India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 13, 2024
வெற்றிலையில் போடுபவர்கள் கவனிக்க வேண்டியவை
வெற்றிலையில் உள்ள ‘அர்கோலைன்’ என்ற வேதிப்பொருள் வாய், தொண்டை மற்றும் உணவுக் குழாயில் புற்றுநோயை ஏற்படுத்தும். வெற்றிலை போடுவதால் இரத்த அழுத்தம் மற்றும் இதய துடிப்பு அதிகரிக்கும். பற்களை கறைப்படுத்தும், ஈறுகளை பாதிக்கும், வாயில் புண்கள் ஏற்படுத்தும், பசியின்மை, தூக்கமின்மை போன்ற பிரச்சனைகளை ஏற்படுத்தும். வெற்றிலை போடுவதால் சில நன்மைகள் இருந்தாலும், தீமைகள் மிக அதிகம்.
News May 13, 2024
ஆட்ட நாயகனாக தேர்வான கேமரூன் கிரீன்
டெல்லி அணிக்கு எதிரான போட்டியில் பெங்களூரு அணியின் கேமரூன் கிரீன் ஆட்ட நாயகனாக தேர்வானார். பெங்களூரு 187 ரன்கள் அடித்த நிலையில், டெல்லி 140 ரன்கள் மட்டுமே எடுத்து தோல்வி அடைந்தது. இதன் மூலம் பெங்களூரு அணி, புள்ளிப்பட்டியலில் 5ஆவது இடத்திற்கு முன்னேறியுள்ளது. இதன் மூலம் பிளே-ஆஃப் சுற்றுக்கான வாய்ப்பு பெங்களூரு அணிக்கு அதிகரித்துள்ளது. கொல்கத்தா அணி ஏற்கெனவே பிளே-ஆஃப் சுற்றை உறுதி செய்துள்ளது.
News May 13, 2024
மே 13: வரலாற்றில் இன்று
➤1648 – டெல்லியில் செங்கோட்டை கட்டி முடிக்கப்பட்டது.
➤1830 – ஈக்வடார் கொலம்பியாவிடம் இருந்து விடுதலை அடைந்தது.
➤1765 – யாழ்ப்பாணத்தின் டச்சுத் தளபதியாக அந்தனி மூயார்ட் நியமிக்கப்பட்டார்.
➤1952 – இந்திய நாடாளுமன்றத்தின் மாநிலங்களவையின் முதலாவது அமர்வு தொடங்கியது.
➤1967 – சாகிர் உசேன் இந்தியாவின் முதலாவது முஸ்லிம் குடியரசுத் தலைவர் ஆனார்.
News May 13, 2024
400 இடங்களில் பாஜக வெல்லும்
400 இடங்களில் வென்று, மீண்டும் மோடி தலைமையில் பாஜக ஆட்சி அமைவது உறுதி என வானதி சீனிவாசன் தெரிவித்துள்ளார். மக்களவைத் தேர்தலில் எதிர்க்கட்சிகளின் சதித் திட்டங்கள் அனைத்தும் முறியடிக்கப்படும் என்ற கூறிய அவர், நடுநிலையாளர்கள் போர்வையில் பாஜகவுக்கு எதிரான பரப்புரையை மக்கள் புறந்தள்ளுவார்கள் என்றார். குஜராத்தை போல மத்தியிலும் பாஜக தொடர் வெற்றியை பெறும் என்றும் அவர் நம்பிக்கை தெரிவித்தார்.
News May 13, 2024
தினம் ஒரு திருக்குறள்
◾பால்: பொருட்பால்
◾அதிகாரம்: கேள்வி
◾குறள்: 416
எனைத்தானும் நல்லவை கேட்க அனைத்தானும்
ஆன்ற பெருமை தரும்.
விளக்கம்: நல்லவற்றை எந்த அளவுக்குக் கேட்கிறோமோ அந்த அளவுக்குப் பெருமை கிடைக்கும் என்ற நம்பிக்கையுடன் இருக்க வேண்டும்.
News May 13, 2024
சேப்பங்கிழங்கில் இத்தனை நன்மைகளா?
