India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 25, 2024
6ஆவது இடத்தைப் பிடித்த சென்னை
இந்திய அளவில் அதிகமான உள்நாட்டுப் பயணிகளை கையாண்டதில் சென்னை விமான நிலையம் 6ஆவது இடத்தைப் பிடித்துள்ளது. AAI ஆணையம் வெளியிட்டுள்ள அறிக்கையில், 2023இல் அதிக பயணிகளைக் கையாண்டதில் பெங்களூரு, ஹைதராபாத் ஆகிய இரு விமானங்கள் முதல் இரண்டு இடங்களைப் பிடித்துள்ளன. 2022இல் 1.37 கோடியாக இருந்த சென்னை விமான நிலையத்தின் பயணிகள் எண்ணிக்கை 2023இல் 1.53 கோடியாக அதிகரித்துள்ளதாகக் குறிப்பிடப்பட்டுள்ளது.
News April 25, 2024
தேர்வாணையத்தை காலத்திற்கு ஏற்ப மாற்ற வேண்டும்
டி.என்.பி.எஸ்.சி தேர்வாணையத்தை காலத்திற்கும், தேவைக்கும் ஏற்ற வகையில் மாற்ற வேண்டும் என்று பாமக நிறுவனர் ராமதாஸ் கூறியுள்ளார். யு.பி.எஸ்.சியை பின்பற்றி ஒவ்வொரு தொகுதி பணிக்கும் எந்த மாதத்தில் அறிவிக்கை வெளியிடப்படும்? எந்த மாதத்தில் தேர்வு நடைபெறும்? எந்த மாதத்தில் முடிவுகள் வெளியாகும்? என்ற விவரங்கள் அடங்கிய நிலையான அட்டவணையை டி.என்.பி.எஸ்.சியும் வெளியிட வேண்டும் என்றும் வலியுறுத்தியுள்ளார்.
News April 25, 2024
‘ஹார்லிக்ஸ்’ இனி ஊட்டச்சத்து பானம் கிடையாது
பால், தானியங்கள் கொண்ட பானங்களுக்கு, ஊட்டச்சத்து பானங்கள் என்ற வார்த்தையை பயன்படுத்தக் கூடாது என்று இந்திய உணவு பாதுகாப்பு மற்றும் தர நிர்ணய ஆணையம் ஏப்.2ஆம் தேதி உத்தரவிட்டது. இதையடுத்து, ஹிந்துஸ்தான் யுனிலீவர் நிறுவனம், ஹார்லிக்ஸ் பானத்தில் இருந்த ‘ஹெல்த்’ என்ற வார்த்தையை நீக்கிவிட்டது. சமீபத்தில் போர்ன்விட்டாவை, ஊட்டச்சத்து பானங்கள் வரிசையில் இருந்து மத்திய அரசு நீக்கியது குறிப்பிடத்தக்கது.
News April 25, 2024
காங்கிரஸில் மன்சூர் அலிகான்: செல்வப்பெருந்தகை விளக்கம்
‘இந்திய ஜனநாயக புலிகள்’ கட்சியை கலைத்து, காங்கிரஸுடன் இணைக்கவுள்ளதாக மன்சூர் அலிகான் அறிவித்தது குறித்து செல்வப்பெருந்தகை விளக்கமளித்துள்ளார். அவர் கூறுகையில், காங்., கட்சியுடன் இணைவதாக மன்சூர் அலிகான் கடிதம் அளித்துள்ளார். ஆனால், இது தேர்தல் நேரம் என்பதால் காங்கிரஸ் கட்சியில் இணைய முடியாது. தேர்தல் முடிவுகளுக்குப் பிறகு, மன்சூர் அலிகானின் கடிதம் ஏற்றுக் கொள்ளப்படும் என்று தெரிவித்துள்ளார்.
News April 25, 2024
மரண ரயில் பாதையின் வதை!
சயாம் – பர்மா மரண ரயில் பாதைக் கட்டுமானத்திற்காக கொல்லப்பட்ட ஒன்றரை லட்சம் மலேசியா & பர்மா தமிழர்களின் 80ஆம் ஆண்டு நினைவு நாள் இன்று அனுசரிக்கப்படுகிறது. ஐந்தாண்டுகளில் கட்டுமானம் செய்யப்பட வேண்டிய 415 கி.மீ. நீளத்திலான பாதையை குண்டு வீச்சு, காலரா மத்தியில் வெறும் 15 மாதங்களில் கட்டி முடிக்க துப்பாக்கி முனையில் ஜப்பான் ராணுவம் செய்த கொடுமைகளால் உயிரிழந்த அயலகத் தமிழர்களை நினைவில் ஏந்துவோம்.
