India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 6, 2024
ஜூன் 21இல் ரீ-ரிலீஸ் ஆகும் ‘போக்கிரி’
விஜய் நடித்த ‘போக்கிரி’ திரைப்படம், வரும் 21ஆம் தேதி ரீ-ரிலீஸ் செய்யப்படவுள்ளதாக கனகரத்னா மூவிஸ் நிறுவனம் அறிவித்துள்ளது. வரும் 22ஆம் தேதி விஜய் தனது 50ஆவது பிறந்தநாளை கொண்டாடுகிறார். அதனைக் கொண்டாடும் வகையில், ஒருநாள் முன்னதாக விஜய்யின் படங்களை தமிழகம் முழுவதும் ரீ-ரிலீஸ் செய்ய தயாரிப்பு நிறுவனங்கள் முன்வந்துள்ளன. அந்தவகையில், ‘துப்பாக்கி’ படத்தைத் தொடர்ந்து, ‘போக்கிரி’ படமும் ரீ-ரிலீஸ் ஆகிறது.
News June 6, 2024
தோல்வி அடையவில்லை; தோற்கடிக்கப்பட்டிருக்கிறார்
விருதுநகரில் விஜய பிரபாகரனை திட்டமிட்ட சூழ்ச்சியால் வீழ்த்தியுள்ளனர் என்று தேமுதிக பொதுச்செயலாளர் பிரேமலதா குற்றம்சாட்டியுள்ளார். மதிய உணவு இடைவேளைக்குப் பின் 2 மணி நேரம் வாக்கு எண்ணிக்கையை ஆட்சியர் நிறுத்தியதாகக் கூறிய அவர், மறு வாக்கு எண்ணிக்கை கோரியதை தேர்தல் அதிகாரிகள் ஏற்கவில்லை என்று சாடினார். அத்துடன், ஆட்சியருக்கு அழுத்தம் கொடுத்தது யார் எனவும் அவர் கேள்வி எழுப்பினார்.
News June 6, 2024
மறுவாக்கு எண்ணிக்கை கோரும் தேமுதிக
விருதுநகர் தொகுதியில் மறு வாக்கு எண்ணிக்கை நடத்தக்கோரி தேர்தல் ஆணையத்தில் தேமுதிக சார்பில் மனு அளிக்கப்பட்டுள்ளதாக அக்கட்சியின் பொதுச் செயலாளர் பிரேமலதா கூறியுள்ளார். தொடர்ந்து பேசிய அவர், “13ஆவது சுற்றுக்குப் பின் வாக்கு எண்ணிக்கையில் முறைகேடு நடந்துள்ளது. ஆட்சியரே வந்து வாக்கு எண்ணிக்கையை நிறுத்தத் சொல்லி இருக்கிறார். அங்கு நடந்த குளறுபடிகள் குறித்து புகார் அளித்துள்ளோம்” எனத் தெரிவித்தார்.
News June 6, 2024
‘செட்’ தேர்வு தேதி குறிப்பிடாமல் ஒத்திவைப்பு
தொழில்நுட்பக் காரணங்களால் ‘செட்’ தேர்வு ஒத்திவைக்கப்படுவதாக மனோன்மணியம் சுந்தரனார் பல்கலைக்கழகம் அறிவித்துள்ளது. நாளை, நாளை மறுதினம் நடைபெறவிருந்த ‘செட்’ தேர்வு தேதி குறிப்பிடாமல் ஒத்திவைக்கப்பட்டுள்ளது. மறு தேர்வு தேதி விரைவில் அறிவிக்கப்படும் என எதிர்பார்க்கப்படுகிறது. கல்லூரிகள் மற்றும் பல்கலைக்கழகங்களில் உதவிப் பேராசிரியர் பணியிட சேர்க்கைக்காக ‘செட்’ தேர்வு நடத்தப்படுகிறது.
News June 6, 2024
டி20 கிரிக்கெட்டில் டேவிட் வார்னர் புதிய சாதனை
ஓமன் அணிக்கு எதிரான டி20 உலகக் கோப்பையில், ஆஸ்திரேலிய வீரர் டேவிட் வார்னர் புதிய சாதனை படைத்துள்ளார். இன்றைய போட்டியில், 6 Four, 1 Six என விளாசி 56(51) ரன்கள் குவித்தார். இதன் மூலம், சர்வதேச டி20 கிரிக்கெட்டில் அதிக ரன்கள் (3155 ரன்கள்) குவித்த முதல் ஆஸி., வீரர் என்ற பெருமையைப் பெற்றார். இதனால், முதலிடத்தில் இருந்த முன்னாள் வீரர் ஆரோன் ஃபின்ச், (3120 ரன்கள்) 2ஆவது இடத்திற்கு தள்ளப்பட்டார்.
