India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 22, 2024
மறுஆய்வு மனுக்களை தள்ளுபடி செய்த நீதிமன்றம்
ஜம்மு-காஷ்மீருக்கு சிறப்பு அந்தஸ்து ரத்து செல்லுபடியாகும் என்று வழங்கப்பட்ட தீர்ப்பை
மறு ஆய்வு செய்யக் கோரிய மனுக்களை உச்ச நீதிமன்றம் தள்ளுபடி செய்துள்ளது. தலைமை நீதிபதி சந்திரசூட் தலைமையிலான அமர்வு, “தீர்ப்பில் பிழை இல்லாததால், அதை மறுஆய்வு செய்ய எந்தத் தேவையும் இல்லை” என்று தெரிவித்திருந்தது. இந்நிலையில், அந்த மனுக்களை நீதிமன்றம் தள்ளுபடி செய்த தகவல் தற்போது வெளியாகியுள்ளது.
News May 22, 2024
கொள்கையை க் கைவிட்ட கட்சி காங்கிரஸ்: நிர்மலா சீதாராமன்
ஒரு குடும்பத்தின் நலனுக்காக கொள்கைகளைக் கைவிட்ட கட்சிதான் காங்கிரஸ் என்று மத்திய அமைச்சர் நிர்மலா சீதாராமன் விமர்சித்துள்ளார். பாட்னாவில் பேசிய அவர், “பாஜக ஆட்சிக்கு வந்தால் அரசமைப்புச் சட்டத்தை மாற்றிவிடும் என்று காங்கிரஸ் பொய் பிரசாரம் செய்து வருகிறது. நாட்டில் எமர்ஜென்சியை கொண்டுவந்த காங்கிரஸ் அரசமைப்புச் சட்டத்தைக் காப்பது குறித்துப் பேசுவதை முதலில் நிறுத்திக்கொள்ள வேண்டும்” என்றார்.
News May 22, 2024
இன்றைய நல்ல நேரம்!
▶மே – 22 ▶வைகாசி – 09
▶கிழமை: புதன் ▶திதி: சதுர்த்தசி
▶நல்ல நேரம்: காலை 09:30 – 10:30 வரை, மாலை 04:30 – 05:30 வரை
▶கெளரி நேரம்: காலை 10:30 – 11:30 வரை, மாலை 07:30 – 08:30 வரை
▶ராகு காலம்: நண்பகல் 12:00 – 01:30 வரை
▶எமகண்டம்: காலை 07:30 – 09:00 வரை
▶குளிகை: பகல் 10:30 – 12:00 வரை
▶சூலம்: வடக்கு ▶பரிகாரம்: பால்
▶சந்திராஷ்டமம்: உத்திரட்டாதி
News May 22, 2024
சுற்றுலா வளர்ச்சிப் பட்டியலில் இந்தியாவுக்கு 39ஆவது இடம்
உலக பொருளாதார மன்றத்தின் (WEF) நாடுகளுக்கு இடையிலான பயணம் & சுற்றுலா வளர்ச்சிப் பட்டியலில் 39ஆவது இடத்தைப் பிடித்துள்ளது. இரண்டு ஆண்டுக்கு ஒருமுறை WEF சார்பில் உலகளவில் சுற்றுலா வளர்ச்சி சார்ந்த ஆய்வு நடத்தப்படுவது வழக்கம். அதன்படி, 2024 ஆண்டுக்கான பட்டியலில், செலவின குறியீட்டில் 18ஆவது இடமும், விமானப் போக்குவரத்தில் 26ஆவது இடமும் பிடித்துள்ளது. உள்கட்டமைப்பில் 25ஆவது இடத்தை இந்தியா பெற்றுள்ளது.
News May 22, 2024
உள்நாட்டில் உச்சம் தொட்ட வாகன விற்பனை
கடந்த ஏப்ரல் மாதத்தில் இந்தியச் சந்தையில் பயணிகள் வாகனங்களின் விற்பனை புதிய உச்சத்தை தொட்டுள்ளது. சியாம் வெளியிட்டுள்ள புள்ளிவிவரங்களின்படி, 2023 ஏப்ரலில் 3,31,278ஆக இருந்த பயணிகள் வாகனங்களின் விற்பனை கடந்த ஏப்ரலில் 1.3% உயர்ந்து 3,35,629ஆக உள்ளது. 11,28,192 மோட்டார் சைக்கிள்கள், 5,81,277 ஸ்கூட்டர்கள், 49,116 முச்சக்கர வாகனங்கள், 96,357 கார்கள் விற்பனை செய்யப்பட்டுள்ளதாக அறிய முடிகிறது.
