India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 23, 2024
2050க்குள் உலகில் பாதி பேருக்கு மையோபியா ஏற்படக்கூடும்
மையோபியா எனப்படும் கிட்டப்பார்வையால் இன்னும் 25 வருடத்திற்குள் உலகில் பாதி பேர் பாதிக்கப்படுவர் என ஆய்வுகள் கூறுகின்றன. இயற்கை வெளியில் போதுமான நேரத்தை செலவழிக்காததும், செல்ஃபோன்களை நீண்டநேரம் பார்ப்பதுமே இதற்கு முக்கிய காரணம் என்கின்றனர். கண்களின் சீரான வளர்ச்சிக்கு சூரிய வெளிச்சம் அவசியம், அதுவும் குழந்தைகளுக்கு நிச்சயம் தேவை என வல்லுநர்கள் கூறுகிறார்கள்.
News May 23, 2024
வேலுமணி பேட்டியால் அதிமுகவில் புது சர்ச்சை
எந்த முடிவையும் இபிஎஸ் துணிந்து எடுக்கத் தயங்குவதாகவும், அவர் மீது வேலுமணி உள்ளிட்டோர் அதிருப்தியில் இருப்பதாகவும் செய்திகள் வெளியாகின. இதற்கு மறுப்பு தெரிவிக்கும் வகையில் வேலுமணி அண்மையில் அளித்த பேட்டியில், எந்த முடிவை எடுத்தாலும், இபிஎஸ் தங்களுடன் கலந்தாலோசித்தே எடுக்கிறார் என்றார். வேலுமணியின் பேட்டியை இபிஎஸ் ஏற்கவில்லை, இது புது சர்ச்சையை ஏற்படுத்தியுள்ளதாகக் கூறப்படுகிறது.
News May 23, 2024
நீர்வளத்துறை அதிகாரிகளுடன் ஆலோசனை
முல்லைப் பெரியாறு அணை விவகாரம் தொடர்பாக தலைமைச் செயலாளர் சிவ்தாஸ் மீனா அவசர ஆலோசனை மேற்கொண்டுள்ளார். முல்லைப் பெரியாறு அருகே, புதிதாக ஒரு அணையை கட்ட, மத்திய அரசிடம் கேரள அரசு அனுமதி கேட்டுள்ளது. இந்த விவகாரத்தில் அடுத்தக்கட்ட நடவடிக்கை குறித்து தமிழக நீர்வளத்துறை அதிகாரிகளுடன் சிவ்தாஸ் மீனா ஆலோசனை மேற்கொண்டுள்ளார். முன்னதாக புதிய அணைக்கு தமிழக அரசு எதிர்ப்பு தெரிவித்துள்ளது குறிப்பிடத்தக்கது.
News May 23, 2024
அடிப்படை உரிமை பறிக்கப்படுவதை ஏற்க முடியாது
அக்னிபத் திட்டத்தை அரசியலாக்க வேண்டாம் என்ற தேர்தல் ஆணையத்தின் கருத்து தவறானது என ப.சிதம்பரம் விமர்சித்துள்ளார். அரசாங்கத்தின் கொள்கையை விமர்சிப்பதும், ஆட்சிக்கு வந்தால் ஒரு திட்டம் ரத்து செய்யப்படும் என அறிவிப்பதும் எதிர்க்கட்சி அரசியலின் அடிப்படை உரிமை என அவர் தெரிவித்தார். முன்னதாக, அக்னிபத் திட்டத்தை விமர்சித்து கருத்து கூற வேண்டாம் என காங்கிரஸுக்கு தேர்தல் ஆணையம் அறிவுறுத்தியிருந்தது.
News May 23, 2024
வார இறுதி நாள்களை முன்னிட்டு சிறப்பு பேருந்துகள்
முகூர்த்தம், வார இறுதி நாள்களையொட்டி, அடுத்த 3 நாள்களுக்கு சிறப்பு பேருந்துகள் இயக்கப்படும் என போக்குவரத்துக் கழகம் அறிவித்துள்ளது. சென்னையில் இருந்து பிற இடங்களுக்கு தினசரி இயக்கக்கூடிய பேருந்துகளுடன் கூடுதலாக மே 24, 25இல் 535 பேருந்துகள் இயக்கப்படும் என அறிவிக்கப்பட்டுள்ளது. அதேபோல், மே 26 அன்று சொந்த ஊர்களில் இருந்து சென்னை திரும்பும் வகையிலும் பேருந்துகள் இயக்கப்படும் என கூறப்பட்டுள்ளது.
