India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 18, 2024
மே 18: வரலாற்றில் இன்று
➤ 332 – குடிமக்களுக்கு இலவச உணவு வழங்கும் திட்டத்தை ரோம பேரரசர் முதலாம் கான்ஸ்டன்டைன் அறிவித்தார்.
➤ 1804 – முதலாம் நெப்போலியனை பிரெஞ்சு மன்னனாக தேர்வு செய்யப்பட்டார்.
➤1912 – முதலாவது இந்தியத் திரைப்படம் சிறீ பந்தாலிக் மும்பையில் வெளியிடப்பட்டது.
➤2010 – நாடு கடந்த தமிழீழ அரசு நிறுவப்பட்டது.
➤2015 – கொலம்பியாவில் மண்சரிவில் சிக்கி 78 பேர் உயிரிழந்தனர்.
News May 18, 2024
மோடிக்கு நெருக்கடி கொடுப்பாரா அஜய்ராய்?
மோடியை எதிர்த்து காங்கிரஸ் சார்பாக வாரணாசியில் அஜய்ராய் போட்டியிடுகிறார். ஏற்கெனவே கடந்த 2014 மற்றும் 2019 என 2 முறை மோடியை எதிர்த்து போட்டியிட்டு படுதோல்வி அடைந்தார். 2014இல் 7.34%, 2019இல் 14.38% வாக்குகளை பெற்று அவரால் 3ஆவது இடத்தையே பெற முடிந்தது. இந்த முறை அகிலேஷ் யாதவுடன் கூட்டணி சேர்ந்திருப்பதால், கணிசமான அளவு வாக்குகளை அவர் பெறுவார் என்ற எதிர்பார்ப்பு எழுந்துள்ளது.
News May 18, 2024
மோசமான சாதனை படைத்த மும்பை அணி
லக்னோவுக்கு எதிரான தோல்வியின் மூலம் நடப்பு ஐபிஎல் தொடரில் மும்பை அணி கடைசி இடத்திற்கு சென்றுள்ளது. மும்பை 14 போட்டிகளில் 4 வெற்றி, 10 தோல்வியுடன் 8 புள்ளிகள் பெற்று 10ஆவது இடத்தில் உள்ளது. அதுவும் கடந்த 3 வருடங்களில் 2ஆவது முறையாக கடைசி இடத்தை அந்த அணி பிடித்துள்ளது. இதற்கு முன் 2022இல் 10ஆவது இடத்தை மும்பை பிடித்திருந்தது. 2 முறை கடைசி இடம் பெற்ற அணி என்ற மோசமான சாதனையை மும்பை படைத்துள்ளது.
News May 18, 2024
தினம் ஒரு திருக்குறள்
◾பால்: அறத்துப்பால்
◾அதிகாரம்: கடவுள் வாழ்த்து
◾ குறள் : 5
இருள்சேர் இருவினையும் சேரா இறைவன்
பொருள்சேர் புகழ்புரிந்தார் மாட்டு
◾விளக்கம்:
இறைவன் என்பதற்குரிய பொருளைப் புரிந்து கொண்டு புகழ் பெற விரும்புகிறவர்கள், நன்மை தீமைகளை ஒரே அளவில் எதிர் கொள்வார்கள்
News May 18, 2024
பரப்புரை என்ற பெயரில் விஷத்தை உமிழ்கிறார்
பிரதமர் மோடி தேர்தல் பரப்புரைகளில் விஷத்தை உமிழ்வதாக என்று கர்நாடக முதல்வர் சித்தராமையா தெரிவித்துள்ளார். தென் இந்திய மக்களை பற்றி மோடி அவதூறு பரப்புவதாக தெரிவித்த அவர், நாட்டை பிளவுப்படுத்தி தேர்தலில் வெற்றி பெறலாம் என்று பாஜக நினைப்பதாக குற்றம் சாட்டினார். முன்னதாக, தென் இந்திய மக்கள், உ.பி போன்ற வட இந்திய மக்களை தவறாக நினைப்பதாக தேர்தல் பரப்புரையில் மோடி பேசியிருந்தார்.
