India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 26, 2024
CSK Vs GT: வெல்லப்போவது யார்?
ஐபிஎல் தொடரில் சென்னை சூப்பர் கிங்ஸ் & குஜராத் டைட்டன்ஸ் அணிகள் இதுவரை 5 முறை நேருக்கு நேர் மோதியுள்ளன. இதில் CSK 2 முறையும், GT 3 முறையும் வென்றுள்ளன. இந்தாண்டு ஐபிஎல் தொடரில் CSK, GT அணிகளுக்கு இடையேயான முதல் போட்டி சேப்பாக்கம் மைதானத்தில் இன்று இரவு 7.30 மணிக்கு தொடங்குகிறது. இன்றைய போட்டியில் எந்த அணி வெற்றி பெறும் என நீங்கள் நினைக்கிறீர்கள்? என்று இங்கே குறிப்பிடவும்.
News March 26, 2024
தினம் ஒரு திருக்குறள்!
*குறள் பால்: அறத்துப்பால் | இயல்: இல்லறவியல்
*அதிகாரம்: அடக்கமுடைமை | குறள் எண்: 122
*குறள்:
காக்க பொருளா அடக்கத்தை ஆக்கம்
அதனினூஉங் கில்லை உயிர்க்கு.
*பொருள்:
ஒருவர் மிகவும் உறுதியுடன் காக்க வேண்டியது அடக்கமாகும். அடக்கத்தைவிட ஆக்கம் தரக் கூடிய பெரிய செல்வம் இந்த உலகில் வேறொன்றும் இல்லை.
News March 26, 2024
சிவராஜ்குமாரின் படங்களுக்கு தடை விதிக்க வேண்டும்
மக்களவைத் தேர்தல் முடியும் வரை கன்னட நடிகர் சிவராஜ்குமார் நடித்த படங்கள் திரையிடுவதற்கு தடை விதிக்க வேண்டும் என தேர்தல் ஆணையத்திடம் பாஜக கோரிக்கை விடுத்துள்ளது. இது தொடர்பாக கர்நாடக பாஜக சார்பில் அளிக்கப்பட மனுவில், “சிவராஜ்குமார் பிரபலமான வராக இருப்பதால் வாக்காளர்களிடம் அவரது கருத்துகள் ஆதிக்கம் செலுத்தும். இதனால் வேட்பாளர்களிடையே சமநிலையை கடைபிடிக்க முடியாத நிலை ஏற்படும்”எனக் கூறப்பட்டுள்ளது.
News March 26, 2024
ஆடி கார்களின் விலை குறைய வாய்ப்பு
மின்சாரத்தில் இயங்கக் கூடிய தங்களது வாகனங்களை இந்தியாவில் தயாரிக்க உலகின் முன்னணி சொகுசுக் கார் தயாரிப்பு நிறுவனமான ஆடி இந்தியா முடிவு செய்துள்ளது. க்யு 50 இ-ட்ரான் போன்ற கார்களை இந்த நிறுவனம் இறக்குமதி செய்து இந்தியச் சந்தையில் விற்பனை செய்து வருகிறது. இதனால் அவற்றின் விலைகள் மிக அதிகமாக உள்ளன. இந்நிலையில், ஆடி நிறுவனம் எடுத்துள்ள இந்த முடிவால், கார்களின் விலை குறையுமென எதிர்பார்க்கப்படுகிறது
News March 26, 2024
ஆட்டநாயகன் விருதைப் பெற்ற விராட் கோலி
பஞ்சாப் அணிக்கு எதிரான போட்டியில் 77 ரன்கள் எடுத்த பெங்களூரு அணியின் நட்சத்திர வீரர் விராட் கோலிக்கு ஆட்டநாயகன் விருது வழங்கப்பட்டுள்ளது. விருதைப் பெற்றுக்கொண்டு பேசிய அவர், “என்னைப் பொறுத்த வரை தனிப்பட்ட சாதனைகளை விட அணிக்காக பெற்றுக் கொடுக்கும் வெற்றியும் அதனால் கிடைக்கும் நினைவுகளும் தான் பெரிய சாதனை. பல வருடங்களாக எனக்கு ஆதரவு கொடுத்து வரும் பெங்களூரு ரசிகர்களுக்கு நன்றி” என்றார்.
