India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 9, 2024
வாழ்வா? சாவா? போட்டியில் #RCBvsPBKS
ஐபிஎல்லில் இன்று நடைபெறும் போட்டியில் பெங்களூரு மற்றும் பஞ்சாப் அணிகள் மோதுகின்றன. இரு அணிகளும் இதுவரை 11 போட்டிகளில் விளையாடி தலா 4 வெற்றி பெற்றுள்ள நிலையில், RCB 7ஆவது இடத்திலும், PBKS 8ஆவது இடத்திலும் உள்ளது. இன்றைய போட்டியில் தோல்வியடையும் அணி ப்ளே ஆஃப்க்கு தகுதி பெரும் வாய்ப்பை இழக்கும் என்பதால் இரு அணிகளுமே வெற்றிக்காக கடுமையாக போராடும். இன்று எந்த அணி வெற்றிபெறும்?
News May 9, 2024
தேர்வு முடிவுகள் நாளை காலை வெளியாகிறது
தமிழகத்தில் பத்தாம் வகுப்பு தேர்வு முடிவுகள் நாளை (மே 10) காலை 9:30 மணிக்கு வெளியாகின்றன. மார்ச் 26 முதல் ஏப்ரல் 8 வரை நடைபெற்ற இந்தத் தேர்வை சுமார் 9.08 லட்சம் மாணவர்கள் எழுதியிருந்தனர். இந்நிலையில், நாளை தேர்வு எழுதிய மாணவர்கள் www.tnresults.nic.in, www.dge.tn.gov.in, https://results.digilocker.gov.in என்ற இணையதள முகவரியில் பதிவெண், பிறந்த தேதியை உள்ளிட்டு தேர்வு முடிவுகளை அறியலாம்.
News May 9, 2024
இன்றைய நல்ல நேரம்
▶மே – 9, சித்திரை – 26 ▶கிழமை – வியாழன் ▶நல்ல நேரம்: 10:30 AM – 11:30 AM, ▶கெளரி நல்ல நேரம்: 12:30 AM – 1:30 AM, 6:30 PM – 7:30 PM ▶ராகு காலம்: 1:30 PM – 3:00 PM ▶எமகண்டம்: 6:30 AM – 7:30 AM ▶குளிகை நேரம்: 9:00 AM – 10:30 AM ▶பிறை: வளர்பிறை ▶சூலம்: தெற்கு ▶பரிகாரம்: தைலம் ▶திதி: துவிதியை
News May 9, 2024
காலையில் சாப்பிட வேண்டிய உணவுகள்
காலையில் எழுந்தவுடன் வெறும் வயிற்றில் இளஞ்சூடான நீர் ஒரு டம்ளர் குடித்தால் உடலில் உள்ள கெட்ட கொழுப்புகள் கரைந்து, கழிவுகள் வெளியேறும். பின்னர், இரவு நீரில் ஊறவைத்த பாதாம் மற்றும், ரத்த அழுத்தத்தை சீராக வைக்க உதவும் ஆப்பிள், தர்பூசணி, பப்பாளி போன்ற அமிலத்தன்மை குறைவான பழங்களை சாப்பிடலாம். கேரட், வெள்ளரி, முள்ளங்கி போன்ற கைகளை பச்சையாக சாப்பிடுவதன் மூலம் உடலுக்குத் தேவையான வைட்டமின் கிடைக்கும்.
News May 9, 2024
நாளை ரீ-ரிலீஸ் ஆகும் ‘RRR’
சமீப காலமாக ரீ-ரிலீஸ் படங்களுக்கு மக்களிடையே வரவேற்பு அதிகரித்து வருகிறது. புதிய படங்களை விட ரீ-ரிலீசாகும் படங்கள் அதிக வசூலையும் ஈட்டி வருகின்றன. அந்தவகையில் கடந்த 2022 ஆம் ஆண்டு வெளியாகி மாபெரும் வெற்றிபெற்ற ‘RRR’ படம் நாளை (மே 10) ரீ-ரிலீஸ் ஆகிறது. S.S.ராஜமௌலி இயக்கத்தில் ராம் சரண், ஜூனியர் என்.டி.ஆர்., ஆலியா பட் நடிப்பில் வெளியான இப்படம் 1,000 கோடிக்கும் மேல் வசூலித்தது குறிப்பிடத்தக்கது.