சேப்பங்கிழங்கில் உள்ள ஃபைபர் அதனை சாப்பிடுவோருக்கு வயிறு நிரம்பிய உணர்வை கொடுக்கிறது. இதனால் கலோரி உட்கொள்ளல் குறைந்து எடையை குறைக்கும் முயற்சிகளுக்கு உதவுகிறது. இதிலிருக்கும் பொட்டாசியம் ரத்த அழுத்தத்தைக் கட்டுப்படுத்த உதவுகிறது. அதே சமயம் இதில் உள்ள நார்ச்சத்து கொலஸ்ட்ரால் லெவலை குறைத்து, இதயத்தை ஆரோக்கியமாக வைக்கிறது. நீரிழிவு நோயாளிகள் இந்த கிழங்கை மிதமான அளவில் எடுத்து கொள்ளலாம்.
News May 13, 2024
மோடியோடு விவாதம் செய்ய ராகுலுக்கு தகுதி இல்லை
மோடியுடன் விவாதம் செய்வதற்கு ராகுல் காந்தி INDIA கூட்டணியின் பிரதமர் வேட்பாளரா? என ஸ்மிரிதி இரானி கேள்வி எழுப்பியுள்ளார். அமேதியில் பாஜக எதிர்த்து போட்டியிட தயங்கும் ராகுல், பிரதமரை விவாதத்திற்கு அழைப்பது கேலி கூத்து என்ற அவர், பிரதமரோடு சமமாக அமர்ந்து விவாதம் நடத்துவதற்குரிய தகுதி அவருக்கில்லை என்றார். முன்னதாக பிரதமரோடு நேருக்கு நேராக விவாதம் நடத்த தயாராக இருப்பதாக ராகுல் தெரிவித்திருந்தார்.
News May 13, 2024
பிறந்தநாள் வாழ்த்து போட்டோ அனுப்புங்க
இன்று (மே 13) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 10 மணிக்குள் வாழ்த்துகளை அனுப்பவும். பிறந்தநாள் கொண்டாடுபவர்களின் தெளிவான புகைப்படங்களை அனுப்பி, உங்கள் அன்புக்குரியவர்களை வாழ்த்துங்கள்.
News May 13, 2024
‘டக் அவுட்’ சாதனை படைத்த தினேஷ் கார்த்திக்
ஐபிஎல் தொடரில் அதிக முறை டக் அவுட்டான வீரர்கள் பட்டியலில் முதலிடம் பிடித்து தினேஷ் கார்த்திக் மோசமான சாதனை படைத்துள்ளார்.
டெல்லிக்கு எதிரான நேற்றைய போட்டியில் 2 பந்துகளை மட்டுமே எதிர்கொண்ட அவர், ரன்கள் ஏதுமின்றி விக்கெட்டை இழந்தார். ஐபிஎல் தொடரில் தினேஷ் கார்த்திக் 18 முறையும், ரோஹித் ஷர்மா, மேக்ஸ்வெல் தலா 17 முறையும் டக் அவுட் ஆகியுள்ளனர். சுனில் நரைன் 16 முறை டக் ஆவுட் ஆகியுள்ளார்.
News May 13, 2024
2 தொகுதிகளில் பாஜக வெற்றி பெறும்: பியூஷ் கோயல்
தமிழ்நாட்டில் 2 தொகுதிகளில் பாஜக கண்டிப்பாக வெற்றி பெறும் என மத்திய அமைச்சர் பியூஷ் கோயல் தெரிவித்துள்ளார். மேற்கு வங்கம், ஒடிசா, தெலங்கானா ஆகிய மாநிலங்களில் பாஜகவிற்கு மக்களிடம் அதிக ஆதரவு கிடைப்பதாக தெரிவித்த அவர், கேரளா, தமிழகம், ஆந்திரா உள்ளிட்ட மாநிலங்களில் சில இடங்களில் பாஜக வெற்றி பெறும் என்றார். தமிழகத்தில் 4 முதல் 5 தொகுதிகளில் பாஜக மிக வலுவாக இருப்பதாகவும் அவர் தெரிவித்தார்.
Featured News
Sorry, no posts matched your criteria.