India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 9, 2024
மோடி மீண்டும் பிரதமர் ஆக மாட்டார்: ராகுல் காந்தி
மோடி மீண்டும் பிரதமர் ஆக மாட்டார் என ராகுல் காந்தி தெரிவித்துள்ளார். இந்த தேர்தல் மோடியின் கைகளில் இருந்து நழுவிச் சென்று விட்டதாகவும், ஆதலால் மக்களின் கவனத்தை அடுத்த 4 அல்லது 5 நாள்களில் திசை திருப்ப மோடி முயல்வார் என்றும் கூறிய ராகுல் காந்தி, மத்தியில் INDIA கூட்டணி அரசு அமைந்ததும் 30 லட்சம் பேருக்கு ஆகஸ்ட் மாதத்திற்குள் வேலை வாய்ப்பு அளிக்கப்படுமென உறுதியளித்தார்.
News May 9, 2024
பட்டாசு ஆலை விபத்துகளால் கண்ணீர் சிந்தும் குடும்பங்கள்
தொடரும் பட்டாசு ஆலை விபத்துகளால், பல குடும்பங்கள் கண்ணீர் சிந்துகின்றன. தீபாவளிக்காகவும், ஏற்றுமதிக்காகவும், சிவகாசி பட்டாசு ஆலைகளில் இரவு பகலாக உற்பத்தி நடைபெறுகிறது. அங்கு போதிய வசதி இல்லாததாலும், கவனக்குறைவாலும் அடிக்கடி விபத்துகள் ஏற்படுவதும், இழப்பீடு அறிவிப்பதும் வாடிக்கையாகி விட்டது. ஆனால் நிரந்தர தீர்வு காணப்படாததால் சொந்தங்களை இழந்து குடும்பத்தினர் தவிக்கின்றனர்.
News May 9, 2024
விபத்தில் உயிரிழந்தவர்களுக்கு முதல்வர் இரங்கல்
சிவகாசி கீழத்திருத்தங்கல் தனியார் பட்டாசு ஆலை வெடி விபத்தில் உயிரிழந்தவர்களின் குடும்பங்களுக்கு முதல்வர் ஸ்டாலின் இரங்கல் தெரிவித்துள்ளார். அவர் வெளியிட்டுள்ள குறிப்பில், வெடி விபத்தில் 8 தொழிலாளர்கள் இறந்த செய்தியை கேட்டு வேதனையடைந்தேன். விபத்தில், காயமடைந்தவர்களுக்கு அனைத்து உயிர்காப்பு சிகிச்சைகளும் அளிக்கப்படும். மீட்பு நடவடிக்கைகளை மேற்கொள்ள அறிவுறுத்தியுள்ளதாகத் தெரிவிக்கப்பட்டுள்ளது.
News May 9, 2024
ஹரியானா பாஜக ஆட்சிக்கு அதிகரிக்கும் நெருக்கடி!
ஹரியானா சட்டசபையில் உடனடியாக நம்பிக்கை வாக்கெடுப்பு நடத்தக்கோரி அம்மாநில ஆளுநர் பண்டாரு தத்தாத்ரேயாவுக்கு ஜேஜேபி தலைவர் துஷ்யந்த் சவுதாலா கடிதம் எழுதியுள்ளார். அதில், முதல்வர் நயாப் சைனி தலைமையிலான பாஜக அரசுக்கு அளித்து வந்த ஆதரவை சோம்பிர் உள்ளிட்ட 3 சுயேச்சை எம்எல்ஏக்கள் திரும்பப் பெற்றுள்ளனர். இதனால் ஆளும் பாஜக அரசுக்கு தற்போது பெரும்பான்மை இல்லை என்பது தெளிவாகியுள்ளதாக குறிப்பிட்டுள்ளார்.
News May 9, 2024
பேச்சுவார்த்தை நடத்த அழைத்த கமல்ஹாசன்
உத்தமவில்லன் பட விவகாரம் தொடர்பாக நாளை பேச்சுவார்த்தை நடத்த வருமாறு அப்படத்தின் தயாரிப்பாளர் லிங்குசாமிக்கு நடிகர் கமல்ஹாசன் அழைப்பு விடுத்துள்ளார். 2015ஆம் ஆண்டு வெளியான உத்தமவில்லன் படத்தால் லிங்குசாமிக்கு ஏற்பட்ட நஷ்டத்தை ஈடுகட்ட வேறு ஒரு படத்தை நடித்து தருவதாக கமல் கூறியிருந்தார். உத்தரவாதம் அளித்து 9 ஆண்டுகள் ஆன நிலையில், தற்போது கமல் பேச்சுவார்த்தைக்கு அழைத்துள்ளார்.
