India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 8, 2024
தமிழகத்தில் அதிகபட்சமாக 9 செமீ மழை
தமிழ்நாட்டில் நேற்று காலை 8 மணி முதல் இன்று காலை 8 மணி வரை கிருஷ்ணகிரி மாவட்டம் கே.ஆர்.பி அணை & திருவண்ணாமலை மாவட்டம் கீழ்பெண்ணாத்தூர் பகுதிகளில் 9 செமீ மழை பதிவாகியுள்ளது. வேலூர் மாவட்டம் மேலலத்தூர், திருவண்ணாமலை மாவட்டம் செங்கம் ஆகிய பகுதிகளில் 7 செமீ மழை பதிவாகியிருக்கிறது. விழுப்புரம், திருப்பத்தூர், கள்ளக்குறிச்சி மாவட்டங்களிலும் குறிப்பிடத்தகுந்த அளவு மழை பெய்துள்ளது.
News May 8, 2024
ஐபிஎல்லில் 200 சிக்சர்கள் அடித்த வீரர்கள்
▶கிறிஸ் கெயில் – 357 (142 போட்டிகளில்) ▶ரோஹித் ஷர்மா – 276* (255 போட்டிகளில்) ▶விராட் கோலி – 258* (248 போட்டிகளில்) ▶ஏ.பி.டிவில்லியர்ஸ் – 251 (184 போட்டிகளில்) ▶எம்.எஸ்.தோனி – 248* (261 போட்டிகளில்) ▶டேவிட் வார்னர் – 236* (183 போட்டிகளில்) ▶கிரண் பொல்லார்டு – 223 (171 போட்டிகளில்) ▶ஆண்ரே ரஸல் – 207* (104 போட்டிகளில்) ▶சஞ்சு சாம்சன் – 205* (159 போட்டிகளில்) ▶சுரேஷ் ரெய்னா – 203 (205 போட்டிகளில்)
News May 8, 2024
மாணவர்களுக்கு மாதம் ₹1000..
மாணவர்களுக்கு மாதந்தோறும் ₹1000 வழங்கும் தமிழ் புதல்வன் திட்டம் வரும் கல்வியாண்டிலேயே தொடங்கப்படும் என தமிழக அரசு அறிவித்துள்ளது. உயர்கல்விக்கு வழிகாட்டும் நிகழ்ச்சியில், முதல்வரின் தனிச் செயலாளர் முருகானந்தம் இந்த அறிவிப்பை வெளியிட்டுள்ளார். 6 -12ஆம் வகுப்பு வரை அரசுப் பள்ளிகளில் பயின்று கல்லூரிகளில் சேரும் மாணவிகளுக்கு மாதம் ₹1000 வழங்கப்பட்டு வரும் நிலையில், மாணவர்களுக்கும் வழங்கப்படவுள்ளது.
News May 8, 2024
வாக்கு எண்ணும் மையத்தில் சிசிடிவி கேமராக்கள் பழுது
விழுப்புரம் மக்களவைத் தொகுதியின் வாக்கு எண்ணும் மையத்தில் வைக்கப்பட்டுள்ள சிசிடிவி கேமராக்களில் பழுது ஏற்பட்டுள்ளது. அங்குள்ள 39 சிசிடிவி கேமராக்களில், தற்போது மழை மற்றும் பலத்த காற்றால் 7 சிசிடிவி கேமராக்கள் பழுதடைந்துள்ளன. இங்கு ஏற்கெனவே ஒரு முறை சிசிடிவி கேமரா பழுதான போது, மீண்டும் இது போன்று அசம்பாவிதம் நடக்காமல் கண்காணிக்கும்படி விசிக மனு அளித்திருந்தது குறிப்பிடத்தக்கது.
News May 8, 2024
நாடு முழுவதும் விமான சேவை பாதிப்பு
ஏர் இந்தியா நிறுவனத்திற்கு எதிர்ப்பு தெரிவிக்கும் விதமாக ஊழியர்கள் ஒட்டுமொத்தமாக மருத்துவ விடுப்பு எடுத்து வருகின்றனர். இதனால் விமான சேவை பாதித்து, நேற்றிரவு 70 விமானங்கள் ரத்து செய்யப்பட்டன. இதற்காக பயணிகளிடம் மன்னிப்பு கோரியுள்ள ஏர் இந்தியா, முழுக் கட்டணத்தையும் திரும்பத் தருவதாகவும், மற்றொரு தேதியில் பயணிக்கலாம் எனவும் தெரிவித்துள்ளது. ஊழியர்கள் விடுப்புக்கான காரணம் குறித்த தகவல் தெரியவில்லை.
