்எல்ஏக்கள், மாவட்டச் செயலாளர்கள், கட்சி நிர்வாகிகள் கலந்து கொள்ள இருக்கிறார்கள். ஓபிஎஸ் அணியில் இருந்து ஜேசிடி பிரபாகர், புகழேந்தி உள்ளிட்ட நிர்வாகிகள் விலகிய நிலையில், இந்த கூட்டம் முக்கியத்துவம் பெற்றுள்ளது.
News June 20, 2024
மருத்துவமனைகள் தயார் நிலையில் இருக்க வேண்டும்
நாட்டின் பல பகுதிகளில் கடும் வெப்ப அலை மக்களை அதிகமாக வாட்டி வருகிறது. இதனால் வெப்ப வாதம் உள்ளிட்ட பல்வேறு கோடைகால நோய்கள் அதிகரித்து வருகின்றன. டெல்லி உள்ளிட்ட வட இந்திய மாநிலங்களில் இதன் காரணமாக இதுவரை 40-க்கும் மேற்பட்டோர் உயிரிழந்துள்ளனர். இந்நிலையில், வெப்ப அலை தொடர்பான நோய்களுக்கு சிகிச்சையளிக்க தயாராக இருக்குமாறு மருத்துவமனைகளுக்கு மத்திய அமைச்சர் ஜெ.பி.நட்டா உத்தரவிட்டுள்ளார்.
News June 20, 2024
ரஷ்யா – வட கொரியா இடையே ராணுவ ஒப்பந்தம்
ரஷ்யாவும் வட கொரியாவும் இணைந்து பரஸ்பர ராணுவம் & தளவாட உதவி வழங்கும் ஒப்பந்தமொன்றில் கையெழுத்திட்டுள்ளன. இருநாடுகளில் மேலாதிக்க சக்திகள் ஆக்கிரமிப்பு நடவடிக்கைகளை மேற்கொள்ளும்பட்சத்தில், போர் பயிற்சி & பாதுகாப்பு உதவி உள்ளிட்டவற்றை இருதரப்பும் செய்துகொள்ள இந்த ஒப்பந்தம் வழி செய்கிறது. உக்ரைனுக்கு எதிரான போரில் ரஷ்யாவுக்கு வட கொரியா துணை நிற்பது குறிப்பிடத்தக்கது.
Featured News
Sorry, no posts matched your criteria.