India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 18, 2024
மேட்டுப்பாளையம் – தூத்துக்குடி இடையே புதிய ரயில்
மேட்டுப்பாளையம் – தூத்துக்குடி இடையே வாரம் இருமுறை இயங்கும் எக்ஸ்பிரஸ் ரயில் சேவையை L.முருகன் நாளை தொடங்கி வைக்கிறார். இந்த ரயில், வியாழன் மற்றும் சனிக்கிழமைகளில் இரவு 10.50க்கு தூத்துக்குடியில் இருந்து புறப்பட்டு மறுநாள் காலை 7.40க்கு மேட்டுப்பாளையம் சென்றடையும். மறுமார்க்கத்தில் வெள்ளி, ஞாயிற்றுக் கிழமைகளில் இரவு 7.35 மணிக்கு புறப்பட்டு மறுநாள் காலை 4.20 மணிக்கு தூத்துக்குடி சென்றைடையும்.
News July 18, 2024
இந்தியர்கள் எவ்வளவு மணிநேரம் உழைக்கின்றனர்?
இந்தியாவைப் பொறுத்தவரை ஒருவர் வாரமொன்றுக்கு, சராசரியாக 46.7 மணி நேரம் வேலை செய்வதாக உலக தொழிலாளர் அமைப்பு தெரிவித்துள்ளது. அதன் அறிக்கையில், அமெரிக்கர்கள் 38 மணி நேரமும், சீனர்கள் 46.1 மணி நேரமும் உழைப்பதாகக் கூறியுள்ளது. வாராந்தர அளவில் ஜெர்மன் – 34.2, ஜப்பான் – 36.6 , இங்கிலாந்து – 35.9, பிரான்ஸ் – 35.9, பிரேசில் – 39, இத்தாலி – 36.3, கனடா – 32.1 மணி நேரம் உழைப்பதாக கணக்கிடப்பட்டுள்ளது.
News July 18, 2024
பாமாயில், துவரம் பருப்பு கொள்முதலுக்கு டெண்டர்
பாமாயில், துவரம் பருப்பை கொள்முதல் செய்ய தமிழக அரசு ஒப்பந்தம் கோரியுள்ளது. ரேஷன் கடைகள் மூலம், ஏழைகளுக்கு மாதந்தோறும் இலவச அரிசி, பருப்பு, பாமாயில், சர்க்கரை போன்றவை வழங்கப்படுகிறது. இந்நிலையில், மக்களுக்கு தடையின்றி கிடைக்க ஏதுவாக டெண்டர் கோரியுள்ளதால், அடுத்த 2 மாதத்திற்கு ரேஷன் பொருள்கள் தடையின்றி கிடைக்கும் என எதிர்பார்க்கப்படுகிறது. முன்னதாக ரேஷனில் து.பருப்பு, பாமாயில் தட்டுப்பாடு நிலவியது.
News July 18, 2024
கடின உழைப்பு வெற்றி தரும்: ஹர்திக் பாண்டியா
கடின உழைப்பு கவனிக்கப்படாமல் போகாது என ஹர்திக் பாண்டியா தெரிவித்துள்ளார். உடல் எடையை குறைத்து ஃபிட்டாக இருக்கும் புகைப்படங்களை தனது இன்ஸ்டா பக்கத்தில் பகிர்ந்துள்ள அவர், 2023 WC தோல்விக்கு பிறகு பயணம் கடினமாக இருந்ததாகவும், ஆனால், 2024 WC வெற்றி முயற்சிக்கு மதிப்பளித்ததாகவும் கூறியுள்ளார். மேலும், முடிந்தவரையில் முயற்சித்து உடற்தகுதியோடு இருப்போம் எனவும் ரசிகர்களுக்கு அவர் அறிவுறுத்தியுள்ளார்.
News July 18, 2024
‘பிக் பாஸ் 8’ பங்கேற்பாளர்களின் பட்டியல்?
விஜய் டிவியில் ’பிக் பாஸ்’ நிகழ்ச்சியின் 8ஆவது சீசன் விரைவில் தொடங்கவிருப்பதாக தகவல் வெளியாகியுள்ளது. இந்நிலையில், பங்கேற்பாளர்களின் உத்தேச பட்டியல் வெளியாகி இணையத்தில் வைரலாகி வருகிறது. அதில், நடிகர்கள் விஜய குமார், பப்லூ பிருத்விராஜ், ரோபோ சங்கர், நடிகைகள் பூனம் பாஜ்வா, சோனியா அகர்வால், கிரண், பாடகிகள் ஸ்வேதா மோகன், கல்பனா மற்றும் மகபா ஆனந்த, அமலா ஷாஜி உள்ளிட்டோரின் பெயர்கள் அடிப்படுகிறது.
