India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 11, 2024
ஆவணதாரர்களை அலைக்கழிக்க கூடாது
பதிவிற்காக தாக்கல் செய்யப்படும் ஆவணங்களில் உள்ள சிறு பிழைகளுக்காக ஆவணதாரர்களை அலைக்கழிக்கக் கூடாது என பதிவுத்துறை உத்தரவிட்டுள்ளது. ஆவணதாரர்கள் அலைக்கழிக்கப்படுவதாக புகார் எழுந்த நிலையில், பதிவு அலுவலகங்களில் தாக்கல் செய்யப்படும் ஆவணங்கள் தொடர்பான தகவல்களை உரியவர்களுக்கு தெரிவிக்க வேண்டும் என்றும் உடனுக்குடன் சரி செய்யத்தக்க பிழைகளுக்காக ஆவணதாரர்களை அலைகழிக்க கூடாது எனவும் அறிவுறுத்தப்பட்டுள்ளது.
News May 11, 2024
West Nile virus: மக்கள் பீதியடைய வேண்டாம்
கேரளாவில் வெஸ்ட் நைல் வைரஸ் பரவியதை அறிந்த தமிழக மக்கள் பீதியடைய வேண்டாம் என தமிழக பொது சுகாதாரத்துறை வேண்டுகோள் விடுத்துள்ளது. வெஸ்ட் நைல் வைரஸ் என்பது க்யூலக்ஸ் வகை கொசுக்களால் பரவக் கூடியது. இந்த வைரஸ் தாக்குதலுக்கு ஆளாகும் மக்களில் 80% பேருக்கு அறிகுறிகள் காணப்படுவது இல்லை. ஆனால் ஒரு சிலருக்கு காய்ச்சல், கழுத்து விரைப்பு, கோமா, பக்கவாதம், மூளைக் காய்ச்சல் ஏற்படும் எனத் தெரிவித்துள்ளது.
News May 11, 2024
முதல் நாளில் ₹5 கோடி வசூலித்த ‘ஸ்டார்’
இளன் இயக்கத்தில் கவின் நடித்துள்ள ‘ஸ்டார்’ திரைப்படம், ரசிகர்களிடையே நல்ல வரவேற்பை பெற்று வருகிறது. முதல் நாளான நேற்று, தமிழகத்தில் ₹4 கோடியும், உலகம் முழுவதும் ₹5 கோடியும் வசூலித்துள்ளதாகத் தகவல் கசிந்துள்ளது. இதுவே கவின் நடித்த படங்களில், அதிகபட்ச முதல் நாள் வசூலாகும். நடிகராக ஆசைப்படும் ஒரு இளைஞன், தனது பயணத்தில் எதிர்கொள்ளும் போராட்டங்களை இப்படம் உணர்ச்சி பூர்வமாக சொல்லியிருக்கிறது.
News May 11, 2024
BREAKING: 14ஆம் தேதி 11ஆம் வகுப்பு தேர்வு முடிவு
11ஆம் வகுப்பு பொதுத்தேர்வு முடிவுகள் வரும் 14ஆம் தேதி (செவ்வாய்க்கிழமை) காலை 9.30 மணிக்கு வெளியாகும் என்று அரசுத் தேர்வுகள் இயக்ககம் அறிவித்துள்ளது. இத்தேர்வு தொடர்பான புள்ளி விவரங்கள் அடங்கிய பகுப்பாய்வு அறிக்கையை www.dge.tn.nic.in என்ற இணையதளம் வழியாக பதிவிறக்கம் செய்து கொள்ளலாம். தேர்வு முடிவு வெளியான பின், துணைத்தேர்வு தேதிகள் அறிவிப்பு வெளியாகும்.
News May 11, 2024
‘கருடன்’ திரைப்படம் இம்மாதம் வெளியீடு
சசிகுமார், சூரி இணைந்து நடிக்கும் ‘கருடன்’ திரைப்படம், இம்மாதம் (மே) வெளியாக உள்ளதாக படக்குழு அறிவித்துள்ளது. வெற்றிமாறன் எழுதியுள்ள இந்தக் கதையை, துரை செந்தில்குமார் இயக்கியுள்ளார். குமார் தயாரித்துள்ள இப்படத்தில், உன்னி முகுந்தன், சமுத்திரக்கனி, மைம் கோபி உள்ளிட்ட பலர் நடித்துள்ளனர். யுவன் சங்கர் ராஜா இசையமைக்கும் இப்படத்தின் ட்ரெய்லர் விரைவில் வெளியாகவுள்ளதாகத் தகவல்கள் கசிந்துள்ளன.
