India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 23, 2024
இலங்கை புதிய கேப்டனாக சரித் அசலங்கா நியமனம்
இந்திய அணிக்கு எதிரான டி20 தொடரில் இலங்கை அணியின் புதிய கேப்டனாக சரித் அசலங்கா தேர்வு செய்யப்பட்டுள்ளார். வனிந்து ஹசரங்க பொறுப்பில் இருந்து விலகியதைத் தொடர்ந்து இந்தியாவுக்கு எதிரான 3 போட்டிகள் கொண்ட டி20 தொடரில் சரித் அசலங்கா இலங்கை அணிக்கு கேப்டனாக செயல்படுவார் என அறிவிக்கப்பட்டுள்ளது. டி20 உலகக் கோப்பை தோல்வியை தொடர்ந்து, இலங்கை அணியில் இந்த மாற்றம் செய்யப்பட்டுள்ளது.
News July 23, 2024
சாப்பிட்ட பிறகு நடைபயிற்சி செய்யலாமா?
தினமும் சாப்பிட்ட பிறகு அரை மணி நடைபயிற்சி செய்தால் பல்வேறு உடல் உபாதைகள் நீங்குவதாக மருத்துவ ஆய்வுகளில் கண்டறியப்பட்டுள்ளது. இரத்தத்தில் சர்க்கரையின் அளவை பராமரிக்கவும், செரிமான பிரச்சனைகளை சரிசெய்வதற்கும் உணவுக்குப் பிறகான நடைபயிற்சி உதவுகிறது. அதேபோல் இதயக் கோளாறுகளுக்கு தீர்வாகவும், வளர்ச்சிதை மாற்றத்தை மேம்படுத்தவும் மிதமான வேகத்திலான நடைபயிற்சி உதவுவதாக மருத்துவர்கள் அறிவுறுத்துகின்றனர்.
News July 23, 2024
ஆக.23ல் வெளியாகும் ‘கொட்டுக்காளி’
‘கூழாங்கல்’ திரைப்படம் மூலம் தமிழ் சினிமாவின் தரத்தை இயக்குநர் பிஎஸ்.வினோத்ராஜ் உலகிற்கு நிரூபித்தார். இவர் அடுத்து இயக்கியுள்ள ‘கொட்டுக்காளி’ திரைப்படமும் சர்வதேச அளவில் பல பாராட்டுக்களை பெற்றது. சூரி முதன்மை கதாபாத்திரத்தில் நடிக்க, சிவகார்த்திகேயன் இப்படத்தை தயாரித்துள்ளார். இந்த படம் ஆகஸ்ட் 23ஆம் தேதி உலகம் முழுவதும் வெளியாகும் என வீடியோ வெளியிட்டு படக்குழு அறிவித்துள்ளது.
News July 23, 2024
செந்தில் பாலாஜி டிஸ்சார்ஜ்
உடல்நலக் குறைவால் மருத்துவமனையில் அனுமதிக்கப்பட்டிருந்த செந்தில் பாலாஜி டிஸ்சார்ஜ் செய்யப்பட்டுள்ளார். ED வழக்கில் கைதாகி புழல் சிறையில் உள்ள அவருக்கு, 3 நாள்களுக்கு முன் திடீரென நெஞ்சுவலி ஏற்பட்டதாக தெரிகிறது. இதையடுத்து சென்னை ஓமந்தூரார் அரசு மருத்துவமனையில் அவருக்கு தீவிர சிகிச்சை அளிக்கப்பட்டது. இதைத் தொடர்ந்து அவரது உடல்நிலையில் முன்னேற்றம் ஏற்பட்டதால் டிஸ்சார்ஜ் செய்யப்பட்டுள்ளார்.
News July 23, 2024
INDIA கூட்டணி எம்பிக்கள் நாளை போராட்டம்
மத்திய அரசை கண்டித்து INDIA கூட்டணி எம்பிக்கள் நாளை நாடாளுமன்ற வளாகத்தில் போராட்டம் நடத்த உள்ளனர். INDIA கூட்டணி கட்சிகள் ஆளும் மாநிலங்கள் பட்ஜெட்டில் புறக்கணிக்கப்பட்டுள்ளதாகவும், போதுமான நிதி ஒதுக்கப்படவில்லை என்றும் அவர்கள் குற்றம் சாட்டியுள்ளனர். நாளை தமிழக எம்பிக்களும், மத்திய அரசுக்கு எதிராக டெல்லியில் போராட்டம் நடத்த உள்ளதாக அறிவித்துள்ளது குறிப்பிடத்தக்கது.
