India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 6, 2024
அண்ணாமலை கருத்துக்கு தமிழிசை எதிர்ப்பு
2026 சட்டமன்றத் தேர்தலில் அதிமுகவுடன் கூட்டணி கிடையாது என அண்ணாமலை அறிவித்திருந்தார். இந்நிலையில், 2026இல் அதிமுகவுடன் கூட்டணி உண்டா?, இல்லையா? என்பதை டெல்லி பாஜக தலைமை தான் முடிவு செய்யும் எனக் கூறிய தமிழிசை, அதிமுகவுடன் பாஜக கூட்டணி வைத்திருந்தால் திமுகவுக்கு தற்போது கிடைத்துள்ள இடங்கள் கிடைத்திருக்காது என்பதை ஒத்துக் கொண்டுதான் ஆக வேண்டும் எனவும் அண்ணாமலை கருத்துக்கு பதிலடி கொடுத்துள்ளார்.
News June 6, 2024
அண்ணாமலைக்கு எந்த அருகதையும் இல்லை: அதிமுக
இபிஎஸ் குறித்தும், எஸ்.பி.வேலுமணி குறித்தும் பேசுவதற்கு அண்ணாமலைக்கு எந்த தகுதியும் இல்லை என அதிமுக ஐ.டி.விங் பதிலடி கொடுத்துள்ளது. ஒரு இடத்தில் கூட வெற்றிபெறாத அதிமுக, பாஜவுடன் சேர்ந்தால் மட்டும் எப்படி வெற்றிபெறும் என அண்ணாமலை கூறிய நிலையில், ஆடு, ஓநாய், நரி என எது வந்தாலும் அதிமுகவை அசைத்துக்கூட பார்க்க முடியாது என ஐ.டி.விங் கடுமையாக கண்டனம் தெரிவித்துள்ளது.
News June 6, 2024
நிமிஷா சஜயனை ட்ரோல் செய்யும் பாஜகவினர்
சிஏஏ சட்டத்திற்கு எதிராக 2019ஆம் ஆண்டு நடைபெற்ற போராட்டத்தில் பங்கேற்ற நடிகை நிமிஷா சஜயன், “திருச்சூரைக் கூட தராத நாங்கள், இந்தியாவை பாஜகவிடம் தந்துவிடுவோமா?” என பேசியிருந்தார். திருச்சூரில் பாஜக வேட்பாளர் சுரேஷ் கோபி இருமுறை தோல்வியுற்றதை அவர் மறைமுகமாக சாடியிருந்தார். இந்நிலையில், சுரேஷ் கோபி தற்போது வெற்றிபெற்றுள்ளதை குறிப்பிட்டு, பாஜக தொண்டர்கள் அவரை இணையத்தில் ட்ரோல் செய்து வருகின்றனர்.
News June 6, 2024
BREAKING: தமிழக பாஜகவில் வெடித்தது பஞ்சாயத்து
உட்கட்சி தலைவர்களை விமர்சிக்கும் பாஜக ஐடி விங் மற்றும் அண்ணாமலை வார் ரூம் குழுக்களுக்கு தமிழிசை பகிரங்க எச்சரிக்கை விடுத்துள்ளார். தன்னை பற்றி அவதூறு பரப்பும் பாஜக இணையதளவாசிகள் மீது, முன்னாள் தலைவர் என்ற முறையில் கடும் ஒழுங்கு நடவடிக்கை எடுக்கப்படும் என எச்சரித்த அவர், அதிமுகவுடன் கூட்டணி வைத்திருந்தால் பாஜகவுக்கு அதிக இடங்களில் வெற்றி கிடைத்திருக்கும் என்றும் கருத்து தெரிவித்துள்ளார்.
News June 6, 2024
சவுக்கு சங்கர் மீது தனிப்பட்ட பகைமை இல்லை: காவல்துறை
சவுக்கு சங்கர் மீதான குண்டர் சட்டத்தை எதிர்த்த வழக்கை, ஆட்கொணர்வு மனுவை விசாரிக்கும் டிவிஷன் அமர்வுக்கு மாற்ற சென்னை உயர் நீதிமன்றம் பரிந்துரைத்துள்ளது. முன்னதாக, சவுக்கு சங்கர் மீது காவல்துறையினருக்கு எந்த தனிப்பட்ட பகைமை உணர்வும் இல்லை என சென்னை உயர் நீதிமன்றத்தில் பதில் மனு தாக்கல் செய்துள்ள காவல் ஆணையர், அவரிடம் கைப்பற்றப்பட்ட கஞ்சா அளவு வணிக அளவில் இருந்ததாக தெரிவித்துள்ளார்.
