India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 24, 2024
IPL: குஜராத் அணியிலிருந்து இருவர் விலகல்?
ஐபிஎல் தொடரில் குஜராத் டைட்டன்ஸ் அணியின் தலைமை பயிற்சியாளர் ஆஷிஷ் நெஹ்ராவும், அணியின் இயக்குநர் விக்ரம் சோலங்கியும் விலக உள்ளதாக தகவல் வெளியாகியுள்ளது. கடந்த 2022 முதல் அணியில் இருக்கும் அவர்கள், அடுத்த சீசனில் GT அணியுடன் தொடர விருப்பமில்லை என கூறியதாக தெரிகிறது. இதையடுத்து நெஹ்ராவுக்கு பதிலாக யுவராஜ் சிங்குடன் அணி நிர்வாகம் பேசி வருவதாகவும் தகவல் வெளியாகியுள்ளது.
News July 24, 2024
7 ஆண்டுகளுக்கு பின் ஷெரின் நடித்துள்ள படம்
‘துள்ளுவதோ இளமை’ படம் மூலம் தமிழ் சினிமாவில் நாயகியாக அறிமுகமான ஷெரின் கடைசியாக ‘நண்பேண்டா’ படத்தில் நடித்திருந்தார். தற்போது 7 ஆண்டு இடைவெளிக்குப் பின் ‘தில் ராஜு’ என்ற படத்தில் நாயகியாக நடித்துள்ளார். ஏ.வெங்கடேஷ் இயக்கியுள்ள இப்படத்தில் விஜய் சத்யா என்பவர் நாயகனாக நடித்துள்ளார். பிக் பாஸ், CWC நிகழ்ச்சிக்குப் பின் அதிக ரசிகர்களை பெற்றுள்ள ஷெரினுக்கு இப்படம் வெற்றியாக அமையுமா?
News July 24, 2024
நிதி ஆயோக் கூட்டத்தை புறக்கணிக்கும் முதல்வர்கள்
பட்ஜெட்டுக்கு எதிர்ப்பு தெரிவித்து, தமிழ்நாடு மற்றும் காங்., ஆளும் 3 மாநில முதல்வர்கள் நிதி ஆயோக் கூட்டத்தில் பங்கேற்கவில்லை என அறிவித்துள்ளனர். தமிழக முதல்வர் ஸ்டாலின், கர்நாடக முதல்வர் சித்தராமையா, தெலங்கானா முதல்வர் ரேவந்த் ரெட்டி, இமாச்சல பிரதேச முதல்வர் சுக்விந்தர் ஆகியோர் இக்கூட்டத்தில் பங்கேற்கவில்லை என தெரிவித்துள்ளனர். பிரதமர் மோடி தலைமையிலான இக்கூட்டம் வரும் 27ஆம் தேதி நடைபெறுகிறது.
News July 24, 2024
பிறந்தநாள் வாழ்த்து போட்டோ அனுப்புங்க
இன்று (ஜூலை 24) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 10 மணிக்குள் வாழ்த்துகளை அனுப்பவும். பிறந்தநாள் கொண்டாடுபவர்களின் தெளிவான புகைப்படங்களை அனுப்பி, உங்கள் அன்புக்குரியவர்களை வாழ்த்துங்கள்.
News July 24, 2024
தமிழகத்திற்கு சிறப்பு திட்டம் இல்லாதது ஏமாற்றம்: டிடிவி
ஒன்பது அம்ச இலக்குகளுடன் மாணவர்கள், பெண்கள் மற்றும் விவசாயிகள் நலனுக்கு முன்னுரிமை அளித்துள்ள பட்ஜெட் வரவேற்கத்தக்கது என டிடிவி தினகரன் கூறியுள்ளார். கரீப் கல்யாண் அன்ன யோஜனா திட்டம் நீட்டிப்பு, 3 கோடி மக்களுக்கு வீடுகள், சூரிய ஒளி திட்ட விரிவாக்கம் உள்ளிட்ட பல அம்சங்களை குறிப்பிட்டு பட்ஜெட்டிற்கு வரவேற்பு தெரிவித்த அவர், தமிழகத்திற்கு சிறப்பு திட்டங்கள் அறிவிக்காதது ஏமாற்றம் அளிக்கிறது என்றார்.
