India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 22, 2024
டி.எம். கிருஷ்ணாவுக்கு இசைக் கலைஞர்கள் எதிர்ப்பு
பிரபல இசைக் கலைஞர் டி.எம். கிருஷ்ணாவுக்கு சங்கீத கலாநிதி விருது வழங்குவதற்கு இசைக் கலைஞர்கள் எதிர்ப்புத் தெரிவித்து வருகின்றனர். சென்னை மியூசிக் அகாதெமிக்கு எதிர்ப்பாளர்கள் எழுதியுள்ள கடிதத்தில், “மனு தர்மம், அயோத்தி, ஸ்ரீராமர் உள்ளிட்ட பல்வேறு விவகாரங்களில் அவரது கருத்துகளால் நாங்கள் வேதனை அடைந்துள்ளோம். இசையுலகின் அடிப்படை நம்பிக்கைகளை வேண்டுமென்றே அவர் உடைக்கிறார்” எனக் குறிப்பிட்டுள்ளனர்.
News March 22, 2024
‘மகளிர் உரிமைத் தொகை மாதம் ₹3,000’
2024 மக்களவைத் தேர்தலுக்கான அதிமுகவின் தேர்தல் அறிக்கையை இபிஎஸ் வெளியிட்டுள்ளார். அதில், 133 அறிவிப்புகள் இடம்பெற்றுள்ளன. குறிப்பாக, மகளிர் உரிமைத் தொகையாக ஏழை குடும்பத்தலைவிகளுக்கு மாதம் ₹3,000 வழங்க மத்திய அரசுக்கு வலியுறுத்தப்படும், நாடாளுமன்ற குளிர்கால கூட்டத்தொடரை சென்னையில் நடத்த வேண்டும், வழக்காடு மொழியாக தமிழ் இடம்பெற வேண்டும் உள்ளிட்ட அறிவிப்புகள் இடம்பெற்றுள்ளன.
News March 22, 2024
கெஜ்ரிவால் மனு விசாரணை 3 நீதிபதிகள் அமர்வுக்கு மாற்றம்
அமலாக்கத்துறையின் கைது நடவடிக்கைக்கு எதிராக கெஜ்ரிவால் தொடர்ந்த மனு மீதான விசாரணை, 3 நீதிபதிகளை கொண்ட உச்சநீதிமன்ற அமர்வுக்கு மாற்றப்பட்டுள்ளது. மனு மீது விசாரணை நடத்த நீதிபதி சஞ்சீவ் கன்னா தலைமையில் 2 நீதிபதிகள் கொண்ட அமர்வை தலைமை நீதிபதி சந்திரசூட் நியமித்தார். அதன் முன்பு விசாரணைக்கு வந்தபோது, 3 நீதிபதிகள் அமர்வு மனுவை விசாரிக்கும் என்று தெரிவிக்கப்பட்டது.
News March 22, 2024
இந்திய ரூபாய் மதிப்பு பயங்கர சரிவு
வர்த்தக நேர தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு 20 காசுகள் சரிவடைந்தது. இன்று காலை வர்த்தகத்தின்போது, அமெரிக்க டாலருக்கு நிகரான இந்திய ரூபாயின் மதிப்பு ரூ.83.13ல் இருந்து ரூ.83.33ஆக சரிவடைந்தது. இறக்குமதியாளர்கள் அதிகளவு டாலரை வாங்குவது மற்றும் சர்வதேச அளவில் டாலரின் மதிப்பு உயர்வதே இதற்கு காரணம் என்று கூறப்படுகிறது.
News March 22, 2024
பாமக, விசிக, தமாகா தேர்தல் பத்திர நன்கொடை பெற்றனவா?
பாமக, விசிக, தமாகா உள்ளிட்ட தமிழக கட்சிகள் தேர்தல் பத்திர நன்கொடை பெற்றனவா, இல்லையா என்பது குறித்து சரியான தகவல் இல்லை. திமுக, அதிமுக குறித்து தகவல் வந்துள்ள நிலையில், மற்ற தமிழக கட்சிகள் குறித்து எதுவும் தெரியவில்லை. தேமுதிக தேர்தல் பத்திர நன்கொடை பெறவில்லை என பிரேமலதா அண்மையில் தெரிவித்திருந்தார். ஆனால் பாமக, விசிக, தமாகா குறித்து தகவல் இல்லாததுடன், அக்கட்சியினரும் கருத்து தெரிவிக்கவில்லை.