News May 22, 2024
பிரதமர் மோடி பொய்யை மட்டுமே பேசுகிறார்
பொய்யை மட்டுமே பேசும் பிரதமர் மோடி இன்று பேசுவதை நாளை மறந்துவிடுவார் என்று காங்கிரஸ் மூத்த தலைவர் ஜெய்ராம் ரமேஷ் விமர்சித்துள்ளார். தேர்தல் பிரசாரத்தில் சிறுபான்மையினருக்கு எதிராக பேசவில்லை என்று பிரதமர் கூறியிருந்தார். அதற்கு பதிலளித்து பேசிய அவர், காங்கிரஸ் அறிக்கையில் முஸ்லிம் லீக்கின் முத்திரை இருப்பதாகவும், இந்துக்களின் சொத்துகளை பறித்துவிடுவார்கள் என்றும் மோடி பிரசாரம் செய்ததாகக் கூறினார்.
News May 22, 2024
கோடை மழையால் ஏற்படும் சளி தொல்லை நீங்க…
கோடைக்காலத்தில் பொழியும் மழையால் ஏற்படுகிற நோய்களில் சளி, இருமல், மூக்கடைப்புக்கு முக்கிய இடமுண்டு. வயது வித்தியாசமின்றி எல்லோரையும் பாதிக்கிற நோய் இது. இதில் இருந்து தப்பிக்க தூதுவளை தேநீரை பருகலாம். தூதுவளை, துளசி, அதிமதுரம் ஆகியவற்றை இடித்து, நீரில் போட்டு கொதிக்க வைத்தால் தேநீர் தயார். இதனை காலை – மாலை இருவேளை 3 நாள்கள் குடித்தால் மிகச்சிறந்த நிவாரணம் கிடைக்கும் என மருத்துவர்கள் கூறுகின்றனர்.
News May 22, 2024
Qualifier 2: RR – RCB அணிகள் இடையே இன்று பலப்பரீட்சை
2024 ஐ.பி.எல்., தொடரின் இறுதிப்போட்டிக்கான Qualifier 2 சுற்றில் RR – RCB அணிகள் இன்று பலப்பரீட்சை நடத்துகின்றன. இவ்விரு அணிகளும் இதுவரை 31 முறை நேருக்கு நேர் மோதி இருக்கின்றன. இதில் RR 13 முறையும், RCB 15 முறையும் வென்று இருக்கின்றன. இரு அணியிலும் அதிரடியாக விளையாடும் பேட்ஸ்மேன்கள் அணிவகுத்து நிற்பதால் அகமதாபாத்தில் உள்ள மோடி ஸ்டேடியத்தில் அனல் பறக்கும் என்று எதிர்பார்க்கப்படுகிறது.
News May 22, 2024
இ.வி.எம் மெஷினை வைத்து பாஜக வென்றுவிடும்
மக்களவைத் தேர்தலில் இ.வி.எம் மெஷினை வைத்து பாஜக வென்றுவிடும் என்று நடிகர் மன்சூர் அலிகான் கூறியுள்ளார். கொடைக்கானலில் செய்தியாளரிடம் பேசிய அவர், “மத வெறியை தூண்டிவிடும் பாஜகவிடம் பணம் பெற்றுதான், நான் வேலூர் தொகுதியில் போட்டியிட்டதாக சிலர் குற்றம்சாட்டி வருகின்றனர். பாஜகவிடம் பணம் பெற்றதை ஆதாரத்தோடு நிரூபித்துவிட்டு வந்து, கோடாரியால் என்னுடைய தலையை இரண்டாக வெட்டுங்கள்” என்று ஆவேசமாக கூறினார்.
News May 22, 2024
மே 22 வரலாற்றில் இன்று!
➤1848 – மர்தீனிக்கில் அடிமை முறை ஒழிக்கப்பட்டது. ➤1900 – நியூயார்க்கில் அசோசியேட்டட் பிரஸ் நிறுவனம் தொடங்கப்பட்டது. ➤1958 – இலங்கையில் சிங்களவர்கள் நடத்திய இனக் கலவரத்தில் 300 தமிழர்கள் கொலை செய்யப்பட்டனர். ➤1990 – விண்டோஸ் 3.0 வெளியிடப்பட்டது. ➤2011 – பத்திரிகையாளர் சின்ன குத்தூசி மறைந்த நாள். ➤2018 – ஸ்டெர்லைட் ஆலைக்கு எதிராகப் போராடிய 13 பேர் காவல்துறையால் சுட்டுக் கொல்லப்பட்டனர்.
Featured News
Sorry, no posts matched your criteria.