India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 8, 2024
சவால்களை சமாளிக்குமா டாடா குழுமம்?
விமானப் போக்குவரத்துத் துறையில் டாடா குழுமம் தொடர்ந்து பின்னடைவைச் சந்தித்து வருகிறது. அதன் விஸ்தாரா ஏர்லைன்ஸுடன் ஏர் இந்தியாவின் துணை நிறுவனமான ஏர் இந்தியா எக்ஸ்பிரஸை இணைக்கும் செயல்முறை தொடங்கியதிலிருந்து, ஊழியர்கள் மத்தியில் அதிருப்தி நிலவுகிறது. பணி தொடர்பான ஒப்பந்த விதிமுறைகளுக்கு எதிர்ப்பு தெரிவிக்கும் ஊழியர்களுடன் சமரசம் ஏற்படும் வரை நெருக்கடி நிலை தொடரலாம் என நிபுணர்கள் கூறுகின்றனர்.
News May 8, 2024
72 ஆண்டுகளில் 3 பெண்கள் மட்டுமே மக்களவைக்கு தேர்வு
கடந்த 72 ஆண்டுகளில் இமாச்சலில் இருந்து 3 பெண்கள் மட்டுமே மக்களவைக்கு தேர்வாகியுள்ளார்கள். வெற்றி பெற்ற அந்த மூவரும் அரச குடும்பத்தை சேர்ந்தவர்கள். மாநிலத்தில் உள்ள 4 தொகுதிகளுக்கும் வரும் ஜூன் 1இல் தேர்தல் நடைபெற உள்ளது. பாஜக மற்றும் பிஎஸ்பி கட்சிகள் மட்டுமே பெண் வேட்பாளர்களை நிறுத்தியுள்ளது. பாஜக சார்பாக மண்டி தொகுதியில் கங்கனாவும், காங்க்ரா தொகுதியில் ரேகா ராணியும் போட்டியிடுகிறார்கள்.
News May 8, 2024
பவர் பிளேவில் 2 முறை 100 ரன்களை கடந்த SRH
2024 ஐபிஎல் சீசனில், முதல் 6 ஓவர்களில் (பவர் பிளே) 2 முறை 100 ரன்களை கடந்த அணி என்ற பெருமையை, ஹைதராபாத் அணி தட்டிச் சென்றது. நடப்பு சீசனில் அதிரடியாக விளையாடி வரும் SRH அணி பல்வேறு சாதனைகளை படைத்து வருகிறது. அந்த வகையில், லக்னோ அணிக்கு எதிரான இன்றைய ஆட்டத்தில், 6 ஓவர்களில் 100 ரன்களை கடந்தது. இதேபோல, ஏப்ரல் 20ஆம் தேதி நடைபெற்ற டெல்லிக்கு எதிரான போட்டியிலும் முதல் 6 ஓவர்களில் 100 ரன்களை கடந்தது.
News May 8, 2024
12 ராசிகளுக்கான பலன்கள்
*மேஷம் – முயற்சிக்கு ஏற்ற பலன்
*ரிஷபம் – ஆக்கப்பூர்வமான நாள்
*மிதுனம் – வெற்றி கிடைக்கும்
*கடகம் – சிறு பிரச்னைகள் உண்டாகும்
*சிம்மம் – உற்சாகம் காணப்படும்
*கன்னி – கவனம் தேவை
*துலாம் – மகிழ்ச்சியான நாள்
*விருச்சிகம் – செய்யும் செயலில் வெற்றி
*தனுசு – பொறுமை காக்க வேண்டும்
*மகரம் – அனுகூலமான நாள் *கும்பம் – வளர்ச்சி ஏற்படும் *மீனம் – நம்பிக்கையான நாள்
News May 8, 2024
செமிகண்டக்டர் மாதிரிகளை ஆய்வுக்கு அனுப்பிய டாடா
இந்தியாவில் தயாரிக்கப்பட்ட ‘செமிகண்டக்டர் சிப்’ மாதிரிகளை ஆய்வுக்காக வெளிநாடுகளுக்கு டாடா எலக்ட்ரானிக்ஸ் நிறுவனம் ஏற்றுமதி செய்துள்ளது. பெங்களூருவில் இயங்கிவரும் டாடா ஆய்வு மையத்தில் தயாரிக்கப்பட்ட இண்டர்கரேடட் & சர்க்யூட் போர்டுகளை ஜப்பான், அமெரிக்கா மற்றும் ஐரோப்பா போன்ற நாடுகளுக்கு அனுப்பியுள்ளது. இந்த சிப்களின் வணிக ரீதியான தயாரிப்பை, 2027ஆம் ஆண்டு முதல் தொடங்க டாடா திட்டமிட்டுள்ளது.
