India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 4, 2024
தொடர்ந்து 2 முறை வெற்றி பெற்ற வேட்பாளர்கள்
மக்களவைத் தேர்தலில் தொடர்ந்து 2 முறை வெற்றி பெற்ற திமுக கூட்டணி வேட்பாளர்கள்: T.R.பாலு, ஆ.ராசா, கதிர் ஆனந்த், கலாநிதி வீராசாமி, கனிமொழி, தயாநிதி மாறன், தமிழச்சி தங்கபாண்டியன், கார்த்தி சிதம்பரம், நவாஸ் கனி, சு.வெங்கடேசன், ஜோதிமணி, மாணிக்கம் தாகூர், ரவிக்குமார், சுப்பராயன், திருமாவளவன், வசந்தகுமார், விஷ்ணு பிரசாத் ஆகியோர் 2019 மற்றும் 2024 மக்களவைத் தேர்தலில் தொடர்ந்து 2 முறை வெற்றி பெற்றுள்ளனர்.
News June 4, 2024
நேருவின் சாதனையை சமன் செய்த மோடி
இந்திய சுதந்திர வரலாற்றில் மூன்று தேர்தல்களில் தொடர் வெற்றிகண்டு மூன்று முறை பிரதமராக பதவி வகித்தவர் நேரு. 1951, 1957, 1962 என தொடர்ச்சியாக மக்களவைத் தேர்தல்களில் அவர் வெற்றிபெற்றார். இந்நிலையில், சுமார் 60 ஆண்டுகளுக்குப் பிறகு, பிரதமர் மோடி இந்த சாதனையை சமன் செய்துள்ளார். 2014, 2019 மற்றும் 2024 என மூன்று தேர்தல்களில் தொடர் வெற்றிகண்டுள்ளார் மோடி.
News June 4, 2024
கோட்டை விட்ட ஷிண்டே; கொடியை ஏற்றிய உத்தவ்
மகாராஷ்டிராவில் சிவசேனா ஷிண்டே அணியை பின்னுக்குத் தள்ளி உத்தவ் தாக்கரே அணியினர் தங்களது பலத்தை நிரூபித்துள்ளனர். மக்களவைத் தேர்தலில் சிவசேனாவின் வில் அம்பு சின்னத்தில் போட்டியிட்ட ஏக்நாத் ஷிண்டே அணியினர் 6 தொகுதிகளில் மட்டுமே வென்றுள்ளனர். அதே நேரத்தில், மத்திய பாஜக அரசு கொடுத்த நெருக்கடிக்கு மத்தியில் உத்தவ் அணி மும்பையில் 3 தொகுதிகள் உள்பட 10 தொகுதிகளில் வெற்றி வாகை சூடியுள்ளது.
News June 4, 2024
டெல்லி செல்கிறார் ஸ்டாலின்
டெல்லியில் நாளை கூட இருக்கும் INDIA கூட்டணித் தலைவர்களின் அலோசனைக் கூட்டத்தில் பங்கேற்க செல்வதாக முதல்வர் ஸ்டாலின் தெரிவித்துள்ளார். மேலும், அவரிடம் இந்தியா கூட்டணி சார்பில் பிரதமர் வேட்பாளராக முன்னிறுத்தப்படுவீர்களா? என்று செய்தியாளர்கள் எழுப்பிய கேள்விக்கு, கருணாநிதி பாணியில் ‘என் உயரம் எனக்கு தெரியும்’ என பதிலளித்தார்.
News June 4, 2024
மூன்று மாநிலங்களில் கோட்டை விட்ட காங்கிரஸ்
மக்களவைத் தேர்தலில் நிகழ்ந்த முக்கிய ஆச்சரியம் என்னவென்றால், குஜராத்தில் பத்து ஆண்டுகளுக்குப் பிறகு காங்., ஒரு தொகுதியில் வெற்றியை ருசித்துள்ளது. இது அக்கட்சிக்கு புதிய நம்பிக்கையை அளித்துள்ளது. பாஜகவுக்கு கடும் நெருக்கடி அளித்த INDIA கூட்டணி, ம.பி.யிலும், ஆளும் கர்நாடகா, தெலங்கானாவிலும் கோட்டை விட்டுள்ளது. அங்கு சிறப்பாக பணியாற்றியிருந்தால், நிலைமை தலைகீழாக மாறியிருக்க வாய்ப்புள்ளது.
