India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 17, 2024
நாதகவின் வாக்கு சதவிகிதம் நிச்சயம் கூடும்
சினிமாவில் கால் பதிப்பார் என எதிர்பார்க்கப்பட்ட நடிகரும் பிக் பாஸ் சீசன் டைட்டில் வின்னருமான அசீம் அரசியலில் அதிரடியாக எண்ட்ரி கொடுத்துள்ளார். நாதக வேட்பாளர்களை ஆதரித்து பிரசாரம் செய்துவரும் அவர், மாற்றத்தை விரும்பும் மக்கள் வாக்களித்தால் இந்தத் தேர்தலில் நாதகவின் வாக்கு சதவிகிதம் நிச்சயம் கூடும். சில இடங்களில் 2 அல்லது 3 ஆவது இடம் கிடைக்க வாய்ப்பு இருக்கிறது. ஜூன் 4ஆம் தேதி பார்க்கலாம் என்றார்.
News April 17, 2024
எக்ஸ் தளத்தில் போஸ்ட், லைக், கமெண்ட் பண்ணக் கட்டணமா?
எக்ஸ் சமூக வலைதளத்தில் புதிதாக இணையும் பயனர்கள் போஸ்ட், கமெண்ட், லைக் செய்திட கட்டணம் செலுத்தும் நடைமுறை விரைவில் அமலாகும் என எலான் மஸ்க் அறிவித்துள்ளார். இணையதளம் ஒன்றுக்கு அளித்த பேட்டியில், “போலிக் கணக்குகளைக் (BOT) கட்டுப்படுத்த இந்தப் புதிய கட்டண திட்டத்தை அறிமுகம் செய்வதற்கான வேலைகள் நடந்து வருகிறது” என்றார். மஸ்கின் இந்த அறிவிப்பிற்கு நெட்டிசன்கள் பலரும் எதிர்ப்பு தெரிவித்து வருகின்றனர்.
News April 17, 2024
இன்றைய நல்ல நேரம்!
▶ஏப்ரல் – 17 | ▶ சித்திரை – 04
▶கிழமை: புதன் | ▶திதி: நவமி
▶நல்ல நேரம்: காலை 09:30 – 10:30 வரை, மாலை 04:30 – 05:30 வரை
▶கெளரி நேரம்: காலை 10:30 – 11:30 வரை, மாலை 06:30 – 07:30 வரை
▶ராகு காலம்: காலை 12:00 – 01:30 வரை
▶எமகண்டம்: காலை 07:30 – 09:00 வரை
▶குளிகை: காலை 10:30 – 12:00 வரை
▶சந்திராஷ்டமம்: கேட்டை
▶சூலம்: வடக்கு ▶பரிகாரம்: பால்
News April 17, 2024
IPL: ஜோஸ் பட்லர் புரிந்த சாதனைகள்
KKR-க்கு எதிரான 31ஆவது லீக் போட்டியில், 107 ரன்கள் எடுத்த ஜோஸ் பட்லர் பல சாதனை பட்டியல்களில் இடம்பிடித்துள்ளார். அதன் விவரம் பின்வருமாறு:- 1. ஐபிஎல் தொடரின் வரலாற்றில், அதிக சதங்கள் அடித்த வெளிநாட்டு வீரர்களின் பட்டியலில் முதலிடம் . 2. ரன் சேஸிங்கில் அதிக சதங்கள் அடித்தவர்களின் பட்டியலில் முதலிடம். 3. வெற்றிக்கு வழிகோலிட்ட அதிக சதம் அடித்த வீரர்களின் பட்டியலில் மூன்றாவது இடம்.
News April 17, 2024
இஸ்ரேலுக்கு பகிரங்க மிரட்டல் விடுத்த ஈரான்
இஸ்ரேல் மீண்டும் தங்களைத் தாக்கினால் இதுவரை யாருமே பயன்படுத்தாத ஆயுதத்தை கையில் எடுப்போம் என்று ஈரான் வெளியுறவு அமைச்சர் அலி பகேரி எச்சரித்துள்ளார். ஈரானின் ட்ரோன் தாக்குதலுக்கு பதிலடி கொடுப்போமென இஸ்ரேல் ராணுவத் தலைவர் ஹெர்ஸி ஹலேவி கூறியிருந்தார். அதற்குப் பதிலளித்துள்ள பகேரி, இஸ்ரேலுக்கு எதிராக நாங்கள் போரில் குதித்தால் மத்திய கிழக்கு பிராந்திய மட்டுமல்ல இந்த உலகமே தாங்காது எனக் கூறினார்.