News May 8, 2024
யார் இந்த சாம் பிட்ரோடா?
சாம் பிட்ரோடாவின் இயற்பெயர் சத்யநாராயண் பிட்ரோடா. 1942ஆம் ஆண்டு ஒடிஷாவின் டிட்லாகரில் ஒரு நடுத்தர வர்க்கக் குடும்பத்தில் பிறந்தார். சிகாகோவில் மின்சாரப் பொறியியல் துறையில் பட்டம் பெற்ற அவர், இந்திரா காந்தியின் அழைப்பை ஏற்று இந்தியா திரும்பி சி-டாட் என்ற நிறுவனத்தைத் தொடங்கினார். STD பூத்துகள் நிறுவும் யோசனையை இவரே முன்மொழிந்தார். ராஜீவ் தொடங்கி ராகுல் வரை பல தலைவர்களுக்கு ஆலோசகராக இருந்துள்ளார்.
News May 8, 2024
6 மாவட்டங்களில் இரவு 1 மணி வரை மழை பெய்யக் கூடும்
தமிழகத்தில் 6 மாவட்டங்களில் இரவு 1 மணி வரை இடி, மின்னலுடன் மழை பெய்யக் கூடும் என சென்னை வானிலை ஆய்வு மையம் தெரிவித்துள்ளது. அதன்படி மதுரை, விருதுநகர், தென்காசி, திருப்பூர், தேனி, திண்டுக்கல்லில் இரவு 1 மணி வரை லேசானது முதல் மிதமான மழை பெய்யக் கூடும் எனத் தெரிவிக்கப்பட்டுள்ளது. மழை காரணமாக சில இடங்களில் தண்ணீர் தேங்கி போக்குவரத்து பாதிக்கப்படக் கூடும் எனவும் வானிலை ஆய்வு மையம் எச்சரித்துள்ளது.
News May 8, 2024
ஹைதராபாத் அணி அபார வெற்றி
லக்னோ அணிக்கு எதிரான IPL போட்டியில் ஹைதராபாத் அணி அபார வெற்றி பெற்றது. டாஸ் வென்று முதலில் விளையாடிய LSG அணி, 165/4 ரன்கள் எடுத்தது. 166 ரன்கள் இலக்குடன் களமிறங்கிய SRH அணி ஆரம்பம் முதலே அதிரடியாக விளையாடியது. குறிப்பாக அபிஷேக் ஷர்மா, டிராவிஸ் ஹெட் ஆகியோர் இணைந்து 16 பவுண்டரி, 14 சிக்ஸர்களை விளாசியதுடன், 9.4 ஓவர்களில் விக்கெட் இழப்பின்றி 167 ரன்களை எடுத்து வெற்றி பெற்றது.
News May 8, 2024
மோடி நடத்தை விதிகள் என்று மாற்றுங்கள் : மம்தா
தேர்தல் நடத்தை விதிகளை மோடி நடத்தை விதிகள் என்று மாற்றலாம் என மம்தா பானர்ஜி விமர்சித்துள்ளார். பாஜகவினரின் வெறுப்பு பேச்சு தொடர்பாக இதுவரை தேர்தல் ஆணையம் எவ்வித நடவடிக்கையும் எடுக்கவில்லை என்று குற்றம் சாட்டிய அவர், தேர்தல் ஆணையம் மோசடி ஆணையமாக இருப்பதாக சாடியுள்ளார். தனது வாழ்நாளில் மோடியை போல் பொய் சொல்லும் பிரதமரை இதுவரை கண்டதில்லை என்றும் அவர் அதிருப்தி தெரிவித்தார்.
News May 8, 2024
மலையாள இயக்குநர் சங்கீத் காலமானார்
ஒளிப்பதிவாளர் சந்தோஷ் சிவனின் சகோதரரும், மலையாள இயக்குநருமான சங்கீத் சிவன் (61) உடல்நலக் குறைவால் காலமானார். மலையாளம், இந்தியில் பல்வேறு படங்களை இயக்கியுள்ள சங்கீத் சிவன், மும்பையில் உள்ள மருத்துவமனையில் சிகிச்சை பலனின்றி காலமானார். 1992ஆம் ஆண்டு இவரது இயக்கத்தில் வெளியான ‘யோதா’ என்ற மலையாளப் படம் மிகப்பெரிய வெற்றியைப் பெற்றது. சங்கீத் மறைவுக்கு திரையுலகினர் பலரும் இரங்கல் தெரிவித்து வருகின்றனர்.
Featured News
Sorry, no posts matched your criteria.