India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 30, 2024
பா.ரஞ்சித்துக்கு எதிராக திமுக ஐ.டி. விங்க்?
ஆம்ஸ்ட்ராங் கொலையைக் கண்டித்து அண்மையில் சென்னையில் பேரணி நடைபெற்றது. இதில் பேசிய பா. ரஞ்சித், திமுக தரப்பை கடுமையாக விமர்சித்தார். இதையடுத்து, அவருக்கு எதிராக திமுக ஐ.டி. விங்க் பிரிவினர் கடும் விமர்சனங்களை பதிவிட்டு வருகின்றனர். திருமாவளவனுடன் இணைந்து செயல்பட்டுவிட்டு தற்போது அவரை எதிர்ப்பது, ஆம்ஸ்ட்ராங் குடும்பமே பா.ரஞ்சித்தை நம்பவில்லை என குற்றம்சாட்டி பதிவிடுகின்றனர்.
News July 30, 2024
30ஆம் தேதி பிறந்தவரா நீங்கள்?
30ஆம் தேதியில் பிறந்தவருக்கான பலன் குறித்து எண் கணிதத்தில் தெரிவிக்கப்பட்டுள்ளது. அதை இங்கு காணலாம். *தொழில் சார்ந்த விஷயங்களில் வெற்றி பெறுவார்கள் * முன்னெச்சரிக்கையுடன் எதையும் செய்வார்கள் * கல்விக்கு ஏற்ற வேலை வாய்ப்புகளை பெறுவர் * அரசுப்பணி தேடிவரும் *நிர்வாகத் திறன் மிக்கவர்களாகத் திகழ்வர் *குடும்ப வாழ்க்கை நன்றாக அமையும் *நீதித்துறை முதல் நிதித்துறை வரை உயர்பதவிகளில் பணியாற்றுவர்.
News July 30, 2024
OLYMPICS: பதக்கப் பட்டியலில் ஜப்பான் முதலிடம்
OLYMPICS பதக்கப் பட்டியலில் முதலிடத்தில் உள்ள ஜப்பான், 6 தங்கம், 2 வெள்ளி, 4 வெண்கலத்துடன் 12 பதக்கங்கள் வென்றுள்ளது. 2ஆவது இடத்தில் உள்ள பிரான்ஸ் 5 தங்கம், 8 வெள்ளி, 3 வெண்கலம் என 16 பதக்கங்களை கைப்பற்றியுள்ளது. 3ஆவது இடத்தில் உள்ள சீனா தலா 5 தங்கம், 5 வெள்ளி உள்ளிட்ட 12 பதக்கங்களை தனதாக்கியுள்ளது. அமெரிக்கா 20 பதக்கங்களுடன் 6ஆவது இடத்திலும், இந்தியா 1 வெண்கலத்துடன் 26ஆவது இடத்திலும் உள்ளன.
News July 30, 2024
தயாரிப்பாளர் ரவீந்தர் வீட்டில் ED சோதனை
தமிழ் தயாரிப்பாளர் ரவீந்தர் சந்திரசேகரன் வீட்டில் அமலாக்கத்துறை அதிகாரிகள் சோதனை மேற்கொண்டுள்ளனர். சென்னை அசோக் நகரில் உள்ள அவரது வீட்டுக்கு அதிகாலையில் வந்த அதிகாரிகள், நீண்ட நேரமாக தீவிர சோதனை நடத்தி வருகிறார்கள்.
சோதனைக்கான காரணம் குறித்த தகவல் இதுவரை வெளியாகவில்லை. பண மோசடி வழக்கில் ஏற்கெனவே அவர் கைது செய்யப்பட்டு சிறையில் இருந்தது குறிப்பிடத்தக்கது.
News July 30, 2024
பள்ளிகளில் ஆண்டுக்கு 10 நாள் புத்தகப்பை இல்லா தினம்
தேசிய கல்வி ஆராய்ச்சி மற்றும் பயிற்சி கவுன்சில் வழிகாட்டுதல்களை வெளியிட்டுள்ளது. அதில், ஒரு ஆண்டில் ஒவ்வொரு நாளும் 6 மணி நேரம் என 1,000 மணி நேரம் பள்ளிகளில் ஆசிரியர்கள், மாணவர்கள் செலவிடுவதாகவும், இதில் 6-8 மாணாக்கர்களுக்கு 10 நாள் (அ) 60 மணி நேரத்தை புத்தகப்பை இல்லா தினமாக்கி தச்சு, தோட்டம், பானைத் தொழிலாளர் உள்ளிட்ட நிபுணர்களிடம் திறமையை கற்க திட்டமிடலாம் எனப் பரிந்துரைக்கப்பட்டுள்ளது.