News April 17, 2024
ஜெயிலிலா அல்லது பெயிலா?
தேர்தல் முடிவுகள் வெளிவந்த பின் திமுகவினர் ஜெயிலில் இருப்பார்களா, பெயிலில் இருப்பார்களா என தெரியவரும் என்று பாஜக தேசிய தலைவர் ஜெ.பி. நட்டா கூறியுள்ளார். தொடர்ந்து பேசிய அவர், திமுக என்றாலே ஊழல் மிகுந்த கட்சி என்று தான் பொருள். திமுகவைச் சேர்ந்த 13 பேர் ஒரு லட்சம் கோடி சொத்து சேர்த்துள்ளனர். டைனஸ்டி (குடும்ப அரசியல்), மணி லாண்டரிங், கட்டப்பஞ்சாயத்து இந்த மூன்றை மட்டுமே திமுக செய்கிறது என்றார்.
News April 17, 2024
வெப்ப நோய்களை விரட்டும் லட்சுமி தரு குடிநீர்
வெயில் காலத்தில் ஏற்படும் தொற்று நோய்களில் இருந்து உடலை தற்காத்துக்கொள்ள லட்சுமி தரு மூலிகைக் குடிநீரை பருகலாமென சித்த மருத்துவம் பரிந்துரைக்கிறது. லட்சுமி தரு மூலிகைப் பொடியை (ஒரு தேக்கரண்டி) ஐந்து லிட்டர் நீரில் போட்டு லேசாகக் கொதிக்க வைத்து, குடிநீராக பயன்படுத்தலாம். ரத்தத்தில் கொழுப்புச் சத்து அதிக அளவில் இருப்பவர்களும், உடல் எடையைக் குறைக்க விரும்புபவர்களும் இதை அருந்தலாம்.
News April 17, 2024
தமிழ் இயக்குநர்களிடம் கதை கேட்கும் பாலகிருஷ்ணா!
தெலுங்கு திரையுலகின் ரசிகர்களால் காட் ஆஃப் மாஸ் என்றழைக்கப்படுபவர் நடிகர் பாலகிருஷ்ணா. அவர் தமிழ் இயக்குநர்களிடம் கதை கேட்டு வருவதாக சினிமா வட்டாரங்கள் தகவல் தெரிவிக்கின்றன. சென்டிமென்ட் ஆக்ஷன் பாணியிலான கதைகளைத் தேர்ந்தெடுத்து நடித்த அவர் தனது பார்வையை கோடம்பாக்கத்தின் இளம் இயக்குநர்கள் பக்கம் திருப்பியுள்ளார். கிரைம் த்ரில்லர் கதைக் களத்தில் நடிக்க அவருக்கு ஆசை இருப்பதாகக் கூறியுள்ளாராம்.
News April 17, 2024
இதுதான் என்னுடைய சிறந்த ஐபிஎல் இன்னிங்ஸ்
ஆட்டத்தின் இறுதி நிமிடம் வரை நம்பிக்கையுடன் நின்று ஃபினிஷிங் செய்யும் தோனி, கோலி போன்றவர்களை தான் பின்பற்றியதாக ஜோஸ் பட்லர் கூறியுள்ளார். ஆட்டநாயகன் விருதை பெற்ற பின் பேசிய அவர், தொடக்கத்தில் அதிரடியாக விளையாட முடியவில்லை. தொடர்ந்து அமைதியாக விளையாடுவோம் என்று எனக்கு நானே சொல்லி கொண்டே விளையாடினேன். இது என்னுடைய சிறந்த ஐபிஎல் இன்னிங்ஸ் என்று நினைக்கிறேன். அதற்காக திருப்தியடைகிறேன் என்றார்.
News April 17, 2024
ஏப்ரல் 17 வரலாற்றில் இன்று!
➤1492 – ஆசியாவில் மசாலாப் பொருள்களை கொள்வனவு செய்யும் உரிமையை கொலம்பஸ் பெற்றார். ➤1756 – ஏகாதிபத்திய எதிர்ப்புப் போராளி தீரன் சின்னமலை பிறந்த நாள். ➤1895 – முதலாம் சீன ஜப்பானியப் போர் முடிவுக்கு வந்தது. ➤1971 –வங்கதேசத்தில் மக்கள் குடியரசு அமைக்கப்பட்டது. ➤1978 – ஆப்கனில் கம்யூனிஸ்ட் தலைவர் மீர் அக்பர் கைபர் கொல்லப்பட்டார். ➤2021 – நடிகரும் இயற்கை ஆர்வலருமான விவேக் மறைந்த நாள்.
Featured News
Sorry, no posts matched your criteria.