India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 20, 2024
கள்ளச்சாராயம் விற்ற சின்னத்துரை கைது
கள்ளக்குறிச்சியில் விஷச்சாராயம் குடித்த 39 பேர் உயிரிழந்த நிலையில், மருத்துவமனையில் பலர் சிகிச்சை பெற்று வருகின்றனர். இந்நிலையில், இந்த வழக்கில் தலைமறைவாக இருந்த சாராய வியாபாரி சின்னத்துரையை சிபிசிஐடி போலீசார் கைது செய்துள்ளனர். அவரிடம் பின்னணியில் உள்ளவர்கள் குறித்து விசாரணை நடப்பதாகக் கூறப்படுகிறது. இவர் கள்ளக்குறிச்சியைச் சேர்ந்த கோவிந்தராஜ், தாமோதரன் ஆகியோருக்கு சாராயம் விற்றுள்ளார்.
News June 20, 2024
கண்ணீர் வரவைக்கும் புகைப்படம்
கள்ளக்குறிச்சியில் விஷச்சாராயம் குடித்து இறந்தவர்களின் குடும்பத்தினரை பார்த்து ஒட்டுமொத்த தமிழகமும் கலங்கி நிற்கிறது. கணவன், தந்தை, சகோதரனை இழந்த குடும்பத்தினர் ஆதரவற்று நிற்கின்றனர். அதில், 2 சிறுவர்கள் சிலுவையை சுமந்து தந்தையின் இறுதிச் சடங்கில் கலந்துகொண்ட காட்சி கண்ணீரை வரவழைக்கிறது. தற்போது வரை 39 பேர் உயிரிழந்துள்ள நிலையில், 60க்கும் மேற்பட்டோர் மருத்துவமனையில் சிகிச்சை பெற்று வருகின்றனர்.
News June 20, 2024
விதியை உருவாக்கிய உரிமையாளருக்கே அபராதம்
மும்பையை சேர்ந்த அழகு சாதன நிறுவனத்தில், காலை 9.30 மணிக்குள் பணிக்கு வராமல், தாமதமாக வரும் ஊழியர்கள் ₹200 அபராதம் செலுத்த வேண்டும் என அந்நிறுவனத்தின் உரிமையாளர் கவுஷல் ஷா உத்தரவிட்டுள்ளார். இந்த தொகை பணியாளர்களுக்கு உணவு வழங்க பயன்படுத்தப்படும் என அறிவித்துள்ளார். இந்நிலையில், கடந்த 15 நாள்களில் தாமதமாக வந்ததற்காக தான் ₹1,000 அபராதம் கட்டியுள்ளதாக கவுஷல் ஷா தனது X பக்கத்தில் பதிவிட்டுள்ளார்.
News June 20, 2024
விஜய்யை கட்டி கதறிய பெண்
கள்ளக்குறிச்சியில் கள்ளச்சாராயம் குடித்ததில், உடல்நலம் பாதிக்கப்பட்டு மருத்துவமனையில் அனுமதிக்கப்பட்டு சிகிச்சை பெற்று வருபவர்களை தமிழக வெற்றிக் கழக தலைவர் விஜய் நேரில் சந்தித்து நலம் விசாரித்தார். அப்போது, உடல்நலம் பாதிக்கப்பட்டவரின் மனைவி விஜய்யை கட்டி கதறிய காட்சி காண்போரை கலங்க செய்தது. அவருக்கு ஆறுதல் கூறிய விஜய், தேவையான உதவிகளை செய்வதாக கூறியுள்ளார்.
News June 20, 2024
அடுத்த 3 மணி நேரத்திற்கு மழை
தமிழகத்தில் இரவு 10 மணி வரை வேலூர், ராணிப்பேட்டை, திருவள்ளூர், சென்னை, காஞ்சிபுரம், செங்கல்பட்டு, திருவண்ணாமலை, விழுப்புரம், கடலூர், கள்ளக்குறிச்சி, அரியலூர், சிவகங்கை, புதுக்கோட்டை, தஞ்சாவூர், திருவாரூர், நாகை, மயிலாடுதுறை, தென்காசி ஆகிய மாவட்டங்களில் இடி, மின்னலுடன் கூடிய மிதமான மழை பெய்யக்கூடும் என்று வானிலை ஆய்வு மையம் அறிவித்துள்ளது.