News July 24, 2024
TNPL: குவாலிபையர் சுற்றுக்கு தகுதி பெற்றது கோவை
TNPLல் நேற்று நடைபெற்ற மதுரை அணிக்கு எதிரான போட்டியில் கோவை அணி 43 ரன்கள் வித்தியாசத்தில் வெற்றிபெற்றுள்ளது. இந்த வெற்றியின்மூலம் நடப்பு TNPL தொடரில் முதல் அணியாக கோவை அணி குவாலிபையர் சுற்றுக்கு தகுதி பெற்றுள்ளது. நேற்றைய போட்டியில் முதலில் பேட்டிங் செய்த கோவை 163/9 ரன்கள் எடுத்தது. பின்னர் களமிறங்கிய மாதுரி அணி 20 ஓவரில் அனைத்து விக்கெட்டுகளையும் இழந்து 120 ரன்கள் மட்டுமே எடுத்து தோல்வியடைந்தது.
News July 24, 2024
தமிழகத்தை மத்திய அரசு வஞ்சித்துள்ளது: பிரேமலதா
மத்திய பட்ஜெட் தமிழகத்துக்கு மிகப் பெரிய ஏமாற்றத்தை தந்துள்ளதாக தேமுதிக பொதுச்செயலாளர் பிரேமலதா விஜயகாந்த் தெரிவித்துள்ளார். பிஹாருக்கும், ஆந்திராவுக்கும் தரும் முக்கியத்துவத்தில் ஒரு சதவீதம் கூட தமிழகத்துக்கு தரவில்லை என்று விமர்சித்துள்ள அவர், ஒரு கண்ணில் வெண்ணையும், ஒரு கண்ணில் சுண்ணாம்பையும் தடவி தமிழகத்தை மத்திய அரசு வஞ்சித்துள்ளது என குற்றம் சாட்டியுள்ளார்.
News July 24, 2024
பிறந்தநாள் வாழ்த்து போட்டோ அனுப்புங்க
இன்று (ஜூலை 24) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 10 மணிக்குள் வாழ்த்துகளை அனுப்பவும். பிறந்தநாள் கொண்டாடுபவர்களின் தெளிவான புகைப்படங்களை அனுப்பி, உங்கள் அன்புக்குரியவர்களை வாழ்த்துங்கள்.
News July 24, 2024
இன்றைய தலைப்புச் செய்திகள்
➤ நாடாளுமன்றத்தில் 7ஆவது முறையாக நிதியமைச்சர் நிர்மலா சீதாராமன் பட்ஜெட்டை தாக்கல் செய்தார்
➤ பெண்கள் முன்னேற்றத்துக்கு ₹3 லட்சம் கோடி நிதி ஒதுக்கீடு
➤ பணிபுரியும் மகளிரை ஊக்குவிக்க நாடு முழுவதும் தங்கும் விடுதிகள் அமைக்கப்படும் – FM
➤ மத்திய பட்ஜெட்டில் அதிகபட்சமாக பாதுகாப்புத் துறைக்கு ₹4.54
➤ உடல்நலக் குறைவால் மருத்துவமனையில் அனுமதிக்கப்பட்டிருந்த செந்தில் பாலாஜி டிஸ்சார்ஜ் செய்யப்பட்டுள்ளார்.
News July 24, 2024
தலைமை பாதுகாப்பு அதிகாரி ராஜினாமா
அமெரிக்க பாதுகாப்பு படையின் (US Secret Service) இயக்குநர் கிம்பர்லி சியாட்டில் தனது பதவியை ராஜினாமா செய்தார். முன்னாள் அதிபர் ட்ரம்ப் மீதான துப்பாக்கிச்சூட்டை தடுக்க தவறியதன் காரணமாக அந்நாட்டு காங்கிரஸ் உறுப்பினர்கள் கிம்பர்லி ராஜினாமா செய்ய வேண்டும் என்று வலியுறுத்தினர். ஆரம்பத்தில் தான் ராஜினாமா செய்யப் போவதில்லை என்று உறுதியாக இருந்த அவர், தற்போது அழுத்தத்தால் ராஜினாமா செய்திருக்கிறார்.
Featured News
Sorry, no posts matched your criteria.