India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 10, 2024
திறந்தவெளி சிறைகளை அமைக்க நீதிமன்றம் பரிந்துரை
சிறைகளில் நெரிசலைக் குறைக்க நாடு முழுவதும் திறந்தவெளி சிறைகளை உருவாக்கலாம் என மத்திய அரசுக்கு உச்ச நீதிமன்றம் பரிந்துரைத்துள்ளது. இது குறித்த வழக்கில் கருத்து தெரிவித்த நீதிபதிகள், திறந்தவெளி சிறைகள் ராஜஸ்தானில் சிறப்பாகச் செயல்படுவதைச் சுட்டிக்காட்டினர். பகல் நேரத்தில் கைதிகள் வெளியே சென்று வேலை செய்து சம்பாதிக்கவும், மாலையில் சிறைக்குத் திரும்பவும் ஏற்பாடு செய்யலாம் என்றும் அறிவுறுத்தினர்.
News May 10, 2024
பொறியியல் செமஸ்டர் தேர்வுகள் ரத்து
தமிழகத்தில் உள்ள பொறியியல் கல்லூரிகளில் மே 15ஆம் தேதி தொடங்க இருந்த செமஸ்டர் தேர்வுகள் ரத்து செய்யப்பட்டுள்ளதாக அண்ணா பல்கலை., அறிவித்துள்ளது. அண்ணா பல்கலை., மற்றும் அதன் உறுப்பு கல்லூரிகளில் மின்னணு வாக்குப்பதிவு இயந்திரங்கள் வைக்கப்பட்டுள்ளதால் தேர்வுகள் ஒத்திவைக்கப்படுவதாகவும், தேர்தல் முடிவுகள் வெளியானதும், ஜூன் 6-ஆம் தேதியில் இருந்து தேர்வுகள் நடத்தப்படும் எனவும் தெரிவித்துள்ளது.
News May 10, 2024
SBIஇல் 12,000 பணியிடங்கள்
SBIஇல் ஐடி உள்ளிட்ட பல்வேறு பணிகளுக்கு ஏறக்குறைய 12,000 ஊழியர்களை பணியமர்த்துவதற்கான நடவடிக்கையில் ஈடுபட்டுள்ளதாக அதன் தலைவர் தினேஷ் காரா தெரிவித்துள்ளார். இவர்கள் பொதுப் பணியாளர்கள் என்றும், அதிகாரிகள் மட்டத்தில் 85% பொறியாளர்கள் என்ற அமைப்பை வங்கி கொண்டுள்ளதாகவும் அவர் கூறினார். நிதியாண்டில் SBI மொத்த ஊழியர்களின் எண்ணிக்கை 2,32,296 ஆக உள்ளது. இது முந்தைய ஆண்டில் 2,35,858 ஆக இருந்தது.
News May 10, 2024
இந்திய மகளிர் அணி அபார வெற்றி
வங்கதேசத்துக்கு எதிரான 5ஆவது மகளிர் டி20 போட்டியில், இந்தியா அபார வெற்றி பெற்றது. டாஸ் வென்று பேட்டிங் தேர்வு செய்த இந்திய அணி, 20 ஓவர்கள் முடிவில் 156/5 ரன்கள் குவித்தது. அதிகபட்சமாக ஹேமலதா (37), ஸ்மிரிதி மந்தனா (33) ரன்கள் குவித்து அசத்தினர். பின்னர் களமிறங்கிய வங்கதேச அணி, 20 ஓவர்கள் முடிவில் 135/6 ரன்கள் மட்டுமே எடுத்து தோல்வியைத் தழுவியது. இதனால், 5-0 என்ற கணக்கில் இந்தியா தொடரை வென்றது.
News May 10, 2024
கெஜ்ரிவால் வழக்கில் இன்று இடைக்கால உத்தரவு
டெல்லி மதுபான கொள்கை முறைகேடு வழக்கில் கைதாகி புழல் சிறையில் இருக்கும் டெல்லி முதல்வர் அரவிந்த் கெஜ்ரிவாலுக்கு இடைக்கால ஜாமின் வழங்குவது குறித்து உச்சநீதிமன்றம் இன்று இடைக்கால உத்தரவு பிறப்பிக்கவுள்ளது. மேலும், ஜாமினில் வெளியே சென்றால் அரசு பணிகளை மேற்கொள்ளக்கூடாது என்பது உள்ளிட்ட கட்டுப்பாடுகள் விதிக்கப்படும் என்றும், தேர்தல் பணிகளுக்கு மட்டும் அனுமதி வழங்கப்படும் எனவும் எதிர்பார்க்கப்படுகிறது.
