News June 4, 2024

பாஜக 300 இடங்களை தாண்டினால்…

பாஜக கூட்டணி 300 தொகுதிகளுக்கு மேல் வென்றால், அது மக்கள் அளித்த வாக்காக இருக்க வாய்ப்பில்லை என்று காங்கிரஸ் மூத்த தலைவர் திக்விஜய் சிங் கூறியுள்ளார். போபாலில் பேசிய அவர், “தேர்தலில் INDIA கூட்டணி 295 இடங்களில் வெற்றி பெறும். அதுதான் மக்கள் அளித்த தீர்ப்பு. பாஜக வெல்ல வாய்ப்பே இல்லை. ஒருவேளை பாஜக வென்றால், அது மின்னணு வாக்குப்பதிவு இயந்திரம் செலுத்திய வாக்காகத்தான் இருக்கும்” என்றார் .

News June 4, 2024

NDA- 343, INDIA – 200.. சூதாட்டக்காரர்கள் கணிப்பு

நாடு முழுவதும் 2 வாரங்களுக்கு முன்பே மக்களவை தேர்தல் முடிவுகள் தொடர்பான சூதாட்ட சந்தை தொடங்கிவிட்டது. குறிப்பாக, டெல்லியில் உள்ள சூதாட்டக்காரர்கள் பாஜக தலைமையிலான NDA கூட்டணிக்கு 341- 343 இடங்கள் கிடைக்கும் என்றும் INDIA கூட்டணிக்கு 198 முதல் 200 இடங்கள் கிடைக்கும் என்றும் கணித்துள்ளனர். பாஜக தனியாக 310-313 இடங்களிலும், காங். தனியாக 57-59 இடங்களிலும் வெற்றி பெறும் என அவர்கள் கணித்துள்ளனர்.

News June 4, 2024

நீலகிரி தொகுதி யாருக்கு சாதகம்?

கோவை, திருப்பூர் உள்பட 4 மாவட்டங்களை உள்ளடக்கிய நீலகிரி தொகுதியில், ஆ.ராசா சிட்டிங் எம்.பியாக இருக்கிறார். திமுக சார்பில் அவர் மீண்டும் போட்டியிடுகிறார். பாஜக சார்பில் எல்.முருகன், அதிமுக சார்பில் லோகேஷ் தமிழ்ச்செல்வன் களம் கண்டனர். 8 முறை காங்., 3 முறை திமுக வென்ற இத்தொகுதியில் அதிமுக, பாஜக தலா 2 முறை வென்றுள்ளன. இத்தொகுதி, இம்முறையும் ஆ.ராசாவுக்கு சாதகமாகவே இருக்கும் என்ற கருத்து நிலவுகிறது.

News June 4, 2024

விளவங்கோட்டில் வெற்றியைத் தக்கவைக்குமா காங்.,?

மக்களவைத் தேர்தலுடன் விளவங்கோடு சட்டமன்ற இடைத்தேர்தலில் பதிவான வாக்குகளும் இன்று எனப்படுகின்றன. இத்தொகுதியில், 3 முறை MLA.,வாக இருந்த விஜயதாரணி (காங்.,) பாஜகவில் இணைந்ததையடுத்து தனது பதவியை ராஜினாமா செய்தார். இதையடுத்து மக்களவைத் தேர்தலுடன் இத்தொகுதிக்கும் வாக்குப்பதிவு நடைபெற்றது. இன்று வாக்கு எண்ணிக்கை நடைபெறும் நிலையில், காங்., வெற்றியைத் தக்கவைக்குமா என்ற எதிர்பார்ப்பு நிலவி வருகிறது.

News June 4, 2024

வாக்கு எண்ணும் முறை (3)

▶வாக்கு எண்ணிக்கை மையத்தில் பொருத்தப்பட்டுள்ள சிசிடிவி கேமரா மூலம் தேர்தல் அதிகாரிகள் கண்காணிப்பார்கள். ▶EVM-இன் சீல் அகற்றம், VVPAT எந்திரத்தில் பதிவான வாக்குகளில் வேறுபாடு இருந்தால் எண்ணிக்கை நிறுத்தப்படும். ▶VVPAT எந்திரத்தில் உள்ள ஒப்புகைச் சீட்டுடன் சரிபார்த்து மீண்டும் வாக்கு எண்ணிக்கை தொடங்கப்படும். ▶வெற்றி மற்றும் முன்னிலை தொடர்பான தகவல்களை results.eci.gov.in என்ற இணையதளத்தில் காணலாம்.