News May 18, 2024
இதயத்துக்கு எமனாக மாறும் மன அழுத்தம்
இதய ஆரோக்கியத்தை பராமரிக்க மன ஆரோக்கியம் மிகவும் முக்கியம். உங்களுக்கு மன அழுத்தம் ஏற்பட்டால் அது மாரடைப்பு, பக்கவாதம் போன்ற இதய நோய்களுக்கு வழிவகுக்கும் என்று மருத்துவர் நிபுணர்கள் கூறுகின்றனர். இந்த நிலையில் மன அழுத்தத்தை குறைக்க, தினமும் குறைந்தது 30 நிமிடம் காலையில் தியானம் செய்து வரலாம். உடற்பயிற்சி, முறையான தூக்கம், சரியான உணவு முறைகள் இதயத்தை ஆரோக்கியமாக வைத்திருக்க உதவும்.
News May 18, 2024
மும்பைக்கு பயம் காட்டிய பூரான்
மும்பை எதிரான போட்டியில் அதிரடி ஆட்டத்தை வெளிப்படுத்திய லக்னோ வீரர் பூரான் ஆட்டநாயகன் விருதை வென்றார். ஆரம்பம் முதலே அதிரடி காட்டிய அவர், மும்பை பவுலர்களுக்கு சிம்ம சொப்பனமாக இருந்தார். 29 பந்துகளில் 75 ரன்களை குவித்த அவர், 8 சிக்சர்களை பறக்க விட்டார். இந்த போட்டியில் லக்னோ அணி 18 ரன்கள் வித்தியாசத்தில் மும்பையை வென்றது. இதன் மூலம் புள்ளிப்பட்டியலில் அந்த அணி 6ஆவது இடத்திற்கு முன்னேறியது.
News May 18, 2024
பிறந்தநாள் வாழ்த்து போட்டோ அனுப்புங்க
இன்று (மே 18) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 10 மணிக்குள் வாழ்த்துகளை அனுப்பவும். பிறந்தநாள் கொண்டாடுபவர்களின் தெளிவான புகைப்படங்களை அனுப்பி, உங்கள் அன்புக்குரியவர்களை வாழ்த்துங்கள்.
News May 18, 2024
ஆட்சி அமைப்போம் என்று கூறுவதில் தவறில்லை
திமுகவோடு காங்கிரஸ் கட்சிக்கு எந்த பிரச்னையும் இல்லை என்று செல்வப்பெருந்தகை தெரிவித்துள்ளார். தமிழகத்தில் சிறிய கட்சிகள் கூட தாங்கள் ஆட்சி அமைப்போம் என்று கூறுவதாக தெரிவித்த அவர், காங்கிரஸ் கட்சி ஆட்சி அமைக்கும் என்று கூறுவதில் எவ்வித தவறும் இல்லை என்றார். முன்னதாக, தமிழ்நாட்டில் காங்கிரஸ் கட்சி ஆட்சி அமைக்கும் என்று அவர் கூறியிருந்ததால், திமுகவுடன் கூட்டணி தொடருமா? என்ற கேள்வி எழுந்தது.
News May 18, 2024
உலகின் மிக சிறிய நாடுகளின் பரப்பளவு
வாட்டிகன் நகரம் – (பரப்பு: 0.44 சதுர கிமீ)
மொனாக்கோ – (பரப்பு: 1.95 சதுர கிமீ)
நவ்ரு – (பரப்பு: 21 சதுர கிமீ)
துவாலு – (பரப்பு: 26 சதுர கிமீ)
சான் மரினோ – (பரப்பு: 61 சதுர கிமீ)
லிச்சென்ஸ்டைன் – (பரப்பு: 160 சதுர கிமீ)
மார்ஷல் தீவுகள் – (பரப்பு: 181 சதுர கிமீ)
செயின்ட் கிட்ஸ் மற்றும் நெவிஸ் – (பரப்பு: 261 சதுர கிமீ)
மாலத்தீவு – (பரப்பு: 298 சதுர கிமீ)
Featured News
Sorry, no posts matched your criteria.