India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 12, 2024
5 மாவட்டங்களில் இன்று கனமழைக்கு வாய்ப்பு
தமிழகத்தில் 5 மாவட்டங்களில் இன்று கனமழை பெய்ய வாய்ப்பு இருப்பதாக வானிலை மையம் தெரிவித்து உள்ளது. மேற்கு திசை காற்றின் வேகமாறுபாடு காரணமாக, தமிழகத்தில் ஒருசில இடங்களில் இடி மற்றும் மின்னலுடன் கூடிய லேசானது முதல் மிதமான மழையும், நீலகிரி மற்றும் கோயம்புத்தூர், திருப்பூர் தேனி, திண்டுக்கல் மாவட்ட மலை பகுதிகளில் ஓரிரு இடங்களில் கனமழையும் பெய்ய வாய்ப்புள்ளது என்றும் தெரிவித்துள்ளது.
News July 12, 2024
இன்றைய தலைப்புச் செய்திகள்!
*பாலாற்றில் ஆந்திர அரசு தடுப்பு அணை கட்ட விடமாட்டோம் – அமைச்சர் துரைமுருகன்
*தமிழகத்தில் உள்ள வணிக நிறுவனங்களின் பெயர்களை தமிழில் எழுத வேண்டும் – ராமதாஸ்
*கோபா அமெரிக்க கோப்பை இறுதிப்போட்டிக்கு கொலம்பியா அணி முன்னேறியது.
*2023-24ஆம் ஆண்டு 4.60 கோடி பேர் வேலைவாய்ப்பை பெற்றுள்ளனர் – RBI
* உயர் ரக சஃபாரி மாடல் (SUV)கார்களின் விலையை டாடா மோட்டார்ஸ் குறைத்தது.
News July 12, 2024
சென்னை துறைமுகத்துக்கு அடித்தது ஜாக்பாட்
பிரதமர் மோடியின் ரஷ்ய பயணத்தின்போது, இருதரப்பு வர்த்தக ஒப்பந்தங்கள் பல கையெழுத்தாகியுள்ளன. அதில், கச்சா எண்ணெய் இறக்குமதி தொடர்பான முக்கிய ஒப்பந்தமொன்றும் உறுதியாகியுள்ளது. அதன் விளைவாக மும்பை துறைமுகத்துக்கு (45 நாள்கள்) மாற்றாக ரஷ்யாவில் இருந்து இறக்குமதி செய்யப்படும் கச்சா எண்ணெய் இனி சென்னை துறைமுகத்துக்கு (20 நாள்கள்) கொண்டுவரப்பட உள்ளது. இதன் மூலம் சென்னை துறைமுகம் நல்ல வளர்ச்சி பெறும்.
News July 12, 2024
ஹென்றி ஃபோர்ட்டின் பொன்மொழிகள்
✍குறைகளை மட்டுமே தேடாதீர்கள்; ஒரு தீர்வைக் கண்டுபிடியுங்கள். ✍வெற்றி என்பது 99% தோல்வியில் இருந்து கிடைக்கும் அரிய பொருள். ✍பணம் மனிதர்களை மாற்றாது; அது வெறுமனே அவர்களின் உண்மை ரூபத்தை வெளிப்படுத்தும். ✍ கற்றலைத் தொடரும் அனைவரும் இளமையாகவே இருப்பார்கள். ✍நேரத்தை மிச்சப்படுத்த கடிகாரத்தை நிறுத்துவது பயனளிக்காது. ✍தோல்விகாக அவமானம் அடைய தேவையில்லை; தோல்விக்குப் பயப்படுவதே அவமானமாகும்.
News July 12, 2024
பாஸ்போர்ட்டை ஒப்படைப்போர் எண்ணிக்கை அதிகரிப்பு
கடந்த 10 ஆண்டுகளில், வெளிநாட்டு குடியுரிமை பெற்று, இந்திய பாஸ்போர்ட்டை ஒப்படைக்கும் இந்தியர்கள் எண்ணிக்கை அதிகரித்துள்ளது. 2014 முதல் 2022 வரையிலான காலக்கட்டத்தில், பாஸ்போர்ட்டை ஒப்படைப்பதில் டெல்லி (60,414) முதலிடத்தில் உள்ளது. அடுத்து, பஞ்சாப் (28,117) & குஜராத் (22,300) முறையே 2 & 3ஆம் இடங்களைப் பிடித்துள்ளன. இவர்களில் பெரும்பாலானோர், 30 முதல் 45 வயதுக்கு உட்பட்டவர்கள் ஆவர்.