News March 22, 2024
தேர்தல் அறிக்கையை வெளியிட்டார் இபிஎஸ்
அதிமுக பொதுச்செயலாளர் இபிஎஸ் தலைமையில் சென்னை ராயப்பேட்டையில் உள்ள அதிமுக அலுவலகத்தில் இன்று மாவட்ட செயலாளர்கள், தலைமை கழக நிர்வாகிகள் ஆலோசனை கூட்டம் நடைபெற்றது. இதில், மக்களவைத் தேர்தல் பணிகள், தேர்தல் பரப்புரை, நட்சத்திர பேச்சாளர்களை களமிறக்குவது குறித்து ஆலோசிக்கப்பட்டது. தொடர்ந்து, மக்களவைத் தேர்தலுக்கான அதிமுகவின் தேர்தல் அறிக்கையை இபிஎஸ் வெளியிட்டுள்ளார்.
News March 22, 2024
BIG BREAKING: நீதிமன்றம் பரபரப்பு தீர்ப்பு
2ஜி வழக்கு தொடர்பான CBIயின் மேல் முறையீட்டு மனுவை விசாரிக்க ஏற்றுக் கொண்டது டெல்லி உயர்நீதிமன்றம். 2ஜி அலைக்கற்றையை விற்பனை செய்ததில் அரசுக்கு 1.76 லட்சம் கோடி ரூபாய் நஷ்டம் ஏற்படுத்தியதாக கூறி அப்போதைய அமைச்சர் ஆ.ராசா உள்ளிட்டோர் மீது வழக்குப்பதிவு செய்யப்பட்டது. அதில் அனைவரும் நிரபராதிகள் என்று 2017ஆம் ஆண்டு தீர்ப்பு வழங்கப்பட்ட நிலையில் தற்போது மீண்டும் விசாரிக்கப்படவுள்ளது.
News March 22, 2024
கெஜ்ரிவால் குடும்பத்தை சந்திக்கும் ராகுல்
மதுபான கொள்கை ஊழல் வழக்கில் அமலாக்கத்துறையால் டெல்லி முதல்வர் அரவிந்த் கெஜ்ரிவால் கைது செய்யப்பட்டுள்ளார். இந்நிலையில், கெஜ்ரிவாலின் குடும்பத்தினரை காங்., எம்.பி ராகுல் நேரில் சந்தித்து ஆதரவு தெரிவிக்க உள்ளதாக தகவல் வெளியாகியுள்ளது. முன்னதாக, நேற்றிரவு கெஜ்ரிவால் குடும்பத்தினரை தொலைபேசியில் தொடர்பு கொண்ட அவர், தேவையான சட்ட உதவிகளை செய்ய காங்கிரஸ் கட்சி தயார் என உறுதியளித்ததாகவும் கூறப்படுகிறது.
News March 22, 2024
தங்கம் விலை சவரனுக்கு ₹280 குறைந்தது
கடந்த சில நாட்களாக வரலாறு காணாத அளவில் உயர்ந்து வந்த தங்கம் விலை இன்று சற்று குறைந்துள்ளது. நேற்று ஆபரணத் தங்கத்தின் விலை சவரனுக்கு ₹760 உயர்ந்து ₹49,880க்கு விற்பனையான நிலையில், இன்று ₹280 குறைந்து ₹49,600க்கு விற்பனையாகிறது. கிராமுக்கு ₹35 குறைந்து ₹6,200க்கும் விற்பனையாகிறது. வெள்ளியின் விலை கிராமுக்கு ₹2 குறைந்து ₹79.50க்கும் கிலோவுக்கு ₹2,000 குறைந்து ₹79,500க்கும் விற்பனையாகிறது.
News March 22, 2024
திமுக போல வாரிசுகளை களமிறக்கிய அதிமுக
மக்களவைத் தேர்தலில் அதிமுக சார்பில் இரட்டை இலை சின்னத்தில் 33 பேர் போட்டியிட உள்ளனர். அதில் 32 புதுமுகங்களுக்கு வாய்ப்பு அளிக்கப்பட்டுள்ளது. அதே நேரத்தில் எதிர்பாராத விதத்தில் 5 பேருக்கு வாரிசு அடிப்படையில் சீட்டு ஒதுக்கப்பட்டுள்ளது. ஜெயவர்தன், லோகேஷ் தமிழ்செல்வன் தனபால், ஆற்றல் அசோக்குமார் சவுந்தரம், சிங்கை ராமச்சந்திரன் கோவிந்தராஜ், பாபு பவுன்ராஜ் ஆகியோர் போட்டியிடும் வாய்ப்பினை பெற்றுள்ளனர்.
Featured News
Sorry, no posts matched your criteria.