News May 23, 2024

சுயேச்சையாக களமிறங்கிய நடிகர் பாஜகவில் இருந்து நீக்கம்

image

பிஹாரில் NDA கூட்டணி வேட்பாளருக்கு எதிராக சுயேச்சையாக களமிறங்கிய போஜ்புரி நடிகர் பவன் சிங், பாஜகவிலிருந்து தற்காலிகமாக நீக்கப்பட்டுள்ளார். வங்கத்தின் அசான்சோல் தொகுதியில் போட்டியிட இருந்த நிலையில் அவர் பாடிய திரைப்படப் பாடல்கள் பெண்களை இழிவுபடுத்தியதாக சர்ச்சையானதால், தேர்தலிருந்து விலகினார். இந்நிலையில், பிஹாரின் கரகாட் தொகுதியில் போட்டியிடுவதாக கூறிய நிலையில், பாஜகவிலிருந்து நீக்கப்பட்டுள்ளார்.

News May 23, 2024

8 மாவட்டங்களில் மழைக்கு வாய்ப்பு

image

தமிழகத்தில் 8 மாவட்டங்களில் பிற்பகல் 1 மணி வரை மழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது. தஞ்சை, திருவாரூர், நாகப்பட்டினம், புதுக்கோட்டை, ராமநாதபுரம், தேனி, தென்காசி, நெல்லை ஆகிய மாவட்டங்களில் இடி, மின்னலுடன் கூடிய மழை பெய்ய வாய்ப்புள்ளதாகக் கூறப்பட்டுள்ளது. ஏற்கெனவே, தேனி, திருப்பூர், கோவை ஆகிய 3 மாவட்டங்களில் இன்று மிக கனமழை எச்சரிக்கை விடுக்கப்பட்டுள்ளது குறிப்பிடத்தக்கது.

News May 23, 2024

RCB தோல்வியைக் கொண்டாடும் CSK ரசிகர்கள்

image

RR-க்கு எதிரான ஐபிஎல் எலிமினேட்டர் போட்டியில் தோல்வியடைந்ததால் ப்ளே – ஆஃப் சுற்றில் இருந்து RCB வெளியேறியது. இதனை CSK ரசிகர்கள் கொண்டாடி வருகின்றனர். மே 18ஆம் தேதி நடந்த போட்டியில் CSK-வை வீழ்த்தியதை ஆர்சிபி வீரர்கள், ரசிகர்கள் கொண்டாடி மகிழ்ந்தனர். இதற்கு பழி தீர்க்கும் வகையில், CSK ரசிகர்கள் ட்ரோல் வீடியோக்கள், மீம்ஸ்களை ட்ரெண்டிங் செய்ய, அதற்கு RCB ரசிகர்களும் பதிலடி கொடுத்து வருகின்றனர்.

News May 23, 2024

IAS, IPS அதிகாரிகளில் யாருக்கு கூடுதல் அதிகாரம் உள்ளது?(1/2)

image

IAS, IPS ஆகிய 2 பதவிகளுமே இந்திய ஆட்சித்துறை பணிகள் ஆகும். இதில் IAS அதிகாரிகள் ஆட்சி நிர்வாகம், கொள்கை வகுத்தல், அதை அமல்படுத்துதல் பணிகளில் ஈடுபடுவர். IPS அதிகாரிகள் சட்டம்-ஒழுங்கு அமல், குற்ற வழக்கு விசாரணை, பொதுமக்கள் பாதுகாப்பை உறுதி செய்தல் ஆகிய பணிகளில் ஈடுபடுவர். அதிகாரத்தை பொறுத்தவரை 2 பதவிகளையும் ஒப்பிட்டால், IAS அதிகாரிகளுக்கே கூடுதல் அதிகாரம் வழங்கப்பட்டுள்ளது.

News May 23, 2024

IAS, IPS அதிகாரிகளில் யாருக்கு கூடுதல் அதிகாரம் உள்ளது?(2/2)

image

IAS அதிகாரிகள் மாவட்ட ஆட்சியராக இருக்கும்போது, அந்த மாவட்டத்தில் அனைத்து துறைகளையும் கட்டுப்படுத்துவர். IPS அதிகாரிகள், காவல்துறையில் தனக்கு கீழ் பதவி வகிப்போரை மட்டும் கட்டுப்படுத்துவர். 2 பதவிகளுக்குமான ஊதியம், 7ஆவது ஊதியக்குழு பரிந்துரைப்படி முதலில் மாதம் ₹56,100 வழங்கப்படுகிறது. பின்னர் சீனியாரிட்டிக்கு ஏற்ப IAS அதிகாரிகள் அதிகபட்சம் ₹2,50,000, IPS அதிகாரிகள் ₹2,25,000 ஊதியமாகப் பெறுவர்.

