India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 17, 2024
பள்ளி மாணவர்களுக்கு ஒருவாரம் கூடுதல் விடுமுறை..?
தமிழகத்தில் நாடாளுமன்றத் தேர்தல் ஏப்.19 நடைபெறவுள்ளதால், 1 -9ம் வகுப்புக்கு முன்னதாகவே இறுதித்தேர்வை முடிக்க பள்ளிக்கல்வித்துறை திட்டமிட்டுள்ளது. கோடை விடுமுறை முடிந்து வழக்கமாக ஜூன் 1 & 2ல் பள்ளிகள் திறக்கப்படும். ஆனால், இந்த முறை ஜூன் 4ல் வாக்கு எண்ணிக்கை நடைபெறுகிறது. தேர்தல் நடத்தை விதிகள் ஜூன் 6ம் தேதி முடிவுக்கு வருவதால், அதன்பின்பு ( ஒருவாரம் கூடுதல் லீவ்) பள்ளிகள் திறக்க வாய்ப்புள்ளது.
News March 17, 2024
இந்தியா திரும்பினார் விராட் கோலி
இம்மாதம் 22ஆம் தேதி முதல் நடைபெறவுள்ள ஐபிஎல் போட்டிகளில் கலந்துகொள்வதற்காக ரன் மெஷின் விராட் கோலி நாடு திரும்பியுள்ளார். இங்கிலாந்துக்கு எதிரான டெஸ்ட் தொடருக்கு முன், கோலி தனது மனைவி அனுஷ்காவின் பிரசவத்திற்காக லண்டன் சென்றது தெரிந்ததே. பிப்ரவரி 15 அன்று தனது மகன் பிறந்ததாக அறிவித்த பிறகு அவர் தற்போது இந்தியா திரும்பியுள்ளார். இனி ஐபிஎல்லில் கவனம் செலுத்துவார் என்று தெரிகிறது.
News March 17, 2024
12 மாநிலங்களில் பெண் வாக்காளர்கள் அதிகம்
நாடு முழுவதும் உள்ள பெண் வாக்காளர்களின் மொத்த எண்ணிக்கை 47.1 கோடி என தலைமை தேர்தல் ஆணையர் ராஜீவ் குமார் கூறியுள்ளார். இதில், 1.89 கோடி பெண்கள் புதிதாக இணைந்துள்ளதாக கூறிய அவர், 12 மாநிலங்களில் ஆண்களை விட பெண் வாக்காளர்களே அதிகமாக உள்ளதாக தெரிவித்தார். மேலும், நாட்டில் மொத்தமுள்ள 96.8 கோடி வாக்காளர்களில் 49.7 கோடி பேர் ஆண்கள் என்றும் தேர்தலில் பெண்களும் சமமான அளவில் பங்கேற்பதாகவும் தெரிவித்தார்.
News March 17, 2024
நடிகர் வெங்கடேஷ் மகளுக்கு திருமணம்
‘வசந்த மாளிகை’, ‘தனிக்காட்டு ராஜா’ உள்ளிட்ட பல படங்களை தயாரித்த ராமா நாயுடுவின் மகன் தான் நடிகர் வெங்கடேஷ். தெலுங்கில் பிரபல நடிகராக இருக்கும் இவரது இரண்டாவது மகளின் திருமணம் நேற்று ஹைதராபாத்தில் நடைபெற்றது. இந்த திருமணத்தில் சினிமா பிரபலங்கள் பலரும் கலந்துகொண்டனர். இதில் நடிகர் கார்த்தி உள்ளிட்ட சில தமிழ் சினிமா பிரபலங்களும் கலந்துகொண்டு மணமக்களை வாழ்த்தினர்.
News March 17, 2024
சற்றுமுன்: விஜய் முக்கிய அறிவிப்பு
நாடாளுமன்றத் தேர்தல் தேதி அறிவிக்கப்பட்டதை அடுத்து, நடத்தை விதி உடனே அமலுக்கு வந்துள்ளது. இதனால் தவெகவின் உறுப்பினர் சேர்க்கை தொடர்பான ஆலோசனைக் கூட்டங்கள் ஒத்திவைக்கப்படுவதாக அக்கட்சியின் தலைவர் விஜய் அறிவித்துள்ளார். நாள்தோறும் நடைபெற்ற உறுப்பினர் சேர்க்கை தொடர்பான கூட்டம் இன்று முதல் ரத்து செய்யப்பட்டுள்ளது. ஆனால், மக்கள் மத்தியில் விஜய்யின் அரசியல் குறித்து தொண்டர்கள் பரப்புரை செய்யவுள்ளனர்.
