India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 24, 2024
சீரகத் தண்ணீரில் இவ்வளவு நன்மைகளா?
உணவிற்குப் பின் 10 நிமிடங்கள் கழித்து ஒரு கப் சூடான சீரகத் தண்ணீரை குடித்தால், உணவுகளில் உள்ள ஊட்டச்சத்துக்கள் முழுமையாக கிடைக்கும் என மருத்துவ நிபுணர்கள் கூறுகின்றனர். ஜீரண மண்டலத்தின் ஆற்றலை மேம்படுத்தவும், ரத்த அழுத்தத்தை சீராக்கவும் உதவுகிறது. வாய் புத்துணர்ச்சி பெறுவதோடு, இதில் உள்ள ஃபென்சோன் மூலப்பொருள்கள் உடலின் வளர்ச்சிதை மாற்றத்தை அதிகரிக்கச் செய்வதாக ஆய்வுகள் கூறுகின்றன.
News July 24, 2024
வங்கதேசம் அபார வெற்றி
மகளிர் ஆசிய கோப்பை கிரிக்கெட் தொடரில் மலேசிய அணியை வீழ்த்தி வங்கதேசம் அணி அபார வெற்றி பெற்றுள்ளது. முதலில் களமிறங்கிய வங்கதேசம், 191/2 ரன்களை எடுத்தது. அதிகபட்சமாக முர்ஷிதா 80, சுல்தானா 62 ரன்களும் விளாசினர். அடுத்து களமிறங்கிய மலேசிய அணி, 20 ஓவர் முடிவில் 8 விக்கெட்டுகளை இழந்து 77 ரன்கள் மட்டுமே எடுத்தது. இதனால் வங்கதேசம் அணி 114 ரன்கள் வித்தியாசத்தில் அபார வெற்றி பெற்றது.
News July 24, 2024
JIO ₹349 ரீசார்ஜ் திட்டத்தில் மாற்றம்
ஜியோ தனது பிரபலமான ₹349 ப்ரீபெய்ட் திட்டத்தில் மாற்றம் செய்துள்ளது. ரீசார்ஜ் கட்டணத்தை உயர்த்தியதால், கடும் அதிருப்தியில் இருந்த வாடிக்கையாளர்களை மகிழ்விக்கும் நோக்கில், ₹349 திட்டத்தில் தினசரி 2.5 ஜிபி டேட்டா, இலவச எஸ்எம்எஸ் எண்ணிக்கையில் அளவை மாற்றாமல், வேலிடிட்டி காலத்தை 28 முதல் 30 நாட்கள் (கூடுதலாக 2 நாள்) வரை நீட்டித்துள்ளது. மேலும், இந்த திட்டம் ஜியோவால் ஹீரோ 5ஜி என மறு பெயரிடப்பட்டுள்ளது.
News July 24, 2024
சபாநாயகரின் கருத்துக்கு திரிணாமுல் எம்பி பதிலடி
பட்ஜெட் விவாதத்தில் பண மதிப்பிழப்பு பற்றி பேசக்கூடாது என்ற சபாநாயகரின் கருத்துக்கு, TMC எம்பி அபிஷேக் பானர்ஜி பதிலடி கொடுத்துள்ளார். பணமதிப்பிழப்பு பற்றி அவர் பேச முயன்ற போது குறுக்கிட்ட சபாநாயகர் ஓம் பிர்லா, 2016இல் நடந்த சம்பவத்தை பற்றி இப்போது ஏன் பேசுகிறீர்கள் என்றார். 1976இல் நடைபெற்ற எமர்ஜென்சியை பற்றி மட்டும் பாஜகவினர் பேச எப்படி அனுமதி தருகிறீர்கள்? என அவர் பதில் கேள்வி எழுப்பினார்.
News July 24, 2024
GOAT மூன்றாவது பாடலை வெளியிட திட்டம்
விஜய், வெங்கட் பிரபு கூட்டணியில் உருவாகிவரும் GOAT படத்தின் மூன்றாவது பாடலை வரும் 27ஆம் தேதி வெளியிட இசையமைப்பாளர் யுவன் ஷங்கர் ராஜா திட்டமிட்டுள்ளார். அன்றைய தினம் சென்னை நந்தனம் YMCA மைதானத்தில் அவரது இசைக் கச்சேரி நடைபெறவுள்ளது. அப்போது ரசிகர்களுக்கு புதிய அனுபவத்தை அளிக்க காத்திருப்பதாக கூறிய யுவன், GOAT மூன்றாவது பாடல் தயாராகிவிட்டால் அன்றைய தினம் இசைக்கப்படும் என்று உறுதியளித்தார்.