News July 18, 2024
சவுக்கு சங்கருக்கு இடைக்கால ஜாமின்
கைதாகி சிறையில் இருக்கும் பிரபல யூடியூபர் சவுக்கு சங்கருக்கு குண்டர் சட்டத்தில் இருந்து மட்டும் இடைக்கால ஜாமின் அளித்து உச்சநீதிமன்றம் உத்தரவிட்டுள்ளது. இந்த ஜாமின் மற்ற வழக்குகளுக்கு பொருந்தாது என்றும் நீதிபதி குறிப்பிட்டு கூறியதால், அவர் சிறையில் இருந்து வெளியே வர முடியாது. சவுக்கு சங்கருக்கு ஜாமின் கேட்டு அவரது தாயார் கமலா உச்சநீதிமன்றத்தில் முறையிட்டிருந்தது குறிப்பிடத்தக்கது.
News July 18, 2024
புதிய உச்சத்தை தொட்டது பங்குச்சந்தை
ஜூலை 23ஆம் தேதி பட்ஜெட் தாக்கலாக இருக்கும் நிலையில் இந்திய பங்குச்சந்தைகள் புதிய உச்சத்தை தொட்டுள்ளன. தேசிய பங்குச்சந்தைகள் நிஃப்டி 24,821 புள்ளிகளையும், மும்பை பங்குச்சந்தை சென்செக்ஸ் 81,452 புள்ளிகளையும் அதிகபட்சமாக தொட்டன. முதலீட்டாளர்களுக்கும், கார்ப்பரேட் நிறுவனங்களுக்கும் சாதகமான அம்சங்கள் பட்ஜெட் உரையில் இடம்பெறும் என்று மக்கள் நம்புவதால் பங்குச்சந்தைகள் புதிய உச்சத்தை தொடுகின்றன.
News July 18, 2024
தீவிரமடையும் அண்ணாமலை, செல்வப்பெருந்தகை மோதல்?
செல்வப்பெருந்தகை, அண்ணாமலை இடையேயான புகைச்சல் அடுத்தக்கட்டத்தை எட்டியுள்ளதாக அரசியல் வட்டாரங்கள் தகவல் தெரிவிக்கின்றன. அதாவது, செல்வப்பெருந்தகை மீதான பழைய வழக்குகளை சேகரித்து, தலைமையிடம் கொடுத்து கடும் நடவடிக்கை எடுக்க அண்ணாமலை திட்டமிட்டுள்ளதாக கூறப்படுகிறது. மறுபுறம், அண்ணாமலை மீது பிசிஆர் வழக்கு தொடர்ந்து, அவரது லண்டன் பயணத்தை தடுத்து நிறுத்த செல்வப்பெருந்தகை ஆலோசித்து வருகிறாராம்.
News July 18, 2024
தங்கத்திற்கு ‘ஒரே நாடு ஒரே விலை’ கொள்கை அமல்?
தங்கத்திற்கு நாடு முழுவதும் ‘ஒரே நாடு ஒரே விலை’ கொள்கையை பின்பற்ற நகைக்கடை உரிமையாளர்கள் சங்கம் முடிவெடுத்துள்ளதாகத் தகவல் வெளியாகியுள்ளது. தற்போது, வெவ்வேறு நகரங்களில் வெவ்வேறு விலையில் தங்கம் விற்பனையாகிறது. இதை, ஒரே மாதிரியாக மாற்றுவது குறித்து சங்கங்கள் ஆலோசித்து வருகின்றன. இதன் மூலம் வாடிக்கையாளர்களின் நம்பிக்கை அதிகரிப்பதோடு, வெளிப்படைத் தன்மையை கொண்டு வர முடியும் என எதிர்பார்க்கப்படுகிறது.
News July 18, 2024
அடுத்த 3 மணி நேரத்துக்கு மழை
தமிழகத்தில் இரவு 7 மணி வரை கிருஷ்ணகிரி, தர்மபுரி, திருப்பத்தூர், வேலூர், ராணிப்பேட்டை, திருப்பூர், கோவை, நீலகிரி, தேனி, திண்டுக்கல், சென்னை, திருவள்ளூர், காஞ்சிபுரம், செங்கல்பட்டு, கள்ளக்குறிச்சி, திருவண்ணாமலை, விழுப்புரம், கடலூர், திருச்சி, புதுக்கோட்டை, தஞ்சாவூர், திருவாரூர், நாகை, மயிலாடுதுறை, பெரம்பலூர், அரியலூர் ஆகிய மாவட்டங்களில் மழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது.
Featured News
Sorry, no posts matched your criteria.