India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 22, 2024
திருப்பதி-கோவை, விழுப்புரம் விரைவு ரயில் சேவை மாற்றம்
பராமரிப்பு பணி காரணமாக, திருப்பதி- கோவை விரைவு ரயில், 27,29,30 ஆகிய தேதிகளில் காட்பாடியுடன் நிறுத்தப்படும் என தெற்கு ரயில்வே அறிவித்துள்ளது. கோவை- திருப்பதி விரைவு ரயில், 28, 30 ஆகிய தேதிகளில் காட்பாடியுடன் நிறுத்தப்படும், திருப்பதி-விழுப்புரம், விழுப்புரம்- திருப்பதி விரைவு ரயில்களும் 27,30 ஆகிய தேதிகளில் காட்பாடியுடன் நிறுத்தப்படும் என்றும் தெற்கு ரயில்வே கூறியுள்ளது.
News May 22, 2024
கனமழையால் சாலைகளில் வெள்ளம்
தமிழகத்தில் பல்வேறு பகுதிகளில் கனமழை வெளுத்து வாங்கி வருவதால் வாகன ஓட்டிகள் சிரமத்திற்கு ஆளாகியுள்ளனர். வங்கக் கடலில் குறைந்த காற்றழுத்த தாழ்வு பகுதி உருவாகியுள்ள சூழலில், பல்வேறு மாவட்டங்களில் கனமழை பெய்து வருகிறது. குறிப்பாக விழுப்புரம், விருதுநகர், பெரம்பலூர், தென்காசி, நெல்லை உள்பட பல மாவட்டங்களில் சுமார் 1 மணி நேரமாக மழை பெய்து வருவதால் சாலைகளில் ஆங்காங்கே வெள்ளம் பெருக்கெடுத்து ஓடுகிறது.
News May 22, 2024
அதானி ஊழலில் அமைதியாக இருக்க எத்தனை டெம்போக்கள்?
அதானி ஊழலில் ED, CBI, IT அமைப்புகள் அமைதியாக இருக்க எத்தனை டெம்போக்கள் பயன்படுத்தப்பட்டன என்று ராகுல் கேள்வி எழுப்பியுள்ளார். தரம் குறைந்த நிலக்கரியை இறக்குமதி செய்து, தமிழ்நாடு மின்வாரியத்துக்கு 3 மடங்கு அதிக விலைக்கு விற்று அதானி நிறுவனம் பல ஆயிரம் கோடி ரூபாய் கொள்ளையடித்துள்ளதாக குற்றம் சாட்டிய அவர், ஜூன் 4க்குப் பின் அமையும் INDIA கூட்டணி இந்த ஊழலை விசாரிக்கும் எனத் தெரிவித்தார்.
News May 22, 2024
RCB அணிக்கு “பெஸ்ட் ஆஃப் லக்” கூறிய மல்லையா
RCB மற்றும் விராட் கோலியை ஏலத்தில் எடுத்ததைவிட சிறந்த தேர்வு எதுவுமில்லை என விஜய் மல்லையா தெரிவித்துள்ளார். இது குறித்து Xஇல் பதிவிட்டுள்ள அவர், அந்த 2 தேர்வுகளும் சரியானது தான் என தன்னுடைய உள்ளுணர்வு கூறியதாகவும், அதேபோல் தற்போதும், 2024 IPL கோப்பையை RCB அணி வெல்லும் என தன்னுடைய உள்ளுணர்வில் தோன்றுவதாகவும் குறிப்பிட்டார். மேலும், RCB அணி முன்னோக்கிச் செல்ல பெஸ்ட் ஆஃப் லக் எனக் கூறியுள்ளார்.
News May 22, 2024
வறுமையை ஒழிக்க மாநில அரசு புதிய திட்டம்
வறுமை ஒழிப்பு நடவடிக்கையின் ஒரு பகுதியாக 5 லட்சம் குடும்பங்களை மேம்படுத்தும் மாநில அரசின் ‘தாயுமானவர் திட்டம்’ தமிழகம் முழுவதும் அடுத்த மாதம் தொடங்க உள்ளதாக தகவல் வெளியாகி உள்ளது. ஆதரவற்றோர், தனித்து வசிக்கும் முதியோர், பெற்றோரை இழந்த குழந்தைகள் உள்ளிட்டோர் பயனடையும் வகையில் இத்திட்டம் செயல்படுத்தப்பட உள்ளது. இதில் கல்வி, வேலைவாய்ப்பு உள்ளிட்ட உதவிகளை வழங்க நடவடிக்கை எடுக்கப்பட்டுள்ளது.
