News May 10, 2024

இன்றைய தலைப்புச் செய்திகள்

* வேகத் தடை அருகிலுள்ள மின்கம்பங்களை உடனடியாக அகற்ற தமிழ்நாடு மின்சார வாரியம் ஆணையிட்டுள்ளது.
* கடந்த 50 ஆண்டுகளில் இந்தியாவில் இந்துக்களின் எண்ணிக்கை 7.82% சரிந்துள்ளது.
* மறைந்த தேமுதிக தலைவர் விஜயகாந்துக்கு மத்திய அரசு பத்ம பூஷன் விருது அளித்தது.
* சிவகாசி அருகே பட்டாசு ஆலையில் ஏற்பட்ட வெடி விபத்தில் 8 பேர் உயிரிழந்தனர்.

News May 10, 2024

முருகன் எப்படி இருக்க வேண்டும்?

சேலம் அருகே உள்ள தாரமங்கலத்தில் அமைந்திருக்கும் இந்த முருகர் சிலைதான் சமூக வலைதளத்தின் இன்றைய ஹாட் டாக். அழகை பெயரிலேயே கொண்ட முருகனை அவலட்சனமாக சித்தரிப்பதாக சிலர் வேதனை தெரிவிக்கின்றனர். அதேநேரம், முருகன் இப்படிதான் இருக்க வேண்டும் என்பதை யார் தீர்மானிப்பது என்று சிலர் கேள்வி எழுப்புகின்றனர். இந்த விவகாரம் தொடர்பான உங்களது கருத்தை கமெண்ட்டில் சொல்லுங்க.

News May 10, 2024

IPL: பெங்களூரு அபார வெற்றி

தரம்சாலா மைதானத்தில் நடைபெற்ற பஞ்சாப் அணிக்கு எதிரான போட்டியில் பெங்களூரு அணி 60 ரன்கள் வித்தியாசத்தில் அபார வெற்றிபெற்றுள்ளது. இப்போட்டியில் முதலில் பேட்டிங் செய்த RCB 7 விக்கெட்டுகளை இழந்து 241 ரன்கள் எடுத்தது. பின்னர் 242 ரன்கள் இலக்கை துரத்தி ஆடிய PBKS 18 ஓவரில் அனைத்து விக்கெட்டுகளையும் இழந்து 181 ரன்கள் மட்டுமே எடுத்து தோல்வியடைந்தது. இதன் மூலம் RCB ப்ளே ஆப் வாய்ப்பைத் தக்க வைத்துள்ளது.

News May 10, 2024

அமெரிக்காவின் முடிவு கவலையை அளிக்கிறது

தெற்கு காசாவில் உள்ள ரபா பகுதியை இஸ்ரேல் கைப்பற்றினால், இனி அமெரிக்கா ஆயுத உதவிகளை வழங்காது என்று அந்நாட்டு அதிபர் ஜோ பைடன் கூறியிருந்தார். இது தொடர்பாக கருத்து தெரிவித்துள்ள ஐ.நா சபைக்கான இஸ்ரேலின் தூதர் கிலாட் எர்டன், “அமெரிக்காவின் இந்த முடிவு தீவிரவாத ஹமாஸ் இயக்கத்திற்கு எதிராக போராடும் இஸ்ரேலுக்கு மிகுந்த ஏமாற்றத்தையும், கவலையையும் அளிக்கிறது” என வேதனையுடன் கூறியுள்ளார்.