India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 17, 2024
2ஆவது இடத்தில் இருந்த பாமக 5ஆவது இடத்துக்கு சென்றது: EPS
தருமபுரி தொகுதி அதிமுக வேட்பாளரை ஆதரித்து பரப்புரை செய்த இபிஎஸ், அதிமுகவுடன் கூட்டணியில் இருந்தவரை பாமக 2ஆவது இடத்தில் இருந்தது. பாஜகவுடன் கூட்டணி வைத்த பின் 5ஆம் இடத்திற்கு சென்றுவிட்டது என்று விமர்சித்தார். அடிக்கடி கூட்டணியை மாற்றிக் கொண்டி இருப்பார் அன்புமணி, மக்களுக்காக அல்ல, பதவி வேண்டும் என்பதற்காக என சாடிய அவர், INDIA கூட்டணியால் ஒருபோதும் மத்தியில் ஆட்சியமைக்க முடியாது என்றார்.
News April 17, 2024
இலன் இயக்கத்தில் தனுஷ் நடிக்கும் புதிய படம்
நடிகர் தனுஷ் உடன் இணையப்போவதாக ‘பியார் பிரேமா காதல்’ பட இயக்குநர் இலன் கூறியுள்ளார். நேர்காணல் ஒன்றில் பேசிய அவர், மதுரையை மையமாகக் கொண்டு ஒரு கதையை எழுதியுள்ளேன். இந்தக் கதையை தனுஷிடம் கூறினேன். அவருக்கு மிகவும் பிடித்திருந்தது. எனக்கும் அவருக்கும் கதை மீது அதிக நம்பிக்கை உள்ளது. இது பெரிய பட்ஜெட் படம் என்பதால், இருவரும் சரியான நேரத்திற்காகக் காத்திருக்கிறோம் எனத் தெரிவித்தார்.
News April 17, 2024
இது தான் தமிழ் மொழி மீது காட்டும் அக்கறையா?
தமிழ் மொழி மீது பாசம் இருப்பது போல் பிரதமர் மோடி வேஷம் போடுகிறாரென மஜக தலைவர் தமிமுன் அன்சாரி விமர்சித்துள்ளார். தென் சென்னை திமுக வேட்பாளர் தமிழச்சி தங்கபாண்டியனை ஆதரித்து நடந்த பிரசாரக் கூட்டத்தில் பேசிய அவர், தமிழ் மொழி வளர்ச்சிக்கு ரூ.74 கோடி ஒதுக்கிய மோடி, பேச்சு வழக்கில் இல்லாத சமஸ்கிருத மொழிக்கு ரூ.1,487 கோடி ஒதுக்கியுள்ளார். இது தான் தமிழ் மீது மோடி காட்டும் அக்கறையா என வினவியுள்ளார்.
News April 17, 2024
விலைவாசி, ஹிந்துத்துவா மிகப் பெரிய பிரச்னை
விலைவாசி உயர்வை மிகப் பெரிய பிரச்னையாக கருதுவதாக மேற்கு இந்தியாவில் வசிக்கும் 22% மக்கள் தெரிவித்துள்ளனர். டைம்ஸ் நவ் – ETG ஆய்வு நிறுவனம் இணைந்து நடத்திய சர்வே முடிவுகளில், தங்களது 2வது மிகப் பெரிய பிரச்னை ஹிந்துத்துவா என 21% பேரும், வேலைவாய்ப்பின்மை என 16% பேரும், தேசியவாதம் என 15% பேரும், வளர்ச்சியின்மை என 14% பேரும் தெரிவித்துள்ளனர். மேலும், 7% பேர் ஊழலை பிரச்னையாக குறிப்பிட்டுள்ளனர்.
News April 17, 2024
IPL: போட்டியை தலைகீழாக மாற்றிய பட்லர்
KKR-க்கு எதிரான நேற்றைய ஐபிஎல் போட்டியில், ஜோஸ் பட்லர் ஒற்றை ஆளாக போராடியுள்ளார். 224 ரன்கள் எடுத்தால் வெற்றி என்ற இமாலய இலக்கை துரத்திய ராஜஸ்தான் அணிக்கு கடைசி 6 ஓவர்களுக்கு 96 ரன்கள் தேவைப்பட்டது. அப்போது, ஒவ்வொரு ஓவரிலும், 17, 17, 16, 18, 19, 9 என ரன்கள் குவித்து, அணியை வெற்றிப் பாதைக்கு அழைத்துச் சென்றார் பட்லர். கடைசி வரை களத்தில் நின்று வெற்றி கண்ட அவரை ரசிகர்கள் பாராட்டி வருகின்றனர்.
News April 17, 2024
கடவுள் ராமர் பூமியில் அவதரித்த புண்ணிய நாள்!
