India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 14, 2024
CLAT 2025 தேர்வுக்கு நாளை முதல் விண்ணப்பிக்கலாம்
தேசிய சட்ட பல்கலைக்கழகங்களில் சேர்வதற்கான, CLAT 2025 நுழைவுத் தேர்வுக்கான விண்ணப்பப்பதிவு நாளை (ஜூலை 15) தொடங்குகிறது. விருப்பமுள்ளவர்கள் ₹4000 (SC/ST -₹3500) விண்ணப்ப கட்டணமாக செலுத்தி, <
News July 14, 2024
27 மாவட்டங்களில் மழைக்கு வாய்ப்பு
தமிழ்நாட்டில் இரவு 7 மணி வரை 27 மாவட்டங்களில் இடி, மின்னலுடன் கூடிய மழை பெய்யக்கூடும் என்று சென்னை வானிலை மையம் தெரிவித்துள்ளது. நீலகிரி, கோவை, திருப்பூர், தேனி, திண்டுக்கல், சேலம், ஈரோடு, கரூர், நாமக்கல், திருச்சி, தென்காசி, நெல்லை, குமரி, மயிலாடுதுறை, பெரம்பலூர், சென்னை, தி.மலை, வேலூர், ராணிப்பேட்டை, காஞ்சி, தருமபுரி, விழுப்புரம் உள்ளிட்ட மாவட்டங்களில் மழை பெய்யும் என தெரிவித்துள்ளது.
News July 14, 2024
ஜூலை 16இல் “ராயன்” ட்ரெய்லர்
நடிகர் தனுஷின் 50ஆவது படமான “ராயன்” திரைப்படத்தில் எஸ்.ஜே.சூர்யா, சந்தீப் கிஷான், துஷாரா விஜயன், அபர்ணா உள்ளிட்டோர் நடித்துள்ளனர். ஏ.ஆர்.ரஹ்மான் இசையமைத்துள்ள இப்படத்தின் பாடல்கள் சமீபத்தில் வெளியாகி ரசிகர்களின் மத்தியில் பெரும் வரவேற்பை பெற்ற நிலையில், தணிக்கைக்குழு ‘ஏ’ சான்றிதழ் வழங்கியது. இந்நிலையில், ஜூலை 16ம் தேதி இப்படத்தின் ட்ரெய்லர் வெளியாகும் என படக்குழு அறிவித்துள்ளது.
News July 14, 2024
உரிமம் இல்லாத இடத்தில் மது அருந்தினால் இனி சீல்
புதிய தமிழ்நாடு மதுவிலக்கு திருத்த சட்டம் அமலுக்கு வந்துள்ளது. அதன் 5ஏ பிரிவில், மது அருந்த உரிமம் இல்லாத இடத்தை பயன்படுத்தும் குற்றத்திற்காக அந்த இடத்தை வேறு யாரும் பயன்படுத்தாமல் தடுக்கும் நோக்கில் பூட்டி சீல் வைக்கப்படும் எனக் கூறப்பட்டுள்ளது. மதுபானம் தொடர்பான விளம்பர குற்றத்திற்கு 2-5 ஆண்டுகள் கடுங்காவல் சிறை, ரூ.1 லட்சம் – ரூ.2 லட்சம் அபராதம் விதிக்கப்படும் எனவும் தெரிவிக்கப்பட்டுள்ளது.
News July 14, 2024
INDvsZIM: இந்திய அணி பேட்டிங்
ஜிம்பாப்வே அணிக்கு எதிரான கடைசி டி20 போட்டியில் டாஸ் வென்ற ஜிம்பாப்வே அணி கேப்டன் சிக்கந்தர் ரஸா பவுலிங் தேர்வு செய்துள்ளார். இதையடுத்து இந்திய அணி இன்னும் சற்றுநேரத்தில் பேட்டிங் செய்ய உள்ளது. 5 போட்டிகள் கொண்ட இத்தொடரை இந்திய அணி ஏற்கெனவே 3க்கு ஒன்று என்ற கணக்கில் கைப்பற்றியுள்ளது. இன்றைய போட்டியில் முகேஷ் குமார் மற்றும் பராக் விளையாட உள்ளனர்.