News April 25, 2024
IPL போட்டியில் அதிக ரன் கொடுத்த பவுலர்கள்
▶மோஹித் ஷர்மா (GT) – 73 ரன்கள் vs டெல்லி ▶பசில் தம்பி (SRH) – 70 ரன்கள் vs பெங்களூரு ▶யாஷ் தயாள் (GT) – 69 ரன்கள் vs கொல்கத்தா ▶ரீஸ் டாப்லி (RCB) – 68 ரன்கள் vs ஹைதராபாத் ▶இஷாந்த் சர்மா (SRH) – 66 ரன்கள் vs சென்னை ▶முஜீப் உர் ரஹ்மான் (PBKS) – 66 ரன்கள் vs ஹைதராபாத் ▶அர்ஷ்தீப் சிங் (PBKS) – 66 ரன்கள் vs மும்பை ▶மாபாகா (MI) – 66 ரன்கள் vs ஹைதராபாத் ▶உமேஷ் யாதவ் (DC) – 65 ரன்கள் vs பெங்களூரு
News April 25, 2024
பாண்டிராஜ் இயக்கும் புதிய படத்தில் விஜய் சேதுபதி
பாண்டிராஜ் இயக்கும் புதிய படத்தில், நடிகர் விஜய் சேதுபதி நடிக்க உள்ளார். லைகா நிறுவனம் தயாரிக்கும் இப்படமானது, அனைத்து தரப்பு ரசிகர்களுக்குமான குடும்ப பொழுதுபோக்கு கதைக்களத்தில் உருவாக உள்ளது. இதுதொடர்பான அதிகாரப்பூர்வ அறிவிப்பு விரைவில் வெளியாகவுள்ளது. ‘மெர்ரி கிறிஸ்துமஸ்’ படத்தின் வெற்றியைத் தொடர்ந்து, விடுதலை 2, மகாராஜா, ட்ரைன் ஆகிய படங்கள் வெளியீட்டுக்கு தயாராகி வருவது குறிப்பிடத்தக்கது.
News April 25, 2024
சற்றுமுன்: பள்ளிகளுக்கு 10 நாள் கூடுதல் விடுமுறை?
கோடை வெயில் காரணமாக ஜூன் முதல் வாரத்தில் பள்ளிகளை திறப்பதில் சிக்கல் எழுந்துள்ளது. இந்நிலையில், ஜூன் 10ஆம் தேதிக்கு பின் பள்ளிகளைத் திறக்கலாமா (10 நாள் கூடுதல் விடுமுறை) என அமைச்சர் அன்பில் மகேஷ், பள்ளிக்கல்வித்துறை அதிகாரிகளுடன் ஆலோசித்துள்ளார். முதலில் 9 – 12ஆம் வகுப்பு வரையும், 2ஆம் கட்டமாக 1 – 8ஆம் வகுப்பு வரையும் பள்ளிகளைத் திறக்கலாமா எனவும் ஆலோசிக்கப்பட்டதாக தகவல் வெளியாகியுள்ளது.
News April 25, 2024
‘வீர தீர சூரன் 2’ படப்பிடிப்பு இன்று தொடங்கியது
‘சித்தா’ பட இயக்குநர் அருண் குமார் இயக்கத்தில், விக்ரம் நடிக்கும் ‘வீர தீர சூரன் 2’ படத்தின் படப்பிடிப்பு இன்று தொடங்கியது. மதுரையில் நடக்கும் முதல்கட்ட படப்பிடிப்பில், விக்ரமுடன் நடிகர்கள் எஸ்.ஜே.சூர்யா, சுராஜ் வெஞ்சாரமூடு, துஷாரா விஜயன் ஆகியோர் இணைந்துள்ளனர். நேரடியாக, படத்தின் 2ஆம் பாகத்தை முதலிலும், முதல் பாகத்தை அடுத்ததாகவும் எடுக்க உள்ளதால் படத்தின் மீதான எதிர்பார்ப்பு அதிகரித்துள்ளது.
News April 25, 2024
ஓபிசிகளுக்கான இடஒதுக்கீட்டை பறித்த காங்கிரஸ்
கர்நாடகாவில் ஓபிசி பிரிவினருக்கான இடஒதுக்கீட்டை காங்கிரஸ் பறித்து கொண்டுவிட்டதாக பிரதமர் மோடி குற்றம்சாட்டியுள்ளார். பிரசாரக் கூட்டத்தில் பேசிய அவர், குறிப்பிட்ட ஒரு மதத்தினரை திருப்திப்படுத்துவதை காங்கிரசார் தனது காயாக மீண்டும் பயன்படுத்துவதாகவும், கர்நாடகாவில் உள்ள அனைத்து முஸ்லிம்களையும் ஓபிசிக்களாக அறிவித்து, கல்வி, வேலைவாய்ப்பு இடஒதுக்கீட்டை ரகசியமாக பறித்து விட்டதாகவும் சாடினார்.
Featured News
Sorry, no posts matched your criteria.