India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 26, 2024
நாவல் பழ சர்பத் செய்வது எப்படி?
கோடை காலத்தில் உடல் உஷ்ணத்தால் ஏற்படும் மலச்சிக்கல், செரிமான பிரச்னைகளுக்கு
நிவாரணம் தரக்கூடிய ஆற்றல் கொண்டது நாவல் பழம். உடலுக்கு குளிர்ச்சியை தரும் நாவல் பழ சர்பத் செய்வது எப்படி என பார்க்கலாம். ஒரு பாத்திரத்தில் எலுமிச்சை, இஞ்சி, புதினா இலைகளை போட்டு, கரண்டியால் லேசாக நசுக்கிக் கொள்ளவும். பின்னர் அதில் நாவல் பழ ஜூஸை ஊற்றி, சப்ஜா விதை சேர்த்தால் சுவையான சர்பத் ரெடி.
News April 26, 2024
நீதிமன்றத்தில் ராகுல் ஆஜராக இடைக்காலத் தடை
கிரிமினல் அவதூறு வழக்கில் ராகுல் நேரில் ஆஜராக பிறப்பிக்கப்பட்ட உத்தரவுக்கு ஜார்கண்ட் உயர்நீதிமன்றம் மீண்டும் இடைக்காலத் தடை விதித்துள்ளது. அமித் ஷாவை அவதூறாக பேசியதாக சாய்பாசா சிறப்பு நீதிமன்றத்தில் பாஜக தொண்டர் தொடுத்த வழக்கில், ராகுல் ஆஜராக உத்தரவு பிறப்பிக்கப்பட்டிருந்தது. அதற்கு மார்ச்சில் முதல்முறையும், நேற்று 2ஆவது முறையாகவும் உயர்நீதிமன்றம் தடை விதித்துள்ளது.
News April 26, 2024
ஆட்டநாயகன் விருது வென்ற ரஜத் படிதார்
SRH-க்கு எதிரான ஐபிஎல் போட்டியில், RCB வீரர் ரஜத் படிதார் ஆட்டநாயகன் விருது வென்றுள்ளார். டு பிளசி, வில் ஜாக்ஸ் ஆகியோர் அடுத்தடுத்து ஆட்டமிழக்க, படிதார் விராட் கோலியுடன் இணைந்து சிறப்பாக விளையாடி வந்தார். ஸ்பின் ஓவர்களில் சிக்சர், பவுண்டரி என விளாசிய அவர், அணியின் ஸ்கோரை மளமளவென உயர்த்தினார். 19 பந்துகளில் அரை சதம் கடந்த அவர், SRH வீரர் உனத்கட் வீசிய பந்தில் கேட்ச் கொடுத்து அவுட்டானார்.
News April 26, 2024
வேட்பாளர் மறைவால் தேர்தல் தள்ளிவைப்பு
இரண்டாம் கட்ட மக்களவைத் தேர்தலில், 89 தொகுதிகளுக்கு இன்று வாக்குப்பதிவு நடைபெற இருந்தது. ஆனால் மத்தியப் பிரதேசத்தின் பேதுல் தொகுதி பகுஜன் சமாஜ் கட்சியின் வேட்பாளர் அசோக் பஹலவி, ஏப்.9 ஆம் தேதி திடீரென மாரடைப்பால் காலமானார். இதனையடுத்து மக்கள் பிரதிநிதித்துவ சட்டம் 1952இன் படி, பேதுல் மக்களவைத் தொகுதிக்கான வாக்குப்பதிவு, மே 7ஆம் தேதிக்கு தள்ளிவைக்கப்படுவதாக தேர்தல் ஆணையம் அறிவித்துள்ளது.
News April 26, 2024
விஷாலின் ‘ரத்னம்’ திரைப்படம் இன்று வெளியீடு
ஹரி இயக்கத்தில் விஷால் மற்றும் பிரியா பவானி சங்கர் நடித்துள்ள ‘ரத்னம்’ திரைப்படம், இன்று திரையரங்குகளில் வெளியாகவுள்ளது. கார்த்திக் சுப்புராஜ் தயாரித்துள்ள இப்படத்திற்கு, தேவி ஸ்ரீ பிரசாத் இசையமைத்துள்ளார். சமீபத்தில் வெளியான படத்தின் பாடல்களும், ட்ரைலரும் நல்ல வரவேற்பைப் பெற்றது. தாமிரபரணி மற்றும் பூஜை படங்களைப் போல, இந்தப் படமும் விஷாலுக்கு வெற்றி படமாக அமையும் என எதிர்பார்க்கப்படுகிறது.