News June 6, 2024
ஓபிஎஸ் அழைப்பை நிராகரித்த அதிமுக
அதிமுகவை முடக்க மற்ற கட்சித் தலைவர்களை ஓபிஎஸ் சந்தித்ததாக அக்கட்சியின் மூத்த தலைவர் கே.பி.முனுசாமி குற்றம் சாட்டியுள்ளார். இது குறித்து செய்தியாளர்களிடம் பேசிய அவர், அதிமுக தொண்டர்களுக்கு அழைப்பு விடுக்க ஓபிஎஸுக்கு உரிமையில்லை என தெரிவித்தார். அதிமுகவை முடக்க நீதிமன்றம் சென்றவர்தான் ஓபிஎஸ் எனவும், அதிமுகவுக்கு எதிராக பாஜகவுடன் இணைந்து ராமநாதபுரத்தில் போட்டியிட்டதையும் அவர் சுட்டிக் காட்டினார்.
News June 6, 2024
சசிகலா பெயரை உச்சரிக்க மறுத்த கே.பி.முனுசாமி
அதிமுகவில் குழப்பத்தை விளைவிக்க சிலர் அறிக்கை விடுவதாக, சசிகலாவை அக்கட்சியின் மூத்த தலைவர் கே.பி.முனுசாமி மறைமுகமாக சாடினார். மக்களவைத் தேர்தல் தோல்வியைத் தொடர்ந்து, அதிமுக தொண்டர்களுக்கு சசிகலா, ஓபிஎஸ் ஆகியோர் அழைப்பு விடுத்தனர். இது குறித்து பேசிய கே.பி.முனுசாமி, ஓபிஎஸ் பெயரை குறிப்பிட்டு நேரடியாக பதிலடி கொடுத்தார். அதே நேரம், சசிகலாவின் பெயரைக் குறிப்பிடாமல் மறைமுகமாக சாடினார்.
News June 6, 2024
‘Miss You’ படத்தின் ஃபர்ஸ்ட் லுக் வெளியானது
சித்தார்த் நடிக்கும் ‘மிஸ் யூ’ (Miss You) படத்தின் ஃபர்ஸ்ட் லுக் போஸ்டரை படக்குழு வெளியிட்டுள்ளது. ‘களத்தில் சந்திப்போம்’ பட இயக்குநர் ராஜசேகர் இயக்கும் இப்படத்திற்கு, ஜிப்ரான் இசையமைக்க உள்ளார். இந்தப் படம், முழுக்க முழுக்க காதல் கதைக்களத்தில் உருவாகவுள்ளது. ‘சித்தா’ பாடத்தின் வெற்றியைத் தொடர்ந்து, நீண்ட நாள்களுக்கு பிறகு காதல் கதைக்களத்தில் நடிக்க உள்ளதால், ரசிகர்கள் பெரும் ஆவலுடன் உள்ளனர்.
News June 6, 2024
இபிஎஸ் தலைமைக்கு சிக்கல் (1/3)
தமிழகம் & புதுச்சேரியில் 35 தொகுதிகளில் போட்டியிட்ட இபிஎஸ் தலைமையிலான அதிமுக ஒரு இடத்தில் கூட வெற்றி பெறவில்லை. 2017 ஆர்.கே நகர் இடைத்தேர்தலில் தொடங்கி உள்ளாட்சி, சட்டப்பேரவை, இடைத்தேர்தல் என தொடர் தோல்விகளை சந்தித்து வரும் இபிஎஸ் தலைமைக்கு நடந்து முடிந்த மக்களவைத் தேர்தல் பெரும் பின்னடைவை ஏற்படுத்தியுள்ளது. அதிமுக 7 தொகுதிகளில் டெபாசிட்டையும், 9 தொகுதிகளில் 2ஆம் இடத்தையும் இழந்துள்ளது.
News June 6, 2024
இபிஎஸ் தலைமைக்கு சிக்கல் (2/3)
அதிமுகவின் கொடி, சின்னம், சொத்துகள் என அனைத்தையும் இபிஎஸ் தன்வசம் வைத்திருக்கிறார். இருப்பினும் அவரால் அக்கட்சியை வெற்றிப்பாதைக்கு அழைத்து செல்ல முடியவில்லை. அதிமுகவின் கோட்டையாகக் கருதப்படும் கொங்கு மண்டலத்தில் கூட இம்முறை அக்கட்சியால் சோபிக்க முடியவில்லை. உள்கட்சி பூசல், 2ஆம் கட்ட தலைமைகளின் உள்ளடி வேலைகள், கூட்டணி குறைபாடு, நிர்வாக திறனின்மை போன்ற காரணங்களால் இபிஎஸ் தடுமாறி வருகிறார்.
Featured News
Sorry, no posts matched your criteria.