News July 12, 2024
சாதனை படைத்த கபிலன் வைரமுத்து பாடல்
கமல்ஹாசன் நடித்த ‘இந்தியன் 2’ & விஜய் நடித்த ‘தி கோட்’ ஆகிய இரு படங்களில் தலா ஒரு பாடலை கபிலன் வைரமுத்து எழுதியிருப்பது அனைவருக்கும் தெரியும். ‘காலண்டர் சாங்க்’, ‘சின்ன சின்ன கண்கள்’ ஆகிய இந்த இரு பாடல்களும் அண்மையில் வெளியாகியிருந்தன. இசை ரசிகர்களிடையே நல்ல வரவேற்பைப் பெற்ற அவை யூ டியூப் அகில இந்திய இசை வரிசையில் முதல் இரண்டு இடம் பிடித்து சாதனை படைத்துள்ளது.
News July 12, 2024
250 ரன்கள் முன்னிலை பெற்ற இங்கிலாந்து அணி
WI அணிக்கு எதிரான முதல் டெஸ்ட் போட்டியின் முதல் இன்னிங்சில் ENG அணி 371 ரன் குவித்துள்ளது. லார்ட்ஸ் மைதானத்தில் நடந்த ஆட்டத்தில் WI முதல் இன்னிங்சில் 121 ரன் எடுத்தது. முதல் நாள் முடிவில், 189 ரன்கள் எடுத்திருந்தது. 2ஆம் நாள் ஆட்டத்தில் ரூட் (68), புரூக் (50), ஸ்மித் (70) அரைசதம் விளாசினர். முடிவில் ENG அணி முதல் இன்னிங்சில் 371 ரன்னுக்கு ‘ஆல்-அவுட்’ ஆனது. தவிர, 250 ரன்கள் முன்னிலை பெற்றது.
News July 12, 2024
இன்றைய நல்ல நேரம்!
▶ஜூலை – 12 ▶ஆனி – 28 ▶கிழமை: வெள்ளி ▶நல்ல நேரம்: 9:15 AM – 10:15 AM & 4:45 PM – 5:45 PM ▶கெளரி நேரம்: 12:15 AM – 1:15 AM & 6:30 PM – 7:30 PM ▶ராகு காலம்: 10:30 AM – 12:00 PM ▶எமகண்டம்: 3:00 PM – 4:30 PM ▶குளிகை: 7:30 AM – 9:00 AM ▶திதி: சப்தமி ▶சந்திராஷ்டமம்: அவிட்டம் ▶முகூர்த்தம்: சுபமுகூர்த்த நாள் ▶யோகம்: அமிர்த யோகம் ▶பிறை: வளர்பிறை ▶ நட்சத்திரம்: உத்திரம் ▶சூலம்: மேற்கு ▶பரிகாரம்: வெல்லம்
News July 12, 2024
ஆசிரியர்களுக்கு AI பயிற்சி அளிக்க கேரள அரசு முடிவு
கேரளாவில் உள்ள அனைத்து ஆசிரியர்களுக்கும் செயற்கை நுண்ணறிவு (AI) பயிற்சி வழங்கப்படும் என்று அம்மாநில முதல்வர் பினராயி விஜயன் அறிவித்துள்ளார். பயிற்சி பெறும் ஆசிரியர்களின் பாடம் கற்பிக்கும் ஆற்றல் அதிகரிக்குமெனக் கூறிய அவர், இதன் மூலம் மாணவர்களும் AI குறித்து நன்கு அறிந்து கொள்ள முடியும் எனக் கூறியுள்ளார். அத்துடன் இதற்கான பாடங்கள் பள்ளி பாடப்புத்தகங்களில் இடம்பெறும் எனவும் தெரிவித்துள்ளார்.
News July 12, 2024
அவர்களை வழிகாட்டியாக ஏற்றவர்கள் நடிப்பது இல்லை
பான் மசாலா, சிகரெட், மதுபானம் உள்ளிட்ட போதைப்பொருள் விளம்பரங்களில் தமிழக நடிகர்கள் நடிப்பதில்லை என்று நடிகர் சித்தார்த் கூறியுள்ளார். இந்தி நடிகர்கள் போதைப்பொருள் விளம்பரங்களில் நடிப்பது குறித்து கேள்வி எழுப்பினர். அதற்கு பதிலளித்த அவர், “எம்.ஜி.ஆர், சிவாஜி, ரஜினி, கமல் போன்ற மூத்தவர்கள் போதை பழக்கத்தை ஒருபோதும் ஆதரித்ததில்லை. வழிகாட்டியாக அவர்களும் நடிப்பது இல்லை” எனத் தெரிவித்துள்ளார்.
Featured News
Sorry, no posts matched your criteria.