News July 23, 2024
அடுத்த 3 மணி நேரத்திற்கு மழை
தமிழகத்தில் இரவு 10 மணி வரை மழை பெய்ய வாய்ப்பிருக்கும் மாவட்டங்களின் பட்டியலை சென்னை வானிலை ஆய்வு மையம் வெளியிட்டுள்ளது. அதன்படி, சென்னை, செங்கல்பட்டு, காஞ்சிபுரம், திருவள்ளூர், நாமக்கல், சேலம், பெரம்பலூர், நீலகிரி, கோயம்புத்தூர் ஆகிய மாவட்டங்களில் இடி, மின்னலுடன் கூடிய லேசான அல்லது மிதமான மழை பெய்யக்கூடும் என்று தெரிவிக்கப்பட்டுள்ளது.
News July 23, 2024
INDIA கூட்டணி எம்பிக்கள் ஆலோசனை
டெல்லியில் INDIA கூட்டணி எம்பிக்களின் ஆலோசனை கூட்டம் காங்கிரஸ் தலைவர் கார்கே தலைமையில் நடைபெறுகிறது. பட்ஜெட்டில் சில மாநிலங்கள் புறக்கணிக்கப்பட்டுள்ளதாக குற்றச்சாட்டு எழுந்துள்ள நிலையில், இந்த ஆலோசனை முக்கியத்துவம் பெற்றுள்ளது. மேலும், நாடாளுமன்ற கூட்டத்தொடரில் எவ்வாறு செயல்படுவது என்பது குறித்தும் இந்த ஆலோசனையில் பேசப்பட வாய்ப்புள்ளதாக தகவல் வெளியாகியுள்ளது.
News July 23, 2024
10 நாள்களில் 5ஆவது முறையாக சரக்கு ரயில் விபத்து
ஆந்திர மாநிலத்தில் சரக்கு ரயில் தடம் புரண்டதால் விஜயவாடா நோக்கிச் செல்லும் பயணிகள் ரயில்கள் சேவை கடுமையாக பாதிக்கப்பட்டது. நெல்லூரிலிருந்து பித்ரகுண்டாவுக்கு சென்ற சரக்கு ரயிலின் 2 பெட்டிகள், 144ஆவது லெவல் கிராசிங் அருகே தடம் புரண்டது. இதையடுத்து மீட்புப் பணிகள் துரிதமாக நடைபெற்று வருகின்றன. கடந்த 10 நாள்களில் மட்டும் 4 முறை சரக்கு ரயில், ஒரு முறை பயணிகள் ரயிலும் விபத்துக்குள்ளாகியுள்ளது.
News July 23, 2024
ஏ.ஆர்.ரஹ்மானுக்கு பிலிம்பேர் விருது
’பொன்னியின் செல்வன் 1’ பட இசைக்காக ஏ.ஆர்.ரஹ்மானுக்கு பிலிம்பேர் விருது வழங்கப்பட்டுள்ளது. இது குறித்து தனது X பக்கத்தில் பதிவிட்டுள்ள அவர், இசைக் கருவிகளை தேர்வு செய்வதில் மணிரத்னத்திடம் தனித்திறமை இருப்பதாகத் தெரிவித்துள்ளார். அவர் தேர்ந்தெடுக்கும் இசை தனித்துவமானதாகவும், திரைக்கதையுடன் கச்சிதமாக இணைந்து கதையை மேம்படுத்துவதாகவும் எனவும் பாராட்டியுள்ளார்.
News July 23, 2024
ஆசியக் கோப்பையில் இந்திய மகளிர் அணி பேட்டிங்
ஆசியக் கோப்பை மகளிர் T20 தொடரில் இன்று இந்தியா-நேபாள் அணிகள் மோதுகின்றன. தம்புல்லா மைதானத்தில் நடைபெறும் போட்டியில் டாஸ் வென்ற IND அணி பேட்டிங்கை தேர்வு செய்துள்ளது. குரூப் A பிரிவில் இடம்பெற்றுள்ள IND அணி, இதுவரை விளையாடிய 2 போட்டிகளிலும் வெற்றி பெற்று அரையிறுதி வாய்ப்பை உறுதி செய்துள்ளது. இந்தப் போட்டியில் இந்திய மகளிர் அணி வெல்லுமா? கமெண்ட்ல சொல்லுங்க.
Featured News
Sorry, no posts matched your criteria.