News June 4, 2024
நோட்டாவை விட குறைவான வாக்குகள் பெற்ற மன்சூர்
வேலூர் தொகுதியில் நோட்டாவை விட மன்சூர் அலிகான் குறைவான வாக்குகளை பெற்றுள்ளார். இந்திய ஜனநாயகப் புலிகள் என்ற கட்சியை தொடங்கிய அவர், பலாப்பழம் சின்னத்தில் தனித்துப் போட்டியிட்டார். இன்று நடைபெற்ற வாக்கு எண்ணிக்கையில் நோட்டாவுக்கு 6,695 வாக்குகள் கிடைத்துள்ள நிலையில், மன்சூர் அலிகான் 2,181 வாக்குகளையே பெற்றுள்ளார். இதையடுத்து, சமூக வலைதளங்களில் பலரும் அவரை விமர்சித்து வருகின்றனர்.
News June 4, 2024
7 முறை தென்காசியில் தோல்வி அடைந்த கிருஷ்ணசாமி
புதிய தமிழகம் கட்சித் தலைவர் கிருஷ்ணசாமி, தென்காசியில் 7ஆவது முறையாக தோல்வியை சந்தித்துள்ளார். 1998,1999, 2004, 2009, 2014, 2019 மற்றும் 2024 வரை தென்காசியில் தொடர்ந்து போட்டியிட்டு வரும் அவர், தோல்வியையே சந்தித்து வருகிறார். தென்காசியில் வலுவாக இருப்பதாக அவர் கூறிவந்த நிலையிலும், மக்கள் அவரை புறக்கணித்துள்ளனர். 1996இல் ஓட்டப்பிடாரம் சட்டப்பேரவை தொகுதியில் அவர் சுயேச்சை எம்எல்ஏவாக வென்றார்.
News June 4, 2024
ஒடிஷா முதல்வர் நவீன் பட்நாயக் அதிர்ச்சித் தோல்வி
ஐந்து தேர்தல்களில் தொடர்ந்து வெற்றிபெற்று ஒடிஷாவை 5 முறை ஆட்சி செய்த நவீன் பட்நாயக் தோல்வி அடைந்துள்ளார். தனது அரசியல் வாழ்க்கையில் தோல்வியையே சந்தித்திராத பட்நாயக், கந்தபஞ்சி தொகுதியில் இம்முறை பாஜக வேட்பாளர் லக்ஷ்மன் பகிடம் தோல்வியடைந்துள்ளார். இதனையடுத்து, 25 ஆண்டுகளுக்குப் பிறகு ஒடிஷா முதல்வர் பதவியிலிருந்து விலகுகிறார் நவீன் பட்நாயக்.
News June 4, 2024
மோடிக்கு எதிரான எதிர்ப்பு அலை: ஸ்டாலின்
கடந்த நாடாளுமன்றத் தேர்தலில் 39 தொகுதிகளில் வெற்றி பெற்றோம், இந்த தேர்தலில் மீதமிருந்த 1 தொகுதியையும் சேர்த்து 40க்கு 40 வெற்றி பெற வைத்த தமிழ்நாட்டு மக்களுக்கு முதல்வர் ஸ்டாலின் நன்றி கூறுவதாக தெரிவித்துள்ளார். ஆட்சியமைக்க தேவையான தனிப்பெரும்பான்மை கூட கிடைக்காத அளவிற்கு பாஜக தள்ளப்பட்டுள்ளது என விமர்சித்த அவர், பிரதமர் மோடிக்கு எதிர்ப்பு அலை உள்ளதை இத்தேர்தல் காட்டுவதாக கூறியுள்ளார்.
News June 4, 2024
தமிழ்நாட்டின் வெற்றிடத்தை நிரப்பினார் ஸ்டாலின்
கருணாநிதி, ஜெயலலிதா மறைவுக்கு பிறகு, தமிழ்நாட்டில் வலிமையான தலைவர்களுக்கான வெற்றிடம் நிலவுவதாக பலரும் கருத்து தெரிவித்து வந்தனர். ஆனால், கருணாநிதி மறைவுக்கு பிறகு திமுக தலைவராக பொறுப்பேற்ற ஸ்டாலின் அடுத்தடுத்த தேர்தல்களில் தொடர் வெற்றியை பதிவு செய்து வருகிறார். இந்த தேர்தலில் 40 தொகுதிகளிலும் வெற்றி பெற்றதன் மூலம் தமிழ்நாட்டின் அசைக்க முடியாத தலைவராக ஸ்டாலின் உருவெடுத்துள்ளார்.
Featured News
Sorry, no posts matched your criteria.