News May 22, 2024
பிரதமர் பேச்சில் பொய், பிரிவினை: அமைச்சர்
மதத்தை தவிர பேசுவதற்கு பாஜகவினரிடம் எதுவும் இல்லை என அமைச்சர் மனோ தங்கராஜ் விமர்சித்துள்ளார். இந்தியாவில் இந்துக்களுக்கு பாதுகாப்பில்லை என பிரதமர் பேசுவதை ஏற்றுக்கொள்ள முடியாது என்ற அவர், பிரதமரின் பேச்சில் பொய்யும், பிரிவினையும் மட்டுமே உள்ளதாக குற்றம் சாட்டினார். கடந்த கால பிரதமர்கள் தங்களது வார்த்தைகளில் கவனமாக இருந்தார்கள், மோடியிடம் அந்த தன்மை முற்றிலும் இல்லை என்று விமர்சித்தார்.
News May 22, 2024
அதிமுகவில் ஓரங்கட்டப்படும் ஜெயக்குமார்?
தேர்தல் பிரசார நேரத்திலும், அதற்கு முன்பும் பிரதமர் மோடி, அண்ணாமலை உள்ளிட்டோரை ஜெயக்குமார் கடுமையாக விமர்சித்து வந்தார். மோடி அரசு மீண்டும் அமைந்தால், ஜெயக்குமார் விமர்சனத்தை வைத்து தங்களுக்கு குடைச்சல் கொடுக்கக்கூடும் என அதிமுக தலைமை சந்தேகிக்கிறது. எனவே ஜெயக்குமாரை ஓரங்கட்டிவிட்டு, ஆர்பி உதயகுமாரை வைத்து கட்சியின் கருத்தை வெளியிட அதிமுக தலைமை முடிவு செய்துள்ளதாக கூறப்படுகிறது.
News May 22, 2024
நிலக்கரி இறக்குமதி ஊழல்: அறப்போர் இயக்கம் கேள்வி
நிலக்கரி ஊழல் விவகாரம் குறித்து அறப்போர் இயக்கம் பதிவு வெளியிட்டுள்ளது. அதில், ஊழலை கண்டுபிடித்து ஆதாரங்களுடன் அறப்போர் இயக்கம் புகார் கொடுத்து விட்டது என்றும், இதை வைத்து மோடியின் நண்பர் அதானி மீது சிபிஐ தலைமையகம், அமலாக்கத்துறை இயக்குநரகம் நடவடிக்கை எடுக்க போவது எப்பொழுது? அதிமுக ஆட்சியில் நடந்த அதானியின் நிலக்கரி ஊழல் பற்றி அண்ணாமலை பேசாதது ஏன்? என கேள்வியெழுப்பியுள்ளது.
News May 22, 2024
நிலக்கரி இறக்குமதியில் ரூ.6,000 கோடி ஊழல்: புதிய ஆதாரம்(1)
முந்தைய அதிமுக ஆட்சிக்காலத்தில் நடந்த 17.5 லட்சம் டன் நிலக்கரி இறக்குமதியில் ₹6,000 கோடி ஊழல் நடைபெற்றதாக குற்றம்சாட்டி, ஒசிசிஆர்பி அமைப்பின் புதிய ஆதாரங்களை மேற்கோள்காட்டி பைனான்சியல் டைம்ஸ் செய்தி வெளியிட்டுள்ளது. இந்தோனேசியாவில் இருந்து தரம் குறைந்த நிலக்கரி இறக்குமதி செய்து, மின்வாரியத்துக்கு 2 மடங்குங்கும் மேல் விற்று அதானி நிறுவனம் ஊழல் செய்தது என்று அதில் கூறப்பட்டுள்ளது.
News May 22, 2024
நிலக்கரி இறக்குமதியில் ₹6,000 கோடி ஊழல்: புதிய ஆதாரம்(3)
இந்தியாவில் ஆண்டுதோறும் காற்று மாசால் 20 லட்சம் பேர் மரணிப்பதாக புள்ளி விவரங்கள் கூறுகின்றன. நிலக்கரி ஆலையை சுற்றி இருக்கும் பகுதிகளில் குழந்தைகள் இறப்பு விகிதமும் அதிகரித்திருப்பதாக ஆய்வறிக்கைகள் தெரிவிக்கின்றன. அப்படியிருந்தும், அதானி நிறுவனம் காற்று மாசு விவகாரத்தில் மக்களின் உயிரைப் பற்றி கவலை கொள்ளாமல் இருப்பது அதிர்ச்சி அளிப்பதாகவும் அந்தச் செய்தியில் கூறப்பட்டுள்ளது.
Featured News
Sorry, no posts matched your criteria.