India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 2, 2024
இந்திய அணி அச்சமின்றி விளையாட வேண்டும்: கங்குலி
டி20 உலகக் கோப்பை போட்டியில் இந்திய அணி அச்சமின்றி விளையாட வேண்டும் என்று பிசிசிஐ முன்னாள் தலைவர் சவுரவ் கங்குலி அறிவுரை கூறியுள்ளார். அமெரிக்காவில் அமைக்கப்பட்டு இருக்கும் செயற்கை ஆடுகளங்கள் பேட்டிங்கிற்கு உகந்ததாக இருக்கும் எனக் கூறிய அவர், அபாரமான ஃபார்மில் உள்ள இந்திய அணி, டி20 உலகக் கோப்பை தொடரில் வெற்றி, தோல்வியை பற்றி சிந்திக்காமல் விளையாட வேண்டும் என அறிவுறுத்தினார்.
News June 2, 2024
சுனிதா வில்லியம்ஸ் விண்வெளி பயணம் மீண்டும் ரத்து
இந்திய வம்சாவளி அமெரிக்க வீராங்கனை சுனிதா வில்லியம்ஸ் உள்பட 2 பேர் ஸ்டார்லைனர் விண்கலம் மூலம் சர்வதேச விண்வெளி நிலையத்துக்கு செல்ல திட்டமிட்டிருந்தனர். ஆனால் கடைசி 3 நிமிடங்களுக்கு முன்பு ரத்து செய்யப்பட்டது. இன்று மீண்டும் முயற்சி மேற்கொள்ளப்படும் எனத் தெரிவிக்கப்பட்டுள்ளது. சுனிதா 2 முறை விண்வெளி சென்று 322 நாள்கள் சர்வதேச விண்வெளி நிலையத்தில் தங்கிய அனுபவம் பெற்றவராவார்.
News June 2, 2024
அருணாச்சல், சிக்கிமில் வாக்கு எண்ணிக்கை தொடக்கம்
அருணாச்சல பிரதேசம், சிக்கிம் மாநில சட்டப்பேரவை தேர்தலுக்கான வாக்கு எண்ணிக்கை தொடங்கியது. அருணாச்சலில் மொத்தமுள்ள 60 சட்டப்பேரவை தொகுதிகளிலும், சிக்கிமில் மொத்தமுள்ள 32 தொகுதிகளிலும் வாக்குப்பதிவு நடந்தது. இதற்கான வாக்கு எண்ணிக்கை ஜூன் 4இல் தான் நடைபெற இருந்தது. எனினும், இரு மாநில பேரவைகளின் பதவிக்காலம் இன்றுடன் முடிவதால் முன்கூட்டியே எண்ணிக்கை நடக்கிறது. முதலில் தபால் வாக்குகள் எண்ணப்படுகின்றன.
News June 2, 2024
அரச வாழ்வை அருளும் கோட்டை பைரவர்
தமிழ்நாட்டிலேயே வடக்கு பார்த்தபடி, தனிக் கோயில் கொண்டருளும் பைரவர் வீற்றிருக்கும் திருத்தலம் திருமயம் கோட்டையில் மட்டுமே உள்ளது. பல்லவர், முத்திரையர், சோழ வேந்தர்கள் திருப்பணி செய்து, வணங்கிய காவல் தெய்வமான இந்த கோட்டை பைரவருக்கு தேய்பிறை அஷ்டமியன்று புனுகு சாற்றி, சந்தனகாப்பு செய்து, நெய் தீபமேற்றி, மிளகு வடை நைவேத்தியம் வழிபட்டால் அரசன் போல அதிகாரம் கொண்ட வாழ்வு கிட்டும் என்பது ஐதீகம்.
News June 2, 2024
காங்கிரஸ் வாக்குறுதிகள் ஏற்கப்படவில்லையா?
மத்தியில் ஆட்சிக்கு வந்தால், ஏழைப் பெண்களுக்கு ஆண்டுக்கு ₹1 லட்சம், 30 லட்சம் இளைஞர்களுக்கு வேலை, மாதம் 10 கி. இலவச அரிசி, CAA சட்டம் ரத்து போன்ற பல அறிவிப்புகளை காங்கிரஸ் வெளியிட்டது. ஆனாலும், தேர்தலுக்கு பிந்தைய கருத்துக்கணிப்பு அந்தக் கட்சிக்கு சாதகமாக இல்லை. இதுகுறித்து கருத்து தெரிவித்துள்ள அரசியல் விமர்சகர்கள், காங்கிரஸில் பல மாற்றங்கள் செய்வதே அந்தக் கட்சிக்கு நல்லது என யோசனை கூறியுள்ளனர்.
