India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 24, 2024
ED-க்கு உச்ச நீதிமன்றம் கண்டனம்
செந்தில் பாலாஜி வழக்கில் கைப்பற்றப்பட்ட பென் டிரைவில் கூடுதல் ஆவணம் வந்தது எப்படி? என அமலாக்கத்துறையிடம் உச்ச நீதிமன்றம் கேள்வி எழுப்பியுள்ளது. இதற்கு பதிலளித்த ED தரப்பு, நீதிமன்றத்தின் வேகத்துக்கு தங்களால் பதிலளிக்க முடியவில்லை என்றும், அவகாசம் வேண்டும் எனவும் தெரிவித்தது. அதனை ஏற்க மறுத்த உச்ச நீதிமன்றம் நாளை இது தொடர்பான விரிவான பதிலை தர வேண்டும் எனக்கூறி வழக்கை ஒத்திவைத்தது.
News July 24, 2024
டாஸ்மாக் கடைகளில் பில்லிங் இயந்திரம்
அனைத்து டாஸ்மாக் கடைகளிலும் 2 மாதத்திற்குள் பில்லிங் இயந்திரம் பொருத்த நடவடிக்கை எடுக்கப்படும் என்று அமைச்சர் முத்துசாமி தகவல் தெரிவித்துள்ளார். மேலும், டாஸ்மாக் கடைகளிலோ, பார்களிலோ தவறு நடந்தால் கடுமையான நடவடிக்கை எடுக்கப்படும் என எச்சரித்த அவர், காலி மதுபாட்டில்கள் பெறும் திட்டம் அக்டோபருக்குள் முழுமையாக செயல்படுத்தப்படும் எனத் தெரிவித்துள்ளார்.
News July 24, 2024
பல்கலைக்கழக ஆராய்ச்சிகளை மேம்படுத்த மத்திய அரசு திட்டம்!
வணிக ரீதியில் தனியார் துறை சார்ந்த ஆராய்ச்சி & கண்டுபிடிப்புகளை ஊக்குவிக்க ₹1 லட்சம் கோடி நிதி ஒதுக்கப்படும் என மத்திய அரசு அறிவித்துள்ளது. இளம் அறிவியலாளர்களை உருவாக்கும் நோக்கில் ‘அனுசந்தன் தேசிய ஆராய்ச்சி நிதியம்’ செயல்படவுள்ளதாகத் தெரியவந்துள்ளது. அத்துடன் பல்கலைக்கழகங்கள், கல்லூரிகள், ஆராய்ச்சி நிறுவனங்கள், R & D ஆய்வகங்களை மத்திய அரசு மேம்படுத்த உள்ளதாகவும் கூறப்படுகிறது.
News July 24, 2024
பாரீஸ் நகருக்கு 77,000 பேர் பாதுகாப்பு
ஒலிம்பிக்ஸ் தொடர் நடைபெறவுள்ள பாரீஸ் நகரில் 77,000 பேர் பாதுகாப்பு பணியில் ஈடுபடுத்தப்பட்டுள்ளதாக அந்நகர மேயர் தெரிவித்துள்ளார். ஜூலை 26ஆம் தேதி தொடங்கவிருக்கும் ஒலிம்பிக் தொடரில் சுமார் 10,500 தடகள வீரர்கள் பங்கேற்கவுள்ளனர். இத்தொடரை காண்பதற்காக உலகம் முழுவதிலும் இருந்து சுமார் 1 கோடி பேர் வருவார்கள் என்று எதிர்பார்க்கப்படுகிறது. 100க்கும் மேற்பட்ட உலகத் தலைவர்களும் பாரீஸ் செல்லவுள்ளனர்.
News July 24, 2024
தனிமைப்பட்டு போவீர்கள் மோடி: ஸ்டாலின்
மத்திய அரசின் பட்ஜெட்டில் தமிழகம் உள்ளிட்ட சில மாநிலங்கள் புறக்கணிக்கப்பட்டிருப்பதாக கூறி முதல்வர் மு.க.ஸ்டாலின் கண்டனம் தெரிவித்துள்ளார். அவருடைய X பதிவில், ”அரசைப் பொதுவாக நடத்துங்கள். இன்னமும் தோற்கடித்தவர்களைப் பழிவாங்குவதில் குறியாக இருக்க வேண்டாம். அரசியல் விருப்பு வெறுப்புகளுக்கேற்ப அரசை நடத்தினால், தனிமைப்பட்டுப் போவீர்கள் என அறிவுறுத்தக் கடமைப்பட்டுள்ளேன்.” என்று குறிப்பிட்டுள்ளார்.
