India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 11, 2024
1.12 லட்சம் மாணவர்கள் விண்ணப்பம்
தமிழகத்தில் உள்ள 164 அரசு கலை மற்றும் அறிவியல் கல்லூரிகளில் இளங்கலை படிப்புகளுக்கான மாணவர் சேர்க்கை மே 6 முதல் நடைபெற்று வருகிறது. இதற்கு நேற்று மாலை வரை 1,24,012 மாணவர்கள் விண்ணப்பித்துள்ளனர். இதற்கு விண்ணப்பிக்க மே 20 வரை அவகாசம் இருப்பதால் இந்த எண்ணிக்கை மேலும் அதிகரிக்கும் என எதிர்பார்க்கப்படுகிறது. மாணவர்கள் www.tngasa.in என்ற இணையதளம் மூலமாக விண்ணப்பிக்கலாம்.
News May 11, 2024
நோட்டாவுக்கு வாக்கு கேட்கும் காங்கிரஸ்
நாடு முழுவதும் மூன்று கட்டத் தேர்தல் முடிவடைந்துள்ள நிலையில், நான்காம் கட்டத் தேர்தல் மே 13 ஆம் தேதி நடைபெற உள்ளது. மத்திய பிரதேசத்தின் மிகப்பெரிய தொகுதியான இந்தூர் தொகுதியில் பாஜக வேட்பாளர் சங்கர் லால்வானியை எதிர்த்து காங்., சார்பில் அக்சய் காந்தி களமிறக்கப்பட்டார். கடைசி நேரத்தில் அவர் வேட்புமனுவைத் திரும்பப் பெற்றார். இதனால், அங்கு காங்கிரசார் நோட்டாவிற்கு வாக்களிக்கும்படி கேட்டு வருகின்றனர்.
News May 11, 2024
10ஆம் வகுப்பில் தனுஷ் மகன் லிங்கா 460 மார்க்
10ஆம் வகுப்பு பொதுத்தேர்வு முடிவு நேற்று வெளியான நிலையில், நடிகர் தனுஷ் இளைய மகன் லிங்கா 500க்கு 460 மதிப்பெண்கள் பெற்றுள்ளார். தமிழில் 88, ஆங்கிலத்தில் 90, கணிதத்தில் 96, அறிவியலில் 99, சமூக அறிவியலில் 87 என மொத்தம் 460 மதிப்பெண்கள் எடுத்துள்ளார். அவருக்கு பலரும் வாழ்த்து தெரிவித்து வருகின்றனர். மேலும், அவர் முதல் குரூப் எடுக்கலாம் என எதிர்பார்க்கப்படுகிறது.
News May 11, 2024
திருமண தடை நீக்கும் ‘தோரணமலை முருகன்’
தென்காசி மாவட்டத்தில் அமைந்துள்ள தோரணமலை முருகன் கோயில் பிரசித்தி பெற்ற கோயிலாக விளங்குகிறது. இம்மலையில் ஒவ்வொரு படிக்கட்டிலிலும் ஏற, ஏற முருகன் வாழ்வில் நம்மை உயர்த்துவார் என்றும், இங்கு வழிபட்டால் திருச்செந்தூரில் வழிபட்ட அதே பலன்கள் கிடைப்பதாகவும் கூறப்படுகிறது. குறிப்பாக, இங்கு வழிபடுவதன் மூலம் திருமணத் தடை நீங்குவதாகவும் புத்திர பாக்கியம் கிடைப்பதாகவும் பக்தர்களால் நம்பப்படுகிறது.
News May 11, 2024
முதல்வர் ஸ்டாலினுக்கு தைரியம் இருக்கிறதா?
பிரதமரின் சவாலை ஏற்று முதல்வர் ஸ்டாலின், காங்கிரசுடனான உறவை முறித்துக் கொள்வாரா என குஷ்பூ கேள்வி எழுப்பியுள்ளார். திமுக கூட்டணியின்றி தனியாக போட்டியிட காங்கிரசுக்கும் தைரியம் இருக்கிறதா? என்றும் வினவினார். முன்னதாக, தென்னிந்தியர்கள் ஆபிரிக்கர்கள் போல இருப்பதாக சாம் பிட்ரோடா (காங்.,) கூறியதை குறிப்பிட்டு, காங்., கூட்டணியில் இருந்து விலக முதல்வர் ஸ்டாலினுக்கு பிரதமர் சவால் விட்டிருந்தார்.
