India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 7, 2024
ஒய்யாரமாக விரிந்து கிடக்கின்ற குக் தீவுகள்
தென் பசிபிக் பெருங்கடலில் பச்சைப் பசேல் என்று ஒய்யாரமாக விரிந்து கிடக்கின்றன குக் தீவுகள். 240 சதுர கிலோ மீட்டர் பரப்பளவில் இருக்கும் 15 தீவுகளை உள்ளடக்கிய இங்கு சுமார் 18 ஆயிரம் பேர் வசிக்கிறார்கள். ஆனால், வருடந்தோறும் 2-3 லட்சம் மக்கள் சுற்றுலாப் பயணிகளாக இங்கு வருகை தருகிறார்கள். இதன் பாதுகாப்பு, வெளியுறவு போன்றவை நியூசிலாந்தின் பொறுப்பில் இருந்தாலும் குக் தீவுகள் தனித்து இயங்குகின்றன.
News June 7, 2024
BE – 2ம் ஆண்டு சேர்க்கைக்கான அறிவிப்பு
பி.இ, பி.டெக் உள்ளிட்ட பொறியியல் மற்றும் தொழில்நுட்ப படிப்புகளுக்கான நேரடி 2ம் ஆண்டு சேர்க்கைக்கு விண்ணப்பிக்கலாம் என அண்ணா பல்கலைகழகம் அறிவித்துள்ளது. டிப்ளோமா பட்டயப்படிப்பு, பி.எஸ்சி. தேர்ச்சி பெற்றவர்கள் நாளை முதல் விண்ணபிக்கலாம். அதேபோல் முதலாமாண்டு பொறியியல் சேர்க்கைக்கான ஆன்லைன் விண்ணப்ப பதிவு இன்றுடன் நிறைவடைகிறது. பொறியியல் படிப்புகளில் சேர இதுவரை 2.42 லட்சம் பேர் விண்ணப்பித்துள்ளனர்.
News June 7, 2024
மோடியை சந்திக்க நேரம் கேட்ட ஓபிஎஸ்
மக்களவைத் தேர்தல் பிரசாரத்துக்காக தமிழகம் வந்த பிரதமர் மோடியை சந்திக்க முன்னாள் முதல்வர் ஓபிஎஸ் விரும்பிய போது, அவர் நேரம் தரவில்லை எனக் கூறப்படுகிறது. இந்நிலையில் மோடியை சந்திக்க நேரம் பெற்றுத் தரும்படி பாஜக மூத்த தலைவரும் மத்திய அமைச்சருமான பியூஷ் கோயலிடம் அவர் தரப்பு கோரிக்கை வைத்துள்ளதாகத் தகவல் வெளியாகியுள்ளது. ஆனால் என்ன காரணத்துக்காக சந்திக்க விரும்புகிறார் எனத் தெரியவில்லை.
News June 7, 2024
14 ஆண்டுகளுக்கு பிறகு பதிலடி கொடுத்த சவுரப்
PAK-க்கு எதிரான 11ஆவது லீக் போட்டியில் USA அணியின் வெற்றிக்கு இந்திய வம்சாவளி வீரர் சவுரப் நேத்ராவால்கர் முக்கிய பங்காற்றினார். 2010 ஐசிசி U-19 உலகக் கோப்பையில் இந்தியாவுக்காக விளையாடிய சவுரப் 6 போட்டிகளில் 9 விக்கெட்டுகளை வீழ்த்தினார். எனினும், இறுதிப்போட்டியில் இந்தியா அணி PAK-அணியிடம் தோல்வியடைந்தது. 14 ஆண்டுகள் கழித்து அதற்கு பழிவாங்கும் விதத்தில், PAK அணியை சூப்பர் ஓவரில் அவர் வீழ்த்தினார்.
News June 7, 2024
உள்ளாட்சித் தேர்தல்: விசிக புதுத் திட்டம்
நடந்து முடிந்த மக்களவைத் தேர்தலில் போட்டியிட்ட 2 தொகுதிகளிலும் வெற்றி வாகை சூடிய விசிக, உள்ளாட்சித் தேர்தல் குறித்து புதுத் திட்டம் வகுத்துள்ளதாகத் தகவல் வெளியாகியுள்ளது. திமுக, அதிமுக என எந்த கூட்டணியில் சேர்ந்து போட்டியிட்டாலும், அதிக இடங்களை கேட்க வேண்டும் என்றும், குறிப்பாக வடதமிழகத்தில் அதிக இடங்களை கேட்க அக்கட்சி திட்டமிட்டு இருப்பதாகச் சொல்லப்படுகிறது.