விஷ்ணுவின் ஏழாவது அவதாரமாகக் கருதப்படும் ராமரின் பிறந்தநாளான இன்று நாடு முழுவதும் ராவ நவமியாக கொண்டாடப்படுகிறது. திரேதா யுகத்தில் சைத்ர சுக்ல நவமி அன்று ராமர் பிறந்தார். ராமரின் முன்னோர்கள் சூரியக்குல வழித்தோன்றல்கள் என்பதால் சூரியனை வழிபடுவதில் இருந்து ராம நவமி கொண்டாட்டம் தொடங்குகிறது. ராவ நவமியை ஒட்டி, அயோத்தியில் உள்ள பால ராமரின் நெற்றியில் சூரிய திலகம் ஏற்றப்படவுள்ளது.
News April 17, 2024
எந்த பக்கம் திரும்பினாலும் சிக்ஸர் மழை
KKR – RR இடையிலான போட்டி நரேன் vs பட்லர் என மாறியது. நரேன் 56 பந்துகளில் 6 சிக்ஸ், 14 பவுண்டரிகளுடன் 109 குவித்து அணியின் ஸ்கோரை 223ஆக மாற்றினார். இந்த இலக்கை RR வீரர்கள் எப்படி சமாளிக்க போகிறார்கள் என சந்தேகம் எழுந்தது. ஜெய்ஸ்வால், சஞ்சு சாம்சன் பராக் ஜூரேல் என முக்கிய வீரர்கள் கைவிட்ட போதும் பட்லர் தனிய ஆளாக 60 பந்துகளில் 6 சிக்ஸ், 9 பவுண்டரிகளுடன் 107 ரன்கள் குவித்து அணியை வெற்றிபெற செய்தார்.
News April 17, 2024
செந்தில் பாலாஜி வழக்கில் இன்று உத்தரவு
சட்டவிரோத பணப்பரிமாற்ற தடைச் சட்டத்தின் கீழ் செந்தில் பாலாஜி மீது அமலாக்கத்துறை வழக்குப் பதிவு செய்தது. இவ்வழக்கில் இருந்து விடுவிக்கக்கோரி சென்னை அமர்வு நீதிமன்றத்தில் அவர் தாக்கல் செய்த வழக்கில், அனைத்து தரப்பு வாதங்களும் நிறைவடைந்து உத்தரவு பிறப்பிக்கப்பட இருந்தது. இதனிடையே, மீண்டும் வாதங்களை முன்வைக்கக் கோரி செந்தில் பாலாஜி தாக்கல் செய்த மனு மீது நீதிமன்றம் இன்று உத்தரவு பிறப்பிக்க உள்ளது.
News April 17, 2024
IPL: 2ஆவது அதிகபட்ச ரன் சேஸ்
கொல்கத்தாவுக்கு எதிரான நேற்றைய ஐபிஎல் போட்டியில், 2 விக்கெட்டுகள் வித்தியாசத்தில் ராஜஸ்தான் அணி வெற்றி பெற்றது. 224 ரன்கள் எடுத்தால் வெற்றி என்ற இலக்குடன் களமிறங்கிய ராஜஸ்தான் அணி, கடைசி வரை போராடி மகத்தான வெற்றியை பதிவு செய்தது. ஐபிஎல் வரலாற்றில் அதிகபட்ச ஸ்கோரை சேஸ் செய்வது இது 2ஆவது முறை ஆகும். 2020இல் பஞ்சாபிற்கு எதிரான போட்டியில், ராஜஸ்தான் அணி 226 ரன்கள் குவித்ததே அதிகபட்ச ரன் சேஸ் ஆகும்.
News April 17, 2024
ராகுல், அகிலேஷ் இன்று கூட்டாக பிரசாரம்
உ.பி.,யின் காசியாபாத்தில் காங்கிரஸ் எம்.பி ராகுல், சமாஜ்வாதி கட்சித் தலைவர் அகிலேஷ் யாதவ் இன்று கூட்டாக பிரசாரம் மேற்கொள்ள உள்ளனர். உ.பி.,யில் மொத்தமுள்ள 80 தொகுதிகளில், சமாஜ்வாதி 62 தொகுதிகளிலும், காங்கிரஸ் 17 தொகுதிகளிலும் போட்டியிடுகின்றன. I.N.D.I.A கூட்டணியின் முக்கிய தலைவர்கள் இருவரும் கூட்டாக பிரசாரம் செய்வது மேற்கு உ.பி.யில் உள்ள 13 தொகுதிகளில் தாக்கத்தை ஏற்படுத்துமென காங்கிரஸ் நம்புகிறது.
Featured News
Sorry, no posts matched your criteria.