News May 8, 2024
தள்ளிப்போகிறது விக்கிரவாண்டி இடைத்தேர்தல்
விக்கிரவாண்டிக்கு மக்களவைத் தேர்தலுடன் இடைத்தேர்தல் நடைபெறவில்லை என்பது உறுதியாகியுள்ளது. MLA புகழேந்தி உயிரிழந்ததால், விக்கிரவாண்டி தொகுதிக்கு ஜூன் ஒன்றாம் தேதி 7ஆவது கட்டமாக நடைபெறும் மக்களவைத் தேர்தலுடன் இடைத்தேர்தல் நடைபெறும் என எதிர்பார்க்கப்பட்டது. ஆனால், கடைசி கட்ட மக்களவைத் தேர்தலுக்கான அறிவிப்பு வெளியாகியுள்ள நிலையில், அதில் விக்கிரவாண்டி இடைத்தேர்தல் குறித்த எந்த தகவலும் இடம்பெறவில்லை.
News May 8, 2024
3 ஆண்டு திமுக ஆட்சி சாதனையல்ல, சோதனை: EPS
ஆட்சிக்கு வந்து நேற்றுடன் 3 ஆண்டுகள் நிறைவடைந்ததை திமுகவினர் கொண்டாடி வரும் நிலையில், இபிஎஸ் அதனைக் கடுமையாக விமர்சித்துள்ளார். திமுக அரசின் 3 ஆண்டுகால ஆட்சி சாதனை அல்ல, வேதனை. ஆட்சிக்கு வந்து மக்களுக்கு நன்மை செய்யாத, வாக்குறுதிகளை நிறைவேற்றாத ஏமாற்று மாடல் அரசு என்று சாடிய அவர், 3 ஆண்டுகளில் ரூ.3.5 லட்சம் கோடி கடன் வாங்கி மக்களை கடனாளியாக்கியதுதான் இந்த அரசின் சாதனை என குற்றம்சாட்டினார்.
News May 8, 2024
அனைத்து அரசுப் பள்ளிகளிலும் இணைய சேவை
தமிழ்நாட்டில் உள்ள அனைத்து அரசுப் பள்ளிகளுக்கும் இணைய சேவை வழங்கும் பணிகளை பள்ளிக் கல்வித்துறை மேற்கொண்டுள்ளது. இந்நிலையில், 100 Mbps வேகம் கொண்ட இணைய சேவை வழங்கும் பணிகள் இம்மாத இறுதிக்குள் நிறைவடையும் எனத் தகவல் வெளியாகியுள்ளது. இதன் மூலம் கடினமான பாடங்களை மாணவர்கள் எளிமையாக காணொலி வாயிலாக கற்பதற்கும், கற்ற பாடங்களை ஆன்லைன் மதிப்பீடுகள் மூலமாக பயிற்சிகள் மேற்கொள்ளவும் வழிவகை செய்யப்படவுள்ளது.
News May 8, 2024
சஞ்சு சாம்சனுக்கு 30% அபராதம்
ஐபிஎல் விதிகளை மீறியதாக, ராஜஸ்தான் கேப்டன் சஞ்சு சாம்சனுக்கு அபராதம் விதிக்கப்பட்டுள்ளது. டெல்லிக்கு எதிரான நேற்றைய ஐபிஎல் போட்டியில், 3ஆவது நடுவர் அவுட் எனத் தீர்ப்பு வழங்கிய பிறகும் சஞ்சு சாம்சன் கள நடுவரிடம் வாக்குவாதம் செய்தார். ஐபிஎல் விதிப்படி அது குற்றம். போட்டியின் போது நடுவர் சொல்லும் முடிவே இறுதியானது. இதனால் போட்டிக்கான சம்பளத்தில் இருந்து 30% அபராதம் விதித்து பிசிசிஐ உத்தரவிட்டது.
News May 8, 2024
ஆபரணத் தங்கத்தின் விலை சற்று குறைவு
நேற்று ஆபரணத் தங்கத்தின் விலை உயர்ந்த நிலையில், இன்று சற்று குறைந்துள்ளது. 22 கேரட் ஆபரணத் தங்கத்தின் விலை சவரனுக்கு ₹80 குறைந்து ₹53,040க்கும், கிராமுக்கு ₹10 குறைந்து ₹6,630க்கும் விற்பனையாகிறது. அதே நேரம் வெள்ளி விலையில் மாற்றமில்லாமல், கிராம் ₹88.50க்கும், கிலோ ₹88,500க்கும் விற்பனையாகிறது. கடந்த 10 நாளில் ஆபரணத் தங்கத்தின் விலை சவரனுக்கு ₹880 குறைந்துள்ளதால், மக்கள் மகிழ்ச்சியடைந்துள்ளனர்.
Featured News
Sorry, no posts matched your criteria.