News July 24, 2024
நான்காவது முனையமாகிறது பெரம்பூர்
சென்னையின் நான்காவது ரயில் முனையமாக பெரம்பூரை மாற்ற தெற்கு ரயில்வே முடிவு செய்துள்ளது. வில்லிவாக்கத்தை நான்காவது முனையமாக மாற்றும் பணிகள் நடைபெற்று வந்த நிலையில், நிலங்களை கையகப்படுத்துவதில் சிரமம் ஏற்பட்டதாக தகவல் வெளியாகியுள்ளது. இதனையடுத்து, பெரம்பூரை நான்காவது முனையமாக மாற்ற திட்ட அறிக்கை தயாரிக்கும் பணியை தெற்கு ரயில்வே தொடங்கியுள்ளது.
News July 24, 2024
நீங்கள் ஒரு பெண். உங்களுக்கு எதுவும் தெரியாது: நிதிஷ்
பிஹார் சட்டமன்ற கூட்டத்தொடரில் சாதிவாரி கணக்கெடுப்பு குறித்த விவாதம் நடைபெற்றது. அப்போது, RJD எம்.எல்.ஏ ரேகாதேவி, நிதிஷ்குமார் தலைமையிலான அரசை விமர்சித்து பேசினார். திடீரென கோபமடைந்த முதல்வர் நிதிஷ்குமார், “நீங்கள் ஏன் பேசுகிறீர்கள்? நீங்கள் ஒரு பெண். உங்களுக்கு எதுவும் தெரியாது” என்று கோபமாக பேசினார். முதல்வரின் இந்த கருத்தினால் அவையில் அமளி ஏற்பட்டது.
News July 24, 2024
மும்பை அணியில் தக்க வைக்கப்படும் ரோஹித்?
MI அணி ஐபிஎல் 2025 ஏலத்திற்கு முன்னதாக 4 முன்னணி வீரர்களை தக்க வைத்துக் கொள்ளலாம் என்று தகவல் வெளியாகியுள்ளது. கேப்டன் ஹர்திக், ரோஹித் ஷர்மா, பும்ரா, சூர்யகுமார் யாதவ், இஷான் கிஷன் ஆகியோரில் 4 பேரை தக்கவைத்து, மற்ற வீரர்களை விடுவிக்க மும்பை அணி திட்டமிட்டுள்ளதாக கூறப்படுகிறது. ரோஹித் பெங்களூரு அல்லது லக்னோ அணிக்கு செல்வார் என எதிர்பார்க்கப்பட்ட நிலையில், அவரை தக்க வைக்க முடிவு செய்யப்பட்டுள்ளது.
News July 24, 2024
விண்ணப்பிக்க கால அவகாசம் நீட்டிப்பு
3 ஆண்டு எல்.எல்.பி, எல்.எல்.பி (ஹானர்ஸ்) படிப்பிற்கு விண்ணப்பிக்க ஜூலை 31ஆம் தேதி வரை அவகாசத்தை நீட்டித்து தமிழ்நாடு டாக்டர் அம்பேத்கர் சட்டப் பல்கலைக்கழக பதிவாளர் அறிவித்துள்ளார். இன்று மாலை 5.45 மணியுடன் விண்ணப்பிக்கும் நேரம் முடிவடைந்த நிலையில், ஜூலை 31 வரை நீட்டிக்கப்பட்டுள்ளது. இதை மானவர்கள் பயன்படுத்திக் கொண்டு www.tndalu.ac.inஇல் விரைவாக விண்ணப்பிக்க வேண்டும் என அறிவுறுத்தப்பட்டுள்ளது.
News July 24, 2024
விஜய் அரசியலுக்கு வருவது மகிழ்ச்சி: சாக்ஷி அகர்வால்
விஜய் அரசியலுக்கு வருவது மகிழ்ச்சியாக உள்ளதாக நடிகை சாக்ஷி அகர்வால் குறிப்பிட்டுள்ளார். நல்லவர்கள் அரசியலுக்கு வந்து மக்களுக்கு சேவை செய்ய வேண்டும் என்ற அவர், விஜய் அரசியலுக்கு வந்த பிறகு நடிக்க மாட்டேன் என்று கூறுவது வருத்தமாக இருப்பதாகவும் கூறியுள்ளார். நம்மால் முடிந்ததை சமூகத்திற்கு கொடுக்க வேண்டும் என்றும், லாரன்ஸ் மற்றும் பாலா மக்களுக்கு உதவுவது சிறப்பானது எனவும் தெரிவித்துள்ளார்.
Featured News
Sorry, no posts matched your criteria.