News March 17, 2024
வேட்பாளர்கள் குற்றப்பின்னணி மக்களுக்கு தெரிய வேண்டும்
வேட்பாளர்கள் தங்களது குற்றப்பின்னணி குறித்து மக்களுக்கு தெரியப்படுத்த வேண்டும் என தேர்தல் ஆணையம் உத்தரவிட்டுள்ளது. அதன்படி, குற்றப்பின்னணி கொண்ட வேட்பாளர்கள் அது குறித்து ஊடகங்கள் வழியாக 3 முறை மக்களுக்கு தகவல் வெளியிட வேண்டும். தங்கள் மீதான வழக்குகள், அதற்கு பெற்ற தண்டனை விவரங்கள் போன்றவை குறித்து செய்தித்தாள், காட்சி ஊடகங்கள் வாயிலாக விரிவாக அறிவிக்க வேண்டும் என கூறப்பட்டுள்ளது.
News March 17, 2024
கில்லின் கேப்டன்சியை பார்க்க காத்திருக்கிறோம்
ஷுப்மன் கில்லின் கேப்டன்சியை பார்க்க அனைவரும் காத்திருப்பதாக குஜராத் அணியின் பயிற்சியாளர் நெஹ்ரா கூறியுள்ளார். குஜராத் அணியின் கேப்டனாக இருந்த பாண்ட்யா மும்பை அணிக்கு சென்ற நிலையில், கில் குஜராத் கேப்டனாக நியமிக்கப்பட்டுள்ளார். இந்நிலையில், கில் குறித்து பேசிய நெஹ்ரா, கில் அனைத்து வடிவ கிரிக்கெட்டிலும் சிறப்பாக விளையாடக் கூடியவர். கேப்டனாக செயல்படுவது அவரது வளர்ச்சிக்கு உதவியாக இருக்கும் என்றார்.
News March 17, 2024
எவ்வளவு பணம் எடுத்துச் செல்லலாம்?
தேர்தல் நடத்தை விதிமுறைகள் அமலுக்கு வந்துள்ளதால், இனி ஒவ்வொருவரும் அதிகபட்சம் ₹50,000 வரைதான் ரொக்கப் பணம் கொண்டு செல்ல முடியும். ₹50,000க்கு மேல் உரிய ஆவணம் இல்லாமல் பணம் எடுத்துச் செல்ல தடை விதிக்கப்பட்டுள்ளது. தமிழகத்தில் 234 சட்டசபை தொகுதிகளுக்கும் தலா 3 பறக்கும்படை, 3 நிலையான கண்காணிப்பு படை (மொத்தம் 1,404 படைகள்) அமைக்கப்பட்டுள்ளது. இவர்கள் வாகன சோதனை உள்ளிட்ட பல்வேறு சோதனைகளில் ஈடுபடுவர்.
News March 17, 2024
அதிமுக கூட்டணியில் மனிதநேய ஜனநாயக கட்சி
தேர்தல் நெருங்கி விட்டதால், கூட்டணியை இறுதி செய்வதில் அதிமுக தீவிரம் காட்டி வருகிறது. ஏற்கெனவே, புதிய தமிழகம், புரட்சி பாரதம், எஸ்.டி.பி.ஐ உள்ளிட்ட பல கட்சிகள் அதிமுக கூட்டணியில் இணைந்துள்ளன. இந்நிலையில், மக்களவைத் தேர்தலில் அதிமுக தலைமையிலான கூட்டணிக்கு ஆதரவு தெரிவித்து, அதிமுக பொதுச்செயலாளர் இபிஎஸ்ஸை மனிதநேய ஜனநாயக கட்சியினர் நேரில் சந்தித்து, ஆதரவு கடிதத்தை வழங்கினர்.
News March 17, 2024
இந்திய கிரிக்கெட் ரசிகர்களை சோகத்தில் ஆழ்த்திய நாள்
2007 உலகக் கோப்பை கிரிக்கெட் இந்திய ரசிகர்களுக்கு மிகவும் சோகமான ஒன்றாகும். இதில் லீக் சுற்றிலேயே தோல்வியடைந்த இந்திய அணி தொடரில் இருந்து வெளியேறியது. இதில் மார்ச் 17இல் நடந்த வங்கதேசத்திற்கு எதிரான போட்டியில் இந்தியா 5 விக்கெட்டுகள் வித்தியாசத்தில் தனது முதல் தோல்வியை பதிவு செய்தது. இதில் அதிகபட்சமாக கங்குலி 66, யுவராஜ் 47 ரன்கள் எடுத்தனர். இந்த போட்டியை உங்களுக்கு நினைவிருக்கிறதா?
Featured News
Sorry, no posts matched your criteria.