News May 10, 2024
ஆட்சியின் அவலங்களை திசை திருப்ப முயற்சி
ஆட்சியின் குறைகளைச் சுட்டிக்காட்டினால் இபிஎஸ் மீது தனிநபர் விமர்சனம் செய்வதா என திமுகவினருக்கு அதிமுக முன்னாள் அமைச்சர் ஆர்.பி.உதயகுமார் கேள்வி எழுப்பியுள்ளார். இது குறித்த அவரது அறிக்கையில், திமுகவின் மக்கள் விரோத ஆட்சியை இபிஎஸ் புள்ளி விவரங்களோடு சுட்டிக்காட்டியதாகத் தெரிவித்துள்ளார். ஆனால், அதற்குப் பதில் சொல்வதை விட்டுவிட்டு, திமுகவினர் மக்களை திசை திருப்ப முயல்வதாகக் குற்றம்சாட்டியுள்ளார்.
News May 10, 2024
தமிழகத்தில் மின் கட்டணம் உயர்கிறது? விளக்கம்
வீடுகளுக்கு தற்போது வழங்கப்படும் 100 யூனிட் இலவச மின்சாரத்தை தவிர்த்து மற்ற கட்டணங்கள் உயர்வதாக சமூக வலைதளங்களில் தகவல்கள் பரவி வருகிறது. 200 யூனிட்டுக்கு ₹55ம், 900 யூனிட்டுக்கு ₹1,130ம் கூடுவதாகக் கூறப்பட்டிருந்தது. இதுகுறித்து விளக்கமளித்த மின்வாரியம், கட்டண உயர்வு குறித்து கடந்த சில நாட்களாக உலா வரும் தகவல், பழைய செய்தி என்றும், அது 9.9.2022இல் உயர்த்தப்பட்ட கட்டண விகிதம் எனவும் கூறியது.
News May 10, 2024
அட்சய திரிதியில் தர்ப்பணம் கொடுக்கலாமா?
அட்சய திருதியில் அன்று முன்னோர்களுக்கு பித்ரு தர்ப்பணம் கொடுப்பதன் மூலம் கனவிலும் நினைத்துப் பார்க்காத பல நல்ல பலன்களை அடைய முடியுமென தர்ம சாஸ்திரங்கள் கூறுகின்றன. முன்னோருக்கு முறையாக கர்ம காரியங்களைச் செய்யாமல் விட்டவர்கள் நாளை (மே 10) அதிகாலையில் நீராடி, விரதமிருந்து சிவன் கோயிலுக்குச் சென்று, பித்ருக்களுக்கு தர்ப்பணம் கொடுத்து வழிபட்டு புண்ணிய பலன்களைப் பெறுங்கள்.
News May 10, 2024
விஜயகாந்தை விரும்பிய உள்ளங்களுக்கு சமர்ப்பணம்
தேமுதிக நிறுவனரும், நடிகருமான மறைந்த விஜயகாந்துக்கான பத்ம பூஷன் விருதை அவருடைய மனைவி பிரேமலதா பெற்றுக்கொண்டார். முன்னதாக பேசிய அவர், கேப்டன் இல்லை என்கிற வலி மனதுக்குள் உள்ளதாகவும், இருப்பினும் மத்திய அரசின் உயரிய விருதை வாங்குவதில் தங்கள் கட்சியினர் ஒட்டுமொத்தமாக பெருமை அடைவதாகவும் கூறினார். மேலும், இந்த விருது அவரை விரும்பிய அனைத்து அன்பு உள்ளங்களுக்கும் சமர்ப்பணம் என்றும் அவர் தெரிவித்தார்.
News May 10, 2024
அட்சய திருதியையொட்டி நகை முன்பதிவு அதிகரிப்பு
அட்சய திருதியை நாளில், கடந்த ஆண்டை விட இந்தாண்டு நகைகளின் முன்பதிவு அதிகரித்துள்ளதாக நகை விற்பனையாளர்கள் தெரிவித்துள்ளனர். இதனால், கடந்த ஆண்டை விட இந்தாண்டு 25% வரை நகை விற்பனை அதிகரிக்கும் என நம்பிக்கை தெரிவித்துள்ளனர். காலை 6 மணி முதல் நள்ளிரவு 1 மணி வரை நகைக் கடைகள் திறந்திருக்கும் எனவும், வீடுகளுக்கே நேரடியாக நகைகளை டெலிவரி செய்ய ஏற்பாடு செய்யப்பட்டுள்ளதாகவும் அவர்கள் தெரிவித்துள்ளனர்.
Featured News
Sorry, no posts matched your criteria.