News April 26, 2024
Apply Now: மத்திய அரசில் 1,113 பணியிடங்கள்
தென்கிழக்கு மத்திய ரயில்வே 1,113 பணியிடங்களை நிரப்ப வேலைவாய்ப்பு அறிவிப்பின் மூலம் விண்ணப்பங்களைக் கோரியுள்ளது. Trade Apprentice பணிகளில் சேர ஆர்வம் உள்ளவர்கள் விண்ணப்பிக்கலாம். கல்வி தகுதி: 10, 12 ஆம் வகுப்பு, ITI. வயது வரம்பு: 15-24. விண்ணப்பிக்க கடைசி நாள்: மே 1. தேர்வு: நேர்காணல். ஊதியம்: SECRஇன் நிபந்தனைகளின்படி வழங்கப்படும். கூடுதல் தகவல்களுக்கு <
News April 26, 2024
மேலும் 8 சிவிங்கிப் புலிகளை வாங்கும் இந்தியா
தென்னாப்பிரிக்காவிடம் இருந்து மேலும் 5 முதல் 8 சிவிங்கிப் புலிகளை இந்தியா வாங்கவுள்ளது. இந்தியாவில் அழிந்துவிட்ட சிவிங்கிப் புலி இனத்துக்கு புத்துயிர் அளிக்க நமிபியா, தென்னாப்பிரிக்காவிடம் இருந்து 20 சிவிங்கிப் புலிகளை இந்தியா வாங்கியது. இதில் 7 இறந்துவிட்ட நிலையில், 12 குட்டிகள் பிறந்துள்ளன. இதைத் தொடர்ந்து 8 சிவிங்கிப் புலிகள், தென்னாப்பிரிக்காவில் இருந்து இந்தாண்டு வரவுள்ளன.
News April 26, 2024
வரத்து குறைந்ததால் பழங்கள் விலை கிடுகிடு உயர்வு
வரத்து குறைந்திருப்பதால், தமிழகத்தில் பழங்களின் விலை உயர்ந்துள்ளது. ஆந்திரா, கர்நாடகா உள்ளிட்ட அண்டை மாநிலங்களில் கோடை வெயில் கடுமையாக இருப்பதால், நீர்ப்பாசனத்திற்கு தண்ணீர் குறைந்து பழங்கள் விளைச்சல் சரிந்து, தமிழகத்தின் முக்கிய சந்தைகளுக்கு பழ வரத்து குறைந்துள்ளது. இதனால் அனைத்து வகை பழங்கள் விலையும் கிலோவுக்கு ₹25 வரை அதிகரித்துள்ளது.
News April 26, 2024
சுப காரியங்கள் கைகூட சுதர்சனரை வணங்குங்கள்!
‘ஹரியின் சுதர்சனத்தை உபாசிப்பவர்கள் ஆனந்த வாழ்வை வாழ்வார்கள்’ என்கிறது பாகவதம்.
மகாவிஷ்ணுவின் எல்லா அவதாரங்களிலும் உடன் இருந்து தீமைகளை அழித்தவர் சுதர்சனர். எனவே சனிக்கிழமைகளில் பெருமாள் கோயிலுக்குச் சென்று சுதர்சனருக்கு நெய் தீபமேற்றி, துளசி இலை மாலை அணிவித்து, பன்னிரு முறை அவரை வலம் வந்து, ‘ஜய ஜய ஶ்ரீசுதர்ஸனா’ என்ற மந்திரத்தைச் சொல்லி வணங்கினால், சுப காரியங்கள் கைகூடும் என்பது ஐதிகம்.
News April 26, 2024
முக்கிய வழக்குகளில் மட்டுமே அரசு அதிகாரிகளுக்கு சம்மன்
முக்கிய வழக்குகளில் மட்டுமே அரசு அதிகாரிகளுக்கு சம்மன் அனுப்ப வேண்டுமென்று நீதிமன்றங்களுக்கு உச்சநீதிமன்றம் உத்தரவிட்டுள்ளது. கொல்கத்தா உயர்நீதிமன்றம் சம்மன் அனுப்பியதை எதிர்த்து, மேற்கு வங்க அரசு தொடுத்த மனுவை விசாரித்த நீதிபதிகள், முதலில் வீடியோ கான்ஃப்ரன்சிங் மூலம் விசாரிக்க வேண்டும், பிறகு தேவை ஏற்பட்டால் சம்மன் அனுப்பலாமென கூறி, உயர்நீதிமன்ற உத்தரவை தள்ளுபடி செய்தனர்.
Featured News
Sorry, no posts matched your criteria.