News July 14, 2024
கள்ளச்சாராய உயிரிழப்பு: இனி ஆயுள், ₹10 லட்சம் அபராதம்
கள்ளச்சாராய உயிரிழப்பை ஏற்படுத்தும் குற்றங்களுக்கு இதுவரை ஆயுட்கால கடுங்காவல் சிறை தண்டனை மற்றும் ₹5,000க்கு குறையாத அபராதம் விதிக்கப்பட்டது. ஆனால் புதிதாக அமலுக்கு வந்த மதுவிலக்கு திருத்தச் சட்டம் மூலம் தண்டனை அதிகரிக்கப்பட்டுள்ளது. அதாவது, இனி அத்தகைய குற்றங்களுக்கு ஆயுட்கால கடுங்காவல் சிறை தண்டனை மற்றும் ₹10 லட்சத்துக்கும் குறையாத அபராதம் விதிக்க சட்டத்தில் வழிவகை செய்யப்பட்டுள்ளது.
News July 14, 2024
முன்னாள் கிரிக்கெட் வீரருக்கு ₹1 கோடி நிதியுதவி
இந்திய முன்னாள் கிரிக்கெட் வீரரும், முன்னாள் தலைமை பயிற்சியாளருமான அன்ஷுமான் கெய்க்வாட் ரத்த புற்றுநோயால் பாதிக்கப்பட்டு, லண்டனில் சிகிச்சை பெற்று வருகிறார். இந்நிலையில், அவரது மருத்துவ சிகிச்சைக்காக ₹1 கோடி வழங்கப்படும் என பிசிசிஐ செயலாளர் ஜெய் ஷா அறிவித்துள்ளார். 70 வயதான அன்ஷுமான் 1975 – 1987 இடைப்பட்ட காலத்தில் இந்திய அணிக்காக 40 டெஸ்ட் மற்றும் 15 ஒரு நாள் போட்டிகளில் விளையாடியுள்ளார்.
News July 14, 2024
‘வாஸ்கோடகாமா’ படத்திற்கு ‘யு’ சான்றிதழ்
ஆர்.ஜி. கிருஷ்ணன் இயக்கத்தில், நகுல் நடிப்பில் உருவாகியுள்ள திரைப்படம் ‘வாஸ்கோடகாமா’. இப்படத்தின் பாடல்கள் மற்றும் ட்ரெய்லர் வரும் 20ஆம் தேதி வெளியாகும் என படக்குழு ஏற்கெனவே அறிவித்திருந்த நிலையில், தற்போது தணிக்கை குழு ’யு’ சான்றிதழ் வழங்கியுள்ளதாக தெரிவித்துள்ளது. மேலும், அருண் என்.வி இசையமைத்துள்ள இப்படம் ஆகஸ்ட் 2ஆம் தேதி திரைக்கு வரும் எனவும் படக்குழு அறிவித்துள்ளது.
News July 14, 2024
டெங்கு : முன்னெச்சரிக்கை நடவடிக்கை எடுக்க உத்தரவு
தமிழகத்தில் டெங்கு காய்ச்சல் அதிகரிக்காமல் கட்டுப்படுத்த முன்னெச்சரிக்கை நடவடிக்கை எடுக்க வேண்டும் என்று அனைத்து மாவட்ட அலுவலர்களுக்கும் பொது சுகாதாரத் துறை உத்தரவிட்டுள்ளது. எல்லையில் உள்ள மருத்துவமனைகளில் காய்ச்சல் கண்காணிப்பை தீவிரப்படுத்தவும், பிரத்யேக காய்ச்சல் வார்டில் கூடுதல் படுக்கை வசதியை உறுதி செய்யவும், தெரு மற்றும் வீடுகளில் தண்ணீர் தேங்காமல் பார்த்துக் கொள்ளவும் உத்தரவிட்டுள்ளது.
News July 14, 2024
இந்த வார கிச்சன் டிப்ஸ்…
*பூசணி அல்வா செய்யும்போது, பூசணியைத் துருவி சிறிது நேரம் ஃப்ரிட்ஜில் வைத்துவிட்டு, பிறகு செய்தால் அல்வா அருமையாக வரும். * சர்க்கரையில் 5 கிராம்பு போட்டு வைத்தால், எறும்பு வராது. *சர்க்கரை பொங்கல் செய்யும் போது, அரிசியில் சிறிது நெய் கலந்து வேக வைத்தால், சுவையாகவும், மணமுடனும் இருக்கும். *குளிர்ந்த நீரில் சிறிது எலுமிச்சை சாறு கலந்து, அதில் காய்கறிகளைப் போட்டு வைத்தால், ஃப்ரெஷ்ஷாக இருக்கும்.
Featured News
Sorry, no posts matched your criteria.