News May 23, 2024

Qualifier 2 போட்டி டிக்கெட் விற்பனை இன்று தொடக்கம்

image

சென்னை சேப்பாக்கத்தில் நடைபெறும் ‘Qualifier 2’ போட்டிக்கான டிக்கெட் விற்பனை இன்னும் சற்று நேரத்தில் (காலை 11 மணிக்கு) தொடங்க உள்ளது. டிக்கெட்டுகளை பேடிஎம் மற்றும் பேடிஎம் இன்சைடர் ஆப்களிலும் அல்லது insider.in. அல்லது IPLT20.COM என்ற இணையதளங்களிலும் வாங்கலாம். SRH-RR இடையேயான இப்போட்டி, நாளை இரவு 7.30 மணிக்கு நடைபெற உள்ளது. இதில் வெற்றி பெறும் அணியே இறுதிப் போட்டிக்கு முன்னேறும்.

News May 23, 2024

ஜெயக்குமார் மரண வழக்கு சிபிசிஐடிக்கு மாற்றம்

image

நெல்லை காங்கிரஸ் நிர்வாகி ஜெயக்குமார் மரண வழக்கு சிபிசிஐடி விசாரணைக்கு மாற்றப்பட்டுள்ளது. ஜெயக்குமார் கடந்த மே 4ஆம் தேதி அவரது தோட்டத்தில் சடலமாக மீட்கப்பட்டார். தொடர்ந்து, பல்வேறு கட்டமாக விசாரணை நடந்த போதிலும் வழக்கில் முன்னேற்றமில்லை. இதனால், வழக்கை தற்கொலை வழக்காக மாற்றும் முயற்சியில் காவல்துறை ஈடுபடுவதாகக் குற்றச்சாட்டு எழுந்தது. இந்நிலையில், வழக்கு தற்போது சிபிசிஐடிக்கு மாற்றப்பட்டுள்ளது.

News May 23, 2024

ஒரே நாளில் ₹880 குறைந்த ஆபரணத் தங்கம் விலை

image

ஆபரணத் தங்கத்தின் விலை இன்று ஒரே நாளில் ₹880 குறைந்ததால் நகைப் பிரியர்கள் நிம்மதியடைந்துள்ளனர். 22 கேரட் ஆபரணத் தங்கத்தின் விலை சவரனுக்கு ₹880 குறைந்து ₹54,000க்கும், கிராமுக்கு ₹110 குறைந்து ₹6,750க்கும் விற்பனையாகிறது. மே 14ஆம் தேதி ₹53,520ஆக இருந்த தங்கம் விலை நாளுக்கு நாள் அதிகரித்து ₹55 ஆயிரத்தை கடந்த நிலையில், தற்போது மீண்டும் விலை குறையத் தொடங்கியிருக்கிறது.

News May 23, 2024

APPLY NOW: 404 காலிப் பணியிடங்கள்

image

இந்திய ராணுவத்தில் காலியாக உள்ள பணியிடங்களுக்கான NDA தேர்வு அறிவிப்பை UPSC வெளியிட்டுள்ளது. ராணுவம், கடற்படை, விமானப்படையில் மொத்தம் 404 பணியிடங்கள் காலியாக உள்ளன. எழுத்துத் தேர்வு செப்.1ஆம் தேதியும், நேர்முகத் தேர்வு 2025 ஜூன் மாதமும், பயிற்சி 2025 ஜூலை 2ஆம் தேதியும் தொடங்க உள்ளது. தகுதியுள்ள விண்ணப்பதாரர்கள் வரும் ஜூன் 4ஆம் தேதிக்குள் <>upsc.gov.in<<>> என்ற இணையத்தளத்தில் விண்ணப்பிக்கலாம்.

News May 23, 2024

ஜெயம் ரவிக்கு வில்லனாகும் அபிஷேக் பச்சன்?

image

மோகன் ராஜா இயக்கவுள்ள ‘தனி ஒருவன் 2’ படத்தின் படப்பிடிப்பு இந்தாண்டு இறுதிக்குள் தொடங்கவுள்ளதாகத் தகவல் வெளியாகியுள்ளது. இப்படத்தில், ஜெயம் ரவிக்கு வில்லனாக பாலிவுட் நடிகர் அபிஷேக் பச்சன் நடிக்க இருப்பதாகக் கூறப்படுகிறது. முதல் பாகத்தில் அரவிந்த் சாமி வில்லனாக நடித்திருந்தது, நல்ல வரவேற்பைப் பெற்றது. அதேபோல, இப்படத்தில் அபிஷேக் பச்சனின் கதாபாத்திரமும் ரசிகர்களைக் கவரும் என எதிர்பார்க்கப்படுகிறது.

error: Content is protected !!