News June 7, 2024
ஹீரோ-ஹீரோயினாக நடித்த எம்.பி.,க்கள்
பாலிவுட்டில் ரீல் ஜோடியாக நடித்த இருவர், மக்களவைக்கு ரியல் எம்.பி.க்களாக காலடி எடுத்து வைக்கவுள்ளனர். அதாவது, 2011இல் வெளிவந்த ‘மைலே நா மைலே ஹம்’ படத்தில் ஜோடியாக சிராக் பாஸ்வான் – கங்கனா ரனாவத் நடித்துள்ளனர். ராம்விலாஸ் பாஸ்வானின் மறைவுக்குப் பிறகு சிராக் எல்.ஜே.பியின் தலைவரானார். பாலிவுட்டில் நடித்துவந்த கங்கனா, அரசியல் ஆர்வம் காரணமாக பாஜகவில் இணைந்து, மண்டியில் போட்டியிட்டு வென்றார்.
News June 7, 2024
BREAKING: டெல்லி நாடாளுமன்றம் அருகே பரபரப்பு
நாடாளுமன்ற கட்டடத்திற்குள் சட்ட விரோதமாக மூன்று பேர் நுழைய முயன்றதால் டெல்லியில் பதற்றமான சூழ்நிலை ஏற்பட்டுள்ளது. காஸிம், மோஸின் & ஸோயப் ஆகியோர் 3ஆம் எண் கேட் வழியே நாடாளுமன்றத்துக்குள் நுழைய முயன்றபோது, போலீசார் தடுத்து நிறுத்தி சோதனை செய்தனர். அப்போது, அவர்கள் போலி ஆதார் அட்டையை காட்டியது தெரியவந்தது. இதனையடுத்து, அம்மூவர் கைது செய்யப்பட்டதாக தகவல் வெளியாகியுள்ளது.
News June 7, 2024
தேர்தல் முடிவு தினத்தில் இபிஎஸ் சேலம் சென்றது ஏன்?
மக்களவைத் தேர்தல் முடிவுகள் வெளியான 4ஆம் தேதி இபிஎஸ் சேலத்தில் இருந்தார். முடிவு எப்படி இருக்கும் என ஓரளவு அவர் கணித்து இருந்ததாகவும், இதனால் சென்னையில் இருந்தால் தலைமைக் கழகம் சென்று செய்தியாளர்களின் கேள்விகளுக்கு பதில் அளிக்க வேண்டிய சூழல் ஏற்படும் என கருதி, ஜெயக்குமாரிடம் பதிலளிக்க வேண்டிய பொறுப்பை ஒப்படைத்து விட்டு அவர் சேலத்துக்கு சென்றதாகவும் அதிமுக வட்டாரத் தகவல்கள் கூறுகின்றன.
News June 7, 2024
ஆஸ்துமா பரப்புகிறதா கோனோகார்பஸ் தாவரம்?
அமெரிக்காவின் புளோரிடா கடலோரப் பகுதியில் வளரும் சதுப்பு நிலத் தாவரமான கோனோகார்பஸ் தாவரம், தமிழகத்தின் பல்வேறு பூங்காக்கள், சாலைகளில் நடப்பட்டுள்ளன. இதில் பூக்கும் பூக்களில் இருந்து வெளியாகும் மகரந்த வாசனை, ஆஸ்துமா உள்ளிட்ட சுவாசப் பிரச்னைகளை ஏற்படுத்துவதாகவும், பூமிக்கு அடியில் உள்ள கேபிள்கள், குழாய்களை அதன் வேர்கள் சேதபடுத்துவதாகவும் இயற்கை ஆர்வலர்கள் குற்றம் சாட்டுகின்றனர்.
News June 7, 2024
கருணாநிதியை மோடி புகழ்ந்ததன் பின்னணி
ஜுன் 3 கருணாநிதி பிறந்தநாள் அன்று அவரை புகழ்ந்து பிரதமர் மோடி பதிவு வெளியிட்டு இருந்தார். தேர்தல் பிரசாரத்தில் திமுகவை கடுமையாக விமர்சித்து விட்டு, அவர் இவ்வாறு புகழ்ந்து பதிவு வெளியிட்டதற்கு பல காரணங்கள் கூறப்படுகிறது. மக்களவைத் தேர்தலில் பெரும்பான்மை கிடைக்காதபட்சத்தில், திமுகவின் ஆதரவை பெறலாம் என்ற முன்யோசனைத் திட்டத்துடனேயே மோடி இந்த பதிவை வெளியிட்டதாக சொல்லப்படுகிறது.
Featured News
Sorry, no posts matched your criteria.