India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 23, 2024
4 மதிப்பெண்களை இழக்கும் 4 லட்சம் மாணவர்கள்
நடந்து முடிந்த இளநிலை நீட் தேர்வில், 29வது கேள்விக்கு 2 சரியான விடைகள் கொடுக்கப்பட்டிருந்தது. இது குறித்து இன்று விசாரித்த உச்சநீதிமன்றம், கேள்விக்கு கொடுக்கப்படும் 4 தேர்வுகளில் 1 மட்டுமே சரியான விடையாக இருக்க வேண்டும் என ஆணையிட்டது. இதன்மூலம் 4 லட்சம் மாணவர்கள் 4 மதிப்பெண்களை இழக்கும் சூழல் ஏற்பட்டுள்ளது. மேலும், 720/720 எடுத்த 61 பேரில் 44 பேர் மதிப்பெண்களை இழக்க நேர்ந்துள்ளது.
News July 23, 2024
ஆளுநரை விமர்சித்த சு.வெங்கடேசன்
தமிழ்நாடு என்ற வார்த்தையே இல்லாத பட்ஜெட்டை ஆளுநர் ஆர்.என்.ரவி பாராட்டுவது ஆச்சரியமளிப்பதாக சிபிஎம் எம்.பி சு.வெங்கடேசன் கூறியுள்ளார். அண்ணாமலையை முந்த ஆர்.என்.ரவி போட்டி போடுவது வெளிப்படையாக தெரிவதாகவும், ஜூலை 31ஆம் தேதி பணி ஓய்வுக்கு பிறகு எங்கேயோ துண்டை போட்டு வைக்கிறார்? எனவும் அவர் விமர்சித்துள்ளார். முன்னதாக, மத்திய அரசின் பட்ஜெட்டை ஆர்.என்.ரவி பாராட்டியிருந்தார்.
News July 23, 2024
சாம்பியன்ஸ் டிராஃபி தொடரில் சூர்யா இருக்க மாட்டார்?
இலங்கைக்கு எதிரான கிரிக்கெட் தொடரில் டி20 கேப்டனாக சூர்யகுமார் யாதவ் நியமிக்கப்பட்டுள்ளார். ஆனால், ஒருநாள் அணியில் அவர் இடம் பெறவில்லை. இதனால், அவர் இனி ஒரு நாள் போட்டிகளில் விளையாடுவது சந்தேகம்தான் என்று முன்னாள் வீரர் ஆகாஷ் சோப்ரா கருத்து தெரிவித்துள்ளார். இதனால், அடுத்து வர இருக்கும் சாம்பியன்ஸ் டிராஃபி தொடரிலும் அவர் இடம்பெற மாட்டார் என்றே கருதுவதாக அவர் தெரிவித்துள்ளார்.
News July 23, 2024
கற்பித்தல் பணிக்கு மட்டும் ஆசிரியர்களை ஈடுபடுத்தவும்
அரசுப் பள்ளி தலைமை ஆசிரியர்கள், ஆசிரியர்களை கற்பித்தல், பள்ளி நிர்வாகத்தை கவனிப்பதற்கு மட்டும் ஈடுபடுத்துமாறு பள்ளிக் கல்வித்துறைக்கு ஐகோர்ட் கிளை உத்தரவிட்டுள்ளது. இது தொடர்பான வழக்கில், HMகளுக்கு சில நிர்வாகப் பொறுப்புகள் இருந்தாலும், அவர்களின் முதன்மை கடமை கற்பிப்பது தான் எனக் குறிப்பிட்ட கோர்ட், தலைமை ஆசிரியர்கள், ஆசிரியர்களை சாதாரண மனிதர்களை போல நடத்தக் கூடாது என அறிவுரை வழங்கியுள்ளது.
News July 23, 2024
ரயில் பாதைகளை சீரமைக்க ரூ.12,725 கோடி
அதிகரித்து வரும் ரயில் விபத்துகளுக்கு மத்தியில், இருப்புப்பாதை சீரமைப்புப் பணிகளுக்காக, ரூ.12,725 கோடி பட்ஜெட்டில் ஒதுக்கப்பட்டுள்ளது. இது, கடந்தாண்டை காட்டிலும், ரூ.890 கோடி கூடுதலாகும். ரயில்கள் ஒரே பாதையில் மோதிக்கொள்வதை தடுக்கும் கவாச் பாதுகாப்பு அமைப்பை, சுமார் 5,000 கி.மீ. தூர வழித்தடத்திற்கு ஏற்படுத்த திட்டமிடப்பட்டு உள்ளதாகவும் ரயில்வே அமைச்சர் அஸ்வினி வைஷ்ணவ் தெரிவித்தார்.