News May 9, 2024
வள்ளலார் பொன்மொழிகள்
* உண்டியலில் காணிக்கை செலுத்துவதற்கு பதிலாக பசியில் இருப்போருக்கு வயிறார உணவு கொடுங்கள். அதுவே கடவுளுக்கு மகிழ்ச்சி கொடுக்கும்.
* பிறருடைய பசியைப் போக்குவதோடு மட்டும் ஒருவனுடைய ஒழுக்கமும் கடமையும் முடிந்து விடாது. பிறருக்கு ஏற்படும் துன்பங்களை களையவும் ஒவ்வொருவரும் முன் வர வேண்டும்.
* உடலை வருத்தி விரதம் இருப்பதை விட.. யாரையும் துன்புறுத்தாமல் இருப்பதே சிறந்தது.
News May 9, 2024
அடுத்த மூன்று நாட்களுக்கு கனமழைக்கு வாய்ப்பு
தமிழ்நாட்டில் மே 11 ஆம் தேதி வரை விருதுநகர், தென்காசி உள்ளிட்ட 7 மாவட்டங்களில் கனமழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. தமிழகத்தில் நிலவிவரும் வளிமண்டல கீழடுக்கு சுழற்சி காரணமாக பல்வேறு இடங்களில் பரவலாக மழை பெய்து வருகிறது. இந்நிலையில், நீலகிரி, கோவை, தேனி, திண்டுக்கல், தென்காசி, விருதுநகர், திருப்பூர் ஆகிய மாவட்டங்களில் மழை பெய்ய வாய்ப்புள்ளது.
News May 9, 2024
இன்று ஐந்தாவது டி20 போட்டி
வங்க தேசத்திற்கு சுற்றுப்பயணம் மேற்கொண்டுள்ள இந்திய மகளிர் கிரிக்கெட் அணி 5 போட்டிகள் கொண்ட டி20 தொடரில் விளையாடி வருகிறது. இதில் ஏற்கெனவே 4 – 0 என்ற கணக்கில் இந்திய அணி தொடரை வென்றுள்ள நிலையில், ஐந்தாவது மற்றும் கடைசிப் போட்டி இன்று பிற்பகல் 3:30 மணிக்கு நடைபெறுகிறது. இந்தப் போட்டியிலும் வெற்றிபெற்று தொடரை முழுமையாகக் கைப்பற்றுமா இந்திய அணி?. கமெண்ட் பண்ணுங்க.
News May 9, 2024
நிர்மலா தேவி வழக்கில் சிபிசிஐடிக்கு உத்தரவு
மாணவிகளை தவறாக வழிநடத்திய வழக்கில் முன்னாள் பேராசிரியை நிர்மலா தேவிக்கு ஸ்ரீவில்லிபுத்தூர் நீதிமன்றம் 10 ஆண்டுகள் சிறை தண்டனை விதித்தது. இதை ரத்து செய்யக்கோரியும், தனக்கு இடைக்கால ஜாமீன் வழங்கக்கோரியும் நிர்மலா தேவி உயர்நீதிமன்றத் கிளையில் மனுத்தாக்கல் செய்தார். இதை விசாரித்த நீதிபதிகள் விருதுநகர் சிபிசிஐடி பதில் மனுத்தாக்கல் செய்ய உத்தரவிட்டு வழக்கை ஜூன் 7ஆம் தேதிக்கு ஒத்திவைத்தது.
News May 9, 2024
வரலாற்றில் இன்று: மே 9
* 1874 – குதிரையால் செலுத்தப்படும் உலகின் முதலாவது பயணிகள் வண்டி, பம்பாய் நகரில் அறிமுகப்படுத்தப்பட்டது.
* 1933 – மகாத்மா காந்தி தனது சட்டமறுப்பு இயக்கத்தைக் கைவிட்டார்.
* 1955 – பனிப்போர்: மேற்கு ஜெர்மனி நேட்டோவில் இணைந்தது.
* 1956 – உலகின் 8-வது உயரமான மலையான மனஸ்லுவின் உச்சி முதன் முதலாக ஜப்பானிய மலையேறிகளால் எட்டப்பட்டது.
* 1985 – காரைக்குடியில் அழகப்பா பல்கலைக்கழகம் தொடங்கப்பட்டது.
Featured News
Sorry, no posts matched your criteria.