India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 23, 2024
வரவேற்க தகுந்த பட்ஜெட்: நிதிஷ் குமார்
மத்திய அரசின் பட்ஜெட் வரவேற்கும் விதமாக உள்ளதாக பிஹார் முதல்வர் நிதீஷ் குமார் தெரிவித்துள்ளார். பிஹாருக்கு ஒதுக்கப்பட்டுள்ள சிறப்பு நிதி மாநிலத்தின் வளர்ச்சிக்கு நிச்சயம் உதவியாக இருக்கும் என்ற அவர், எதிர்காலத்திலும் மாநிலத்தின் தேவைகளுக்கு மத்திய அரசு போதுமான நிதியினை வழங்க வேண்டும் எனவும் கோரிக்கை விடுத்துள்ளார். பட்ஜெட்டில் பிஹாருக்கு 26 ஆயிரம் கோடி சிறப்பு நிதி ஒதுக்கப்பட்டுள்ளது.
News July 23, 2024
பட்ஜெட்டில் தமிழகத்திற்கு துரோகம்: ஸ்டாலின்
மத்திய பட்ஜெட்டில் தமிழகத்திற்கு மிகப்பெரிய துரோகம் இழைக்கப்பட்டுள்ளதாக முதல்வர் ஸ்டாலின் தெரிவித்துள்ளார். இது தொடர்பான அறிக்கையில், ஒட்டுமொத்த இந்தியாவுக்கான பட்ஜெட்டாக தெரியவில்லை என சாடியுள்ள அவர், இதன்மூலம் தேர்தல் கணக்கை தீர்த்துக்கொள்ள பாஜக நினைப்பது வேதனைக்குரியது என்றார். மேலும், தமிழக அரசு கோரியுள்ள திட்டப் பணிகளுக்கு நிதி ஒதுக்க வேண்டும் எனவும் மத்திய அரசை அவர் வலியுறுத்தியுள்ளார்.
News July 23, 2024
அதிமுக போராட்டம் அரசியல் நாடகம்: தங்கம் தென்னரசு
மின் கட்டண உயர்வை எதிர்த்து அதிமுக நடத்தும் போராட்டம் அரசியல் நாடகம் என அமைச்சர் தங்கம் தென்னரசு விமர்சித்துள்ளார். தமிழகத்தில் மின் கட்டணம் உயர்வுக்கு அதிமுகவே முக்கிய காரணம் என்று தெரிவித்த அவர், அதிமுக ஆட்சியில் உதய் மின் திட்டத்தில் கையெழுத்திட்டதே தற்போதைய மின் கட்டண உயர்வுக்கு காரணம் என்றார். பிள்ளையை கிள்ளிவிட்டு தொட்டிலை ஆட்டும் வேலையை அதிமுக செய்வதை அவர் குற்றம் சாட்டியுள்ளார்.
News July 23, 2024
ஒட்டுமொத்த தேர்வையும் பாதிக்கவில்லை: நீதிமன்றம்
நீட் தேர்வு தொடர்பான பிரச்னைகள், ஒட்டுமொத்த தேர்வையும் பாதிக்கவில்லை என உச்ச நீதிமன்றம் தெரிவித்துள்ளது. நீட் தேர்வு முறைகேடு வழக்கை விசாரித்த நீதிமன்றம், இந்த விவகாரத்தில் சென்னை ஐஐடி நிபுணர்கள் வழங்கிய அறிக்கையை ஆய்வு செய்துள்ளதாகவும், அதில் நீட் தேர்வு முடிவுகள் முழுவதிலும் முறைகேடு நடந்ததற்கான ஆதராங்கள் இல்லை எனவும் தெரிவித்துள்ளது. முன்னதாக, நீட் முறைகேடு வழக்கை சிபிஐ விசாரித்து வருகிறது.
News July 23, 2024
அரசியல் சார்புடைய பட்ஜெட்: மம்தா பானர்ஜி
மத்திய பட்ஜெட்டில் மாநிலங்கள் முற்றிலும் புறக்கணிக்கப்பட்டுள்ளதாக மே.வங்க முதல்வர் மம்தா பானர்ஜி தெரிவித்துள்ளார். பட்ஜெட்டால் மேற்கு வங்க மாநிலம் முற்றிலும் ஏமாற்றம் அடைந்துள்ளதாக கூறிய அவர், மத்திய பட்ஜெட் அரசியல் சார்புடையதாக இருப்பதாக குற்றம் சாட்டியுள்ளார். ஏழை எளிய மக்களின் நலனை கவனத்தில் எடுத்துக் கொள்ளாமல் பட்ஜெட் அவசர கதியில் தாக்கல் செய்யப்பட்டுள்ளதாகவும் அவர் விமர்சித்துள்ளார்.