News July 30, 2024
அயர்லாந்து வீரர் ஹாரி டெக்டருக்கு அபராதம்
ஜிம்பாப்வேக்கு எதிரான டெஸ்ட் போட்டியின் போது நடத்தை விதிகளை மீறியதாக அயர்லாந்து வீரர் ஹாரி டெக்டருக்கு போட்டி கட்டணத்தில் 15% அபராதம் விதிக்கப்பட்டுள்ளது. இரு அணிகளுக்கும் இடையே பெல்ஃபெஸ்டில் நடைபெற்ற டெஸ்ட் போட்டியில், ரன்கள் ஏதுமின்றி விக்கெட்டை இழந்த ஹாரி டெக்டர், நடுவரின் முடிவிற்கு எதிர்ப்பு தெரிவித்து களத்திலேயே நின்றிருந்தார். இதனால் ஐசிசி விதிப்படி அவருக்கு அபராதம் விதிக்கப்பட்டுள்ளது.
News July 30, 2024
சாலையோரம் 100 எண் குறியீடு போர்டு உள்ளதா?
சாலையில் செல்லும் வாகன ஓட்டிகளுக்கு அறிவுறுத்தும் வகையில் பல்வேறு குறியீடு போர்டுகள் வைக்கப்பட்டிருப்பதை பார்த்திருப்போம். அதில், சிகப்பு வட்டத்திற்குள் மஞ்சள் வண்ண பின்னணியில் கருப்பு நிறத்தில் “100” எண் குறிப்பிடப்பட்டு இருக்கும் போர்டுக்கு என்ன அர்த்தம்? என தற்போது பார்க்கலாம். அந்த சாலையில் மணிக்கு 100 கிலோ மீட்டர் வேகம் வரை வாகனத்தில் செல்லலாம் என்பதையே அந்த போர்டு குறிக்கிறது.
News July 30, 2024
ஆக.14இல் எம்.பி.பி.எஸ் கலந்தாய்வு?
இளநிலை மருத்துவப் படிப்புக்கான கலந்தாய்வு வரும் 14ஆம் தேதி தொடங்க அதிக வாய்ப்பு உள்ளதாக மருத்துவ கலந்தாய்வுக் குழு தெரிவித்துள்ளது. ஆகஸ்டு முதல் வாரத்தில் இளநிலை மருத்துவப் படிப்பு கலந்தாய்வுக்கான பதிவு நடைமுறைகள் தொடங்கும் என்றும், கலந்தாய்வு விவரம், அட்டவணை குறித்து மருத்துவ கலந்தாய்வு குழு இணையதளத்தில் மாணவர்கள் அறிந்து கொள்ளும்படியும் அறிவுறுத்தப்பட்டுள்ளது.
News July 30, 2024
எம்.ஆர்.விஜயபாஸ்கரை சிறையில் சந்தித்த நிர்வாகிகள்
சிறையில் இருக்கும் முன்னாள் அமைச்சர் எம்.ஆர்.விஜயபாஸ்கரை, அதிமுக சேர்ந்த முக்கிய நிர்வாகிகள் சந்தித்து பேசினர். 100 கோடி நில அபகரிப்பு புகாரில் எம்.ஆர்.விஜயபாஸ்கர் கைது செய்யப்பட்டு திருச்சி மத்திய சிறையில் அடைக்கப்பட்டுள்ளார். சிறையில் உள்ள அவரை அதிமுக முன்னாள் அமைச்சர்கள் தங்கமணி, சி.வி.சண்முகம், திருச்சி முன்னாள் எம்.பி பரஞ்சோதி ஆகியோர் நேரில் சந்தித்து நலம் விசாரித்தனர்.
News July 30, 2024
ஹாலிவுட் டெர்மினேட்டருக்கு இன்று பிறந்தநாள்
ஹாலிவுட் என்றதும் திரைப்பட ரசிகர்களுக்கு அர்னால்டு ஸ்வார்ஷ்னேக்கரின் நினைவு நிச்சயம் வரும். போஸ்டரில் அவர் படம் இருந்தாலே கண்ணை மூடிக் கொண்டு படத்திற்கு செல்லும் அளவுக்கு இன்றும் ரசிகர்கள் உண்டு. டெர்மினேட்டர், ப்ரீடேட்டர், டோட்டல் ரீகால், எக்ஸ்பென்டபிள்ஸ் என இவர் நடிப்பில் வெளியான ஆக்ஷன் படங்களை இதற்கு உதாரணமாக கூறலாம். இன்று அவர் தனது 77வது பிறந்தநாளைக் கொண்டாடுகிறார்.
Featured News
Sorry, no posts matched your criteria.