India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 26, 2024
இன்றைய நல்ல நேரம்!
▶மார்ச் – 26 | பங்குனி – 13
▶கிழமை: செவ்வாய் | ▶திதி: அதிதி
▶நல்ல நேரம்: காலை 07:30 – 08:30 வரை, மாலை 04:30 – 05:30 வரை
▶கெளரி நேரம்: காலை 10:30 – 11:30 வரை, மாலை 07:30 – 08:30 வரை
▶ராகு காலம்: மாலை 03:00 – 04:30 வரை
▶எமகண்டம்: காலை 09:00 – 10:30 வரை
▶குளிகை: நண்பகல் 12:00 – 01:30 வரை
▶சூலம்: வடக்கு ▶பரிகாரம்: பால்
News March 26, 2024
தேர்வுக் குழுவுக்கு பதிலடி தந்த கோலி
அஜித் அகர்கர் தலைமையிலான இந்திய தேர்வுக் குழுவுக்கு மறைமுக பதிலடியை விராட் கோலி கொடுத்துள்ளார். விருதைப் பெற்றுக்கொண்டு பேசிய அவர், “இப்போதும் என்னிடம் அதே திறமை இருப்பதாக நான் யூகிக்கிறேன். டி20 கிரிக்கெட் விளம்பரத்திற்காக உலகின் பல்வேறு பகுதிகளில் இப்போது என் பெயர் இணைக்கப்பட்டுள்ளது என்பதை நான் அறிவேன். கடந்த 2 மாதங்கள் சாதாரணமாக என்னை நானே உணர வாய்ப்பு கிடைத்தது” எனத் தெரிவித்தார்.
News March 26, 2024
தமிழகத்தின் கலகக்குரல் அதிர்வலையை உருவாக்கும்
தமிழகத்தில் பாஜகவுக்கு எதிரான எழும் கலகக்குரல் நாடு முழுவதும் அதிர்வலையை உருவாக்கும் என்று தமிழக நிதியமைச்சர் தங்கம் தென்னரசு கூறியுள்ளார். நாங்குநேரியில் பேசிய அவர், “மக்களைப் பற்றி சிந்திக்காமல் பாஜக அரசு செயல்படுகிறது. பாசிச, மதவாத சக்திகளைத் தோற்கடிக்க வேண்டும். ஜனநாயகத்தைக் காக்கவும் சமூகநீதியை நிலைநாட்டவும் I.N.D.I.A கூட்டணியை மக்கள் ஆதரிக்க வேண்டும்” என்றார்.
News March 26, 2024
மகளிர் ஹாக்கி அணியின் புதிய பயிற்சியாளர் யார்?
இந்திய மகளிர் ஹாக்கி அணியின் தலைமைப் பயிற்சியாளராக முன்னாள் வீரர் ஹரேந்திர சிங் நியமிக்கப்படலாம் என தகவல் வெளியாகியுள்ளது. அணிக்கு புத்துயிர் அளிக்க அவர் மிகவும் பொருத்தமான நபராக இருப்பார் என்று தேசிய கூட்டமைப்பின் நிர்வாகக் குழு கருதுகிறது. சம்பள நிறுத்தம் போன்ற காரணங்களால் தலைமைப் பயிற்சியாளர் பொறுப்பில் இருந்து நெதர்லாந்தின் ஜான்னேக் கடந்த மாதம் விலகிய குறிப்பிடத்தக்கது.
News March 26, 2024
கல்லீரலை காக்கும் அகத்திப்பூ கசாயம்
உடலிலுள்ள நச்சுக்களை வெளியேற்றி, கல்லீரலை தூய்மைப்படுத்த (Detox) அகத்திப்பூ கசாயம் பருகலாம் என்று மருத்துவர் கௌதமன் பரிந்துரைக்கிறார். கைப்பிடி அகத்திப்பூவை சுத்தப்படுத்தி, மஞ்சள், இஞ்சி சேர்த்து கொதிக்க வைத்து, வடிகட்டி எடுத்துகொள்ள வேண்டும். எலுமிச்சைச் சாறு கலந்து, இந்த கசாயத்தை வெறும் வயிற்றில் 15 நாள்களுக்கு ஒருமுறை குடித்து வந்தால் போதும், கல்லீரலில் உள்ள நச்சு அனைத்தும் வெளியேறிவிடுமாம்.