News July 23, 2024
மலையாளத்தில் அறிமுகமாகும் சேரன்
இயக்குநரும், நடிகருமான சேரன் மலையாள படத்தில் நடிக்க ஒப்பந்தமாகியுள்ளார். விமர்சன ரீதியாகவும், வசூல் ரீதியாகவும் நல்ல வரவேற்பைப் பெற்ற ‘இஸ்க்’ படத்தை இயக்கிய அனுராஜ் மனோகர், இந்த படத்தை இயக்குகிறார். டொவினோ தாமஸ் முன்னணி கதாபாத்திரத்தில் நடிக்கும் இப்படத்திற்கு ‘நரிவேட்ட’ என பெயரிடப்பட்டுள்ளது. இது குறித்து சேரன் தனது எக்ஸ் பக்கத்தில், நீண்ட நாள் ஆசை நிறைவேறியுள்ளதாக பதிவிட்டுள்ளார்.
News July 23, 2024
கல்லீரலை பாதிக்கும் பழங்களின் ஃப்ரக்டோஸ்
பழங்களில் நிரம்பியிருக்கும் ஃப்ரக்டோஸ் உடலில் அதிகமாகும்போது கல்லீரல் பாதிக்கப்படலாம் என கிளினிக்கல் டயட்டீஷியன்ஸ் எச்சரிக்கின்றனர். பழங்களை நறுக்கி உண்ணாமல் சாறாக்கி பருகுபவர்களுக்கு ட்ரைகிளசரைடுகள் உற்பத்தி அதிகரிக்கும் ஆபத்து இருப்பதாகவும், அதிலும் சர்க்கரை கலந்து அருந்துபவர்களுக்கு அதிக கொழுப்பு கல்லீரலில் படிந்து, ஃபெட்டி லிவர் அபாயத்தை அதிகரிக்க செய்வதாகவும் கூறுகின்றனர்.
News July 23, 2024
தமிழக சிறுபான்மையினர் ஆணைய தலைவர் நியமனம்
தமிழ்நாடு மாநில சிறுபான்மையினர் ஆணைய தலைவராக ஜோ அருண் நியமிக்கப்பட்டுள்ளார். துணைத் தலைவராக எம்.எம்.அப்துல் குத்தூஸ் தேர்ந்தெடுக்கப்பட்டுள்ளதாகவும் தமிழக அரசு அறிவித்துள்ளது. இதுவரை சிறுபான்மையினர் ஆணைய தலைவராக இருந்த பீட்டர் அல்போன்ஸ் பதவிக்காலம் நிறைவடைந்த நிலையில், புதிய தலைவர் அறிவிக்கப்பட்டுள்ளார். தமிழக அரசின் இந்த உத்தரவுக்கு ஆளுநர் ஆர்.என்.ரவி ஒப்புதல் அளித்துள்ளார்.
News July 23, 2024
சூர்யாவுக்கு வில்லனாகும் கார்த்தி?
சகோதரர்களான சூர்யாவும், கார்த்தியும்
‘கடைகுட்டி சிங்கம்’ படத்தில் இணைந்து நடித்தனர். அதன் பிறகு இருவரும் எப்போது இணைந்து நடிப்பார்கள் என்ற எதிர்பார்ப்பு இருந்தது. இந்நிலையில், ‘கங்குவா’ படத்தின் வில்லனாக கார்த்தி நடிக்க உள்ளதாக தகவல் கசிந்துள்ளது. இப்படத்தின் 2ஆம் பாகத்திற்கான அறிமுக காட்சி அடுத்த வாரம் படமாக்க உள்ளதாகவும், இதில் வில்லனாக கார்த்தியை அறிமுகம் செய்ய இருப்பதாகவும் கூறப்படுகிறது.
News July 23, 2024
ஆட்சியை காப்பாற்றும் பட்ஜெட்: சித்தராமையா
மத்திய பட்ஜெட் சில மாநிலங்களின் வளர்ச்சிக்கானது மட்டுமே என கர்நாடக முதல்வர் சித்தராமையா தெரிவித்துள்ளார். ஆட்சியை காப்பாற்றிக்கொள்ள பிஹார், ஆந்திராவுக்கு சிறப்பு நிதியை பாஜக வழங்கியுள்ளதாக விமர்சித்த அவர், இந்த முறை கர்நாடகாவுக்கு வெறும் பாத்திரத்தை மட்டுமே நிர்மலா சீதாராமன் வழங்கியுள்ளதாக சாடியுள்ளார். பட்ஜெட்டில் கர்நாடகாவுக்கு என பெரிய அளவில் நிதியோ, திட்டங்களோ அறிவிக்கப்படவில்லை.
Featured News
Sorry, no posts matched your criteria.