India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 18, 2024
CSK அணியில் மாற்றம்
காயம் காரணமாக அணியில் இணையாமல் இருந்த CSK வீரர் டெவோன் கான்வே, ஐபிஎல் தொடரில் இருந்து முற்றிலும் விலகுவதாக அறிவித்துள்ளார். அவருக்கு பதிலாக, இங்கி., வீரர் ரிச்சர்ட் கிளீசன் அணியில் இணைந்துள்ளார். அதேபோல், CSK அணியின் நட்சத்திர பவுலர் முஸ்தஃபிசுர், பஞ்சாபிற்கு எதிரான (மே 1) போட்டிக்குப் பிறகு அணியில் இருந்து விலகுகிறார். இந்த மாற்றம் அணியின் வெற்றியைப் பாதிக்குமா? எனப் பொறுத்திருந்து பார்ப்போம்.
News April 18, 2024
‘Control Unit’ என்றால் என்ன?
‘Control Unit’ – வாக்குப்பதிவு இயந்திரத்தில் என்ன வாக்கு பதிவாகிறது என்பதை பதிவு செய்து அதனை ஒப்புகைச் சீட்டு இயந்திரத்திற்கு அனுப்பி நகலெடுக்க உத்தரவிடும்; அந்த நகல் கண்ணாடி வழியாக 7 நொடிகளுக்கு வாக்காளர்களுக்கு தெரிந்த பின் கத்தரிக்கப்பட்டு ஒப்புக்கை சீட்டு இயந்திரத்தில் விழும். இதைத்தொடர்ந்து ஒப்புகைச் சீட்டு இயந்திரம் அனுப்பும் பதிலை மீண்டும் ‘Control Unit’ பதிவு செய்து கொள்ளும்.
News April 18, 2024
நாளை OTT-இல் வெளியாகும் திரைப்படங்கள்
▶அறிமுக இயக்குநர் ஆண்டனி பாக்யராஜ் இயக்கத்தில் ஜெயம் ரவி, கீர்த்தி சுரேஷ் நடித்துள்ள ‘சைரன்’ (ஹாட்ஸ்டார்), ▶ஷெரிஃப் இயக்கத்தில் வைபவ், தான்யா ஹோப், நந்திதா ஸ்வேதா நடித்த ‘ரணம்’ (அமேசான் பிரைம்), ▶ஆதித்யா சுஹாஸ் ஜம்பலே இயக்கத்தில் பிரியாமணி, யாமி கௌதம் நடித்துள்ள ‘ஆர்டிக்கிள் 370’ (ஜியோ சினிமா) ஆகிய திரைப்படங்கள் நாளை (ஏப். 19) OTT தளங்களில் வெளியாக உள்ளன.
News April 18, 2024
பிங்க் வாக்குச்சாவடியில் மகளிர் மட்டுமே
பெண்கள் மட்டுமே பங்கேற்கும் பிங்க் வாக்குச்சாவடி மையம் சென்னையிலுள்ள 16 சட்டமன்ற தொகுதிகளுக்கு தலா ஒன்று அமைக்கப்படவுள்ளது. இந்த வாக்குச்சாவடிகளில் அலுவலர்கள், ஊழியர்கள், போலீசார் என அனைவரும் பெண்களாக மட்டுமே இருப்பார்கள். அனைவரும் பிங்க் வண்ண உடைகளை அணிந்து பணியாற்றுவர். கர்ப்பிணிகள், கைக்குழந்தை வைத்துள்ளவர்கள், முதியோருக்கு தனித்தனி வரிசை அமைக்கப்படவுள்ளது.
News April 18, 2024
“விழிப்புடன் இருங்க” ஸ்டாலின் மடல்
இத்தனை நாள் பாடுபட்டது பயன் தர, வாக்குப்பதிவு நாளன்று கழகத்தினர் மிகுந்த கவனத்துடன் செயலாற்ற வேண்டும் என்று வாக்குச்சாவடிகளில் பணியாற்றும் கட்சியினருக்கு முதலமைச்சர் மு.க.ஸ்டாலின் கடிதம் எழுதியுள்ளார். வாக்குச்சாவடி முகவர்கள், மாற்று முகவர்கள் வாக்குப்பதிவு முடியும் வரை விழிப்புடன் செயலாற்றினால்தான், இத்தனை நாள் பாடுபட்டது பயன் தரும் என அறிவுறுத்தியுள்ளார்.