News March 26, 2024
பிறந்தநாள் வாழ்த்து போட்டோ அனுப்புங்க!
இன்று (மார்ச் 26) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 11 மணிக்குள் வாழ்த்துகளை அனுப்பவும். முதலில் அனுப்பும் 20 நபர்களின் புகைப்படங்கள் மட்டும் இதில் இடம்பெறும். உங்கள் அன்புக்குரியவர்களை வாழ்த்துங்கள். பிறந்தநாள் வாழ்த்து போட்டோ அனுப்புங்க!
News March 26, 2024
தேர்தல் முடிந்ததும் மோடி நடவடிக்கை எடுப்பார்
மக்களவைத் தேர்தல் முடிந்ததும் போதைப்பொருள் கடத்தலில் ஈடுபடுவோர் மீது பிரதமர் மோடி நடவடிக்கை எடுப்பார் என்று அமமுக பொதுச் செயலாளர் டிடிவி தினகரன் கூறியுள்ளார். பெரியகுளம் பகுதியில் பேசிய அவர், “ஒரு சொட்டு கூட மது இல்லாத மாநிலமாக தமிழ்நாட்டை மாற்றுவேன் என சொன்ன ஸ்டாலின், தற்போது போதைப் பழக்கத்தை வளர்த்து வருகிறார். ரவுடி ராஜ்ஜியமான திமுகவில் போதைப்பொருள் கும்பல் உள்ளது” என்றார்.
News March 26, 2024
டிரெயினிங் எடுக்கும் சிவகார்த்திகேயன்
ஏ.ஆர்.முருகதாஸ் – சிவகார்த்திகேயன் கூட்டணியில் உருவாகிவரும் ‘SK23’ படப்பிடிப்பு சென்னையில் மும்முரமாக நடந்து வருகிறது. பரபரப்புக்கு குறைவில்லாத ஆக்ஷன் காட்சிகள் நிறைந்த இந்தப் படத்திற்காக சிவகார்த்திகேயன் சிறப்புப் பயிற்சிப் பெற்று வருகிறார். குறிப்பாக, தன் உடம்பை மெருகேற்றுவதற்காக நடிகர் சிம்புவின் ஃபிட்னஸ் டிரெயினரான சந்தீப் மாஸ்டரின் மேற்பார்வையில் ஜிம் ஒர்க் அவுட்களை அவர் செய்துவருகிறார்.
News March 26, 2024
எல்லோராலும் தோனி போல் ஆக முடியாது
தோனியை போல எல்லோராலும் 7ஆவது ஆட்டக்காரராக களமிறங்கி மேட்ச்சை ஃபினிஷிங் செய்ய முடியாது என்று முகமது ஷமி கூறியுள்ளார். GT அணிக்கு எதிரான போட்டியில் MI அணி 7ஆவது ஆட்டக்காரராக பாண்டியா களமிறங்கியது குறித்து பேசிய முகமது ஷமி, “தோனி அல்லது கோலி இடத்தில் மற்றவரை ஒருபோதும் பொருத்த முடியாது. ஒவ்வொரு வீரரும் தங்கள் திறமையை அடிப்படையாக வைத்து விளையாட வேண்டும்” எனத் தெரிவித்தார்.
News March 26, 2024
இன்றைய தலைப்புச் செய்திகள்!
*மத்திய பல்கலைக்கழக மாணவர் சேர்க்கைக்கான பொது நுழைவுத்தேர்வுக்கு விண்ணப்பிக்க இன்றே (மார்ச் 26) கடைசி நாள்.
*பஞ்சாப்பிற்கு எதிரான பெங்களூரு அணி 4 விக்கெட்டுகள் வித்தியாசத்தில் வெற்றி பெற்றது.
*போயிங் விமான தயாரிப்பு நிறுவனத்தின் சி.இ.ஓ பொறுப்பிலிருந்து டேவ் கால்ஹவுன் விலகினார்.
*மனித நேய அடிப்படையில் காஸாவில் போர்நிறுத்தம் வேண்டி ஐ.நா., சபையில் ஜோர்டான் தீர்மானம் கொண்டு வந்துள்ளது.
Featured News
Sorry, no posts matched your criteria.