India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 25, 2024
அண்ணாமலையின் வலது கையை தூக்கினார் இபிஎஸ்
பாஜக தகவல் தொழில்நுட்பம் மற்றும் சமூக ஊடக பிரிவு மாநில செயலாளர், கோவை பெருங்கொட்ட பொறுப்பாளர் (கோவை, நீலகிரி, ஈரோடு, திருப்பூர்) செல்வபிரபு, பாஜகவில் இருந்து விலகி அதிமுகவில் இணைத்து கொண்டார். அண்ணாமலைக்கு வலது கையாக செயல்பட்டு, அவருக்கு ஆதரவாக 12 மணி நேரத்திற்கு முன்பு வரை தீவிரமாக வாக்கு சேகரித்தவரை, இபிஎஸ்ஸின் வலது கையான எஸ்.பி.வேலுமணி ஸ்கெட்ச் போட்டு தூக்கியுள்ளார்.
News March 25, 2024
ஜேபி நட்டா மனைவியின் ரூ.35 லட்சம் கார் திருட்டு
டெல்லியில் பாஜக தலைவர் ஜேபி நட்டாவின் மனைவிக்கு சொந்தமான ரூ.35 லட்சம் மதிப்பு கார் திருடப்பட்டுள்ளது. சர்வீசுக்கு விடப்பட்ட டோயோட்டா ஃபார்சூனர் காரை டிரைவர் கடந்த 19ஆம் தேதி எடுத்து வந்து வீட்டில் நிறுத்திவிட்டு சாப்பிட சென்றுள்ளார். அப்போது அந்த கார் திருடப்பட்டுள்ளது. கார் குருகிராம் நோக்கி எடுத்து செல்லப்பட்டதை சிசிடிவி மூலம் கண்டுபிடித்த போலீசார், அதை தேடி வருகின்றனர்.
News March 25, 2024
பம்பரம் சின்னம் கோரி வைகோ அவசர முறையீடு
பம்பரம் சின்னத்தை மதிமுகவுக்கு ஒதுக்கக் கோரி சென்னை உயர்நீதிமன்றத்தில் வைகோ அவசர மனு தாக்கல் செய்துள்ளார். வேட்புமனு தாக்கல் முடிய 3 நாட்கள் மட்டுமே இருப்பதால், மதிமுகவுக்கு பம்பரம் சின்னத்தை ஒதுக்க உத்தரவிட வேண்டும் என அந்த மனுவில் அவர் கேட்டுக் கொண்டுள்ளார். இந்த மனு நாளை விசாரணைக்கு வருகிறது. திருச்சி தொகுதியில் மதிமுக சார்பாக வைகோ மகன் துரை வையாபுரி போட்டியிட உள்ளது குறிப்பிடத்தக்கது.
News March 25, 2024
1982இல் அறிமுகப்படுத்தப்பட்ட EVM
*EVM முதன் முதலில் 1982இல் கேரள தேர்தலில் அறிமுகப்படுத்தப்பட்டது. * 1998 முதல் நாடு முழுவதும் EVM பயன்படுத்தப்பட்டது. நோட்டாவுக்கு வாக்களிக்கும் முறை 2014இல் நடைமுறைக்கு வந்தது. *64 வேட்பாளர்கள் வரை தேர்தலில் போட்டியிட்டால் EVM இயந்திரம் மூலம் தேர்தல் நடத்தலாம். அதற்கு மேல் இருந்தால் EVM பயன்படுத்த முடியாது.*1989 தேர்தலில் இருந்து வாக்களிக்கும் வயது 21இல் இருந்து 18 ஆக குறைக்கப்பட்டது.
News March 25, 2024
அடுத்தடுத்து 3 பேர் உயிரிழப்பு..
கடந்த இரண்டு நாட்களில் கோவை வெள்ளியங்கிரி மலை ஏறிய 3 பேர் உயிரிழந்த சம்பவம் அதிர்ச்சியை ஏற்படுத்தியுள்ளது. ஐதராபாத்தை சேர்ந்த மருத்துவர் சுப்பாராவ் (57), சேலத்தை சேர்ந்த தியாகராஜன் (35), தேனியை சேர்ந்த பாண்டியன் (40) உயிரிழந்தனர். உடல் பரிசோதனை செய்யாமல் ரீல்ஸ் மோகத்தில் அதிகளவு இளைஞர்கள் மலையேற வருவதாகவும், மலை உச்சிக்கு செல்லும் வழியில் மாரடைப்பு ஏற்பட்டு உயிரிழப்பு ஏற்படுவதாகவும் கூறப்படுகிறது.