News March 26, 2024
கெஜ்ரிவாலுக்கு ஆதரவாக சமூக வலைத்தள பிரசாரம்
டெல்லி முதல்வர் அரவிந்த் கெஜ்ரிவாலுக்கு ஆதரவாக சமூக வலைத்தள பிரசாரத்தை ஆம் ஆத்மி தொடங்கியுள்ளது. மதுபான கொள்கை முறைகேடு வழக்கில், அவர் கடந்த 21ஆம் தேதி கைது செய்யப்பட்டார். இந்நிலையில், அவருக்கு ஆதரவாக ‘மோடியின் மிகப்பெரிய பயம் கெஜ்ரிவால்’ என்ற தலைப்புடன், கெஜ்ரிவால் சிறைக்கு பின்னால் இருக்கும் படத்தை முகப்பு படமாக வைத்து பலரும் பிரசாரத்திற்கு ஆதரவு தெரிவித்து வருகின்றனர்.
News March 26, 2024
நடிகை நேகா ஷர்மாவை களமிறக்க காங்கிரஸ் திட்டம்
பீகார் மக்களவைத் தேர்தலில் பாலிவுட் நடிகை நேகா ஷர்மாவை களமிறக்க அம்மாநில காங்கிரஸ் திட்டமிட்டுள்ளதாக தகவல் வெளியாகியுள்ளது. பாகல்பூர் மக்களவைத் தொகுதி காங்கிரஸுக்கு ஒதுக்கப்பட்டால், நேகா போட்டியிட வாய்ப்புள்ளதாக அவரது தந்தையும் பீகார் மாநில காங்கிரஸ் மூத்த தலைவருமான எம்.எல்.ஏ அஜித் ஷர்மா கூறியுள்ளார். இந்தி, தெலுங்கு உட்பட பல மொழிகளில் 17 திரைப்படங்களில் நேகா ஷர்மா நடித்துள்ளார்.
News March 26, 2024
ரச்சினுக்கு பவுலிங் வாய்ப்பு வழங்கப்படுமா ?
குஜராத் அணியில் தமிழக வீரர்கள் அதிகளவில் உள்ளதால் சி.எஸ்.கே அணிக்கு சற்று அழுத்தம் ஏற்படும் என அணியின் பயிற்சியாளர் ஸ்டீபன் ஃபிளெமிங் கூறியுள்ளார். தொடர்ந்து பேசிய அவர், “தொடக்க பேட்டிங் வரிசையில் அனைத்து வீரர்களையும் களமிறக்கி சோதனை செய்ய தயாராக உள்ளோம். ஆல்ரவுண்டர் ரச்சின் ரவீந்திராவுக்கு பவுலிங் வாய்ப்பும் தரப்படும். கேப்டன் ருதுராஜ் கெய்க்வாட்டுக்கு கூடுதல் பொறுப்பு ஏற்பட்டுள்ளது” என்றார்.
News March 26, 2024
பதவி விலகுவதாக அறிவித்த போயிங் நிறுவன சி.இ.ஓ
அமெரிக்காவை தலைமையிடமாக கொண்டு செயல்பட்டு வரும் போயிங் நிறுவனத்தின் சி.இ.ஓ பதவியை டேவ் கால்ஹவுன் ராஜினாமா செய்யவுள்ளதாக அறிவித்துள்ளார். அலாஸ்கா ஏர்லைன்ஸ் விமானம் விபத்துக்குள்ளானதை அடுத்து போயிங் தயாரிக்கும் விமானங்களில் தரம் & பாதுகாப்பு குறைபாடு இருப்பதாகக் குற்றச்சாட்டு எழுந்தது. இதன் காரணமாக கால்ஹவுன் தனது பொறுப்பிலிருந்து விலக முடிவெடுத்துள்ளதாகக் கூறப்படுகிறது.
News March 26, 2024
மார்ச் 26 வரலாற்றில் இன்று!
*1552 – குரு அமர்தாஸ் சீக்கியரின் 3ஆவது குருவானார். *1892 – அமெரிக்கக் கவிஞர் வால்ட் விட்மன் மறைந்த நாள். *1934 – பிரிட்டனில் வாகன ஓட்டுனர்களுக்கான சோதனை அறிமுகப்படுத்தப்பட்டது. *1971 – வங்காளதேச விடுதலைப் போர் மூண்டது. *2000 – புதின் ரஷ்யாவின் அரசுத்தலைவராகத் தேர்ந்தெடுக்கப்பட்டார். *2005 – கிளிநொச்சியில் தமிழீழத் தேசிய தொலைக்காட்சி தொடங்கப்பட்டது. *2006 – அறிவியல் தமிழ் மாநாடு நடந்தது.
Featured News
Sorry, no posts matched your criteria.