News June 20, 2024
விமானத் துறையில் பெண்களுக்கான வாய்ப்பு
விமான போக்குவரத்து துறையில் பெண் ஊழியர்களின் பிரதிநிதித்துவத்தை அதிகரிக்க வேண்டுமென, DGCA அறிவுறுத்தியுள்ளது. விமானத் துறையில் 2025ஆம் ஆண்டுக்குள் 25% பெண்களை பணியில் அமர்த்த சிவில் விமான அமைச்சகம் திட்டமிட்டுள்ளது. அதன் அடிப்படையில், பாலின சமத்துவத்தை கடைப்பிடிக்கும்படி விமான நிறுவனங்களுக்கு சிவில் விமான போக்குவரத்து ஒழுங்குமுறை இயக்குநரகம் சுற்றறிக்கை அனுப்பியுள்ளது.
News June 20, 2024
3ஆவது இடத்தில் இந்தியாவின் விமான போக்குவரத்து
உள்நாட்டு விமான போக்குவரத்தில், உலகின் 3ஆவது பெரிய நாடாக இந்தியா உருவெடுத்துள்ளது. 10 ஆண்டுகளுக்கு முன் 5ஆவது இடத்தில் இருந்த இந்தியா, தற்போது இந்தோனேசியா மற்றும் பிரேசில் ஆகியவற்றை பின்னுக்கு தள்ளி, 1.56 கோடி விமான இருக்கை வசதியுடன் 3ஆவது இடத்திற்கு முன்னேறியுள்ளது. உள்நாட்டு விமானங்களின் இருக்கை வசதி ஆண்டுக்கு 6.9% வளர்ச்சி கண்டுள்ளது. அமெரிக்கா, சீனா முதல் 2 இடங்களில் உள்ளன.
News June 20, 2024
குடியரசுத் தலைவரின் பிறந்தநாள் கொண்டாட்டம்
குடியரசுத் தலைவர் திரெளபதி முர்மு இன்று தனது 66ஆவது பிறந்தநாளை கொண்டாடி வருகிறார். அந்த வகையில், டெல்லியில் உள்ள மாற்றுத்திறனாளிகளால் நடத்தப்படும் கஃபேவில் கேக் வெட்டி மகிழ்ச்சியை வெளிப்படுத்தினார். இது தொடர்பான புகைப்படங்கள் இணையத்தில் வெளியாகி கவனம் ஈர்த்துள்ளன. பலரும் குடியரசுத் தலைவருக்கு வாழ்த்துகளையும், பாராட்டுகளையும் தெரிவித்து வருகின்றனர்.
News June 20, 2024
BREAKING: மருத்துவமனைக்கு சென்றார் விஜய்
கள்ளக்குறிச்சியில் விஷச்சாராயம் குடித்து மருத்துவமனையில் சிகிச்சை பெற்று வருபவர்களை நேரில் சந்தித்து தவெக தலைவர் விஜய் நலம் விசாரித்து வருகிறார். பாதிக்கப்பட்டோரின் குடும்பத்தினர்கள் விஜய்யின் கையைப்பிடித்து கதறி அழுதனர். அப்போது, சொல்லமுடியாத துயரத்தில் வாடிய முகத்துடன் இருந்த விஜய், அவர்களுக்கு ஆறுதல் கூறி, சிகிச்சை தொடர்பாக மருத்துவர்களிடம் கேட்டறிந்தார்.
News June 20, 2024
EVM இயந்திரங்களை ஹேக் செய்வது சாத்தியமில்லை
இந்தியாவில் பயன்படுத்தப்படும் எம்3 மாடல் இவிஎம் இயந்திரங்களை ஹேக் செய்வது சாத்தியமில்லை என குஜராத் ஐஐடி இயக்குநர் ரஜத் விளக்கமளித்துள்ளார். இவிஎம்களை இணையம், புளூடூத் போன்ற மற்ற சாதனங்களுடன் இணைக்க முடியாது என்பதால், மென்பொருள் மற்றும் நிரல்களை ஏற்ற முடியாது எனக் கூறியுள்ளார். மேலும், யாராவது அதை சேதப்படுத்தினால், தானியங்கி செயல்பாடுகள் அதை உடனடியாக சரிசெய்யும் எனத் தெரிவித்துள்ளார்.
Featured News
Sorry, no posts matched your criteria.