News May 11, 2024
10ஆம் வகுப்பில் தமிழக அளவில் முதலிடம் பிடித்த 4 பேர்
10ஆம் வகுப்பு பொதுத்தேர்வில் தமிழக அளவில் 4 மாணவிகள் 500க்கு 499 மதிப்பெண்கள் எடுத்து முதலிடம் பிடித்துள்ளனர். திண்டுக்கல் மாவட்டத்தைச் சேர்ந்த காவியா ஸ்ரீ, இராமநாதபுரம் மாவட்டத்தைச் சேர்ந்த காவியா ஜனனி, நெல்லை மாவட்டத்தைச் சேர்ந்த சஞ்சனா அனுஷ், தருமபுரி மாவட்டத்தைச் சேர்ந்த சந்தியா ஆகியோர் 4 பாடங்களில் 100க்கு 100 மதிப்பெண்களும், ஒரு பாடத்தில் 99 மதிப்பெண்ணும் எடுத்து சாதனை படைத்துள்ளனர்.
News May 11, 2024
இன்றைய தலைப்புச் செய்திகள்
* வாக்கு சதவீதம் குறித்த காங்கிரஸ் தலைவர் கார்கேவின் கருத்துக்கு, தேர்தல் ஆணையம் கண்டனம்.
* டெல்லி முதல்வர் அரவிந்த் கெஜ்ரிவால் ஜூன் 2இல் சரணடைய உச்சநீதிமன்றம் உத்தரவிட்டுள்ளது.
* பாகிஸ்தானை மதிக்காவிட்டால், அந்நாடு நம் மீது அணுகுண்டு வீசும் என காங்கிரஸ் மூத்த தலைவர் மணிசங்கர் அய்யர் பேச்சு.
* 12 மற்றும் 10ஆம் வகுப்புப் பொதுத் தேர்வில் தேர்ச்சி பெற்ற மாணவர்களை சந்திக்க உள்ளார் நடிகர் விஜய்.
News May 11, 2024
பொறியியல் படிப்பில் சேர மாணவர்கள் ஆர்வம்
தமிழகத்தில் அண்ணா பல்கலைக்கழகத்தின் கீழ் உள்ள 450க்கும் மேற்பட்ட பொறியியல் கல்லூரிகளில் விண்ணப்பப் பதிவு கடந்த 6ஆம் தேதி தொடங்கி நடைபெற்று வருகிறது. கடந்த 5 நாட்களில் 84,000 மாணவர்கள் பொறியியல் படிப்பில் சேர விண்ணப்பித்துள்ளனர். கடந்த ஆண்டு பொறியியல் படிப்பில் சேர 1.6 லட்சம் மாணவர்கள் விண்ணப்பித்த நிலையில், இந்த ஆண்டு அதைவிட அதிகமானவர்கள் விண்ணப்பிப்பார்கள் என எதிர்பார்க்கப்படுகிறது.
News May 11, 2024
மக்களை திரும்பி பார்க்க வைத்த கவின்
‘டாடா’ படத்தையடுத்து கவின் நடிப்பில் நேற்று வெளியான ‘ஸ்டார்’ பாசிட்டிவான விமர்சனங்களைப் பெற்றுவருகிறது. ₹12 கோடி செலவில் தயாரான இப்படம் முதல் நாளில் மட்டுமே ₹1 கோடிக்கும் மேல் வசூலித்துள்ளதாக தகவல் வெளியாகியுள்ளது. படத்திற்கு ரசிகர்களிடையே வரவேற்பு கிடைத்துள்ளதால் வரும் நாட்களில் வசூல் மேலும் அதிகரிக்கும் எனக் கூறப்படுகிறது. இளன் இயக்கியுள்ள இப்படத்திற்கு யுவன் இசையமைத்துள்ளது குறிப்பிடத்தக்கது.
News May 11, 2024
ப்ளே ஆஃப்க்கு செல்லுமா கொல்கத்தா?
ஐபிஎல்லில் இன்று நடைபெறும் போட்டியில் கொல்கத்தா மற்றும் மும்பை அணிகள் மோதுகின்றன. மும்பை அணி ஏற்கெனவே எலிமினேட் ஆகியுள்ள நிலையில், இன்றைய போட்டி மும்பைக்கு சம்பிரதாய ஆட்டமாகவே இருக்கும். அதேநேரம் இன்றைய போட்டியில் கொல்கத்தா வெற்றிபெறும் பட்சத்தில் ப்ளே ஆஃப்க்கு தகுதி பெறும் முதல் அணியாக இருக்கும். இன்று எந்த அணி வெற்றிபெறும்? கமெண்ட் பண்ணுங்க.
Featured News
Sorry, no posts matched your criteria.