News April 18, 2024
இன்ஸ்டாகிராமில் இருந்து விலகிய யுவன் சங்கர் ராஜா
இசையமைப்பாளர் யுவன் சங்கர் ராஜா, தனது இன்ஸ்டாகிராம் பக்கத்தை முடக்கியுள்ளதாக ரசிகர்கள் தெரிவித்து வருகின்றனர். கடைசியாக அவர் பதிவிட்ட ஒரு போஸ்டுக்கு நிறைய பேர் தவறான மற்றும் ஆபாசமான கமென்ட்களைப் பதிவு செய்ததால், அவர் தனது கணக்கை முடக்கியுள்ளதாகக் கூறப்படுகிறது. ஆனால், சரியான காரணம் இன்னும் தெரியவில்லை. இன்ஸ்டாகிராமில் அவரது கணக்கைத் தேடும்போது வராததால், ரசிகர்கள் அதிர்ச்சி அடைந்துள்ளனர்.
News April 18, 2024
வரிசையில் நிற்பவர்களுக்கு டோக்கன் வழங்கப்படும்
வாக்குச்சாவடிகளில் மாலை 6 மணிக்கு வரிசையில் நிற்பவர்களுக்கு டோக்கன் வழங்கப்பட்டு அனைவரும் வாக்களிக்க ஏதுவாக நடவடிக்கை எடுக்கப்படும் எனத் தலைமைத் தேர்தல் அதிகாரி சத்யபிரதா சாஹூ தெரிவித்துள்ளார். வாக்காளர் அடையாள அட்டை இல்லாதோர், 12 ஆவணங்களில் ஒன்றைக் காட்டி வாக்களிக்கலாம் என்றும், தேர்தல் ஆணையத்தின் செயலி மூலமாக, வாக்குப்பதிவு மையத்தை அறிந்துகொள்ள ஏற்பாடு செய்யப்பட்டுள்ளது எனவும் அவர் கூறினார்.
News April 18, 2024
இலவச வாகன வசதிக்கு ‘1950’ அழைக்கவும்
தமிழகத்தில் 2019 மக்களவைத் தேர்தலில் 72.47% வாக்குகள் பதிவானதாகத் தலைமைத் தேர்தல் அதிகாரி சத்யபிரதா சாஹூ தெரிவித்துள்ளார். 85 வயதிற்கு மேற்பட்ட வாக்காளர்கள் எண்ணிக்கை 6.14 லட்சம் இருப்பதாகக் கூறிய அவர், மூத்த குடிமக்கள், கர்ப்பிணிகள், மாற்றுத் திறனாளிகளுக்கு இலவச வாகன வசதி ஏற்படுத்தித் தரப்படும் என்று தெரிவித்தார். மேலும், இலவச வாகன வசதிக்கு ‘1950’ என்ற எண்ணில் அழைக்கலாம் என்றும் அவர் கூறினார்.
News April 18, 2024
நாட்டின் பன்முகத்தன்மையை ஏற்றுக் கொண்ட காங்கிரஸ்
நாட்டின் பன்முகத்தன்மையை ஏற்றுக் கொண்ட கட்சி காங்கிரஸ் என்று ராகுல் காந்தி தெரிவித்துள்ளார். கேரள மாநிலம் கண்ணூரில் நடந்த பிரசாரக் கூட்டத்தில் பேசிய அவர், நாட்டின் பன்முகத்தன்மை, பல மொழிகள், பல கலாசாரம், மாறுபட்ட வரலாறு, மாறுபட்ட உணர்வுகளை ஏற்ற கட்சி காங்கிரஸ் என்றார். ஆனால் பாஜகவோ ஒரே வரலாறு, ஒரே நாடு, ஒரே மொழியை மக்கள் மீது திணிக்க விரும்புகிறது என்றும் அவர் குற்றம்சாட்டினார்.
News April 18, 2024
வாக்காளர் அடையாள அட்டை இல்லையா?
வாக்காளர் அடையாள அட்டை இல்லாதவர்கள், தேர்தல் ஆணையத்தால் அங்கீகரிக்கப்பட்ட ஆவணங்களைக் கொண்டு வாக்களிக்கலாம். அதன்படி, பான் கார்டு, ஆதார் கார்டு, ஓட்டுநர் உரிமம், பாஸ்போர்ட், வங்கி அல்லது அஞ்சலகச் சேமிப்புக் கணக்குப் புத்தகம், ஓய்வூதிய ஆவணம், மகாத்மா காந்தி தேசிய ஊரக வேலை அடையாள அட்டை, அரசு ஊழியர்களுக்கான அடையாள அட்டை, மருத்துவக் காப்பீடு, ஸ்மார்ட் கார்டு ஆகியவற்றைக் காட்டி வாக்களிக்கலாம்.
Featured News
Sorry, no posts matched your criteria.