India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 13, 2024
இபிஎஸ் தலைமையில் தான் அதிமுக: செங்கோட்டையன்
தேர்தல் முடிவுக்கு பிறகு செங்கோட்டையன், வேலுமணி தலைமையில் அதிமுக இயங்குமென அமைச்சர் ரகுபதி பேசியிருந்தார். இதற்கு இபிஎஸ் தலைமையிலான அதிமுகவில் எந்த சலசலப்போ, பிளவோ இல்லை. அவரின் தலைமையில்தான் அதிமுக இயங்கும் என்று முன்னாள் அமைச்சர் செங்கோட்டையன் பதிலடி கொடுத்துள்ளார். 40 ஆண்டுகளாக நேர்வழியில் அரசியல் செய்து வரும் என்மீது தொடர்ந்து அவதூறு பரப்புகின்றனர் எனவும் குற்றம் சாட்டியுள்ளார்.
News May 13, 2024
IISER-க்கு விண்ணப்பிக்க இன்றே கடைசி நாள்
இந்திய அறிவியல் கல்வி மற்றும் ஆராய்ச்சி நிறுவனங்களில் (IISERs) மாணவச் சேர்க்கைக்கான ஆன்லைன் பதிவு மற்றும் Aptitude Test இன்றுடன் நிறைவடைகிறது. விருப்பமான மாணவர்கள் iiseradmission.in. என்ற இணையதளம் மூலம் விண்ணப்பிக்கலாம். இதற்கான நுழைவுத் தேர்வு ஜூன் 9ஆம் தேதி நடைபெறுகிறது. இந்நிறுவனங்கள் +2 முடித்தவர்களுக்கு ஐந்தாண்டு கால அளவிலான BS–MS எனும் இரட்டைப் பட்டப்படிப்பினை வழங்கி வருகிறது.
News May 13, 2024
+1 பொதுத்தேர்வு முடிவு நாளை வெளியாகிறது
+1 பொதுத்தேர்வு முடிவு நாளை காலை 9.30 மணிக்கு வெளியாக உள்ளது. மார்ச் 4 முதல் 25ஆம் தேதி வரை நடைபெற்ற இத்தேர்வை 8.16 லட்சம் மாணவர்கள் எழுதியுள்ளனர். தேர்வு முடிவுகளை www.tnresults.nic.in, www.dge.tn.gov.in ஆகிய இரு இணையதளங்களில் அறிந்து கொள்ளலாம். மாணவர்கள் தாங்கள் படித்த பள்ளிகள் மூலமாகவும் முடிவுகளை அறியலாம். பதிவு செய்துள்ள செல்ஃபோன் எண்ணுக்கு குறுஞ்செய்தியாகவும் முடிவுகள் அனுப்பப்படும்.
News May 13, 2024
கெஜ்ரிவாலை பதவிநீக்கம் செய்ய முடியாது : சுப்ரீம் கோர்ட்
அரவிந்த் கெஜ்ரிவாலை முதல்வர் பதவியில் இருந்து நீக்க முடியாது என்று கூறி மனுவை தள்ளுபடி செய்தது உச்சநீதிமன்றம். அவரை முதல்வர் பதவியில் இருந்து நீக்க சொல்ல மனுதாரருக்கு எந்த முகாந்திரமும் இல்லை என்று நீதிபதிகள் கூறியுள்ளனர். மதுபான கொள்கை ஊழல் தொடர்பான வழக்கில் அமலாக்கத்துறை கெஜ்ரிவாலை கைது செய்தது. தற்போது பிணையில் வெளியே வந்திருக்கும் கெஜ்ரிவால், தேர்தல் பரப்புரையில் ஈடுபட்டுள்ளார்.
News May 13, 2024
மீண்டும் வருகிறது ராஜ்டூட் பைக்
1970களில் இந்திய சாலைகளில் வலம் வந்த ‘ராஜ்டூட்’ பைக்குகள் மீண்டும் சந்தைக்கு வர இருக்கின்றன. இந்த பைக்கை பழைய டிசைனில் நவீன வசதிகளுடன் சந்தைப்படுத்த அந்நிறுவனம் முடிவு செய்துள்ளது. 125CC இஞ்சினுடன் சுமார் 1 லட்ச ரூபாய் மதிப்பீட்டில் இந்த பைக் விற்பனைக்கு வரலாம் என்று எதிர்பார்க்கப்படுகிறது. ஆனால், இந்த பைக் பற்றிய அதிகாரப்பூர்வ தகவல் ஏதும் வெளியாகவில்லை.