News March 25, 2024
தபால் ஓட்டுக்கு இன்று கடைசி நாள்
மக்களவைத் தேர்தலில் 85 வயதுக்கும் மேற்பட்டோர், மாற்றுத்திறனாளிகள் தபால் மூலம் வாக்களிக்க வகை செய்யும் விண்ணப்பத்தை சமர்ப்பிக்க இன்று கடைசி நாளாகும். தமிழ்நாட்டில் வருகிற ஏப்ரல் மாதம் 19ஆம் தேதி மக்களவைத் தேர்தல் நடைபெறவுள்ளது. இதில் தபால் மூலம் வாக்களிக்க 12டி படிவத்தை தேர்தல் ஆணையம் கடந்த 20ஆம் தேதி முதல் விநியோகித்தது. இதை பூர்த்தி செய்து சமர்ப்பிக்க இன்று கடைசி நாளாகும்.
News March 25, 2024
நிலநடுக்கத்திற்கு 5 பேர் பலி, 1,000 வீடுகள் தரைமட்டம்
பப்புவா நியூ கினியா நாட்டில் ஏற்பட்ட சக்திவாய்ந்த நிலநடுக்கத்தில் 5 பேர் பலியாகினர். அந்நாட்டின் வடக்கு பகுதியில் நேற்று 6.9 ரிக்டர் அளவுகோலில் நிலநடுக்கம் ஏற்பட்டது. இதில் 1,000 வீடுகள் இடிந்து தரைமட்டமாகின. இடிபாடுகளில் சிக்கி 5 பேர் பலியான நிலையில், ஏராளமானோர் பலத்த காயமடைந்தனர். இதனால் பலி எண்ணிகை மேலும் அதிகரிக்கக்கூடும் என அஞ்சப்படுகிறது.
News March 25, 2024
BREAKING: சென்னையில் மூட்டை மூட்டையாக சிக்கியது
சென்னையில் லாரியில் மூட்டை, மூட்டையாக கொண்டுவரப்பட்ட பாஜக கொடி, தொப்பிகள் பறிமுதல் செய்யப்பட்டுள்ளது. வில்லிவாக்கத்தில் தேர்தல் பறக்கும் படையினர் அதிரடி வாகன சோதனையில் ஈடுபட்டிருந்தனர். அப்போது, அந்த வழியாக வந்த லாரியை மடக்கி பிடித்து சோதனை செய்ததில், உரிய ஆவணங்களின்றி 500க்கும் மேற்பட்ட மூட்டைகளில் கொண்டுவரப்பட்ட பாஜக கொடி, தொப்பிகளை பறிமுதல் செய்து, விசாரணை மேற்கொண்டுள்ளனர்.
News March 25, 2024
சுயேச்சைகளுக்கு 188 சின்னங்கள்
மக்களவைத் தேர்தலில் போட்டியிடும் அங்கீகாரம் பெறாத அரசியல் கட்சிகள், சுயேச்சைகளுக்காக பிஸ்கட், ரொட்டி, செங்கல் உள்ளிட்ட 188 சின்னங்களை தேர்தல் ஆணையம் வெளியிட்டுள்ளது. அதில் ஆட்டோ ரிக்சா, நடைவண்டி, பலூன், வளையல்கள், கிரிக்கெட் மட்டை, பிஸ்கட், ரொட்டி, கரும்பலகை, வாளி, கேக், புகைப்பட கருவி, தரை விரிப்பு, கேரம் பலகை, மிதிவண்டி காற்றடிக்கும் குழாய், நடை வண்டி உள்ளிட்டவை இடம் பெற்றுள்ளன.
News March 25, 2024
பேரூர் ஆதீனத்திடம் ஆசி பெற்ற அண்ணாமலை
கோவை மக்களவைத் தொகுதியில் போட்டியிடும் பாஜக வேட்பாளர் அண்ணாமலை பேரூர் ஆதீனம் மருதாசல அடிகளாரை சந்தித்து ஆசி பெற்றார். சுமார் 500 ஆண்டுகள் பழமை வாய்ந்த ஆதீனமாக உள்ள பேரூருக்கு சென்ற அண்ணாமலைக்கு, மலர் கிரீடம் அணிவித்து ஆதீனம் ஆசி வழங்கினார். 2021இல் கோவை தெற்கு தொகுதியில் போட்டியிட்ட கமல் மருதாசல அடிகளாரை சந்தித்து ஆசி பெற்றார். ஆனால், அந்த தேர்தலில் கமல் தோல்வி அடைந்தது குறிப்பிடத்தக்கது.
Featured News
Sorry, no posts matched your criteria.