India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 11, 2024
IPL: புதிய சாதனை படைத்த ஷிவம் துபே
குஜராத்துக்கு எதிரான ஐபிஎல் போட்டியில், CSK வீரர் ஷிவம் துபே புதிய சாதனை படைத்துள்ளார். நேற்றைய போட்டியில் 1 சிக்சர் அடித்த அவர், ஐபிஎல் வரலாற்றில் குறைந்த பந்துகளில் அதிக சிக்சர்கள் அடித்த முதல் இந்திய வீரர் என்ற புதிய மைல்கல்லை எட்டியுள்ளார். அவர் 992 பந்துகளில் 100 சிக்சர்கள் விளாசியுள்ளார். அவருக்கு அடுத்தபடியாக, மும்பை கேப்டன் ஹர்திக் பாண்டியா 1046 பந்துகளில் 100 சிக்சர்கள் அடித்துள்ளார்.
News May 11, 2024
CBSE: +1, +2 பொதுத் தேர்வு முடிவுகள் எப்போது?
CBSE பள்ளிகளில் படித்த 10, 12ஆம் வகுப்பு மாணவர்களின் பொதுத் தேர்வு முடிவுகள், எப்போது வேண்டுமானாலும் வெளியாகலாம் எனத் தேர்வு வாரிய அதிகாரி சாஹா தெரிவித்துள்ளார். இதுகுறித்து பேசிய அவர், தேர்வு முடிவுகள் மற்றும் அறிவிப்பு பணிகளில் CBSE வாரியம் ஈடுபட்டு வருவதால், முடிவுகளை எப்போது வேண்டுமானாலும் அறிவிக்கலாம் என்றும், அறிவிப்பிற்கான சரியான தேதியை இப்போது தெரிவிக்க முடியாது என்றும் கூறினார்.
News May 11, 2024
வெஸ்ட் நைல் வைரஸின் அறிகுறிகள்
காய்ச்சல், தலைவலி, வாந்தி, உடல்வலி போன்றவை வெஸ்ட் நைல் வைரஸின் அறிகுறிகளாகும். மூளைக் காய்ச்சல் போன்ற பாதிப்பு இருப்பின் உடனே பரிசோதனைக்கு உட்படுத்த வேண்டும் என்று தமிழக பொது சுகாதாரத்துறை தெரிவித்துள்ளது. எலைசா மற்றும் ஆர்.டி.பி.சி.ஆர் பரிசோதனைகள் மூலம் வெஸ்ட் நைல் வைரஸ் (West Nile virus) பாதிப்பு இருப்பதை கண்டறியலாம் என்றும் அறிவுறுத்தியுள்ளது.
News May 11, 2024
ஆபாச வீடியோவை வெளியிட்ட பாஜக நிர்வாகி கைது
கர்நாடக எம்.பி பிரஜ்வால் ரேவண்ணாவின் ஆபாச வீடியோக்களை வெளியிட்ட விவகாரத்தில் பாஜக நிர்வாகி தேவராஜே கவுடா கைது செய்யப்பட்டுள்ளார். இதுதொடர்பாக பாஜக தலைமைக்கு கடிதம் எழுதியதோடு, வீடியோக்கள் வெளியே வர காரணமாகவும் இருந்தார். 2019இல் ஹாசன் தொகுதியில் பிரஜ்வாலுக்கு எதிராக இவர் போட்டியிட்டது குறிப்பிடத்தக்கது. வெளிநாட்டில் பதுங்கியுள்ள பிரஜ்வாலை இன்டர்போல் அதிகாரிகள் தீவிரமாக தேடி வருகின்றனர்.
News May 11, 2024
விடாமுயற்சி, குட் பேட் அக்லி அடுத்தடுத்து ரிலீஸ்?
அஜித்தின் ‘விடாமுயற்சி’, ‘குட் பேட் அக்லி’ படங்கள் அடுத்தடுத்து வெளியாகவுள்ளதாகத் தகவல் கசிந்துள்ளது. ஆதிக் ரவிச்சந்திரன் இயக்கும் குட் பேட் அக்லி படத்தை 2025 பொங்கலுக்கு வெளியிடப் போவதாக ஏற்கெனவே அறிவித்த நிலையில், நேற்று ஹைதராபாத்தில் அதன் படப்பிடிப்பு தொடங்கியது. இந்நிலையில், மகிழ்திருமேனி இயக்கும் விடாமுயற்சி படத்தை, வரும் அக். 31ஆம் தேதி வெளியிடப் படக்குழு திட்டமிட்டுள்ளதாகக் கூறப்படுகிறது.