News June 2, 2024
POK மீது அதிகாரம் செலுத்த முடியாது: பாகிஸ்தான் அரசு
பாக்., ஆக்கிரமிப்பு காஷ்மீர் மீது தங்களுக்கு அதிகாரம் இல்லை என்று அந்நாட்டு அரசு நீதிமன்றத்தில் தெரிவித்துள்ளது. காஷ்மீர் பத்திரிகையாளர் அகமது ஷா வழக்கில், பாக்., அட்டர்னி ஜெனரல் இந்த கருத்தை தெரிவித்தார். POK வெளிநாட்டுப் பகுதி என்றால், பாக்., ராணுவம் அங்கு என்ன செய்கிறது என்று நீதிபதி கயானி கேள்வி எழுப்பினார். பாஜக POK-வை மீட்போம் என்று கூறும் நிலையில், இந்த சம்பவம் முக்கியத்துவம் பெறுகிறது.
News June 2, 2024
இன்றைய முக்கியச் செய்திகள்
*மத்தியில் தொடர்ந்து 3ஆவது முறையாக பாஜக தலைமையிலான NDA கூட்டணி ஆட்சியமைக்கும்: தேர்தலுக்கு பிந்தைய கருத்துக்கணிப்பில் தகவல்
*தமிழகத்தில் 32-37 தொகுதிகளில் திமுக கூட்டணி வெற்றி பெறும் என கணிப்பு
*டெல்லியில் ஆம் ஆத்மி, மேற்கு வங்கத்தில் திரிணாமூல் காங்கிரஸ், ஆந்திராவில் ஒய்எஸ்ஆர் காங்கிரஸ் பின்னடைவை சந்திக்கும் என கணிப்பு
*உலகக் கோப்பை T20 கிரிக்கெட் திருவிழா இன்று கோலாகலமாக தொடங்கியது.
News June 2, 2024
Pre diabetes பிரச்னையை சரி செய்ய முடியும்
Pre diabetes எனப்படும் சர்க்கரை நோய்க்கு முந்தைய நிலையை, வாழ்வியல் மாற்றங்கள் மூலம் சரி செய்யலாம் என மருத்துவர்கள் தெரிவிக்கின்றனர். வாக்கிங், யோகா, ஜிம் பயிற்சிகள் போன்று ஏதேனும் ஒரு பயிற்சியை தினமும் 30 முதல் 45 நிமிடங்கள் செய்ய வேண்டும் எனவும், தூக்கம் முறையாக இருக்க வேண்டும் என்றும் அறிவுறுத்துகின்றனர். மேலும், பாலிஷ் செய்யாத முழுத் தானியங்களை உணவில் சேர்த்துக் கொள்ள பரிந்துரைக்கின்றனர்.
News June 2, 2024
உலகக் கோப்பை T20 கிரிக்கெட் திருவிழா இன்று தொடக்கம்
உலகக் கோப்பை T20 கிரிக்கெட் திருவிழா இன்று தொடங்குகிறது. முதல் போட்டியில், அமெரிக்கா – கனடா அணிகள் மோதுகின்றன. டல்லாஸ் மைதானத்தில் நடைபெறும் போட்டியில் டாஸ் வென்ற USA, முதலில் பந்துவீச்சை தேர்வு செய்துள்ளது. இதேபோல, இரவு 8 மணிக்கு நடைபெற உள்ள மற்றொரு போட்டியில் பப்புவா நியூ கினியா அணியை மே.இ.தீவுகள் எதிர்கொள்கிறது. ஜூன் 5ஆம் தேதி இந்தியா – அயர்லாந்து அணிகள் மோத உள்ளன.
News June 2, 2024
பாஜக நடவடிக்கைகளில் மக்கள் திருப்தி?
CAA சட்டம் அமல், காஷ்மீருக்கான சிறப்பு அந்தஸ்து ரத்து போன்ற பாஜக அரசின் நடவடிக்கைகளை எதிர்க்கட்சிகள் விமர்சித்தாலும், 3ஆவது முறையாக பாஜக ஆட்சி அமைக்கும் என கருத்துக்கணிப்பு முடிவுகள் வெளிவந்துள்ளன. இதேபோல, CBI, ED, ECI போன்ற அமைப்புகள் மூலம் மிரட்டப்படுவதாக எதிர்க்கட்சிகள் குற்றம்சாட்டி வரும் வேளையில், பாஜக அரசின் சில நடவடிக்கைகளை மக்கள் ஏற்றுக் கொள்வதாக சிலர் கருத்துகளை முன்வைத்துள்ளனர்.
Featured News
Sorry, no posts matched your criteria.