News June 4, 2024

வாக்கு எண்ணும் முறை (2)

▶வாக்குப்பதிவு நேரம், எந்திரத்தின் தனி அடையாள எண் உள்ளிட்டவற்றை அரசியல் கட்சி முகவர்கள் சரி பார்ப்பார்கள். ▶எந்திரத்தில் பதிவான வாக்குகளும், 17-சி படிவத்தில் உள்ள பதிவு விவரங்களும் சரி பார்க்கப்படும். ▶காலை 8.30 மணிக்கு மின்னனு இயந்திரங்களில் பதிவான வாக்குகள் எண்ணும் பணி தொடங்கும். ▶ஒவ்வொரு மேஜையில் நடைபெறும் வாக்கு எண்ணிக்கைகளும் வீடியோ கேமரா மூலம் பதிவு செய்யப்படும்.

News June 4, 2024

வாக்கு எண்ணும் முறை (1)

▶சட்டப்பேரவை தொகுதி வாரியாக வாக்கு எந்திரங்கள் வைக்கப்பட்டுள்ள அறைகள் திறக்கப்படும். ▶பதிவான வாக்குகளின் அடிப்படையில், 7 – 14 மேஜைகள் அமைக்கப்பட்டு வாக்கு எண்ணிக்கை நடைபெறும். ▶வாக்கு எண்ணும் முகவர்கள் பணி முடிந்து முடிவு வரும் வரை வெளியே செல்ல கூடாது. ▶1 லட்சம் காவல்துறையினர் பாதுகாப்பு பணியில் ஈடுபடவுள்ளனர். ▶மத்திய ஆயுதக்காவல் படைகளைச் சேர்ந்த 15 அமைப்புகளிலிருந்தும் பணியில் ஈடுபடவுள்ளனர்.

News June 4, 2024

https://d29i5havsxvi1j.cloudfront.net/elecresult/election-result-2024.html?lang_id=2&states=TN%20Loksabha,National

News June 4, 2024

அண்ணாமலைக்கு பிறந்தநாள் பரிசாக கோவை கிடைக்குமா?

தமிழக பாஜக தலைவர் அண்ணாமலைக்கு இன்று பிறந்த நாள் ஆகும். இந்நாளில் அவர் போட்டியிடும் கோவை தொகுதியின் வாக்கு எண்ணிக்கையும் நடைபெறுகிறது. அவரை எதிர்த்து திமுகவின் கணபதி ராஜ்குமாரும், அதிமுகவின் சிங்கை ராமச்சந்திரனும் போட்டியிடுகின்றனர். அவர்களை அண்ணாமலை வீழ்த்துவாரா? பிறந்த நாள் பரிசாக கோவை வெற்றியை அண்ணாமலைக்கு மக்கள் அளிப்பார்களா? என்பது இன்று பிற்பகலுக்குள் தெரிய வரும்.

News June 4, 2024

ஜனநாயக தேர்தலில் வெற்றிப்பெறபோவது யார்?

தமிழகம் முழுவதும் மக்களவைத் தேர்தலில் பதிவான வாக்கு எண்ணிக்கை இன்னும் சற்றுநேரத்தில் தொடங்கவுள்ளது. முதலில் தபால் வாக்குகள் எண்ணப்பட்டு, முடிவுகள் உடனுக்குடன் அறிவிக்கப்படும். அதன்பின், 8.30 மணியளவில் தேர்தலில் பதிவான வாக்கு எண்ணிக்கை தொடங்கும். களத்தில் திமுக +, அதிமுக +, பாஜக +, நாதக என நான்குமுனை போட்டி நிலவுகிறது. இதில் யார் வெற்றி பெறுவார்கள் என்பது மதியத்திற்கு மேல் தெரிய வரும்.