News June 6, 2024
40 ஆண்டுகளுக்கு பிறகு அலகாபாத்தில் காங்., வெற்றி
40 ஆண்டுகளுக்கு பிறகு அலகாபாத் தொகுதியில் காங்கிரஸ் வென்றுள்ளது. இத்தொகுதியில் போட்டியிட்ட காங்கிரஸை சேர்ந்த உஜ்வல் ராமன் சிங் 60 ஆயிரம் வாக்குகள் வித்தியாசத்தில், பாஜக வேட்பாளர் நீரஜ் திரிபாதியை வென்றுள்ளார். இத்தொகுதியில் கடைசியாக 1984இல் காங்கிரஸ் சார்பாக நடிகர் அமிதாப் பச்சன் வெற்றி பெற்றிருந்தார். முன்னாள் பிரதமர் சாஸ்திரி 1957 மற்றும் 1962 தேர்தலில் காங்கிரஸ் சார்பில் வெற்றிபெற்றார்.
News June 6, 2024
சபாநாயகர் பதவியை கொடுக்க மறுக்கும் பாஜக?
தெலுங்கு தேசம் கட்சிக்கு சபாநாயகர் பதவி வழங்க பாஜக மறுப்பதாக தகவல் வெளியாகியுள்ளது. பாஜகவை சேர்ந்த ஒருவருக்கு சபாநாயகர் பதவியை வழங்குவதில் அமித் ஷா மற்றும் நட்டா உறுதியாக இருப்பதாக கூறப்படுகிறது. தெலுங்கு தேசம் மற்றும் ஐக்கிய ஜனதா தளம் கட்சிகள் சபாநாயகர் பதவி மீது ஆர்வம் காட்டி வருகின்றன. எம்பிக்களை பதவி நீக்கம் செய்வதில், சபாநாயகரே இறுதி முடிவு எடுக்க முடியும் என்பது குறிப்பிடத்தக்கது.
News June 6, 2024
அதிமுகவுடன் கூட்டணி கிடையாது: பகிரங்க அறிவிப்பு
மீண்டும் அதிமுகவுடன் கூட்டணி வைப்பீர்களா? என்று பாஜக தலைவர் அண்ணாமலையிடம் செய்தியாளர்கள் கேள்வி எழுப்பினர். அதற்கு, 2026 சட்டமன்றத் தேர்தலில் அதிமுகவுடன் கூட்டணி கிடையாது என்று அவர் பகிரங்கமாக அறிவித்துள்ளார். இதனால், 2026 சட்டமன்றத் தேர்தலில் திமுக, அதிமுக, பாஜக, நாம் தமிழர் மற்றும் புதிய கட்சி தொடங்கியுள்ள விஜய்யின் தவெக என ஐந்து முனை போட்டி நிலவ வாய்ப்புள்ளது.
News June 6, 2024
X தளத்தின் புதிய அப்டேட்டால் பயனர்கள் அதிர்ச்சி
எக்ஸ் (X) தளத்தில் ஆபாச பதிவுகளை பதிவிடும் புதிய அப்டேட்டால், பயனர்கள் அதிர்ச்சி அடைந்துள்ளனர். இதில் ஒருவரை துன்புறுத்தும் காட்சிகள், அனுமதியின்றி வற்புறுத்தும் காட்சிகள், 18 வயதுக்கு கீழ் உள்ளவர்களை பாதிக்கும் பதிவுகள் அனுமதிக்கப்படாது என்றும், ஆபாசமான புகைப்படங்களை ப்ரொஃபைல் பிக்-ஆக வைக்க முடியாது என்றும் தெரிவிக்கப்பட்டுள்ளது. 18 வயதிற்கு கீழ் உள்ளவர்கள், இந்த பதிவுகளை பார்க்க முடியாது.
News June 6, 2024
நாளை ரீ-ரிலீஸ் ஆகும் ‘இந்தியன்’
கமல் நடித்த இந்தியன் திரைப்படம், நாளை உலகம் முழுவதும் ரீ-ரிலீஸ் செய்யப்படவுள்ளதாக சக்தி பிலிம் பேக்டரி நிறுவனம் அறிவித்துள்ளது. இந்தியன் 2 திரைப்படம் வரும் ஜூலை 17ஆம் தேதி திரைக்கு வரவுள்ள நிலையில், அதற்கு முன்னதாக முதல் பாகத்தை ரசிகர்களுக்கு நினைவுகூறும் முயற்சியில் தயாரிப்பு நிறுவனம் இறங்கியுள்ளது. இந்தியன் 2 வெளியீட்டிற்கு பிறகு, அடுத்த 3 மாதங்களில் இந்தியன் 3 வெளியாகவுள்ளதாக கூறப்படுகிறது.
Featured News
Sorry, no posts matched your criteria.