News July 23, 2024
நீட் மறுதேர்வு நடத்தப்படாது: உச்ச நீதிமன்றம்
இளநிலை மருத்துவ படிப்புகளுக்கான நீட் தேர்வு, மீண்டும் நடத்தப்படாது என உச்ச நீதிமன்றம் தீர்ப்பளித்துள்ளது. நடப்பாண்டு நீட் தேர்வில், வினாத்தாள் முன்கூட்டியே கசிந்ததாக புகார் எழுந்த நிலையில், அது தொடர்பாக வழக்குகள் தொடரப்பட்டன. இதனை விசாரித்த நீதிமன்றம், தேர்வை ரத்து செய்யும் அளவுக்கு முகாந்திரம் இல்லை, நீட் தேர்வு நடைமுறையில் விதிமீறல்கள் இருப்பதற்கான ஆதாரங்கள் இல்லை எனக் கூறியுள்ளது.
News July 23, 2024
உதவியவர்களுக்கு கைமாறு செய்துள்ளனர்: கே.பி.முனுசாமி
மத்திய பட்ஜெட்டில் பிஹார் மற்றும் ஆந்திராவுக்கு சிறப்பு நிதி ஒதுக்கப்பட்டுள்ளது தொடர்பாக முன்னாள் அமைச்சர் கே.பி.முனுசாமி கருத்து தெரிவித்துள்ளார். தனக்கு உதவியவர்களுக்கு நன்றி தெரிவிக்கும் விதமாக மத்திய அரசு இந்த நிதியினை ஒதுக்கியுள்ளதாக அவர் விமர்சித்துள்ளார். மக்களவைத் தேர்தலில் பாஜகவுக்கு மெஜாரிட்டி கிடைக்காத நிலையில், இந்த 2 கட்சிகளின் ஆதரவில் பாஜக ஆட்சி அமைத்துள்ளது குறிப்பிடத்தக்கது.
News July 23, 2024
இறங்கி ஏறிய பங்குச்சந்தை
பட்ஜெட் தினமான இன்று, இந்திய பங்குச்சந்தைகள் எந்தவித பெரிய மாற்றமும் இல்லாமல் நிறைவு பெற்றுள்ளன. இன்று காலை 24,559 புள்ளிகளுடன் வர்த்தகத்தை தொடங்கிய நிஃப்டி, பட்ஜெட் உரை வாசிக்கத் தொடங்கியவுடன் சுமார் 420 புள்ளிகள் சரிந்து 24,140 புள்ளிகளில் வர்த்தகம் ஆனது. பின்னர், 2 மணியளவில் மீண்டுவந்த பங்குச்சந்தை, வர்த்தக நேர முடிவில் நேற்றை விட 30 புள்ளிகள் மட்டுமே இழந்து 24,479 புள்ளிகளில் நிறைவடைந்தது.
News July 23, 2024
டிரம்பை தோற்கடிப்பதே இலக்கு: கமலா ஹாரிஸ்
அதிபர் தேர்தலில் போட்டியிட ஜனநாயகக் கட்சியின் ஆதரவு கிடைத்துள்ளதாக அமெரிக்க துணை அதிபர் கமலா ஹாரிஸ் தெரிவித்துள்ளார். இது தொடர்பாக அவர் தனது X பதிவில், “DP கட்சியின் சார்பில் வேட்பாளராக நிற்க ஆதரவைப் பெற்றதில் பெருமிதம் கொள்கிறேன். நாடு முழுவதும் பயணம் செய்து மக்களைச் சந்திக்க உள்ளேன். கட்சியையும் நாட்டையும் ஒருங்கிணைத்து டிரம்பை தோற்கடிப்பதே இலக்கு” எனக் குறிப்பிட்டுள்ளார்.
News July 23, 2024
சிறப்பான பட்ஜெட்: ஓபிஎஸ்
மத்திய அரசின் பட்ஜெட் மிகச் சிறப்பாக உருவாக்கப்பட்டுள்ளதாக முன்னாள் முதல்வர் ஓபிஎஸ் தெரிவித்துள்ளார். அடுத்த 10 ஆண்டுகளில் அடைய வேண்டிய இலக்குகளை, 5 ஆண்டுகளில் அடையும் வகையிலான சிறப்பான பட்ஜெட் இது என்று பாராட்டிய அவர், மத்திய அரசு மாநிலங்களை பிரித்துபார்த்து நிதி ஒதுக்குவது இல்லை என்றும் தெரிவித்துள்ளார். பட்ஜெட்டில் தமிழகத்துக்கு திட்டங்களோ, நிதியோ ஒதுக்கவில்லை என்பது குறிப்பிடத்தக்கது.
Featured News
Sorry, no posts matched your criteria.