News May 11, 2024
செப்டம்பரில் இலங்கை அதிபர் தேர்தல்
இலங்கை அதிபர் தேர்தல் வரும் செப்.17 – அக்.16 வரை நடைபெறும் என அறிவிக்கப்பட்டுள்ளது. வரலாறு காணாத பொருளாதர நெருக்கடியால் அத்தியாவசியப் பொருட்களின் விலை பல மடங்கு உயர்ந்தது. இதற்கு எதிராக மக்கள் போராட்டத்தில் ஈடுபட்டதால், நாட்டை விட்டு வெளியேறிய ராஜபக்சே, அதிபர் பதவியை ராஜினாமா செய்ததால் ரணில் அதிபராக பொறுப்பேற்றார். அவரின் பதவி காலம் முடிவடைய உள்ள நிலையில், தேர்தல் தேதி அறிவிக்கப்பட்டுள்ளது.
News May 11, 2024
₹100 கோடியை நோக்கி ‘அரண்மனை 4’
சுந்தர் சி இயக்கி நடித்துள்ள ‘அரண்மனை 4’ திரைப்படம், உலகம் முழுவதும் ₹70 கோடி வசூலித்துள்ளதாக தகவல் வெளியாகியுள்ளது. கடந்த மே 3ஆம் தேதி திரையரங்குகளில் வெளியான இப்படம், ரசிகர்களிடையே நல்ல வரவேற்பை பெற்றுள்ளது. காமெடி கலந்த திகில் திரைப்படமான இதில், தமன்னா, ராஷி கன்னா, விடிவி கணேஷ் உள்ளிட்டோர் நடித்துள்ளனர். ரசிகர்களின் ஆதரவுடன், விரைவில் ₹100 கோடி வசூலிக்கும் என்று எதிர்பார்க்கப்படுகிறது.
News May 11, 2024
BREAKING: தேர்வு தேதி அறிவிப்பு வெளியானது
10ஆம் வகுப்பு துணைத்தேர்வுக்கான அட்டவணையை அரசு தேர்வுகள் இயக்ககம் சற்றுமுன் வெளியிட்டுள்ளது. ஜூலை 2ஆம் தேதி தமிழ், 3ஆம் தேதி ஆங்கிலம், 4ஆம் தேதி கணக்கு, 5ஆம் தேதி அறிவியல், 6ஆம் தேதி விருப்ப மொழிப்பாடம் மற்றும் 8ஆம் தேதி சமூக அறிவியல் தேர்வு நடைபெறும் என்று அறிவிக்கப்பட்டுள்ளது. 10ஆம் வகுப்பில் தோல்வியடைந்த மாணவர்கள் இந்த வாய்ப்பை பயன்படுத்திக் கொள்ளவும்.
News May 11, 2024
பூமியைத் தாக்கிய சூரிய காந்தப்புயல்
சக்திவாய்ந்த சூரிய காந்தப்புயல் நேற்று பூமியைத் தாக்கியதாக, அமெரிக்காவின் தேசிய கடல் மற்றும் வளிமண்டல நிர்வாகம் (NOAA) தெரிவித்துள்ளது. இதனால், அமெரிக்கா, பிரிட்டன், ஆஸ்திரேலியா நாடுகளில், வானில் வண்ணமயமான காட்சிகள் தோன்றின. மீண்டும் சூரிய காந்தப்புயல் பூமியைத் தாக்கும் என்றும், செயற்கைக்கோள்களுக்குப் பாதிப்பு ஏற்பட வாய்ப்புள்ளதால் முன்னெச்சரிக்கை நடவடிக்கைகளை எடுக்கவும் NOAA அறிவுறுத்தியுள்ளது.
News May 11, 2024
ஷுப்மன் கில்லுக்கு ₹24 லட்சம் அபராதம்
CSK-க்கு எதிரான நேற்றைய ஐபிஎல் போட்டியில், GT அணிக்கு அபராதம் விதிக்கப்பட்டுள்ளது. கொடுக்கப்பட்ட நேரத்திற்குள் பந்துவீசி முடிக்காமல், GT அணி கூடுதல் நேரம் எடுத்துக் கொண்டது. இது ஐபில் விதிப்படி குற்றம் ஆகும். குஜராத் அணிக்கு ஏற்கெனவே ஒருமுறை அபராதம் விதிக்கப்பட்டுள்ளதால், இம்முறை கேப்டன் ஷுப்மன் கில்லுக்கு ₹24 லட்சமும், இம்பேக்ட் வீரர் உள்பட மற்ற வீரர்களுக்கு ₹6 லட்சமும் அபராதம் விதிக்கப்பட்டது.
Featured News
Sorry, no posts matched your criteria.