India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 4, 2024
தபால் வாக்குகளில் பாஜக முன்னிலை
காலை 8 மணி முதல் எண்ணப்பட்டு வரும் தபால் வாக்குகளில் பாஜக முன்னிலை வகிக்கிறது. முதல் 10 நிமிடங்களில் 102 தொகுதிகளில் பாஜகவும் 39 இடங்களில் காங்கிரசும் முன்னிலை வகிக்கின்றன. மற்ற கட்சிகள் 5 இடங்களில் முன்னிலை வகிக்கின்றன.
News June 4, 2024
தபால் வாக்குகளில் டி.ஆர்.பாலு முன்னிலை
தமிழகம் முழுவதும் மக்களவைத் தேர்தலுக்கான வாக்கு எண்ணிக்கை இன்று காலை 8 மணிக்கு தொடங்கியது. ஸ்ரீபெரும்புதூரில் முதல்கட்டமாக தபால் வாக்குகள் எண்ணப்பட்டு வரும் நிலையில், டி.ஆர்.பாலு முன்னிலை வகித்து வருகிறார். அதிமுக வேட்பாளர் பிரேம் குமார் 2ஆவது இடத்திலும், நாம் தமிழர், தமாகா வேட்பாளர்கள் அடுத்தடுத்த இடங்களிலும் உள்ளனர்.
News June 4, 2024
தமிழகத்தில் வெல்லப்போவது யார்?
மக்களவைத் தேர்தலுக்கான வாக்கு எண்ணிக்கை தொடங்கியது. முன்னதாக 2019 தேர்தலில் 38 தொகுதிகளில் திமுக கூட்டணி வெற்றி பெற்றது. கடந்த தேர்தலில் பாஜக, அதிமுக கூட்டணி அமைத்து போட்டியிட்ட போதும், 1 தொகுதியை மட்டுமே அக்கூட்டணி வென்றது. இந்நிலையில், இத்தேர்தலில் அதிமுக, பாஜக தனித்தனியாக களம் கண்டுள்ளன. இதனால், தமிழகத்தில் பூஜ்ய கணக்கை பாஜக மாற்றுமா? வெல்லப்போவது யார்? நீங்கள் என்ன நினைக்கிறீர்கள்?
News June 4, 2024
தபால் வாக்குகளில் திமுக முன்னிலை
தமிழகம் முழுவதும் மக்களவைத் தேர்தலுக்கான வாக்கு எண்ணிக்கை இன்று காலை 8 மணிக்கு தொடங்கியது. முதல்கட்டமாக தபால் வாக்குகள் எண்ணப்பட்டு வரும் நிலையில், திமுக பெரும்பாலான இடங்களில் முன்னிலை பெற்று வருகிறது. தென் சென்னை, மத்திய சென்னை, வட சென்னை, காஞ்சிபுரம், திருச்சி, மதுரை, தஞ்சை, பெரம்பலூர் உள்ளிட்ட பல இடங்களில் திமுக கூட்டணி முன்னிலையில் இருந்து வருகிறது.
News June 4, 2024
பாஜக தான் மீண்டும் ஆட்சிக்கு வரும்: நமிதா
இந்தியாவின் ஒட்டுமொத்த மக்களும் வாக்களித்தது மகிழ்ச்சியளிப்பதாக நடிகை நமிதா கூறியுள்ளார். புதுச்சேரியில் நிகழ்ச்சி ஒன்றில் கலந்து கொண்ட அவர், 2019இல் பாஜகவில் தான் சேர்ந்த போது தவறான முடிவு எடுத்துவிட்டதாக பலரும் தெரிவித்ததாகவும், ஆனால், தற்போது சரியான முடிவை எடுத்ததாக உறுதியாக நம்புவதாகவும் தெரிவித்தார். மேலும், பாஜக தான் மீண்டும் ஆட்சிக்கு வரும், வேறு வழியில்லை எனக் குறிப்பிட்டார்.