News May 11, 2024
ஆவணதாரர்களை அலைக்கழிக்க கூடாது
பதிவிற்காக தாக்கல் செய்யப்படும் ஆவணங்களில் உள்ள சிறு பிழைகளுக்காக ஆவணதாரர்களை அலைக்கழிக்கக் கூடாது என பதிவுத்துறை உத்தரவிட்டுள்ளது. ஆவணதாரர்கள் அலைக்கழிக்கப்படுவதாக புகார் எழுந்த நிலையில், பதிவு அலுவலகங்களில் தாக்கல் செய்யப்படும் ஆவணங்கள் தொடர்பான தகவல்களை உரியவர்களுக்கு தெரிவிக்க வேண்டும் என்றும் உடனுக்குடன் சரி செய்யத்தக்க பிழைகளுக்காக ஆவணதாரர்களை அலைகழிக்க கூடாது எனவும் அறிவுறுத்தப்பட்டுள்ளது.
News May 11, 2024
West Nile virus: மக்கள் பீதியடைய வேண்டாம்
கேரளாவில் வெஸ்ட் நைல் வைரஸ் பரவியதை அறிந்த தமிழக மக்கள் பீதியடைய வேண்டாம் என தமிழக பொது சுகாதாரத்துறை வேண்டுகோள் விடுத்துள்ளது. வெஸ்ட் நைல் வைரஸ் என்பது க்யூலக்ஸ் வகை கொசுக்களால் பரவக் கூடியது. இந்த வைரஸ் தாக்குதலுக்கு ஆளாகும் மக்களில் 80% பேருக்கு அறிகுறிகள் காணப்படுவது இல்லை. ஆனால் ஒரு சிலருக்கு காய்ச்சல், கழுத்து விரைப்பு, கோமா, பக்கவாதம், மூளைக் காய்ச்சல் ஏற்படும் எனத் தெரிவித்துள்ளது.
News May 11, 2024
முதல் நாளில் ₹5 கோடி வசூலித்த ‘ஸ்டார்’
இளன் இயக்கத்தில் கவின் நடித்துள்ள ‘ஸ்டார்’ திரைப்படம், ரசிகர்களிடையே நல்ல வரவேற்பை பெற்று வருகிறது. முதல் நாளான நேற்று, தமிழகத்தில் ₹4 கோடியும், உலகம் முழுவதும் ₹5 கோடியும் வசூலித்துள்ளதாகத் தகவல் கசிந்துள்ளது. இதுவே கவின் நடித்த படங்களில், அதிகபட்ச முதல் நாள் வசூலாகும். நடிகராக ஆசைப்படும் ஒரு இளைஞன், தனது பயணத்தில் எதிர்கொள்ளும் போராட்டங்களை இப்படம் உணர்ச்சி பூர்வமாக சொல்லியிருக்கிறது.
News May 11, 2024
BREAKING: 14ஆம் தேதி 11ஆம் வகுப்பு தேர்வு முடிவு
11ஆம் வகுப்பு பொதுத்தேர்வு முடிவுகள் வரும் 14ஆம் தேதி (செவ்வாய்க்கிழமை) காலை 9.30 மணிக்கு வெளியாகும் என்று அரசுத் தேர்வுகள் இயக்ககம் அறிவித்துள்ளது. இத்தேர்வு தொடர்பான புள்ளி விவரங்கள் அடங்கிய பகுப்பாய்வு அறிக்கையை www.dge.tn.nic.in என்ற இணையதளம் வழியாக பதிவிறக்கம் செய்து கொள்ளலாம். தேர்வு முடிவு வெளியான பின், துணைத்தேர்வு தேதிகள் அறிவிப்பு வெளியாகும்.
News May 11, 2024
‘கருடன்’ திரைப்படம் இம்மாதம் வெளியீடு
சசிகுமார், சூரி இணைந்து நடிக்கும் ‘கருடன்’ திரைப்படம், இம்மாதம் (மே) வெளியாக உள்ளதாக படக்குழு அறிவித்துள்ளது. வெற்றிமாறன் எழுதியுள்ள இந்தக் கதையை, துரை செந்தில்குமார் இயக்கியுள்ளார். குமார் தயாரித்துள்ள இப்படத்தில், உன்னி முகுந்தன், சமுத்திரக்கனி, மைம் கோபி உள்ளிட்ட பலர் நடித்துள்ளனர். யுவன் சங்கர் ராஜா இசையமைக்கும் இப்படத்தின் ட்ரெய்லர் விரைவில் வெளியாகவுள்ளதாகத் தகவல்கள் கசிந்துள்ளன.
Featured News
Sorry, no posts matched your criteria.