News May 23, 2024
சத்தீஸ்கர் ஆளுநராகும் பத்மஜா?
பாஜகவில் இணைந்த பத்மஜா, சத்தீஸ்கர் ஆளுநராக நியமிக்கப்படலாம் எனத் தகவல் வெளியாகியுள்ளது. ஆளுநர் விஸ்வபூஷன் உடல்நிலை சரியில்லாததால் அவர் பதவி விலக உள்ளதாகவும், அவருக்கு பதிலாக பத்மஜாவை அந்தப் பதவியில் நியமிக்கலாம் எனவும் பாஜக வட்டாரங்கள் தெரிவித்துள்ளன. கேரள Ex முதல்வரும், காங்கிரஸ் மூத்த தலைவருமான கருணாகரனின் மகள் பத்மஜா, சமீபத்தில் காங்கிரஸில் இருந்து விலகி பாஜகவில் இணைந்தது குறிப்பிடத்தக்கது.
News May 23, 2024
58 தொகுதிகளில் பரப்புரை நிறைவு
6ஆம் கட்ட தேர்தல் நடைபெற உள்ள 58 தொகுதிகளில், தேர்தல் பரப்புரை நிறைவு பெற்றது. இதுவரை 5 கட்டமாக 429 தொகுதிகளில் தேர்தல் நடைபெற்றுள்ளது. 7 மாநிலங்கள், ஒரு யூனியன் பிரதேசத்தில் நாளை மறுநாள், 6ஆம் கட்ட தேர்தல் நடைபெற உள்ளது. இந்த தேர்தலில் 889 வேட்பாளர்கள் போட்டியிடுகிறார்கள். மக்களவைத் தேர்தலுடன், ஒடிஷாவில் உள்ள 42 சட்டப்பேரவை தொகுதிகளுக்கும் தேர்தல் நடைபெற உள்ளது குறிப்பிடத்தக்கது.
News May 23, 2024
ஷாருக் கான் நலமாக இருக்கிறார்
பாலிவுட் நடிகர் ஷாருக் கான் Heat stroke காரணமாக மருத்துவமனையில் அனுமதிக்கப்பட்ட சம்பவம் அவரது ரசிகர்களை அதிர்ச்சியடைய செய்தது. இந்நிலையில், அவர் நலமாக இருப்பதாக அவரது மேலாளர் பூஜா தத்லானி தனது இன்ஸ்டா பக்கத்தில் தெரிவித்துள்ளார். மேலும், விரைவில் அவர் மருத்துவமனையில் இருந்து டிஸ்சார்ச் செய்யப்படுவார் என்றும், ஒரு வாரம் ஓய்வெடுக்க முடிவு செய்திருப்பதாகவும் திரைத்துறை வட்டாரங்கள் கூறுகின்றன.
News May 23, 2024
வெங்காயத்தின் விலை உயர வாய்ப்பு?
உலகின் மிகப்பெரிய வெங்காய ஏற்றுமதியாளராக இந்தியா திகழ்கிறது. இந்நிலையில், வெங்காய விளைச்சல் நடப்பு ஆண்டில் 16% சரிந்து 25.47 மில்லியன் டன்னாக குறையும் என எதிர்பார்க்கப்படுகிறது. இதனால், நாட்டில் வெங்காய விலை உயர வாய்ப்புள்ளதால், ஒரு லட்சம் டன் வெங்காயத்தை கையிருப்பு வைக்க மத்திய அரசு முடிவெடுத்துள்ளது. முன்னதாக, வெங்காய ஏற்றுமதிக்கு தடை விதித்த அரசு, பின்னர் விலக்கி கொண்டது குறிப்பிடத்தக்கது.
News May 23, 2024
I.N.D.I.A கூட்டணி குறித்து மோடி கிண்டல்
வெறும் 5 கட்டத் தேர்தலிலேயே I.N.D.I.A கூட்டணியின் கதை முடிந்து விட்டதாக பிரதமர் மோடி விமர்சித்துள்ளார். ஹரியானாவின் பிவானி பகுதியில் பிரசாரம் செய்த அவர், I.N.D.I.A கூட்டணியின் நோக்கத்தை மக்கள் புரிந்து கொண்டதாகவும், அதனால் அவர்களுக்கு இந்த மோசமான நிலை ஏற்பட்டுள்ளதாகவும் தெரிவித்தார். 3 கட்டத் தேர்தலிலேயே அவர்கள் தேர்தல் ஆணையத்தை குற்றம் சாட்டி அழத் தொடங்கி விட்டதாகவும் அவர் கிண்டர் செய்தார்.
Featured News
Sorry, no posts matched your criteria.