News June 4, 2024
ஒடிஷாவில் வாக்கு எண்ணிக்கை தொடங்கியது
ஒடிஷா சட்டமன்றத் தேர்தலில் பதிவான வாக்குகள் எண்ணும் பணி தொடங்கியுள்ளது. மொத்தம் உள்ள 147 தொகுதிகளுக்கு மே 13, 20, 25 மற்றும் ஜூன் 1 தேதிகளில் 4 கட்டங்களாக வாக்குப்பதிவு நடந்தது. நவீன் பட்நாயக்கின் பிஜு ஜனதா தளம், பாஜக இடையே கடும் போட்டி நிலவுகிறது. தொடர்ந்து 5 முறை வெற்றிபெற்ற நவீன் பட்நாயக் 6வது முறையாக வெற்றிக்கொடி நாட்டுவாரா? அல்லது VK பாண்டியன் விவகாரத்தை கையில் எடுத்த பாஜக வெற்றிபெறுமா?
News June 4, 2024
காலை 11 மணி முதல் முன்னணி நிலவரம்
மக்களவைத் தேர்தலுக்கான வாக்கு எண்ணிக்கை நாடு முழுவதும் காலை 8 மணிக்கு தொடங்குகிறது. காலை 11 மணி முதல் முன்னணி நிலவரங்கள் தெரியவரும். வாக்குகள் எண்ணப்படும் அறையில் 14 மேஜைகள் அமைக்கப்பட்டு, 19 – 24 சுற்றுகள் வரை வாக்குகள் எண்ணப்படும். ஒவ்வொரு சுற்று முடிந்ததும், வேட்பாளர்களுக்கு கிடைத்த வாக்குகள் எவ்வளவு என்பது அறிவிக்கப்படும். மத்தியில் ஆட்சியை பிடிப்பது யார் என்றும் இன்றே தெரிந்துவிடும்.
News June 4, 2024
கர்நாடகத்தில் காங்கிரஸ் 15 தொகுதிகளில் வெற்றி பெறும்
கர்நாடகத்தில் காங்கிரஸ் குறைந்தது 15 தொகுதிகளில் வெற்றி பெறும் என்று அம்மாநில முதல்வர் சித்தராமையா நம்பிக்கையுடன் தெரிவித்துள்ளார். தேர்தலுக்கு பிந்தைய கருத்துக்கணிப்பில் கர்நாடகத்தில் பாஜக 25 தொகுதிகளில் வெற்றி பெறும் என்று கூறப்பட்டதை முற்றிலுமாக நிராகரித்த அவர், சட்டமன்றத் தேர்தலில் மக்களின் பேராதரவுடன் பெற்ற வெற்றியை, மக்களவைத் தேர்தலிலும் தக்க வைப்போம் எனக் கூறினார்.
News June 4, 2024
வாகை சூடப்போவது யார்? (1/2)
இந்திய ஜனநாயகப் போரில் வெற்றி வாகை சூடப்படுவது யார் என்பதை ஒட்டுமொத்த உலகமும் ஆவலுடன் எதிர்பார்த்து காத்துக்கொண்டிருக்கிறது. என்.டி.ஏ., கூட்டணி சார்பில் மோடியும், INDIA கூட்டணியில் ராகுலும் (மறைமுகமாக) முன்னிலைப்படுத்தப்பட்டனர்.76 நாள்களில் குமரியில் தொடங்கி காஷ்மீர் வரையில் இருதரப்பும் தத்தமது படை, பரிவாரங்களுடன் சூறாவளி சுற்றுப்பயணம் செய்து, களத்தில் தேர்தல் பிரசாரங்கள் வழியே சமர் புரிந்தனர்.
News June 4, 2024
ஆந்திராவில் வாக்கு எண்ணிக்கை ஆரம்பம்
ஆந்திர சட்டமன்றத் தேர்தலில் பதிவான வாக்குகளை எண்ணும் பணி தொடங்கியுள்ளது. மொத்தம் உள்ள 175 தொகுதிகளுக்கு 13மே ஆம் தேதி ஒரே கட்டமாக வாக்குப்பதிவு நடந்தது. இதில், ஜெகன் மோகனின் YSR காங்., கட்சி தனித்தும், சந்திரபாபு நாயுடுவின் தெலுங்கு தேசமும்., பவன் கல்யாணின் ஜன சேனாவும் பாஜகவுடன் கூட்டணி அமைத்தும் போட்டியிட்டன. ஜெகன் ஆட்சியைத் தக்கவைத்துக்கொள்வாரா? அல்லது சந்திரபாபு ஆட்சியைக் கைப்பற்றுவாரா?.
Featured News
Sorry, no posts matched your criteria.