News May 13, 2024
ஜனநாயக கடமையாற்றிய அரசியல் பிரபலங்கள்
தெலங்கானா மாநிலம் கோடங்கலில் உள்ள வாக்குச்சாவடி மையத்தில் அம்மாநில முதல்வர் ரேவந்த் ரெட்டி, தனது குடும்பத்துடன் வந்து ஜனநாயக கடமையாற்றினார். ஆந்திர மாநிலம் இந்துப்பூரம் தொகுதியின் தெலுங்கு தேச கட்சி வேட்பாளரும், நடிகருமான பாலகிருஷ்ணா தனது குடும்பத்துடன் வந்து வாக்கினை பதிவு செய்தார். நகரி தொகுதியில் ஒய்எஸ்ஆர் காங்கிரஸ் வேட்பாளரும், அமைச்சருமான ரோஜா, கணவர் செல்வமணி உடன் வந்து வாக்களித்தார்.
News May 13, 2024
உலகின் சுவையான சிக்கன் உணவுகள்
உலகின் சுவையான சிக்கன் உணவுகளின் பட்டியலை tasteatlas வெளியிட்டுள்ளது. இந்த பட்டியலில் கொரியன் fried சிக்கன் முதலிடம் பிடித்துள்ளது. இந்தியாவின் உணவுகள் 3 இடங்களை பிடித்துள்ளன. அதன்படி, பட்டர் சிக்கன் 2ஆவது இடத்தையும், சிக்கன் டிக்கா 3ஆவது இடத்தையும், சிக்கன் 65 9ஆவது இடத்தையும் பிடித்துள்ளன. பெருவின் ரோஸ்ட் சிக்கன் 4ஆவது இடத்தையும், மலேசியாவின் அயம் கோரெங் 5ஆவது இடத்தையும் கைப்பற்றியுள்ளன.
News May 13, 2024
உணவு சமைத்து பக்தர்களுக்கு பரிமாறிய பிரதமர்
பிஹார் மாநிலம் பாட்னாவில் உள்ள சாஹிப் குருத்வாராவில் பிரதமர் மோடி சிறப்பு பிரார்த்தனை செய்தார். அதனைத் தொடந்து அங்கிருந்த சமையல் கூடத்தில் உணவு சமைத்த அவர், அதனை பக்தர்களுக்கும் பரிமாறினார். மக்களவைத் தேர்தலையொட்டி, அவர் நூற்றுக்கணக்கான கோயில்களில் வழிபாடு நடத்தி வருகிறார். அதன் ஒரு பகுதியாக, பிஹாருக்கு சென்ற பிரதமர், சிறப்பு வழிபாடு நடத்தினார்.
News May 13, 2024
ஆர்வமாக ஜனநாயக கடமையாற்றும் மக்கள்
தெலங்கானா, ஆந்திரா, பீஹார் உள்ளிட்ட 10 மாநிலங்களில் 96 மக்களவைத் தொகுதிகளில் வாக்குப்பதிவு விறுவிறுப்பாக நடைபெற்று வருகிறது. இதில் 11 மணி நிலவரப்படி ஆந்திராவில் 23.10%, பீஹாரில் 22.54%, ஜம்மு & காஷ்மீரில் 14.94%, ஜார்கண்டில் 27.40%, ம.பி.யில் 32.38%, மகாராஷ்டிராவில் 17.51%, ஒடிஷாவில் 23.28%, தெலங்கானாவில் 24.31%. உ.பி.யில் 27.12% மேற்கு வங்கத்தில் 32.78% வாக்குகள் பதிவாகியுள்ளது.
News May 13, 2024
பலரது கனவிலும் ‘ஸ்டார்’ ஒளிர்கிறது
கவின் நடிப்பில் வெளியாகியுள்ள ‘ஸ்டார்’ படத்திற்கு கிடைத்து வரும் வரவேற்புக்கு இயக்குநர் இளன் நன்றி தெரிவித்துள்ளார். இதுகுறித்து அவர் வெளியிட்டுள்ள கடிதத்தில், திரையரங்குகளில் கிடைக்கும் கைத்தட்டலும், கரகோஷமும் ‘லவ் யூ’ என சொல்வதாகவே தோன்றுவதாகவும், பலரது கனவிலும் ஸ்டார் ஒளிர்வதாகவும் மகிழ்ச்சி தெரிவித்தார். படம் முடிந்தும் பலரும் எழுந்து செல்லாமல் அமர்ந்திருப்பதாகவும் அவர் நெகிழ்ந்துள்ளார்.
Featured News
Sorry, no posts matched your criteria.