News July 24, 2024
இடி, மின்னலுடன் மழை கொட்டும்
தமிழகத்தில் இன்றும், நாளையும் ஓரிரு இடங்களில் இடி, மின்னலுடன் கூடிய லேசானது முதல் மிதமான மழை பெய்யக்கூடும் என சென்னை வானிலை ஆய்வு மையம் கணித்துள்ளது. மேற்குதிசை காற்றின் வேக மாறுபாடு காரணமாக அடுத்த 7 நாள்களுக்கு தமிழகத்தில் மிதமான மழை பெய்ய வாய்ப்புள்ளதாகவும் தெரிவித்துள்ளது. சென்னையில், நகரின் ஒருசில பகுதிகளில் இடி, மின்னலுடன் லேசான முதல் மிதமான மழை பெய்ய வாய்ப்புள்ளதாகவும் கூறியுள்ளது.
News July 24, 2024
‘A’ என்ற எழுத்தில் தொடங்கும் பெயர் கொண்டவரா நீங்கள்?
‘A’ என்ற எழுத்தில் தொடங்கும் பெயரைக் கொண்டவர்கள் கோபுர வடிவத்தைப் போல உயர்ந்த லட்சியமும் மனமும் உள்ளவர்களாக இருப்பார்கள் என்று ஜோதிடர்கள் கூறுகின்றனர். ஆளுமை, தெளிவான சிந்தனை கொண்ட இவர்கள் நெகிழ்வுத்தன்மை இல்லாததால் பல்வேறு இன்னல்களை அனுபவிப்பர் என்றும் தெரிவிக்கின்றனர். சூரியனின் ஆதிக்கம் கொண்ட ‘A’ என்ற எழுத்தில் பெயர் கொண்ட உங்கள் குடும்பத்தினர், நண்பர்களுக்கு இதை பகிருங்கள்.
News July 24, 2024
₹9 கோடிக்கு சொகுசு கார் வாங்கிய அஜித்
‘விடாமுயற்சி’ படப்பிடிப்பு அஜர்பைஜானில் முடிவடைந்தது. இதில் நடித்து விட்டு, சென்னை திரும்பும் முன் துபாய் சென்ற நடிகர் அஜித்குமார், அங்கு ₹9 கோடி மதிப்புள்ள Ferrari சொகுசு காரை வாங்கியுள்ளார். ரேஸில் ஆர்வமிக்கவரான அஜித்திடம் ஏற்கனவே ₹34 கோடி மதிப்புள்ள லம்போர்கினி, லேண்ட் ரோவர் டிஸ்கவரி, மெர்சிடஸ் பென்ஸ் உள்ளிட்ட 6 சொகுசு கார்கள் உள்ள நிலையில், தற்போது அந்த வரிசையில் Ferrari-யும் இணைந்துள்ளது.
News July 24, 2024
யூடியூபர் துருவ் ரதிக்கு சம்மன்
பிரபல யூடியூபர் துருவ் ரதி மீது, பாஜகவைச் சேர்ந்த சுரேஷ் கரம்ஷி நகுவா ₹20 லட்சம் கேட்டு அவதூறு வழக்கு தொடர்ந்தார். தன்னை வன்முறை மற்றும் அத்துமீறல் ட்ரோல்களை செய்வதாக வீடியோ வெளியிட்டு நற்பெயருக்கு களங்கம் ஏற்படுத்தியதாக அவர் தன் மனுவில் கூறியிருந்தார். இந்த வழக்கு விசாரணையின் போது டெல்லி நீதிமன்றம் துருவ் ரதிக்கு சம்மன் அனுப்பியுள்ளது. ஆகஸ்ட் 6ஆம் தேதி வழக்கு மீண்டும் விசாரணைக்கு வர உள்ளது.
News July 24, 2024
தக்காளி விலை ₹12 குறைந்தது!
தமிழ்நாட்டில் ஒரு கிலோ தக்காளி அதிகபட்சமாக ₹50 வரை விற்பனையாகி வருகிறது. பெரிய வெங்காயம் ₹35, உருளைக்கிழங்கு ₹44, கத்திரிக்காய் ₹65, பீன்ஸ் ₹65, கேரட் ₹90, முள்ளங்கி ₹30, வெண்டைக்காய் ₹35, பீட்ரூட் ₹30, வாழைக்காய் ₹10, பச்சை மிளகாய் ₹45, எலுமிச்சை ₹70க்கு விற்பனையாகி வருகிறது. தக்காளி விலை ₹12 குறைந்திருந்தாலும் கேரட், உருளை, கத்திரி, பீட்ரூட் உள்ளிட்ட காய்கறிகளின் விலை சற்று அதிகரித்துள்ளது.
Featured News
Sorry, no posts matched your criteria.