News May 9, 2024
கேப்டன் பொறுப்பை துறக்கும் கே.எல்.ராகுல்?
பேட்டிங்கில் கவனம் செலுத்தும் பொருட்டு, கேப்டன் பொறுப்பில் இருந்து கே.எல்.ராகுல் விலக வாய்ப்புள்ளதாக தகவல் வெளியாகியுள்ளது. SRH-க்கு எதிரான நேற்றைய போட்டியில் படுதோல்வி அடைந்த பிறகு கே.எல்.ராகுலிடம், லக்னோ அணியின் உரிமையாளர் கோயங்கா ஆவேசமாக பேசினார். 2022இல் ரூ.17 கோடிக்கு ஏலம் எடுக்கப்பட்ட அவர், 2025இல் நடக்கும் மெகா ஏலத்திற்கு முன்பு லக்னோ அணியில் இருந்து விடுவிக்கப்படலாம் எனக் கூறப்படுகிறது.
News May 9, 2024
கோடை விடுமுறையில் சிறப்பு பயிற்சி வகுப்புகள் கூடாது
கோடை விடுமுறையில் பள்ளிகளில் சிறப்பு பயிற்சி வகுப்புகள் நடத்தப்படாமல் இருப்பதை உறுதி செய்ய வேண்டுமென்று மாவட்ட ஆட்சியர்களுக்கு தலைமை செயலாளர் சிவ்தாஸ் மீனா உத்தரவிட்டுள்ளார். தமிழ்நாடு முழுவதும் பள்ளிகளுக்கு கோடை விடுமுறை விடப்பட்டுள்ளது. இந்த நேரத்தில் சில பள்ளிகளில் சிறப்பு வகுப்புகள் நடத்தப்படுவதாக செய்திகள் வந்தபடி உள்ளதால், மாவட்ட ஆட்சியர்களுக்கு தலைமை செயலாளர் உத்தரவிட்டுள்ளார்.
News May 9, 2024
ஜெயக்குமார் கொலை வழக்கில் மகனிடம் மீண்டும் விசாரணை
நெல்லை காங்கிரஸ் பிரமுகர் ஜெயக்குமார் கொல்லப்பட்ட விவகாரத்தில், அவரின் மகன் ஜெப்ரினை மீண்டும் விசாரிக்க போலீசார் திட்டமிட்டுள்ளனர். ஏற்கனவே அவரிடம் விசாரணை நடத்திய நிலையில், தற்போது மீண்டும் விசாரிக்க உள்ளனர். ஜெயக்குமார் மரணம் தொடர்பாக 9 தனிப்படை அமைக்கப்பட்டு விசாரணை தீவிரமடைந்துள்ளது. போலீசாருக்கு ஏற்பட்டுள்ள சந்தேகங்களின் அடிப்படையில், தற்போது குடும்பத்தாரிடம் மீண்டும் விசாரிக்க உள்ளனர்.
News May 9, 2024
கெட்ட வார்த்தை கூறி செல்வராகவன் திட்டினார்
செல்வராகவனின் நடவடிக்கையால் புதுப்பேட்டை படத்தில் இருந்து விலகியதாக காமெடி நடிகர் பாவா லட்சுமணன் தெரிவித்துள்ளார். நேர்காணல் ஒன்றில் பேசிய அவர், “புதுப்பேட்டை படத்தில் 2 நாட்கள் நடித்தேன். ஆனால், எனக்கு நடிக்க தெரியவில்லை எனக்கூறி, கெட்ட வார்த்தைகளில் செல்வராகவன் என்னை திட்டியதால் படத்தில் இருந்து வெளியேறினேன்” என்றார். மூத்த நடிகர்களில் ஒருவரான அவரின் இந்த பேச்சு, ஆச்சரியத்தை ஏற்படுத்தியுள்ளது.
News May 9, 2024
ரூ.20,698 கோடி நிகர லாபம் ஈட்டிய எஸ்பிஐ
2023-24 Q4 காலாண்டில் எஸ்பிஐ வங்கி ரூ.20,698 கோடி நிகர லாபம் ஈட்டியுள்ளது. 2022-23 நிதியாண்டில் இதே காலகட்டத்தில், ரூ.16,695 கோடியாக இருந்த நிகர லாபம் தற்போது 24 % உயர்ந்துள்ளது. அதேபோல் மொத்த வாராக்கடன் அளவு 2.78 சதவீதத்திலிருந்து 2.24 சதவீதமாக குறைந்துள்ளது. இதையடுத்து முதலீட்டாளர்களுக்கு ஈக்விட்டி பங்குக்கு 13.70 ரூபாயை டிவிடெண்ட் வழங்குவதாக வங்கி நிர்வாகம் அறிவித்துள்ளது.
Featured News
Sorry, no posts matched your criteria.